الجزء 178 من كوزينة احلى رفقه كوزينة الاطايب للطيبات

[ابني نور عيني]

المشاركة الأصلية كتبت بواسطة cilia

امين حبيبة ربي يحفظك و يفرح قلبك يارب وتشوفي محمد باعلى المراتب و يكون من الصالحين ان شاء الله

الله يفرحك حنونة و شكرا على كلامك الجميل

[أم يوسف2]

صباح الخير نتمنى تكونوا بخير
قولوا لام هدول اليوم نهارها معايا وين لقيتي الدلاع قولي انطقي استناي حتى تدخلي

[nihal159]

صباح الخير على حراير المنتدى واش راكم حبيباتي ان شاء الله تكونو كامل بخير.
نبدا بحاجة حلوة و ربي يحلي ايامنا، صورة من الأرشيف لحلوة الفلسطينية للأخت اسمهان درتها في مول المعمول، و باقي الصور هي تطبيقات الويكاند.


كسرة مطلوع، المطلوب احضار اللهلوبة الى القاعدة لتقييم المطلوع باعتبارها امبراطورة المعجنات بدون منازع هههههه

تطيقي للعصير السحري لالهام اللهلوبة

تطبيقي لبطاطا كوشة لالهام اللهلوبة

[ام هدول]

صباح الخير لبنات .........خفت ندخل ..الغاشي قاع في الكو زينة ..يتحلف فيا...ههههههههههههههه

[ام هدول]

المشاركة الأصلية كتبت بواسطة nihal159

صباح الخير على حراير المنتدى واش راكم حبيباتي ان شاء الله تكونو كامل بخير.
نبدا بحاجة حلوة و ربي يحلي ايامنا، صورة من الأرشيف لحلوة الفلسطينية للأخت اسمهان درتها في مول المعمول، و باقي الصور هي تطبيقات الويكاند.


كسرة مطلوع، المطلوب احضار اللهلوبة الى القاعدة لتقييم المطلوع باعتبارها امبراطورة المعجنات بدون منازع هههههه

تطيقي للعصير السحري لالهام اللهلوبة

تطبيقي لبطاطا كوشة لالهام اللهلوبة

بصحتك التطيقات الناجحة ...كلش متحوف ويشهي سلمت يداك

[ام هدول]

لبنات لي شهتهم في الدلاع اسمحولي شهتكم في الجنة ان شالله ...راني في الصحرة ...راهو وجد الكلو ب10الاف...وحلو علكيف ...سمحولي مرة اخرى ...
غدايا بواقي لعدس والبربوشة تع البارح ...

[ام احمدي]

السلام عليكم
يعطاكم الصحة بالوحدة
حنونة نهال ممكن رابط بطاطا كوشة وتطبيقاتك هاااايلة

[omhadil]

صباحكم سعيد وكلو هناء وعودة موفقة لجميع الولاد
ام هدول منورة اختى بصحتكم البواقى
ومتخافيش راكى مسامحة هههه بصحتكم
نهال تطبيقات روعة واكيد وصفات اللهلوبة
ناجحين
ام احمدى صباحك سعيد اختى
سلاامى لاجميع

[أم يوسف2]

وشراكم فطور ليوم جلبانة بالقرنون واكيد شلاظة

[البدرية]

السلام عليكم ورحمة الله وبركاته


جزاكم الله خيرا أخواتي على ماتقدمونه لنا في هذا القسم اللهم بارك على أطيابكم كلها تشهي كل واحدة باسمها

أختي حياة من فضلك لقد أحضرت من الريف كمية كبيرة من الحلحال ممكن تفيديني في كيفية استعماله

يعني نستعمل الأزهار البنفسجية فقط ونرمي الأوراق الخضراء ؟ وكيف نرحيه من فضلك
ممكن نرحيه في الروبو تا ع الكوكاو أم كيف أعتذر على ازعاجك جزاك الله خيرا

[وردة الرمال43]

[size="5"]صباح الخير حبيباتي واش احوالكم ان شاء الله بخير
علابالي طولت الغيبة راني طليت ايامات بصح ماشي كيما من قبل راني كنت عطلة اديت 15 يوم سمانة تاع الشتا وسمانة تاع الربيع والله الحمد لله رتحت شوية بدلت الجو والله رحمة ربي راني من ي دخلت فسبتمبر بعد عرسي ماخرجتش بغض النظر على بعض ليامات شوية ملادي وشوية ثلج وشوية الله غالب كي مانقدرش كنت عيانة بزاف مع خدمتنا صعيبة سيرتو في آخر العام ياويلي وشوية وحم ودرك والله نحمد ربي 4444444444444444
ام هدول ايه راني مازلت شوية حتى 15 ماي ويدخل شهري ان شاء الله
ام يوسف ري يسهلك ان شاء الله ويسترك انت والصغير
ابني نور عيني بيلسان حيوتة نهال رزيقة ان شاء الله تكونو بخير ام عبيدة ان شاء الله تعودي بالسلامة ولي نسيت اسمها تسمحلي [/size]

[cilia]

صباح الخير عليكم واش راكم لباس
انا راني في الخدمة و ساعة على ساعة نطل عليكم

[وردة الرمال43]

ام عبيدة الحمد لله على رجوعك
سيليا آسيا27 إلهام 07 القبائلية أم صفصف توبة أم رويدة أم رحاب أم هديل أم نور الهدى أم جوجو ..... تحية عطرة مني ومشكورين على وصفاتكم وردودكم

[حياة نور الدين]

السلام عليكن

توحشتكم يا المصيبات خخخ اعدروني راكم تعرفوا المسؤولية اليوم كانت اللفاكسان تع مهدودي

ام عبيدة يعطيك البصحة على وصفة الديول

ام يوسف اهلااا كاش اوجاااع خخخ ربي يسهلك

سيليا الله يبارك راكي قايمة بالكوزينة وضحكت على الدلاع وباباك وام هدول

نهال تطبيقاتك روووعة يعطيك الصحة حبيبتي

ام هدول هههه الدنيا كامل جرات موراك تستاهلي هههه انت تشهي فينا

ام هديل بصحنك التبيخة وراكي منورة الكوزينة

ام احمدي اهلاا حبيبتي ولك وحشة واش راكي كاش تطبيقات
تفضلي رابط اللي طلبتبه من نهال

https://www.djelfa.info/vb/showthread.php?t=2053342

[وردة الرمال43]

المشاركة الأصلية كتبت بواسطة cilia

صباح الخير عليكم واش راكم لباس
انا راني في الخدمة و ساعة على ساعة نطل عليكم

ربي يعينك فالخدمة حتى انا راني خدامة والخدمة مكانش هههههههههههههههه