الجزء 181 لكوزينتنا المنورة بالأحباب وأشهى الأطباق - الصفحة 73

zokhrofa · 2017-09-15, 22:13

سلام صحا عشاتكم

اهلا بليسان الحمد لله لاباس

حياة معليش اختي تنساك الموت ماشي على هاذي لي يزعف الواحد

رانا خواتات و لي في قلبها الحقد ربي يبعدها علينا

فطوري كان مسفوف و عشايا راح يكون لوبيا ان شاء الله

أمنية غفران · 2017-09-15, 22:19

زخرفة امالا تعشو روطار و لا كيفاه

انا مع العائلة العشاء بالوقت كاين كبار في السن يتعشو على السبعة لازم ما نفوتولهمش الوقت سينو يغضبو شغل دراري صغار هههههههههههه و من بعد عشانا دوزيام عائلة بين الثمانية و نص حتى لتسعة كي يدخلو الرجال

ليلة سعيدة

zokhrofa · 2017-09-15, 22:31

ههههههههههههههههههه امينة ضحكتيني

انا عشا بناتي على 6 او 7

اما انا و زوجي حتى نجوعو باش نتعشاو ماشي كل يوم نفس التوقيت

يعني مرات نوصلو حتى 00 تاع الليل ههههههههههههه و مرات على 9 هذا هو بكري كامل في عشانا يعني مور العيشا

مرات قلالالالالالالالالالالالالالال وين نتعشاو قبل العيشا

أم فاطمه · 2017-09-15, 23:00

السلام عليكم لبنات
اهلا بي رجوعك امينة موفقة حبيبتي بصحتك شربة العدس والفريت ممممممم. وديك الفكهة نعمة
امينة انا لمبسس نخدمو بي السميد المتوسط والزبدة ونقطعوه مربعات او مقروطات و نقليوه ثم نعسلوه حنا نسموه المحرف
اتمنى اختي كي تخدمي الشرمولة تاع الزيتون توريلنا الطريقة اما الكيك انا شريت مول تاع الكيك وخرجلي يحرق وسيبته معليش نطيبه في المول الدائري

سحابة مشاء الله ركي قايمة بي الواجب ختك تحب قلب اللوز مووووووة. بصحتك. شكرا على وصفة العصير شربوه كامل الله يعطيك الصحة عزيزتي

بيان وين راكي حبيبتي طلي علينا توحتك وشتقت لي اطباقك الرائعة

حياة لعميرة كيراها امورتك مع الدراسة بصحتك خبزة الشحمة مافهمتش خبز عادي وتعمرو فيه الشحمة ولا كفاش

طيف مربا اهلا وسهلا بيك اختي في الكزينة

زخرفة نستي ام فاطمة الله يسامحك قلبي كبير يا احلى زخرفة مبروك القنات الجديدة بي التوفيق رني دخلتلها
نسان. ملاك فلور تبارك الله عليكم و ام حمزة لزبال نهال. طيور الجنان ام هدول. توبة رزيقة الحلوة احبكم كلكم

تصبحو على خير والى الملتقى

zokhrofa · 2017-09-15, 23:27

اهليييييييين ام فاطمة و الله ما نسيتك فقط زلة من يدي ربي يسامحني

انا دايما نتبع كاش خبر من عند وليدك هههههههههههههههه نخطف منو

على فكرة كنت صغيرة كنت عمبالي حتى النساء يقدرو يديرو مهنة جزار و كنت نتمنى نديرها ههههههههه لكن كي كبرت عرفت الحقيقة و صدمت هههههههه

ابني نور عيني · 2017-09-16, 07:10

صباح النور غالياتي

منورين الكوزينة ماشاء الله سلامي ليكم كامل كل واحدة باسمها واطايبها
راكو كامل تستمتعو بالويكند مع الاطفال واكيد تمتعوهم باشهى الاطباق ربي يحفظ دوك اليدين و يعمر دياركم بالخير والخمير

أم يوسف2 · 2017-09-16, 07:14

صباح الخير حبوباتي

أم فاطمه · 2017-09-16, 09:57

السلام عليكم لبنات. عساكم بخيراهلا بي نور عينيلكي بمثل مادعوتي لاهل الكزينة اتمنى تستفدي ونستافدو منك عزيزتي

اميوسف صباح الخير وربح كانش طياب ليوم انا بقا تلي لحريرة درتها البارح مع لبروشات في العشاء وحبا نزيد عليها قغتان والحمد الله نعمة الله يدمها علينا.

*توبــــة* · 2017-09-16, 10:10

صباح الخيرات حبيييباتي
لييييزاتي يا العزيزة ادخلي طمنينا على انس حبوووبي ربي يشفيه ويحفظهولك هو وخاوتو يااااارب
ملووووكة يا احلى ماما ولوووو ليك وحشة كبيييرة يا gمييييييييييل كلو الا زعلك..
تعجبيني كي تطلبي الوصفة وتزيدي تدللي خخخخخخخخ انا نطلبها ونسكت هوما اكيد يفهمو رواحهم لازم بالتفصيل
ميمتي فلوووور والله ديمار راكي في بالي ونسيتك هذاك النهار ينساك الهم .. انا تاني صدقيني نفرح كي نشوفك معانا
سحووووبة كلش يشهي الخبز الشربة وخاصة داك الغراتان مع معمر فرامييييييج اممممممممممم ياعيني
حيووووووتي العميرة تسلميلي على الوصفات يا غالية .. مي سلطة الخضر شهاتني موووت والله من لبارح وهي في خاطري
ويعطيك الصحة على تطبيقك الرائع ده أحلى من الاصلي كمان خخخخخخخخ
طيف الامل نورتينا حنووووووونة ان شاء الله تستفادي معانا.. الحلويات راااااائعة ربي يهني خوك زواج الدهر يااارب
ام رحووووووووووبة نموت على البربوشة بالرقبة امممممممممممم بصحتكم ميمتي
بيلسان بصحتكم الشخشوووخة حبيبتي.. قوليلي ماديروش ف المرقة الخضرة غير اللحم والحمص؟؟؟ احنا الخضر لازم تكون حاضرة
امنيتي الحمد لله كي رجعتيلنا نورتينا بوجودك وروائعك الشهية كل طبق ينسيك ف لاخر ماشاء الله تبارك الرحمن
حقا احنا تاني نتعشاو بكري نصليو المغرب نتعشاو خخخخخخخخ
ام فاطمة حبيبتي ديتي عطلة لبارح ههههههههه بصحتك واطايبك روعة كالعادة ماشاء الله
زخرفة شوووفي انتي ملا تسحري مش تتعشاي خخخخخخخ بيناتنا انا تاني تالمو نتعشى بكري دي فوا تلحق 10 ولا 11 نجوع

انا مازالني في فترة نقاهة مالبزت ماطيبت.. غير حبيبات مادلان درتهم لبارح طارو في ساعتهم
ضرك نحمل الصور

*توبــــة* · 2017-09-16, 10:19

المادلان نحبوووو مي ليه ليه يخلاص وانا نحب الحاجة اللي تقعد على الاقل يومين خخخخخخخخ
باش نريح من التلباز
المهم جاو بنييين يهبل وخويا الصغير قالي خير من تاع برا

أستغفر الله الذي لا إله إلا هو الحي القيوم وأتوب إليه

أم فاطمه · 2017-09-16, 10:42

السلام عليكي توبة واش راكي حنونتي المضلين خرجلك روعة كما قالك خوك من الحسن كي نطيبو الحاجة في البيت نفرحو بيها
احبابنا ومن جهة اخرى راحنا نتعلمو خير من تاع الحانوت بصحتكم انا رني نخدم في عصير البرتقال واليمون كنت مخبياته
في المجمد وللقهوة رني نويا ندير المضلين. غرت منك ههههههههههههههه طريقتي بقلي قريب 26_سنة ونا معتمدتو جميع لي دقو طلب مني الوصفة تحياتي

أم يوسف2 · 2017-09-16, 10:52

ماكاش منها مارانيش مصدقة عينيا ابني نور عيني واخيرا دخلتي توحششتك وشراه موح
ام فاطمة وشراكي اليوم غسلت الكوزينة ورايحة نقلي السردين مع شلاظة
توبةزخرفة حياة والبقية سلام امبعد ان شاء الله نتلاقاو نروح نرقد الصغيور

ابني نور عيني · 2017-09-16, 11:04

اقتباس:

المشاركة الأصلية كتبت بواسطة أم يوسف2

ماكاش منها مارانيش مصدقة عينيا ابني نور عيني واخيرا دخلتي توحششتك وشراه موح
ام فاطمة وشراكي اليوم غسلت الكوزينة ورايحة نقلي السردين مع شلاظة
توبةزخرفة حياة والبقية سلام امبعد ان شاء الله نتلاقاو نروح نرقد الصغيور

اهلا بيك يا العزيزة و الله فرحتلك من قلبي كي زيدتي الف مبروك يتربى في عزك ان شاء الله و بصحتو الطهارة لعقوبة لعرسو راكي درتي كيفي ختنتلو في شهرين و ريحت برالي بلخف ومابكالي ماوالو الحمد لله ويوسف واش راه يادرا كيفاش مع خوه الصغير

أم يوسف2 · 2017-09-16, 13:35

حبيبتي ام محمد شكرا اختي ايه ختنتو الحمدلله وتهنيت ويوسف كان نورمال ميي بصح دوكا كي بدا خوه يكبر ولا يغير منو مسكين ام فاطمة من فضلك وصفة المادلان لي معتمدتها

انا هي رزيقة · 2017-09-16, 13:38

السلام عليكم.... نهاركم برباحكم و 100 نعجة في مراحكم... كيف حوالكم فحلاتي الطيبات ان شاء الله بالف خير يا رب ... كنت نقارع في جرنان توبتي باه ندخل هكذا اكون معفاة من كتابة جرنان .......خخخخخخخخ تسلميلي يا احلى اسووووم و طهورا ان شاء الله ربي يشافيك من كل سقم فيك عزيزتي ماتخافيش حنونة انماامره ان يقول للشيئ كن فيكون ...... و يا مامي و مدرتي في بنات الجلفة بكسرتك الزينة يا فحلتي الشاوية لي اولهم انا طبعا ...... خخخخخ بنت خالتي حياة يا لهوي على تطبيقك زنبي في رقبتك يا ام مهدي .... و الله خرجتولي قلبي يا بنات الجلفة من تطبيق الغالية ام رحاب لوصفة ام حمزة البابيشة امو دعوات لي تشرح النفس و الخاطر ... مالقيت وين نهرب ....... خخخخخ تسلم اياديكم يا الفحلات و يحفظكم لعائلاتكم و ولادكم يا رب ....
ليزاتي العسولة الف سلامات على انووس يا عمري طمنينا عليه حبيبتي .... وربي يشافي كل اولادكم يا بنات و يحميهم من كل شر امين يا رب العالمين
ايه من خلال المراجعة الخفوفي عرفت برجوع الحبيبات فلور و ام العبد الف حمدا لله على سلامتكن عزيزتي و الله كنت دايما في شوق لتعليقاتكن الطيبة و صدقوني حتى و بدون صور فانك مشاركة كل وحدة فيكم تشكل اضافة جد مفيدة لهذ اللمة الطيبة فشكرا حبيباتي ..... فكرتوني في وحدة العضوة كانت ثاني تشارك بدون صور بصح تعليقاتها جد مفيدة هي نعنوعة ربي يذكرها بالف خير... حيوتة بنت خالتي راكي شافية عليها نورمالمون ....
اختي امنية غفران حمدا لله على رجوعك القوي تسلميلي يا فحلتي الطيبة و الله عائلة زوجك محظوظين بك فعلا بصح مزال معلابالهمش برك ........ خخخخخخ
ام جوجو الفحلة غايبة عسى المانع خير يا رب ...... مولات الخيمة راكي فوووور تع الصح ...... و الله دون مجاملة حنونتي كوزينتك من اروع الكوزينات لي شاركت فيهم .... سمعت بلي راكي دايرة حالة بعصير العنب يعطيك الصحة يا كريمة يا بنت الكرام ........ خخخخخخخ و ربي يديمها عليك و علينا نعمة يا رب
وقيلا حبيبتي بيان ثاني راهي غايبة عسى المانع خير ان شاء الله .... اختي يبان وين راكي ياخي اليوم عطلة .....خخخخ
اختي ام فاطمة قريت بلي عندك وصفة للمادلين عمرها 26 سنة... يا لهوي هذي عمرها طويلة تع الصح ....خخخخخ اكيد وصفة ناجحة بكل المقاييس مذابيك تفيدينا بها .....
حبيباتي زخرفة ام يوسف ابني نور عيني ام البوغوص ....خخخخخ الوافدة الجديدة طيف البابيشة ام حمزة الطيوية و الله تدخلي القلب من ابوابه الواسعة ......اختي الغالية ام رحاب حقا بصحتكم الطعام بالرقبة ياي سخفتيني يا ام رحاب ...... خخخخخ نهولة صديقتي العزيزة راني ذكرتك يا مصيبة ...... خخخخ حقا وحد نهار حطيتي وحد الشخشوخة ياي تع الصح ... و الله شهاتني موووت مشاءالله عليك شكون تاني يا ربي بليسان المشهورة ببيسو نهاركن مبارك و سعيد و ربي يحفظكم على الاطايب الجميلة و التعليقات الزينة و يديمكها عليكم و علينا نعمة يا رب
و اسمحولي نذكرفي الاخير الدلوعة المشاكسة ملوكة الغالية .... ما هذا النيولوك يا عزيزتي راني نشوف خرجت عليك الامومة فور يا ملوكة ماشاء الله و تبارك الرحمان عليك حبيبتي و الله اطايبك تسر العين و الخاطر دون اي مجاملة حنونة ... نيالو ملاكي بيك و كل عائلته الكريمة كيما تقول توبتي ..... و عندك الحق تتدلل يا مدلل مدام النتيجة بهذا الجمال ....... خخخخخخ متغيروش منها يالبنات هذي مشاكسة المنتدى و الله طيوبة تستاهل كل خير