|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
حمزة المجتهد مستعد للاجابة على استفساراتكم ~ الى التميز ~ متجدّد ~
 |
|
|
أدوات الموضوع | انواع عرض الموضوع |
2015-02-20, 21:44
|
رقم المشاركة : 1081 | |||||
|
اقتباس:
وعليكم السلام ورحمة الله تعالى وبركاته مرحبا صديقتي كيف الحال؟؟ https://www.3rbz.com/uploads/92dd69b7f6f01.jpgارجوكي اعذريني لتأخري في الاجابة ...لخطراه الكونيكسيو راحتلي ...هذا وين جات ...اسمحيلي ياسر... بالنسبة للالة الحاسبة ..كنت استخدم الة حاسبة عادية وعلمية ...هاذوك الالات لضرك ولاو بالالوان ...تني استخدمي اي الة ليسونسيال تكون تمشي مليح..واشري هاذوك تع ليبيل الكبار باه تقدري تبدليهم بسهولة... وبالنسبة للمنحنيات لا ادري بالضبط اين تكمن مشكلتك في رسمها ...حديلي وش من وحدة او اعطيني كاش سؤال مثلا ونعاونك فيه.. اما عن كيفية تحديد نقطة التكافؤ من المنحنى ...مالقيتش موقع نوظحلك فيه مليح الطريقة..مالا درتهالك على شكل صور ان شاء الله تفهمي عليا ... مثلا يطلب منك تحديد احداثيات نقطة التكافؤ ويعطيك هذا المنحنى  لازم اول شئ ترسمي مماسي نقطتي الانعطاف ...ولازم يكونوا متوازيين.. https://www.3rbz.com/uploads/29c8affdb3d13.jpghttps://www.3rbz.com/uploads/cbc85a3350d32.jpg  الخطوة الثانية ارسمي مستقيم عمودي على المماسين كما في الشكل  الخطوة الثالثة قومي بتحديد منتصف القطعة الواصلة بين المماسين ...وارسمي المستقيم المنصف لها ...المستقيم المنصف اوصليه الى المنحنى ....وحددي نقطة تقاطعه مع المنحنى https://www.3rbz.com/uploads/754cae0bd1794.jpg الخطوة الرابعة ....اسقطي هاذيك النقطة على المعلم..واحداثياتها هي احداثيات نقطة التكافؤ...  https://www.3rbz.com/uploads/729c3abfa40a5.jpg في هذا المثال هي ....(Vb=20/PH=8.6)
واي سؤال اخر انا مستعدة للخدمة...موفقة ان شاء الله...
|
|||||
|
|
2015-02-20, 21:59
|
رقم المشاركة : 1082 | ||||
|
اقتباس:
اهلا صديقتي كيف الحال ؟؟ هههه لا مشكلة ابدا هبليني كيما تحبي باسكو انا ديجا مبهولة تع الصح ... بالنسبة لمعدلي تع الباك كان 14.25....يعني كنت نطمح الاكبر بصح كلشي بالمكتوب ...والحمد لله على كل حال ... بالنسبة لتخصصي الحالي هو ربة بيت ..وهذا الاخير متفرع لعدة تخصصات منها تنظيفلوجيا وطبخلوجيا ...وتسياقلوجيا ههههه والله هاذي هي حالتي حاليا ...بويسك زعما كي نجحت كان من خياراتي ندير المدرسة العليا للبيوتكنولوجيا لصناعة الادوية بقسنطينة....وكي طاحتلي ...رحت ثما سمانة ومن بعد ماحملتش الغربة مع البعد قررت ندير تحويل بيولوجي في بسكرة ونظرا لان اوان التحويل قد فات لازم نستنا حتان العام جاي ان شاء الله ...يعني وليت كيفي كيما ليراهم ضرك معاودين ....ماعنتها راه كلشي بالمكتوب وكل واحد لازم يرضى وخلاص بواش كتبلو سبحانه... مممم في هذا الوقت ماكنتش مكملة كلش لانو حقيقة التلميذ مهما قرا مايقدرش يكمل كلش ....بالنسبة المواد العلمية كنت فاهمة الدروس كامل ....بصح تبقى المشكلة تع عدد التمارين الممكن حلها ...انا حليت ياسر تمارين ..ومع ذلك كاين تمارين ماقدرتش نشوفهم بسبب ضيق الوقت ..اما الحفظ كنت نعتمد على حل البكالوريات والدروس نفهمهما ونديرلها ملخصات ومخططات ...و الحفظ كنت نحفظ وننسى ..على هاذيك خفت ياسر من اني مانقدرش نجاوب في الباك بصح الحمد لله كان ساهل وتع فهم اكثر من حفظ... وش كنت ناااكل ؟؟ ننصحك ماتراعيليش انا ....بويسك تقريبا كنت ماناكلش خلاص ..الفطور مانفطرش ..الغدا ناكل مغرف ونوض والعشا كيفيكيف ماعلاباليش يمكن السبب كان نفسي ..هذا اثر على صحتي ياسر ...تخيلي الفصل الاول كامل كنت مريضة وماعقبتش الاختبارات ...وحتى الفصول الاخرى كنت ساعة على ساعة نمرض وفي الباك ثاني كيفكيف مرضت في امتحان الفيزياء والفلسفة ...مالا حبيبتي ننصحك بالاكل كولي مليح اشكال واصناف الطعام ...وخاصة الاطعمة المفيدة تع الخضروات واللحوم ....وكي يقرب الباك كثري من المشروبات الباردة ....عندك تغلطي غلطة اختك المهبولة... ساعات النوم ..كنت نرقد على 12 ونوض على 7 ...صافي 7 سوايع نرقدهم ...وجامي نضت باه نقرا الصباح بكري ...بصح ننصحك اذا كنتي تقدري تنوضي راح يكون احسن مي في الليل لازم ترقدي شوي بكري..... وماكان حتى ازعاج حبيبتي ...استفسري على اي حاجة راني مستعدة للاجابة بالتوفيق ان شاء الله.... |
||||
|
|
|
2015-02-20, 22:11
|
رقم المشاركة : 1083 | |||
|
سلام الله عليكم أخية |
|||
|
|
|
2015-02-20, 23:06
|
رقم المشاركة : 1084 | |||
|
يا خاوتي راني حاصلة في الحفاضة تاع الشخصيات .......كاشما نصائح |
|||
|
|
|
2015-02-21, 09:40
|
رقم المشاركة : 1085 | ||||
|
اقتباس:
اهلا اختي خديجة ما تتقلقيش عندك الوقت حاولي فهم و استعاب ما قامت به كل شخصية و اي منصب شعلت و من اي بلد و راكي ديتي النقطة الكاملة ما من داع لحفظ تاريخ الازدياد و الوفات و اسم الاب و الجد هههه لا عليك كل شيء سهل باذن الله و بقدرة القادر سلام |
||||
|
|
|
2015-02-21, 11:02
|
رقم المشاركة : 1086 | ||||
|
اقتباس:
السلام عليكم غاليتي اسيل .... حبيبتي اعذريني لتاخري في الاجابة ..الكونيكسيو راها هبلتني ... والله بلا مزية حبوبتي اهلا بأسئلتكم دائما ....المهم تنجحوا ان شاء الله وباذن الله .. لا داعي ابدا للقلق والخوف والاحباط لان هذه الامور ستجعلك تفشلين ولا تستطيعين مواصلة الدارسة .... حبيبتي اعلمي اولا ان امتحان البكالوريا امتحان عادي ككل الامتحانات بل اسهل بكثير فلا تضعيه في الاعتبار اذا ... ثانيا النقاط التي تاخذينها في الفروض والاختبارات لا تعبر عن مستواك ابدا ...اول شئ قلتي الفرض فيه اربعة تمارين هاذي بعد حاجة غريبة ..خطراه نتوما تع باك نورمالمون على الاكثر يديرولكم تمرينين ...باه تقدرو تختبروا رواحكم مليح ...وتاكدي راهم الاساتذة ديما يحاولوا يصعبو على التلميذ باه في الاخير يلقا الباك ساهل ...كيما استاذنا تع العلوم كان يديرلنا الورقة كحلة من شدة اكتظاظ الاسئلة ويقوللنا ضرك تلقاوها كحلة باه في الباك تجيكم بيضاء .....صافي ماتخليش هذي الامتحانات تثبطك .. قلتيلي راكم ضرك في فترة اختبارات ...حبيبتي نتي وعلاه راكي تقراي ؟؟يخي باه تنجحي في الباك وبمعدل مليح ...يعني هاذي الاختبارات ماتهمكش نتيجتها ...اوكي .ضركا لازمتلك اول حاجة حدي مجموعة من المواد باه تقرايها ..والمواد الاخرى انسيها وكانها ماكانش خلاص ...الخطوة الثانية في هاذو المواد بعد حدي الوحدات لي حابة تقرايهم ..يعني رايحة تقراي جزء من قرايتك ..نعطيك مثال ..مثلا قررتي تقراي العلوم والادب والفيزياء والانجليزية...المواد الاخرى انسايها ...ومن بعد رايحة تقراي علوم مثلا عندك 4 وحدات ...خيري برك زوج واقرايهم مليح وحلي عليهم تمارين ...لانو كي تقراي جزء وتفهميه مليييح احسن بالف مرة من انك تقراي كلش ونتي مش فاهمة والو ....ان شاء الله تكون فكرتي واصلاتك...وكي تكملي مثلا زوج وحدات تع علوم ..وتفهميهم مليح وتلقاي عندك وقت زيدي وحدة اخرى وهكا ...وبالنسبة للمواد ثاني كي تقراي المواد لي حددتيهم زيدي المواد الباقية اذا كفاك الوقت اذا ماكفاكش الله غالب ماتقتليش روحك حبيبتي ... وماذابيك مادام راكي في فترة اختبارات اعطي الاولية للمواد لرايحين تعقبوهم اللولين ..والمواد العلمية ماذابيك تقرايها قبل الادبية باه ماتعاوديش تراجعيها في اخر لحظة ... نتمنى تكون هاذي النصائح فاداتك ....واي استفسار اخر انا في الخدمة حبيبتي ..برك نقولك ونعاود ماتخافيش ...واقراي بالشوية ..وماتنسايش اوقات الراحة لخطراه كي تكوني تعبانة وتقراي ماكانش حتى فائدة . بالتوفيق غاليتي ...ثقي بالله ثم بنفسك وتفائلي خيرا ...سلام الزينة ... |
||||
|
|
|
2015-02-21, 11:37
|
رقم المشاركة : 1087 | ||||
|
اقتباس:
وعليكم السلام ورحمة الله تعالى وبركاته ...
اهلا وسهلا حبيبتي الغالية ...انا بخير والحمد لله ..ربي يخليك عزيزتي انك تدرسين بجد وسبع ساعات في الدراسة كافية تماما ..بل انها كثيرة ..اذ من المفروض انك عندما تعودين من المدرسة اول شئ تاخذين قسط من الراحة ..حتى تشعري انك مستعدة تماما ....عندها ستدرسين بنشاط وستستوعبين اكثر ....اما ان تدرسي دون راحة فهذا سيرجع اليك بالسلب ... مادام حبيبتي انك تبذلين كل جهدك اذا لا تخافي وتاكدي ان تعبك في النهاية لن يذهب هباء بل ستحصدين الثمار ..فقد ثقي بالله عز وجل .... فكرتك صائبة عزيزتي ركزي في هذه الفترة على دروس الفصل الثاني وافهميها جيدا ..وبعد الاختبارات مباشرة ارجعي لدروس الفصل الاول .....وهذا خاصة وخاصة بالنسبة للمواد الادبية ومواد الحفظ .... واياك في ليالي الاختبار ان تبقي ساهرة للدراسة فافضل شئ تفعلينه هو الراحة والنوم الباكر ...وتعبك وسهرك لن يفيدك شئ... مممم بالنسبة للحفظ وبما انك في الاختبارات لاتوليه اهمية كبيرة واحفظي فقط المقدار الذي تستطعين والباقي اجليه الى ما بعد الاختبارات... اما كتاب عادل والله لست متأكدة لكن اظن ان المصطلحات والتواريخ والشخصيات بالنسبة للادبيين لا تختلف كثيرا عنا نحن العلميين والله اعلم موفقة عزيزتي وكما قلت لك لا تجهدي نفسك كثيرا وسوف ترين انه عندما ترتاحين ستحصدين نتيجة افضل ...في امان الله ... |
||||
|
|
|
2015-02-21, 11:59
|
رقم المشاركة : 1088 | ||||
|
اقتباس:
ربي يحفضك ما خليتي والوا وعجبني هذا اقتراح جميل بزاااااااااااف مكانش في بالي هذا راه رايح يساعدني بزاااااااااااااااااااااااف وشكرا بزاااااااااااااااااااااااااف |
||||
|
|
|
2015-02-21, 16:05
|
رقم المشاركة : 1091 | ||||
|
اقتباس:
اهلا اختي الغالية سوزي ..كيف حالك ؟؟ ان شاء الله راكي بالف خير...
حبيبتي بصراحة حوستلك في النت على معلومات تخص هذا الموضوع ...لقيت هاذو لجاوني ملاح وماقدرتش نحوس اكثر بسبب ضعف الانترنت ..شوفي اسكو راهم ملاح ولا نو؟؟ هذي من موقع ويكيبيديا https://fr.wikipedia.org/wiki/Gaz_de_schiste وشوفي هذا ثاني Gaz de schiste en Algérie - Algeria-Watch حبيبتي ننصحك هذا العام ماتهتميش بالبحوث بويسك راها مضيعة كبيرة للوقت...والله انا العام لفات بحث ماديرتو وماعلاباليش بالاساتذة هاذو نورمالمون راهم عارفين بلي راه ماكانش الوقت ويضيقو عليكم هك ..نتي اذا كان الاستاذ ماراح يدير والو ..ولا اذا كان برك راح ينقط عليه في المراقبة المستمرة خليه يدي النقاط بصحتو ....بصح برك ماتزيريش على روحك في جرتهم ..واذا كان عندك اقارب يقدروا يساعدوك قلهم هوما يديروهولك وخلاص ..ولا ادخلي مع كاش قروب ..المهم ماضيعيش وقتك ...بالتوفيق حبيبتي ربي معاك ان شاء الله ....سلام... |
||||
|
|
|
2015-02-21, 16:16
|
رقم المشاركة : 1092 | ||||
|
اقتباس:
مممم اختي سوزي حاولت نحملك بعض المواضيع لعندي في الميكرو مي فشل التحميل بسبب ضعف الانترنت كيما قتلك ..راها ساعة تجي ساعة تروح على هاذيك ماقدرتش نحملك ...ممكن مرة جاية ان شاء الله راني نعاود نحاول نحملك ونحطهملك ... ضرك شوفي هاذو المواضيع من افضل المواقع ممكن يعجبوك بالنسبة للفيزياء https://www.dzbac.net/section2-1.html والرياضيات هاذو https://math44book.blogspot.com/2013/...post_3657.html وشوفي هاذو من احسن المواقع ايضا ... موقع احصل على 20/20 في الباك https://www.bacalg.com/ الموقع الاول في للدراسة في الجزائر https://3as.ency-education.com/ الله يوفقك خييتي ....ارجو لك النجاح من كل قلبي ...في امان الله ..واي سؤال اخر تفضلي ... |
||||
|
|
|
2015-02-21, 16:23
|
رقم المشاركة : 1093 | ||||
|
اقتباس:
الله يخليك حبوبتي ....الحمد لله ان هذي النصائح فاديتك ..بلامزية واذا احتجتيني في اي حاجة راني في الخدمة دائما وابدا ..موفقة باذنه تعالى ..  |
||||
|
|
|
2015-02-21, 16:33
|
رقم المشاركة : 1094 | ||||
|
اقتباس:
لا اكترث بالمشاريع و لا بالنقاط حتي. لكن هذا اجباري من لم ياتي بالمشروع غداله un rapport هذا هو المشكل |
||||
|
|
|
2015-02-21, 16:39
|
رقم المشاركة : 1095 | ||||
|
اقتباس:
عندما تكون النت جيدة حملهم لاستفيد و يستفيد الجميع و اجرك عند الله |
||||
|
|
|
| الكلمات الدلالية (Tags) |
| 2015, مجموعة, لطلاب, التسائلات, اجابة, بكالوريا, نصائح |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
حمزة المجتهد مستعد للاجابة على استفساراتكم ~ الى التميز ~ متجدّد ~
العرض العادي
