دورة خطواتي الواثقة لأصبح ربّة بيت متألّقة - الصفحة 74

حياتي كلها امل · 2016-10-30, 07:37

السلام عليكم وصبحكم الله بكل خير
يارب يسر لنا امورنا واعنا يارب على طاعتك وعلى فعل الخير وعلى امور الدنيا
اهلا ام متين وشراكي

ام متين · 2016-10-30, 07:48

ام ادم علاش هدا التشاؤم الانسان يكون بسيط ويسعى لتطوير كل جوانب حياتو على حسب قدرات المادية والمعنوية ويركز على الاولويات اولا مثلا الجانب الديني الانسان ما عندوش اعدار بالنسبة للصلاة لازم يقيمهاومن بعد تجي صلاة الضحى او ركعتين بعد المغرب يعني غير بالشوي
اما الجلباب انا ثاني لست متجلببة ونلبس عادي يعني غير بالشوية خطوة خطوة وان شاء الله توصلي لوين تحبي و ابواب الخير كثيرة ومتنوعةولك هدا المشروع
قراءة سورة الاخلاص 10مرات لا تاخد من وقتك 40 ثانية ويبني الله لك قصرا في الجنة ادا داومت على فراءتها 10مرات في اليوم لمدة سنة كاملة فانها تبني لك حوالي 365 قصرا في الجنة وفوائد اخرى
يكتب لك 1715500حسنة/عام=10مرات الاخلاص*365يوم*47حرف*10حسنات
تمحي1715500 سيئة
تحصل على اجر 1216 ختمة لان سورة الاخلاص 3مرات =ختمة
وتكون قد دكرت الله لمدة 40ثانية*365يوم =14600ثانية=4ساعات/عام
وتكون حفظت لسانك من الغيبة والنميمة لمدة 4ساعات /العام
وبامكانك قراءة هده السورة عند خروجك من المنزل وانت داهبة الى العمل وانت مسافرة وانت في المطبخ .....وبدلك يزداد عدد قصورك في الجنة وعدد الختمات

أريج13 · 2016-10-30, 08:21

اصبحنا و اصبح الملك لله رب العالمين،اللهم اني اسالك خير هذا اليوم ،فتحه و نصره ونوره وبركته و هداه،و اعوذ بك من شر ما فيه و شر ما بعده.....
السلام عليكن و رحمة الله و بركاته....صباحكن مشرق و سعيد يا فراشات المحبة و الخير ،
شكرا لك اختي ام متين جزاك الله خيرا.على ما كتبت ...امور بسيطة لا تاخذ وقتا ولا تتطلب جهدا ... تحفظ لك منزلة في الجنة .....
اللهم اغفر لنا ذنوبنا و اجعلنا من عبادك الصالحين آااااااااااااااامين يا رب العالمين...

حياتي كلها امل · 2016-10-30, 10:46

السلام عليكم الجانب الديني تم الجانب الجمالي تم
اليوم واشغال اليومية مع مسح الغبرة وتنضيف ارضية الصالون تنضيف عميق
والحمد لله

ام مريم الجزائرية · 2016-10-30, 14:16

السلام عليكم
كيف حالكن ؟؟
كنت عطلة هذي الايام
الجانب الديني عذر شرعي
الجانب الجمالي مهمل
الجانب التنظيفي اليوم غسلت الماعين فقط
بورك فيكن وفي مجهوداتكن ...
الى الملتقى ...
سلااااام ...

mariamalak · 2016-10-30, 17:38

السلام عليكم واش راكم فراشاتي كنت عند عجوزي هذا وين دخلت نجري نشوف وين وصلتو
كنت بعيدة لكن قلبي معاكم و توحشتكم
هيا قولولي كملتو الواجبات و لا مزال
الكوزينة
الكولوار و الدخلة
الخزانة
غدا سننطلق لركن ااخر من البيت
اللي عندها اقتراح تحطو واش تحبو نديرو

جهينة اليقين · 2016-10-30, 17:56

السلام عليكم كيف احوالكم ما كنتش ندخل كانت عندي ظروف وعلى بالي ما سقسيتوش علي كل يوم ندخل نشوف الجديد ما نصبرش الحالة راهي عيانة واش بيكم ماريا والله كلش راه عالق لو كان غير تخلي حتى للاسبوع المقبل هكذا نكملو كلش ونجو سوا سوا

ام هزار · 2016-10-30, 18:13

السلام عليكم و رحمة الله تهالعى و بركاته
باركولي راني تقريبا خلصت الكوزينة .. خدامة روطار بصح ما عليهش . حوال العاملات و ثاني راني مع التصحيح و ثاني درت بقلاة تاع ام وليد جات مقبولة في التوريق لكن بالنسبة لي انا الطريقة التقليدية احسن
جهينة على سلامتك . و ربي ييسر امورك
ام هاجر يا حجر الزاوية في الدورة ربي يباركلك في اوقاتك
ام صفصف و فيك بارك الله يا حلواجية
فراشات العمر شكرا على المؤازرة . ربي يبارك فيك
غزالة ام متين و كل الفراشات ربي يسدد خطاكم و يوفقكم ...........سلااااااااام

حياتي كلها امل · 2016-10-30, 18:20

اهلا ماريا ام هزار وجهينة وشراكم
انا الخزانة مزالت جيها غدا انكملها حبيت نشري سلل باه انديرهم فيهم حوايح بنتي الصغيرة تعرفو حوايج الصغار ميتسرجوش كامل

ام آدم · 2016-10-30, 19:27

السلام عليكن اخواتي
بارك الله فيك ام هزار وام متين على النصائح
انا لست متشائمة بل احب محاسبة نفسي من حين لآخر وكن اعتقد انكما على حق فالعمل عبادة والذكر اعظم عبادة وكما قالت ام شمسو ما لا يدرك كله لا يترك جله والكمال لله وحده سبحانه
اشكركن من كل قلبي يا احلى واصدق صيقات في العالم

omelbanin · 2016-10-30, 19:43

السلام عليكم،واش راكم توحشتكم ،راني كل يوم نسقسي ام هاجر عليكم،
انا التابلات مازال ماتخدمتش ،راني نكتب غير من عند زوجي.
بالنسبة للروتين الحمد لله راني محافظة عليه .
التنظيفات المطبخ،الدخلة ،تلخزانة ....تم .
وراني نحاول نحافظ على نظافة ما نظفته ،المطبخ بعدما نغسل لماعن تاع لعشا نجوز على الفايونس والثلاجة والفرن .
والخزانة ،كل يوم نراقب كاش تخريب من الاولاد .

ام شمسو محمد · 2016-10-30, 20:53

تطبيق تجملي لم يتم
الروتين الديني تم
روتينات التنظيف اليومية و الاسبوعية تم
خطوة في المشروع تم

ام شمسو محمد · 2016-10-30, 21:02

اقتباس:

المشاركة الأصلية كتبت بواسطة ام صفصف

حبيباتي سمحولي لم اقصد المعاتبة
لكن اشتقت لكن وما عرفتش نعبر ههه

ما اسااتيش التعبير امم صفصف عاتبي قد ما حبيتي لك العتبى حتى ترضاي
غيابك احدث فراغ ولبنات سقساو بتلميح او تصريح وحضورك يسعدنا اكيد

ام متين · 2016-10-31, 06:04

اصبحنا واصبح الملك لله والحمد لله
صباحكم طيب مبارك كيف احوالكم انا راني ما زلت في بيت اهلي يمكن حتى للغد باه نروح من جهة حابة نقعد ومن جهة نخمم نروح مع العيا نتاع الطريق وزيد الاولاد يرجعو للمدارس يرتبو امورهم المهم كيما كتبها ربي تكون

ام متين · 2016-10-31, 06:19

جهينة انا ثاني راني معاك الاسبوع هذا قريب يكمل وزيد مع العطلة تغيرت الامورالمهم نحاولو الي بقالها شغل عالق تكملو وربي يقدرنا ويعينا
اسيل راهي غايبة ان شاء الله المانع خير
ام هزار راكي ناشطة ما شاء الله
ام البنين عندك الحق المحافظة على ماتم انجاز يعد اكبر انجاز
ام هاجر انا ثاني حابة نشري سلات طوال وماشي عراض المرة الاخيرة لما خرجت ما صبتش الحجم الي نحوس عليه
ام ادم عين العقل لما كل وحدة فينا تحاسب نفسها قبل ما يحاسبها ربي وتصلح روحها بروحها قمة التفكير
ام شمسو ربي يبارك الجانب الجمالي صح حاجة تريح لكن واكيد ان الراحة تاتي بالجانب الديني اكثر ربي يكملك برجاحة عقلك