اصبحنا واصبح الملك لله وحده لاشريك له
كيفكم حبيباتي
راني راجعت بسرعة كبيرة لان عندي اشغال
حبيبتي ام ابراهيم ياجارتي العزيزة اذا تقصدينا انا كنت مع الرسائل والحمد لله جاوبت كل الاخوات فقط الاخت مسعودي خولة صندوقها معمر ضرك نحطلها الجواب هنا واذا راهي تشوفي فيا نقولها فرغي الصندوق واسمحلي طولت عليك
جارتي العزيزة راني شفت اطباقك وحلويات توووووووووب خاصة المنقوشة يالهوي تهوس وراني صورتلك سوبر كريم من بعد نحطهالك ياغالية
ام تاج بصحتكم الكسكس وشربة الخضار وتشكيلة المقالي كنت سالتني على العشا كي قولتي عملت كسكس في الغدا سخفت اممممم عملت للعشاء لكن مرقة بيضاء رووووعة تقولشي نتاع الاعراس من بعد نحطلك تذوقي خخخخ
ليزابيل نفس طريقتي في الفرميسال وكي تحمصي نص تجي امممممم انا كي نحطلها الصوص ندخلها للفرن امممم غير جربيها ياليدي خفيفة وبنينة
اسمهان الحمد لله على سلامة زوجك والحمد لله كي رجع للدار وسط العائلة
اختي مسعودي خولة اسمحلي راح نحط لجواب هنا نخاف ننسى مرة اخرى
اهلا غاليتي
اسفة اسفة على التاخير
البسبوسة التركية هي نفسها لي تجي بالياؤورت الطبيعي وراني عاودتها هدا الاسبوع وصورت المراحل لان الكثير طلبها مني واليوم ان شاء الله نحطها
شربة فرميسال هي نفسها الجاري الاحرش نتاع قسنطينة فقط تغيري اللحم المرحي بصدر الدجاج
تعملي مرقة بيضا بالدجاج عادي
من جهة ترحي صدر الدجاج تنليه ثوم ملح فلفل اسود معدنوس تكوريه وتضفيه للمرق في الاخير ارمي كمية من الفرميسال
بالنسبة للخشخاش من الاحسن الصور لكن راح نحاول نفهم
بعد ماتقطعي شريط طويل حطي الزيت تسخن على نار قليلة اليد اليسرى تشد الشريط نتاع العجينة واليمنى فيها ملعقة كبيرة
نحط جزء من الشريط وبالملعقة نحط فوقه الزيت من بعد نقلب ونكمل ونخليهليه يتحمر ونقطره ونعسله
بالنسبة للكريب عندي عدة وصفات هذي واحدة منهم رووووعة
3بيضات 3م ك سكر 3م ك زيت 250 مل حليب 250مل ماء 250 غ فرينة
نخلط كل شي في الميكسور من الاحسن نخليها ترتاح شوية من بعد نطيبهم
اسمحلي مرة اخرى حبيبتي طولت عليك
اذا دخلت قولولها تفرغ صندوق الرسائل
تحياتي للحاضرات وللملتحقات
( تقرير عن مشاركة سيئة )، و الموجودة أسفل كل مشاركة .
2015-02-16, 08:42
العرض العادي
