صفحة المشطوبين بعجز غير منسوب للخدمة

[sidali75]

المشاركة الأصلية كتبت بواسطة tarek_ctl

كاين واحد برك لي تقاس في هديك العملية و هو الاول لدار الاقتحام بمسدس المدخل كان ضيق بزاف مقدرش يدخل ب ak و لا mp5
طياح زوج بما فيهم عنت.. و تقاس في الدروج قبل ميطلع

بإذن الله هو لا مخفتش نغلط صح قالي كنت أنا و واحد و قالي كان عنتـ مخبي وراء الساك تع بوكس
المهم خلالي تيليفون وراحلي خليتو بطومبيل رونو جديدة كلنديستان و هو يسكن في وسط مدينة وصلني حتى دار نسيبنا و محبش يخلص حتى حلفتلو

[sidali75]

المشاركة الأصلية كتبت بواسطة bpm 96

مكانش واحد خدم فى الرمكة في ولاية غليزان

لا لا أخي مخدمتش تم و وين نسمع هذ الإسم الحمى تحكمني و نتعب منين نتفكر واش جرى للمساكين في ذيك الأرض لا حول ولا قوة إلا بالله الله يحفظ بلادنا و يقيها شر الفتن أمين

[tarek_ctl]

المشاركة الأصلية كتبت بواسطة sidali75

اسمحلي أخي الفاضل خليتك وحدك نادتلي الوالدة بصاح طولت عليك عذرا أخي مرة أخرى

السلام عليكم، ماشي مشكل صديقي الوالدة أولى هي الباركة مصدر الدعاء الصادق،

[tarek_ctl]

المشاركة الأصلية كتبت بواسطة bpm 96

مكانش واحد خدم فى الرمكة في ولاية غليزان

كنت في الرمكة نهار تم القصف بطائرات mig ؟

الرمكة و منداس ....الله أكبر

[tarek_ctl]

سيدعلي واش درت فيه اليوم ؟ كنت في البليدة ؟

[tarek_ctl]

مراد الوحش و رضا وين هربتوا ؟ هدي غيبة

[tarek_ctl]

الله المستعان ان شاء الله تكونوا بخير و الغياب يكون فيه خير

[tarek_ctl]

المشاركة الأصلية كتبت بواسطة sidali75

بإذن الله هو لا مخفتش نغلط صح قالي كنت أنا و واحد و قالي كان عنتـ مخبي وراء الساك تع بوكس
المهم خلالي تيليفون وراحلي خليتو بطومبيل رونو جديدة كلنديستان و هو يسكن في وسط مدينة وصلني حتى دار نسيبنا و محبش يخلص حتى حلفتلو

على حساب الموصفات يكون هو

[sidali75]

المشاركة الأصلية كتبت بواسطة tarek_ctl

سيدعلي واش درت فيه اليوم ؟ كنت في البليدة ؟

السلام عليكم أخي طارق مروحتش كي نصحتني ههه

[tarek_ctl]

المشاركة الأصلية كتبت بواسطة sidali75

السلام عليكم أخي طارق مروحتش كي نصحتني ههه

أنا راني حاب نعرف شحال النسبة لعطوهالك في المحضر الاول،
عندك نسخة من محضر اللجنة الجهوية للخبرة الطبية لي خرجت بيه ؟

[tarek_ctl]

يا سيدعلي من له نسبة 50% غير منسوبة للخدمة في محضر اللجنة الجهوية تصبح 10% منسوبة للخدمة بصفة شبه آلية

[sidali75]

المشاركة الأصلية كتبت بواسطة tarek_ctl

أنا راني حاب نعرف شحال النسبة لعطوهالك في المحضر الاول،
عندك نسخة من محضر اللجنة الجهوية للخبرة الطبية لي خرجت بيه ؟

إيه عندي مدوهالي بعدما جريت من bio تع بني مـــ بصاح ما فيهاش النسبة فيها شكون هم أعضاء اللجنة و اكتاه اجتمعوا و سبب التسريح وهو بعجز غير منسوب للخدمة هذا ماكان

مع العلم أني ريحت في عين النعجة شهر دخلت في ديسمبر 1998 و خرجت في جانفي 1999 وقالي بروفيسور تم راح نبعث معاك برية للعيادة تاعكم باش يسرحوك واش رايك قلتلو معليه و في ذاك العام 1999 جا التسريح ديالي

[tarek_ctl]

المشاركة الأصلية كتبت بواسطة sidali75

إيه عندي مدوهالي بعدما جريت من bio تع بني مـــ بصاح ما فيهاش النسبة فيها شكون هم أعضاء اللجنة و اكتاه اجتمعوا و سبب التسريح وهو بعجز غير منسوب للخدمة هذا ماكان

مع العلم أني ريحت في عين النعجة شهر دخلت في ديسمبر 1998 و خرجت في جانفي 1999 وقالي بروفيسور تم راح نبعث معاك برية للعيادة تاعكم باش يسرحوك واش رايك قلتلو معليه و في ذاك العام 1999 جا التسريح ديالي

انت راك تهدر بالك على محضر اللجنة الجهوية لإعفاء ؟ أنا أتكلم عن محضر اللجنة الجهوية للخبرة الطبية. تأكد في الوثائق التي بحوزتك

[tarek_ctl]

في التقرير الطبي الذي سلم لك في عين النعجة كم كانت النسبة التي أعطاها الطبيب المعالج ؟
أنا لا أتكلم عن شهادة الفحص الممضات من طرف العقيد كواشي سليم رئيس المصلحة بل الممضات من طرف الطبيب المعالج في أغلب الاحيان يكون مستخدم مدني

[sidali75]

المشاركة الأصلية كتبت بواسطة tarek_ctl

في التقرير الطبي الذي سلم لك في عين النعجة كم كانت النسبة التي أعطاها الطبيب المعالج ؟
أنا لا أتكلم عن شهادة الفحص الممضات من طرف العقيد كواشي سليم رئيس المصلحة بل الممضات من طرف الطبيب المعالج في أغلب الاحيان يكون مستخدم مدني

صحيح أنا أتكلم عن لجنة الإعفاء و عند خروجي من المستشفى لم أتلقى شهادة الفحص و لكن و عند تكويني للملف التسوية توجهت لعين النعجة و هناك أعطاوني ^pv و فيه أن المرض أصبت به في 1998 و ليس وراثي و حالتي الصحية ممثل الكلى القلب العيون كلها سليمة وهذا طبيعي ما دام المرض جديد ؟؟؟