وصفات من حراير مطبخ وش طيبتي اليوم

[نادية روز]

المشاركة الأصلية كتبت بواسطة *عاشقة الجنة*

yasmalak

العجينة المورقة













العجينة المورقة هده اللي راني معتمدتها نا
750 فرينة مع 3 مغارف كبار زيت و 3 مغارف صغار خل خلطي شوية برك و من جهة وحدوخرة ديري شوية ملح و مغرف صغيرة سكر في ماء يكون باااارد ودوبيهم و لمي العجينة بلا ما تعجنيها و خليها تريح نص ساعة
و من جهة وحدوخرا تخدمي 350 غ زبدة التوريق و منا و روح معتمدة طريقة الهاام يعني الزبدة نقسمها على 3 و نحلها رقييييقة وهدا الرابط تاع الهااام
اييه حقا ام الريمة التور دوبلي ماشي سامبل يعني 3 تور دوبلي

https://www.djelfa.info/vb/showthread.php?t=1449926

يعطيك الصحة خرجتلك روووووووووووعةبصح اختي عندي سؤال هذي الكمية برك 750غ فرينة خرجتلك كامل هذي ولا زتي عليها لانو انا كي نخدمها تخرج شوية برك ..ارجوووا الاجابة

[نادية روز]

المشاركة الأصلية كتبت بواسطة manel1977

مقروط الخوخة لمريم الاميرة
3 كيلات دقيق متوسط تاع المقروط او باين كيلة سمن ميش معمرة و كمليها بالزيت باه يجي مبسس مليح بسيهم بيدك مليح و مبعد شمخيه بماء الزهز و خليه شوي و روحي للحشو
هنا الحشو اختياري بين الغرس و اللوز هو في الاصل باللوز و لي ما عندهاش ديرو بالغرس نورمال و الطريقة كيما مالفين نديرو حشو المقروط
توزني االعجينة 32غ و الحشو 8غ لكل حبة
تكربعي لعجينة و ديري في وسطها الحشو و كربعيها مليح باه ما يخرجش الحشو و ثم شكليها على حبة الجوز يعني من تحت عريضة و من فوق شوي ضيقة و ديري هذاك ايشقة بالظهلر تاع الموس و ارشقي حبة اللوز و خليه ساعة ولا 2 سوايع و من بعد طيبيه نورمال و مباشرة في العسل و كل ما تحبي تحطي منو زيدي عسليه بصح غير شوي
إضغط هنا لرؤية الصورة بحجمها الطبيعي.

اختي يعطيك الصحة هذا ملي شوفتو و انا هابلة عليه مكنتش متوقعة انو مقروط بصح هذا الورد باه مصنوع وعلى الجوانب واش كاين قوليلي

[idron0]

لغروبية monalis

المقادير هي : 500غ زبدة اي نوع + 2 مغارف كبار سكر ارطب+2 مغارف كبار كاكاو + 2 مغارف كبار ماء الزهر + كاس كاوكاو مقلي ومرحي + كاس جيلاجلانية مقلية + فرينة تلمي بيها لعجين
تشكلي حربوش وتقصي مقروطات وتطيبيهم كي يطيبو وهوما سخونين تمرمديهم في سكر الارطب مرتين من الاحسن ديري السكر في صاشي ومرمديهم فيها وديريهم في لي كيسات مباشرة هكذا يجيو


إضغط هنا لرؤية الصورة بحجمها الطبيعي.

[idron0]

وصفة الصابلي ladymillion
اسمحيلي قبيل خرجت هاهي ليك الوصفة راهو يجي يتفتت في الفم

125غ مارغارين طرية
80غ سكر ناعم
1 صفار بيضة
4مك نشا
رشة ملح + م ص فاني + نصف م ص خميرة الحلوى /// تخلطي المكونات كامل كيما معروف وتلمي بالفرينة حتي تتكونلك عجينة صابلي تكون طرية عادي

تخليها ترتاح نصف ساعة ،،، وكي تحلي العجينة بالحلال حطي فوقها كيس بلاستيكي نظيف وافرديها باش ماتتشققش ويجيك السطح املس

ومن فوق ادهني ببياض البيض لي بقا ولصفي لوز افيلي او كاوكاو واش متوفرلك وتحطيه يطيب 180° الفرن يكون مسخن قبل بـــ 15د الرف يكون في الوسط
وتلصقي بالمعجون او نيسلي
~~~ بالصحة والعافية

[ظريف آمال]

الله يبارك فيك

[أم ماجد]

السلام عليكم
دائمة الحمد لي سقسات على المثلجات ايمان دبدوبة راهي ماشافتنيش كي درتهم و تزيد تخرط هههههههه راهي غلطة
المهم الوصفة نص كاس حليب و 4 ملاعق ك شونتي خلطيهم مليييييح راهي تجي ثقيلة و تزيدي عليهم 4 تاع اي ياؤورت كريمية ماشي عادية انواع دانيت باذواقها ولا كيما ممزوج بكل اذواقه و تخلطي بالباتور مليح 5 دقائق ديري في كيس حلواني و حطي قي اكواب بلاسيكية و الى المجمد 5 ساعات فما فوق و زيني بالجولي او الحلوى و المكسرات

[jana jiji]

يعطييييييييييييييكم الف الف الف صحة على كل الوصفات والنصائح من اول صفحة الى اخرها
شكرا لكم

[fatiha07]

المشاركة الأصلية كتبت بواسطة oum ibrahim

بريق الامل
كفتة في مول التاج







صدر دجاج ترحيه وتزيديلو فلفل اخضر حار شوية برك اختياري ثوم وبصلوملح وفلفل اكحل وقرفة مرحية بسباس حب مرحي وقصبر و كمون ومعدنوس وخبز مرحي وملح وشوية سمن وزيت وحبة بيض تخلطي مليح وتدهني مول السيليكون بالزيت وتدخليه يطيب على درجة 200
في الكوكوت درت قطعة لحم غنمي للبنة وانت كما تحبي ممكن عظام الصدر الي نزعتيهم او طرف دجاج او حتى بدونهم وبصا رابي وفتيتة طماطم الحبة رابي وسنة ثوم وفلفل وقرفة
ملح وزيت وتقلي مليح وتمرقي بكاس ماء وكتقرب تعقد تظيفي زيتون مغلي في النهاية كتقربي اطفي ذري شوية فرينة باش تعقد وتنزعي الدجاج من مول التاج او اي شكل تحبي وحطيهم في المرقة يتكتكو شوية وطفي قدميه مع رشة معدنوس وقطع ليمون وبالصحة

السلام عليكم ورحمة الله وبركاته



الله يعطيك الصحة

[أم ماجد]

كاين تدبيرة ماعلاباليش تعرفوها ام لا
علبة لابال تاع500غ نخليها بحرارة الغرفة ونفرغها في اناء كبير ونزيد ليها فنجال تاع قهوة زيت عادي ونزيد ثوم مرحي قارص موتارد ملح معدنوس مرحي رقيق توابل مغرفة ص فلفل احمر حلو ريحان ميبس ومرحي ونمزج مع بعضاه ونرجعها لعلبة لابال والى المجمد كي نجي نعمل روطي دجاج او لحم في الفرن اوبطاطا في اكياس الشواء نجبدها قبل بشوي ونحي كمية تكون ساجية نفوح ونحط طول في الفور


كاين تدبيرة ماعلاباليش تعرفوها ام لا
علبة لابال تاع500غ نخليها بحرارة الغرفة ونفرغها في اناء كبير ونزيد ليها فنجال تاع قهوة زيت عادي ونزيد ثوم مرحي قارص موتارد ملح معدنوس مرحي رقيق توابل مغرفة ص فلفل احمر حلو ريحان ميبس ومرحي ونمزج مع بعضاه ونرجعها لعلبة لابال والى المجمد كي نجي نعمل روطي دجاج او لحم في الفرن اوبطاطا في اكياس الشواء نجبدها قبل بشوي ونحي كمية تكون ساجية نفوح ونحط طول في الفور

[أم جمانة جنان]

جزاكم الله خيرااا

[ام ساجد]

لبنات هذي وصفة فلفل مشوي هايلة ديما نعملو لرمضان الكمية لي درتها كلاوها البارح زدت خدمت بالصح راح نفوت بالصورة لانهم ماحبوشيفوتو مع بعض
تشوي فلفل احمر واخضر حلو وحار + ثوم مشوي ولما يتشوى حطيه في ساية يعرق ونقيه وقطعيه طراف وقطريه ثم زيديلو الزيتون الاخضر لمقطع ما تغسليشو امسحيه بطرشونة برك +كمية قليلة ملح +كميةمليحة زيت زيتون اوخلطي كيما انا بالزيت عادي وحطيه في لي ساشي والى الكونجيلاتور وين تسحقي اجبدي وما تزيديلو والو


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[ام ساجد]

الحلة نوع من انواع الحساء


في كسرونة ومن الاحسن تيفال اعملي اطراف مسلي وشوية ايدام+الفاح+طماطم مصبرة +ملح +شوي فلفل احمر حلو وحار ماتكثريش الملح المسلي مالح +حوالي 3 مغارف فرينة وحلي كلش بفنجال ماء بارد حتى تتنحى كعابر الفرينة. ارمي فيها قرن فلفل حار وخليها بجيهة حوالي نصف ساعة من بعد عاودي حركيها وامرقيها بالماء وحركي وحطيها على نارقليلة وحركيها ومن بعد خليها على النار وساعة ساعة حركيها حتى تشوفيها خثارت وولت تبرق ارمي مغرفة خل واطفي النار
لا كان شفتيها خاثرة ياسر زيدي شوي ماء بارد وخليها تزيد طيب

[jass mina]

شكرا على هذه الوصفات

[ام عبودة]

يعطيكم الصحة

[chez biba]

ام سهام 2

الصامصة
المقادير
4عبار فرينة_ 01 عبر مرغرين ذائبة_حبة بيض _لمي بالماء وماء الزهر_وخلي العجينة ترتاح.
الحشو:
خليط بين كوكاو و نوات كوكو مطحونة/ قشور الليمون/فانيليا/و لمي بالسيرو(كاس سكر_كاس ماء_قطعة ليمون يغلوا حتى يثقال).
حلي العجينة عدة مرات في الة التوريق والاخيرة حليها في رقم 05 ضعي الحشو وطوي العجين 4 مرات وقليها على نار هادئة ورمي زيت فوقها بالملعقة.
ومتعسليهاش حتى تبرد تماما او وقت التقديم.