الجزء 141 من واش طيبتي اليوم؟.؟؟؟؟؟ - الصفحة 73

ام سارة18 · 2015-09-01, 08:45

صباحكن سعيد وان شاء الله هاذ الشهر نسمعوا اخبار مفرحة
ام ياسين عيد ميلاد سعيد لولدك عقبال تشوفيه عريس
ام اسلام بصحتك الغريبية
دايمة الحمد ربي يعاونك
ام سهيل ربي يرحم قريبتك ويوسع عليها صح الدار بلا ام ديما تقعد ديما شينة
قمر مبروك لاخوك وعقبال الذرية الصالحة ان شاء الله
وحلويات روعة
انت
انا فطوري قراتان بطاطا وكوطلات مع الدخول المدرسي بدينا نديرو سبور مع القراية و الكوزينة

ام سراج وملاك · 2015-09-01, 08:46

قمورة على سلامتك اختي مبروك على خوك ربي يهنيه مالا ثاني زوج مع خويا في نفس نهار ربي يهنيهم يارب القطوات تحفة ربي يبارك يعطيك الصحة
ام سهيل عظم الله اجركم ربي يرحمها ويثبتها عند السؤال
ام ياسو كل عام وابنك بالف خير فكرتني ليوم 1 سبتمبر عيد ميلاد اختي لكبيرة ضك نعيطلها باش تقول تفكرتني و5 سبتمبر بنتي كحلوشتي تقفل عامين حتى انا زايدة في اواخر سبتمبر
رجاء الاماني كتلتني بالضحك كلمة شاف كبيرة عليا فكرتني بوحدة كي كنت عضوة مميزة في ضيف تحت المجهر دخلت وقالتلي شاف كبير في الطبخ راني غير نتعلم من عندكم والله بكري كنت نكتب في لكرارس ونشري الكتب ضك والو وين نزيد نزيد نتعلم منكم كامل وفي الكوزينة هاذي تعلمت كثر لي نسقسيها متبخلنيش بحتى وصفة او نصيحة ربي يدومها محبة بيناتنا
اماني مكان حتى مشكل اذا مفهمتيش حاجة قوليلي باش نشوفو طبخك وصور نتاع حلوياتك
لي نسيتها تسمحلي برك مزال مفطنتش مليح
فضيلة ام وابنة دائمة الحمد ام جوجو ام اسلام ام فاطيمة ام سارة صباح الخير عليكم يوم موفق للجميع

قمر 77 · 2015-09-01, 08:47

ام اسلامور بي يهديهم انا درك رجع ما يقبلش القراية اقتليه و ما تقوليلوش اقرا و رجع حاسب في روحو راجل ما كاش اللي يهدر معاه صعابلي بزاف ربي يهديهم
هههههههه دائرة المعارف مشكل ابدي

fadila34 · 2015-09-01, 08:48

رني لقيت وشندير لغدا ام اسلام جابلي الحوت ونزيد الفريت ونقلى فلفل عرب والحمد لله على نعمته

أم أماني وعبدو · 2015-09-01, 08:48

صباح الخير والفرح والسرورعودة ميمونة لكل الاساتذة وربي يجعلو عام خير ونجاح لاولادنا . ام سهيل عظم الله اجركم في مرت لوسك ربي يجعل مثواها الجنة ويجعل قبرها روضة من رياض الجنة ويصبر اهلها ووليداتها. ام ياسين عيد ميلاد سعيد لوليدك كل عام وهو بالف خير والعقوبة100سنة ربي يكبرو في طاعتو ويجعلو بار بوالديه

قمر 77 · 2015-09-01, 08:51

ام سراج شفتي القلوب عند بعضاها
ام سارة شكرا
زوجي ناض سلامو

oum islem · 2015-09-01, 08:52

اقتباس:

المشاركة الأصلية كتبت بواسطة fadila34

ثم لقتين نخمم ام اسلام نكمل الشغل من ثم رني نخمم لمباعد انا شاء الله ربي يوفقكم جميعا

انا قررت مطلوع بطلب من الحكومة ونشوف واش نزيد على حساب رجلي والالم

اقتباس:

المشاركة الأصلية كتبت بواسطة ام سراج وملاك

[

صبحك الله بكل خير يا الغالية
امين يارب العالمين

اقتباس:

المشاركة الأصلية كتبت بواسطة ام سارة18

صباحكن سعيد وان شاء الله هاذ الشهر نسمعوا اخبار مفرحة
ام ياسين عيد ميلاد سعيد لولدك عقبال تشوفيه عريس
ام اسلام بصحتك الغريبية
دايمة الحمد ربي يعاونك
ام سهيل ربي يرحم قريبتك ويوسع عليها صح الدار بلا ام ديما تقعد ديما شينة
قمر مبروك لاخوك وعقبال الذرية الصالحة ان شاء الله
وحلويات روعة
انت
انا فطوري قراتان بطاطا وكوطلات مع الدخول المدرسي بدينا نديرو سبور مع القراية و الكوزينة

صباح الخير ام سارة بالتوفيق وبصحتكم القراتان ولي كوتلات والسبور

ام ياسين عيد سعيد لوليدك ربي يكبرو في طاعة الرحمن وينجحو ويصلحو

الى لقاء قريب بنات
نشوف اشغالي ربي يعين الجميع

أم فاطيمة · 2015-09-01, 08:54

ام اسلام غير سايسيه هذ الجيل اذا عصبتي عليه هذاط وين يزيد هو شجعيه بالهدايا ربي يهديه
قمورة ليك وحشة بصحتكم واش درتو لخوك عقبال لعمارت الدار
فضيلة بصحتك الحوت انا ناوية على البيتزا انشاء الله
ام سراج كي صبحتي عيد سعيد لبنتك حتى انا زايدة في اواخر سبتمبر ربي يكبرنا على طاعتو
ام اماني و عبدو صباح النور

أم أماني وعبدو · 2015-09-01, 09:00

اقتباس:

المشاركة الأصلية كتبت بواسطة أم فاطيمة

ام اسلام غير سايسيه هذ الجيل اذا عصبتي عليه هذاط وين يزيد هو شجعيه بالهدايا ربي يهديه
قمورة ليك وحشة بصحتكم واش درتو لخوك عقبال لعمارت الدار
فضيلة بصحتك الحوت انا ناوية على البيتزا انشاء الله
ام سراج كي صبحتيعيد سعيد لبنتك حتى انا زايدة في اواخر سبتمبر ربي يكبرنا على ناعتو
ام اماني و عبدو صباح النور

الله يصبحك بانوار النبي حنونة

أم أماني وعبدو · 2015-09-01, 09:02

غدايا اليوم لوبيا ماشتو بالدجاج وسلاطة ومطلوع والحمدو لله على النعمة

oum islem · 2015-09-01, 09:04

وهدو خبيزات ليزا نحطهم قبل ما يمسحهم وليدي
ما ياقبلوش صور الاكل في طابلاتهم

ام فاطمة صدقيني راه في بحبوحة العيش ومش مقدر التعب ومانظنش كاينة حاجة ناقصتو الله يهديهم

فضيلة بصحتكم الحوت
ام فاطمة بصحتكم البيتزا نديرها باذن للعشا
ام اماني وعبدو صباح الخيرات
هيا سلام بنات

أم فاطيمة · 2015-09-01, 09:11

ام اماني يعطيك الصحة على الدعوة الجميلة و لك بالمثل و بصحتك اللوبيا ربي يدوم النعم
ام اسلام يعطيك الصحة اكلك يفتح النفس كلش يشهي
و سمحيلي اختي هذاك لقلاش الزايد هو لي يضيع لولاد لازم تشوفي الحاجة لي
يحبها و عاقبيه بيها يعني تحكميه من يده لي توجعه و راقبي اصدقاءه
في بعض الاحيان الاصدقاء يأثرو على بعصهم ربي يهديهم

ام عبدو و ملاك · 2015-09-01, 09:13

صباح الخير يا وجوه الخير اليوم راني رايحة نقضي حوايج ناقصيني و ندي الاولاد لعشية للبحر ادا ما دخلتش سللامي للجميع و بوسة لكامل اللي يدخلو ورايا

زهرة الريف* · 2015-09-01, 09:51

سلام كبيييييييييييييييير ليكم كامل توحشتكم كل وحدة باسمها
عودة ميمونة كلها نجاح وحيوية للطلبة والأساتذة وربي يوفق الجميع
كنت فاكونس رجعت عندي يومين إن شاءالله تكونو جميعا بخير راني نراجع بالشوي
أم إسلام مبروك الكوزينة ربي يجعلها فال خير ليك ولينا وتشوفي فيها الشفا وأنت وجميع مرضى المسلمين يارب وفرج على الجميع
قمر وأم سراج وأم ماجد وكل وحدة جاز عندها فرح الف مبروك وبالهنا والذرية الصالحة
أم سهيل عضم الله اجركم وربي يرحمها ويثبتها ويصبر أهلها إن لله وإن إليه راجعون
ليزا ربي يخلف عليك بالخير والصحة راهي كنز والخدمة ماتخلاصش راهي نتيجة العمر كيما تقولها جدة
أم ياسين وساجدة وأم سيراج وكل مواليد هذا الشهر كل عام وانتم بخير وسعادة وعمر طويل كله صحة ونجاح ورضا الرحمن
الوافدات الجدد بارك الله فيكم ومتشرفة بيكم ويعطيكم الصحة
أم وابنة والرجاء الأماني والأخت وداد أم أحمد وقمر والمازة وأم محمد ودائمة الحمد ودائمة الشكر وأم رحاب وأم سهام وأم ماجد وعزوفة وأم فاطيمة وأم طيري الجنة واسمهان وزينب83 ربي يرجعها بخير وسماح وآسيا وحنان وفايزة وIdrono وطير الرحمة ووهيبة ورحمة وأرزاق واوريسا وعقروبة وفضيلة ووووووووهذاماحضرني القائمة طويلة ربي يبارك فيكم أخواتي ليكم وحشة كامل
راكم في بالي كامل ولي نسيتها تذكرني وحقها على راسي

زهرة الريف* · 2015-09-01, 09:56

أم إسلام الغالية لي عودة بالباروك ذرك راه عندي شغالات ربي يوفقنا جميع
غدايا بإذن الله الشباتي التونسي
صح غداكم كاااااااااااااااااامل