الى ام اسيد1 وكل وحدة حاصلة واش الطيب - الصفحة 73

rymsirine · 2014-11-17, 08:30

السلام عليكم ورحمة الله وبركاته. صباح الخير,انا عضوة جديدة البارحة فقط رايت هذه الصفحة وعندما دخلتها وجدتكم عاالة رااعة فاخدت اقرا الصفحات حتى قراتها تقريبا كلها فزاد اعجابي وحبي لكم وفي كل صفحة يزيد احترامي واعجابي بام حمزة22 فانت حقا انسانة معطااة ووصفاتك رااعةوارجو ان اكون فردا من هته العاالة لاستفيد وافيد ان شاا الله وفي الاخير تحياتي لام حمزة22 وام اسيد1 وروح مراد وام سهيل وام هديل وكورونو ...واسفة لمن نسيت اسمها. وانا في انتضار طبقك اليوم يا اخت ام حمزة22

روح مراد · 2014-11-17, 08:35

صباح الخير يا وجوه الخير
و الله من كثرة ما نحبكم نومكوم في الليل
صدفات شكرا على الورد الرجعلهولك في الفرح إن شاء الله
عزيزاتي الأخريات كل واحدة باسمها و كل واحدة تسقسي عليا نقوللها إيسقسي عليك الخيير و الربح و السعادة
اللي عندها مريض ربي يشفيه، اللي عندها أشغال ربي يعاونها و يعطيها الصحة
و المشجعات كي بحالي ربي يقويهم على المنتدى و على هذه الصفحة باش الشاطرات يدو شهرة عالمية

روح مراد · 2014-11-17, 08:39

يا مرحبا نور المنتدى بالضيفة الجديدة (ضيفة جات يديها فارغين مانحطولكش القهوة هاهاهاهاهاه)
مرحبا بك يا أختي العائلة نتاعنا ما فيهاش تحديد النسل اللي جات نتبناوها عادي الدار واسعة و الخير كاين
إن شاء الله رايحة تستفادي من الأخوات و تعودي عضو منتج ماشي مستهلك كي بحالي

صدفات · 2014-11-17, 10:31

صباحكم سعيد يا بنات
ربي يعاونكم و الجدد مرحبا بهم المنتدى يساع من الحبايب ألف ألف

rymsirine · 2014-11-17, 11:37

شكرا روح مراد والقهوة ما انحبهاش ههههه والله غالب مجيتش بيديا فارغين بصح منعرفش انحط الصور ,جبتلكم غميقة شخشوخة تاكلي صباعك وراها

ام هاديل وياسين · 2014-11-17, 11:55

صباح الخير على كل الاخوات وكل لسالت على بنتي ودعاتلها نقولها امين وربي يحفضكم ويخليكم
ام حمزة اللهم امين و بارك الله في وقتك والمشكل لزال على حاله روح مراد يحبك الذي احببتنا فيه ونويلك الي في بالك ويفرحك عاجلا غير اجلا امين
صدفات شكرا على الرد معليش اختي في ما بعد..ام سهيل الله يحفضك الاخت الجديدة مرحبا بيكي هنا
اليوم فطورك عند ام حمزة حتى انا راني كيفك منعرفش نحط تصاور نضل نحزر في الاولاد مرة يساعفوني ومرات يهربو ههههه
كرنو ان شاء الله راكي بخير راني طبقت قوارب البذنجان جا هايل عندي سؤال لهاداك الزعتر كفاش لقتيه خضر

الا راكي غرساتو قوليلي طريقتك خرجت على الموضوع نحب نغرس اي نبات الله يوفق الجميع وصحى فطوركم

*أم جابر* · 2014-11-17, 12:00

اقتباس:

المشاركة الأصلية كتبت بواسطة rymsirine

شكرا روح مراد والقهوة ما انحبهاش ههههه والله غالب مجيتش بيديا فارغين بصح منعرفش انحط الصور ,جبتلكم غميقة شخشوخة تاكلي صباعك وراها

السلام عليكم اختي مرحبا بك معنا انشاء الله تفيدي و تستفاد

ام هاديل وياسين · 2014-11-17, 12:07

اهلا ام اسيد اسمحيلي نسيت ماذكرتكش بارك الله فيكي راكي قايمة بالحالة واطباقك رائعة
وخاصة المقارون عجبني بزاف بتوفيق اختي

ام حمزة22 · 2014-11-17, 12:24

سلام
صباحكم سعيد ويومكم اسعد
اهلين بيك ريم شرفتي موضوعي وسرني وجودك والدار دارك

روح مراد الموضوع بلا مشجعيه ما عندو حتى قيمة انتم هم الصح لولاكم ما كانت عندي الشجاعة نكمل الشوار

صباحك اسعد صدفات انت تان ربي يعاونك ويقدرق

ام حمزة22 · 2014-11-17, 12:28

ام هديل قلبي معاك حبيبتي كوني صبورة وربي يكون معاك

ام حمزة22 · 2014-11-17, 12:32

ام سوهيل الكريمة نتاعي ساهلة مهلة وهي نخدم creme anglaise ثم نضيفها لزبدة مع الخفق جيك ساهلة وما تقهمش (نقطة فوق القاف )

*أم جابر* · 2014-11-17, 12:33

اقتباس:

المشاركة الأصلية كتبت بواسطة om hadil

اهلا ام اسيد اسمحيلي نسيت ماذكرتكش بارك الله فيكي راكي قايمة بالحالة واطباقك رائعة

وخاصة المقارون عجبني بزاف بتوفيق اختي

السلام عليكم اختي راكي مسامحة لنشاء راكم ملاح وهديل ربي يشفيها ما تقلقيش اللي خلق ما يضيع

روح مراد · 2014-11-17, 12:39

سلام يا جميلات
إن شاء الله تكونو لاباس يكثر خيرك يا مولات شخشوخة

ام حمزة22 · 2014-11-17, 12:46

طبق اليوم هو ضولمة كرومبيط فالكوشة
طريقتي في تحضير هاد الطبق هي فالاول ننزع قلب الكرومبيط ونحطو في قدر ونخليه يغلي غلية ونطفي عليه هاد الطريقة راح تسهل عليك نزع اوراق الكرومبيط على بعضها بدون ما تتقطع
بعد ماغلينة الىوراق ننزع قلب الورقة
ادا كانت كبيرة نقطعها على نصفين ونحط فيها كمية الخبيط المتكون من لحم مرحي وبصل ومعدنوس وبيضة وملح وفلفل اكحل وقرفة ونضيف كدالك القليل من اوراق الكرومبيط راح يزكيي الحشو
نغلق حبة الضولمة مثل البوراك
اما عن الصوس نضع في قدر بصل وزيت وملح وفلفل اكحل وقرفة ونخليه يتقلة بعد ما يتقل نضيف الكرومبيط المحشي ثم نمرق ونخليه يطيب من جهة اخرة نحضر البيشاميل
نستف حبات الكرومبيط في سنية ونضيفلها البيشاميل ثم الجبن ونحطها تتحمر غير من الاعلى
[

ان شاء الله يعجبكم طبق اليوم راني ضفت معاه سلطة الكرومبيط بالثوم وفلفل اكحل و فينيقرات

rymsirine · 2014-11-17, 13:03

تعطيك الصحة ام حمزة اويجعلهالك في ميزان حسناتك.وهدا الطبق انا متعودة انديرو بصح ماشي كيما تاعك اظهرلي طريقتك خير ان شاء الله انجربو وانردلك الخبر.شكرا لك>