~ ~ ~الجزء 124 من واش طيبتي ليوم : ابداع ، نشاط ، حيوية ~ ~ ~

[ام هاديل وياسين]

المشاركة الأصلية كتبت بواسطة kaouka

صباح الخير للملتحقات شكون لفح لي تعطيني ربط تاع لبات بيريزي تاع الهام بليز

تفضلي اختي كوكا
https://www.djelfa.info/vb/showthread.php?t=1552924

[wahibaazel]

صباح الخير زينب ،نتاسبيل ،دايمة الحمد ربي يجازيك على فعل الخيرات ،البنات ما شاء الله عليكم كامل حبيباتي .
زينب عندي زوج تدبيرات حابة نشارك بيهم في المسابقة وربما تعرفوهم
1/في مرق شخشوخة الظفر استعملي قطعة صغيرة انتاع الشحمة الغاوية وراح تعطيك بنة رهيبة واي واحد يذوق الشخشوخة راح يزيد ياكل منها .
2:وخاصة الى ناس سطيف وكل من يستعمل الفرماس في مرق المفرمسة ،كي ماتلقايش الفرماس استعملي ملعقة أكل مربى المشمش وسوف تتحصلين على مرق حامض وحلو واذا استعملت الحار يكون ايضا حار وبنة رهيبة ،ويكون خاثر .
ملاحظة هنا في سطيف كاين لي يعمل شوية غرس في مرق المفرمسة ،انا مانحبش الحلاوة بزاف نستعمل مربى المشمش ونضرب عصفورين بحجر الحماضة والحلاوة .

[زينب 83]

المشاركة الأصلية كتبت بواسطة cuisineshowdalatifa

صباح الخير و المسرات
زينب كوزينة مربوحة و نشاطك واضح و راه ينعكس على الجميع
نتأسف لصاحبة الكوزينة الي فاتت مقدرتش نشارك بسبب الانترنت كانت مقطوعة على كامل مدينة المدية في العطلة عيشوا الاولاد في مأساة
شربنا قهوتنا بحلوة النمرة تع إسمهان مممممممممم خفيفة و ساهلة




و هذا البانيني

صباح الخير لطيفة واش هاذ الغيبة حنونة توحشناك و توحشنا اطباقك المميزة اهلًا و سهلا

المشاركة الأصلية كتبت بواسطة ايمان25

صباحكن سعيد و يوم موفق

صباح الخير إيمان الحلوة

المشاركة الأصلية كتبت بواسطة وردة الشمس

زنوبة صبحتي عليهم كامل غير انا نسيتيني اني زعفانة وااااااااااااااااااااااااع

صباح الخير يا عيون زينب ، كنت راح نرد عليك و نشكر البسبوسة و العصير النات راحت هههههههخ سامحيني حنونة راك تعرفي معزتك في قلبي تسلميلي

المشاركة الأصلية كتبت بواسطة **ام هدول**

صباح الخير للجميع يعطيكم الصحة واش حطيتو كلش روووعة زينب جبتلكم تدبيرة بسيطة

بصح مفيدة مجبتها لا من نات ولا قالهالي حد فقط جاتني في راسي هي وخاصة في رمضان نستعملو الديول بزاف

وديما نلقاو مابين الورقة واختها ورق بلاستيكي هداك نخبيه ديما وكي نجيب لحم او دجاج نغسله ونقطعه ونحط كل طرف

في ورق البلاستيك تاع الديول ونحطو في المجمد هكدا كي نجبدو بلا ما يلسق في بعضو نتمنى تجريبتي وتدبيرتي هادي

تجربوها وتفيدكم

تدبيرة رايعة تسلمي و راح نحطها في المسابقة بإذن الله

[kaouka]

شكرا جزيلا ام هدول ربي يخليك نسيت نقلك صباح النور حبيبتي خخخخخ

[ام هاديل وياسين]

شكرا زينب الله يسلمك ان شاء تعجب الاخوات كوكا العفو اختي صباح الانوار

[almazalina22]

[cuisineshowdalatifa]

صباح الخير أم هدول فعلا التدبيرة هايلة أنا نستعملم بزاف , باش نشكل بالدجاج مرحي أو لحم مرحي


أو باش نشكل العجينة الطرية مثل قاطوا رولي


أم هدول تدخلت في تدبيرتك من باب انها فعلا مفيدة

[wahibaazel]

ام هدول التدبيرة رائعة ربي يجازيك خير
المازة اممممممم اطباقك ماشاء الله وهذاك التاي يطير العقل بصحتكم .

[almazalina22]

صباااااااااااااااح الورد من الصباح وانا نتعافر مع الصور

اسمهان تتهناي بالمشتريات وربي يخليلك زوجك

ام ماجد دخول مدرسي موفق وربي يعينك

وهيبة بصحتك التحويسة بصح قسنطينة اللي تحب تشري لالالالالازم ما يكونش الراجل انا دايما راجلي يدابز في الغاشي خخخخخخخخخخخ

ام ملك بصحتك المشتريات والعقوبة للكينوود

ليزا حبيبتي كل عام ومنصف بالف خير ان شاء الله نتفكرو في 18 افريل وبوسة كبييييييييييييييييييرة ليه ووين نبان انا وتلبازي قدام الفن اللي تحطيه ما نبان واااااااااااااااالو كلش يولي بلووووووووووووووووووط خخخخخخخخخخخخخخخخخخ

هذوك عصير الهام المجمد درتو نهار حطاتو رووووووووووووعة وزدت شريت نكونجليه لرمضان اذا حب ربي

وخبز الدااار لحبيبتي المبطبطة المسراارة موااااااااااااااااااااح ليك ياجميل يالي والفت التفنيين خخخخخخخخخخخخ

وشخشوخة برى راني صورت المراحل اللي خافو منها تتعجن راهي هايلة

وصابلي لفلان نتاع ام اماني درتو في الكيسان مممممممممممممممم روعة

وشاي الصحراء تعلمتو على وحدة او سرقت الوصفة رحت لجنازة وشفتها كيفاش تدير خخخخخخخخخخخ كي تولي النت ونقعد نحطولكم باش تسهرو راه هاااااايل

ام امنية واش احوالك واش كيفاش صبحت رودينا زلت الحمى وانت واش لاقرييب لاباااااس

[cuisineshowdalatifa]

زينب تسلمي , سباب الغياب هو الانترنت كيما حال كامل البلاد
وراح نعحاول نطل كل مرة
المازة واش هذا لتاي يشهي الرغوة ممممممم أبعثلي كأس على السريع

[ام هاديل وياسين]

شكرا حبيبتي ولله انا في لول كنت نخبيهم ونستعملهم في اشياء اخرى

عادية بصح من لي جاتني هادي الفكرة قلت خلاص لقيتلهم مكانهم ههههههه
وزيد حطيتها العام الي فات في موضوع الاخت شوشو فكرة وتدبيرة

[almazalina22]

وهيبة حبيبتي شكرااااااااا التاي راني موراه حتى تعلمتو وكاين سر صغير يديروووه سرقتو دحنا عصابة الهام ولا بطلنا خخخخخخخخخخخخخخ

ام هديل يعطيك الصحة لى التدبيرة

[وردة الشمس]

زنوبة والله نعزك بزاف واحبك في الله
رايحة نخير من بين التطبيقات خبز الشباتي تاعك والبسبوسة المحشية
وبالنسبة للتدبيرة
التدبيرة 1
كي يكون عندك القارص بزاف اعصريه وحطيه في علبت التجميد تاع المجمد ودخليه يجمد ونبعد خبيه هكاك كاريات وكي تحتاجي باه تخدمي عصير اجبدي قد متحتاجي
التدبيرة 2
كي تكوني قاعدة اخدمي اخدمي لبات تاع لي ترتولات وطيبيهم واحتفضي بيهم فالثلاجة ومنين يجيوك ضياف على غفلة اجبديهم وديري كريم باتسيار وزينيهم ويكونو في ربع ساعة واجدين .

[almazalina22]

تدبيرتي كنت رايحة نحطها موضوع لكن لعيون زينب شوفي هي راهي على الجبن نتاعي شوفو واش ندير بيه الف عصفور بحجلر واحد وكلش بالصور اذا ساعدتني النت



مايجيش فيه الما بزاف

نقص منو رايب للمسفوف



طبعا ندير منو في بورت مونجي كمية كبيرة






كي نصفيه ويولي جبن ندير بيه



نحشي بيه البسكويت طبعا مع السكر رطب +زبدة طرية ممممممممممممم رووووعة




ندير بيه خبز المادون راه في الصورة درت رايي بيه في رمضان وان شاء الله نحطو موضوع النت برك هبلتني




واقيلا الصور مخربطين عياتني النت كل مرة نحمل اووووووووووووووف اذا ما طلعوش للمساء نحطهم سلالام

[زينب 83]

المشاركة الأصلية كتبت بواسطة wahibaazel

صباح الخير زينب ،نتاسبيل ،دايمة الحمد ربي يجازيك على فعل الخيرات ،البنات ما شاء الله عليكم كامل حبيباتي .
زينب عندي زوج تدبيرات حابة نشارك بيهم في المسابقة وربما تعرفوهم
1/في مرق شخشوخة الظفر استعملي قطعة صغيرة انتاع الشحمة الغاوية وراح تعطيك بنة رهيبة واي واحد يذوق الشخشوخة راح يزيد ياكل منها .
2:وخاصة الى ناس سطيف وكل من يستعمل الفرماس في مرق المفرمسة ،كي ماتلقايش الفرماس استعملي ملعقة أكل مربى المشمش وسوف تتحصلين على مرق حامض وحلو واذا استعملت الحار يكون ايضا حار وبنة رهيبة ،ويكون خاثر .
ملاحظة هنا في سطيف كاين لي يعمل شوية غرس في مرق المفرمسة ،انا مانحبش الحلاوة بزاف نستعمل مربى المشمش ونضرب عصفورين بحجر الحماضة والحلاوة .

فكرة المفرمسة او لمرة نسمع بيها شكرًا حبيبتي

المشاركة الأصلية كتبت بواسطة almazalina22

ما شاء الله يا المازة شهيتيني امممممممممم

المشاركة الأصلية كتبت بواسطة cuisineshowdalatifa

صباح الخير أم هدول فعلا التدبيرة هايلة أنا نستعملم بزاف , باش نشكل بالدجاج مرحي أو لحم مرحي


أو باش نشكل العجينة الطرية مثل قاطوا رولي


أم هدول تدخلت في تدبيرتك من باب انها فعلا مفيدة

شكرًا وهيبة أفكارك رايعة

المشاركة الأصلية كتبت بواسطة وردة الشمس

زنوبة والله نعزك بزاف واحبك في الله
رايحة نخير من بين التطبيقات خبز الشباتي تاعك والبسبوسة المحشية
وبالنسبة للتدبيرة
التدبيرة 1
كي يكون عندك القارص بزاف اعصريه وحطيه في علبت التجميد تاع المجمد ودخليه يجمد ونبعد خبيه هكاك كاريات وكي تحتاجي باه تخدمي عصير اجبدي قد متحتاجي
التدبيرة 2
كي تكوني قاعدة اخدمي اخدمي لبات تاع لي ترتولات وطيبيهم واحتفضي بيهم فالثلاجة ومنين يجيوك ضياف على غفلة اجبديهم وديري كريم باتسيار وزينيهم ويكونو في ربع ساعة واجدين .

افكار رايعة وردة تسلمي حبيبتي