الجزء 171 من واش طيبتي اليوم�� كوزينة اللمة والمحبة والبساطة �� - الصفحة 73

ام هدول · 2016-10-26, 22:38

خامسا ....كي تبرد غطيها بطرشونة ...وحطيهافي كيس بلاستكي والى المجمد وكل مرة تحتاجي اجبدي الكمية لي حابة تشخشخيها رايحة تلقاها كانو الان وين طيبتها وهكدا حتى تكمل اثنا ءعملية التشخشيخ تقردي دير وتحطي في المجمد وتكملي تشخشخي حتى تتلمك كمية لاباس بيها ...
زمان كنا في العايلة نديرو بكميات كبيرة ونتعاونو ..في تحضيرها وتشخشخها ودرك كي وحدي ..ندير بالشوية ...حتى نعمر شكارة تع 10كيلو ..راني قريب نكملها ان شالله

هي طريقة تقليدية كيما تعلمتها ....تدي الوقت لكن النتيجة رائعة انتضروني كي نطيبها بالمرق واللحم
ان شالله نكون شرحت مليح

ام هدول · 2016-10-26, 22:57

اقتباس:

المشاركة الأصلية كتبت بواسطة ام هدول

الاخوات لي سقساوني على طريقة الشخشوخة ....صورة التفاصيل المملة ...هاي ليكم اتفضلو معايا بسم الله
اولا ....تبلي السميد يكون من النوعية الجيدة فقط بالملح والما عاد ي تتحصلي على عجينة ماتكون ش طيرية بزاف لانو رايحة تطرى بالعجن ....تغطيها بكيس بلاستكي او ورق شفاف ..وتخليها ترتاح على قد ماترتاح تجيك ساهلة في العجن انا نبلها في الليل ونعجنها الصباح

اقتباس:

المشاركة الأصلية كتبت بواسطة ام هدول

ثانيا ....ععند العجن ماتقطعيش لعجينة ديالك ...تدلكي بلاما تقطعيها .....منبعد تعملي حربوش..وتقطعي كرات بنفس الحجم

اقتباس:

المشاركة الأصلية كتبت بواسطة ام هدول

ثالتا ...تحطي كرات العجين داخل كيس بلاستيكي باش ماتنشفش العجينة وتبداي تطرحي بالوحدة وتحطي في قطعة قماش ةتغطيها حتى تكملي جميع الكراتملاحضة تطرحها رقيقة

اقتباس:

المشاركة الأصلية كتبت بواسطة ام هدول

رابعا ....كي تكملي تطرحها تسخني الطجين تاعك ... وتبداي طيبي فيها لكن غير تجمد برك ..من الجهتين مانتسايش تننقبيها ..باش ماتنفخش وديرلك لقشور وكل خبزة طيب تقصها ارباع وكي تكملي غطيها بقطعة قماش وخليها تبرد ...

اقتباس:

المشاركة الأصلية كتبت بواسطة ام هدول

خامسا ....كي تبرد غطيها بطرشونة ...وحطيهافي كيس بلاستكي والى المجمد وكل مرة تحتاجي اجبدي الكمية لي حابة تشخشخيها رايحة تلقاها كانو الان وين طيبتها وهكدا حتى تكمل اثنا ءعملية التشخشيخ تقردي دير وتحطي في المجمد وتكملي تشخشخي حتى تتلمك كمية لاباس بيها ...
زمان كنا في العايلة نديرو بكميات كبيرة ونتعاونو ..في تحضيرها وتشخشخها ودرك كي وحدي ..ندير بالشوية ...حتى نعمر شكارة تع 10كيلو ..راني قريب نكملها ان شالله

هي طريقة تقليدية كيما تعلمتها ....تدي الوقت لكن النتيجة رائعة انتضروني كي نطيبها بالمرق واللحم

ان شالله نكون شرحت مليح

نتمنى تكونو فهمتوني

RIMA.87 · 2016-10-27, 01:35

اقتباس:

المشاركة الأصلية كتبت بواسطة ام هدول

نتمنى تكونو فهمتوني

السلام عليكم ،فهمناك اختي ام هدول و جزاك اللّٰه خيرا و جعل هذا الجهد في ميزان حسناتك و ربي يوفق بناتك و يجعلهم من الصالحات و تفرحي بيهم و جميع بنات المسلمين،
و بعد اذنك راني نقلت الشرح على الصور و درت ارقام هكدا حتى يسهل للاخوات الاحتفاظ بالوصفة و الرجوع اليها وقت الحاجة و يدعولك ان يرزقك الله من خيري الدنيا و الآخرة.

سبحانك اللهم و بحمدك اشهد ان لا اله الا انت استغفرك و اتوب اليك

um alaa · 2016-10-27, 06:22

صباح معطر بالفل و الياسمين

omjoujou · 2016-10-27, 06:57

السلام عليكم ورحمة الله وبركاته
صباح الخيرات والمسرات حبيباتي
مزااال مراجعتش دخلت ديراكت لصفحة الاخيرة نحطلكم تطبيقي تاع لي بينيي لزنوبة هذوين كملتهم راهم سخونين باه تشربوا قهوة بيهم

نروح نوض ولادي و نغسللهم ونفطرهم ونروح نحطهم يقراو وانا نروح ندير la rééducation اكيد ميكفينيش الوقت ندير لغدا يعني غدايا من برا
كي ندخل امبعد ندخل نراجع وش فاتني بعقلي
اتهالاو في ارواحكم
سلامي ليكم كاااامل كل وحدة باسمها
يوم موفق للجميع
سلاااااااااااام

oum ibrahim · 2016-10-27, 07:44

صباحكم هناء وفل وسعادة
مازال ماراجعت والو دخلت مباشرة للصفحة الاخيرة لقييت البارح الشاف ام يسرى وام جوجو عجبهم حمصي ههههه ياااااااي هذا مايجي والو قدام طيابكم الراقي يا فنانات تفضلو واسفة على التاخير
حمص على طريقتي
نشمخ الحمص قبل بوقت ساعتين او اكثر ام ممكن ليلة من قبل
من بعد نبدلو الماء ونديرو في كوكوت مع كمية من الملح وقرصة خميرة الحلوى ونخليه يطيب ممكن ساعة الى ساعة وربع
نفتح عليه ونضيفلو ثوم رابي وكمون وشوية فلفل اسود وطماطم مصبرة ومغرف هريسة او فلفل احمر حلو مرحي ونذوق الملح اذا خص نزيدلو وشوية زيت عادي ونعاود نغلق عليه ونخليه ربع ساعة على نار متوسطة حتى تخثار المرقة ونفتح عليه ونقدمو مع حبة فلفل حلو مشوي ومقطع وطماطم مقطعة صغير وهريسة وزيت زيتون وممكن بصل مقطع للي يحبو والف صحة وهنا

Simassim · 2016-10-27, 07:54

السلام عليكم ورحمة الله. نهاركم موفق ان شاء الله

بارك الله فيكم على الأطايب لي تحطوهم. كل شي هايل من روائع زينوبة تبارك الله. يشهيييييو حت مقرونة وروعة لمحاجب ام آلاء ودجاجة محمرة و وغاراتان تاع توبة ونحيييك على الجريدة لي تكتبها. ربي يبارك لك في وقتك. ههه
ليزا عسلاية. ربي يقدرك عل التربية وعل كل ام. تجاهد يوميا
تفكرت شخشوخة ام هدول. من نرحل جبهتكم راني نجي ندوقوها.
ام نسرين وعشاها البسيط. مااحلاها البساطة وربي يعينك عل الخدمة والدار. وكل امراه عاملة.

أأنا مارانيش نلحق. الرد كتبت البارح. ومافاتش عاودت اليوم صباح نسيت كلشي. اسمحولي.

ساجدة. ضحكتني على الصوت الحلو رانا في ألهوا سوا. الصوت راح من العياط عل الصغار. وبوسلي الصغار حت نتواصلو لهيه

مولات الكوزينة. راني دخلت بلاطاياسمحلي. السنافر راهم عطلة مقابليني فالدار
نروح. نشوفهم. ولاشغالي. فطوري تالف من البارح نحوس عليه مازال ماتلاقيتوش

تحياتي. لكل عضوة تخلي بصمة فهدا الركن.

ام هدول · 2016-10-27, 07:55

صباح الخير عليكم ......يومكن موفق عزيزاتي
شكرا الف شكر ..اختي ريمة .. على نقل الصور والشرح بارك الله فيك وجزاكي الله خيرا ..ودعوة في ضهر الغيب تكفيني
شكرا على فطور الصباح او الاء ام جوجو ....ام براهيم احلى صباح

ام أمينة · 2016-10-27, 07:58

صباح الخير يا فحلات وشراكم لاباس دخلت لقيت لفطور تاع ام alaa بصحتك حبيبتي
ام جوجو يعطيك الصحة تطبيق روعة ندي باه نفطر مزال مفطرتش راني في لفراش وشراكي حنونة رتحتي شوي ربي يشفيك ويعفيك وخليك لولادك يارب العالمين
ام برهوم صباحك حب وسعادة
وشراكي حنونة مع الحمل ربي يرزقك واش متمنية يارب العالمين
لبنات كامل يعطيكم الصحة حطيتو خير وخمير مشاء الله
لي يدخلو ورأي نقلهم صباح الخير

ام أمينة · 2016-10-27, 08:02

اهلين وسهلين بلحبيبة سمسومتي وشراكي حنونة وشراهم ولدك زوجك إن شاء الله تكوني بخير عندك مدى مبنتيش وقيلا نسيتينا
انا دبري رأسك نحب نشوف طبسي ولادك راكي تسمعي
ام هدولة صباح الخير وشراكي حنونة لا بأس
نروح نفطر ونبد اشغلي

Simassim · 2016-10-27, 08:13

ام امينة والله توحشتكم. لكن الدنيا ومشاغلها ومشاكلها. تفكرت. ادا أمكن. منبعد نبعتلك رسالة. نحتاجك فموضوع. درك راني روطار. الحرب نايضة. تصاور مارجعتش نلحق معاهم. من مرة عل مرة. يوسف. يصور هداك هو ندخل نحط

omhadil · 2016-10-27, 08:15

صباح الخيرات والمسرات من البارح وانا نحاول ندخل للمنتدى الكونكيسيو مكاش
الله يبارك راكن عمرتو الصفحات بالخيرات
تسلم الايادى ويعطيكم الف صحة

حياة نور الدين · 2016-10-27, 08:17

صباح الاىنوار حبيباتي مقبيل وانا نحمل في القهوة المركز محبش يرضى عليا نزيد

ام جوجو يعطكيك الصحة على ليبينيي حنونة وربي يشفيك تروحي وترجعي بخير لوكان راكي قريبة فطورك عندي

ام ابراهيم اهلاا حبيبتي ويعطيك الصحة على الوصفة

ام الاء صباح الانوار حنونة واش راكي ويعطيك الصحة

كوكا اهلا اهلااا ميفاش راكي ووليظاتك لاباس

ام هدول صباح النور ويعطيك الصحة حبيبتي على الوةصفة ومادابيك ديريها موةضوع باش منتروحش بين الصفحات وتبقى مرجع ربي يحفظ بناتك ويزهيبهم كما زهيتي الكوزينة بدخلتك

سماسم صباح النور حنونة وادخلي نورمال تسجيل حضورك اكبر طبق وساجدة راه فرحاااانة بك بزااااف ربي يدةم المحبة حبيبتي

حياة نور الدين · 2016-10-27, 08:19

صباح النور ام هديل حنونة

دعاء بنتي تقولكم صباح النور
تفضلوا القهوة

جازيا ام البنات · 2016-10-27, 08:19