الجزء 137 من كوزينة واش طيبتي اليوم ((كوزينة النجاح في الدارين ))

[chez biba]

السلام عليكم ورحمة الله وبركاته
راجعت غير شوي قاطواتكم حطة ما شاء الله
جبتلكم قاطواتي المتواضعة
قاطو الكابريس للغالية ام اماني



المنقوشة



مازالت لي لغريبية والمقروض ديرو ماما ربي يحفظها
ان شاء الله نعيدو بالصحة ولهنا

[ام طيري الجنة]

صباحكم سعيد مبارك

المشاركة الأصلية كتبت بواسطة دائمة الحمد

صباح الخيرا ت تقبل الله صيامكم وقيامكم
عندي مدة ما حطيتش صور ببساطة لاني نطيب في المختصر المفيد
اليوم حبيبتي ام نسرين قبل لا يجو ضيافي صورت سينية القهوة قلت نحطها باروك كوزينتك ولو متاخرة
هذي اولا تحلية جد لذيذة خدمتها اميرة عندها ايام

هذي سينية القهوة

البلاطو تاع الجي الجي راه يبرد طبعا


تحلية حطيناها للضياف



بعض الحلويات راهم مكومنديين ما خدمت والو اول مرة في حياتي نكومندي القاطو في المناسبات الله غالب الظروف تحكم

حبيبتي دائمة و الله غير توحشنا طلتك البهية المباركة علينا ربي يزيل همك و يكثر فرحك يا رب و تكوني دايما فرحانة
الكواليس رااااائعة بصحتهم ضيافك راكي مقلشتهم الله يبارك فيك
اما القاطو ماعليش حبيبتي المهم صحتك و الهنا انت كل عام تتعبي عليه ما عليش هذ العام ريحي روحك انا اني العام اللي فات شريت الموسيو حلفلي ما ندير حاجة و راح شرا هو شوي قاطو ماعليش اختي ريحي روحك مرة راكي اديريه على العام
و القاطو اللي كوموندتيه كلو هايل و يحمر الوجه بصحتكم
]

المشاركة الأصلية كتبت بواسطة ام و ابنة

صباح الخير
رقدت و نضت جسمي مكسر تقول كنت نحارب ماشي كنت راقدة
البارح تعبت بزاف من الصباح لآذان المغرب ما حطيتش روحي مع انو اختي جات عاونتتني في القاطو و فطرو عندي هي و امي
بصح اليوم راني وحدي ربي يقدرني
و زادولي ولادي هبلوا هاذ اليومين الولد كل دقيقة يضرب اختو او يطيحها او ينحيلها حاجة من يدها و هي تسوِغ و تبكي او تعظو حتى سنانها تصورهم في يدو او صدرو و يولي يبكي و ساعات هو قاعد و هي تهبلو و تتبلاه حتى يتقلق و يضربها نهار كامل و انا نسلك بيناتهم مع انهم يحبوا بعضاهم و ما يصبروش على بعضاهم لو كان تفرقيهم
زمان يقولوا جيبي ولادك على بعضاهم خير انا نقوللكم عن تجربة هاذ النصيحة غالطة فيها ظلم للام و للطفل الاول و حتى الثاني و الله تعب و ازعاااااج طول الوقت و الحمد لله على كل حال و ربي يحفظهم و وليدات المومنين و يرزق كل من تتمنى الذرية الصالحة المعافاة
على بالي خرجت عالموضوع بصح حبيت نفرغ قلبي قبل ما نبدأ نجاهد
غدوة ان شاء الله لوسي و مرتو و ولادو يجيوا من الغربة باش يعيدوا عند عجوزتي يعني لازم نكمل اشغالي اليوم باذن الله

يالله نخليهم ضرك ربي يعيننا جميعا و باذن الله نتلاقاو لعشية

ام و ابنة ربي يعينك على التربية صح ما راهيش ساهلة مع الشقا و الجري نتاع رمضان و العيد المهم وسعي خاطرك و كثري الاستغفار و ربي يعاونك و يجعلهم ذرية صالحة ترفدك في كبرك
[QUOTE=idron0;3993869251]دعاء اليوم السابع و العشرين
أللّهُمَّ ارْزُقني فيهِ فَضْلَ لَيلَةِ القَدرِ ، وَ صَيِّرْ اُمُوري فيهِ مِنَ العُسرِ إلى اليُسرِ ، وَ اقبَلْ مَعاذيري وَ حُطَّ عَنِّي الذَّنب وَ الوِزْرَ ، يا رَؤُفاً بِعِبادِهِ الصّالحينَ .[/QUOTE

المشاركة الأصلية كتبت بواسطة idron0

بارك الله فيك اختي راهو وصل اللهم اعتق رقبة اختي و اهلها من النار امممممممين احبك في الله و اهديك بدوري هدا الدعاء:
للهم اجعل لنا هذا الصباح صباح خير لا يضيق لنا فيه صدر، ولا يخيب لنا فيه أمر، واجعل لنا بكل خطوة توفيق وتيسير وأجر،
ربي ها أنت ترى مكاني و تسمع كلامي و أنت أعلم من عبادك بحالي ربي شكواي لك لا لأحد من خلقك فاقبلني في رحابك في هذه الساعة المباركه، ربي إني طرقت بابك فافتح لي أبواب سمواتك و أجرني من عظيم بلائك، اللهم يا مسخر القوي للضعيف و مسخر الجن لنبينا سليمان و مسخر الطير و الحديد لنبينا داود و مسخر النار لنبينا ابراهيم (سخر لي عبادك الطيبين من حولي وسهل لي أموري وارزقني من حيث لا أحتسب) ، ربي بحولك و قوتك و عزتك و قدرتك أنت القادر علي ذلك وحدك لا شريك لك.. اللهم إني أسألك بخوفي من عظمتك و طمعي برحمتك أن ترزقني ما كان خيرا لي في ديني و دنياي ومعاشي و عاقبة أمري عاجله و اجله، اللهم إني أشكو لك قلة حيلتي و هوان أمري و ضعف قوتي، اللهم إني أسألك أن تصرف عني شتات العقل و الأمر و التفكير، ربي اثرني و لا تؤثر على ، ربي انصرني و لا تنصر علي .. إلهي ارحم ضعفي و فرج همي و اجبر كسري و آمن خوفي و امطرني برزق من عندك لا حد له، و فرج من عندك لا مد له، و خير من عندك لا عدد له اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن كان قليلا فكثره وإن كان كثيرا فبارك لي ڤيہٌ .. ،، يارب في هذه الساعه أسالك الراحه لكل مسلم ضاقت عليه دنياه وذرفت عيناه يا الله أفرح قلوبا أنهكها التمني وبشر أصحابها بفررح لايذكرهم بوجعهم واسعد قلوبهم وأسعدنا بصحبتهم .. اللهم إغفر لوالدي وادخلهم جنتك ياأرحم الراحمين .. اللهم اعتق رقابنا من النار ، اللهم انك عفو كريم تحب العفو فاعف عنا ، اللهم صل وسلم على محمد وآل محمد ، استغفر الله واتوب اليه ، سبحان الله وبحمده سبحان الله العظيم ، اللهم وفقنا ويسر لنا امورنا بالدنيا والاخره وارزقنا النظر الى وجهك الكريم واحسن خاتمتنا ووالدينا وارزقناه ضعف مانتمنى بالدنيا والآخره .. وصل اللهم وسلم وبارك على سيدنا محمد وعلى اله الطيبين الطاهرين.

ادورنو انت كالشمعة المشتعلة لتنير درب الاخرين في صمت ربي يفرحك و يجعل اعمالك في ميزان حسناتك

المشاركة الأصلية كتبت بواسطة قمر 77

اللهم صل و سلم على رسول الله
دخلت على دعاء ايدرونو ربي يبارك فيك حبيبتي و يرج عليك و علينا و يتقبل منا و منكم الدعاء و صالح الاعمال اللهم امين
ام و ابنة ربي معاك خيتي نحسك تهدري علي كي تحكي على وشراكي تمري بيه
و راني معاك ما كاش منها تجيبيهم على بعضاهم و تعطيهم حقهم مبصح المكتوب اكبر ربي يجعلهم من الصالحين فترة و تمر اصبريلها خيتي ربي معاك
استاذتي توحشتك ربي يفرج عليك سايسي روحك و بصحتكم القاطوات شابين و كلش يجوز و ما يكون غير الخير ان شاء الله
ام اسلامو ربي يعطيك صحتك القاطوات رووووعة و المسمن رهيييب الله ايبارك
رتوجة قاطوات الشيكولا هذك ما نبغي يعطيك الصحة
سيمفونيتي وش راكي و يعطيك الصحة و بصحتكم ماكول الهنا
ام فاطومة الله ايبارك راكي عقابها ربي معاك
ام نسرين بصحتها نسرين الميكرو و لعاقبة لنجاحات اكبر
ا
ام سراجو الحمد لله على سلامة امين ربي يحفظو فالحديد و لا فيه خرجي المعروف خيتي قدر و لطف
حبيباتي راني روطار او مبعد نكمل مراجعة سلامو و يعطيكم الصحة قع وش حطيتو

قمورتي الحلوة الله يسلمك و ربي يفرحك يا ام القلب الطيب بوركت

[ام طيري الجنة]

أم سراج الحمد لله على سلامة اخوك و ربي يفرحكم بيه و يبعد عنو الشرور يا رب

المشاركة الأصلية كتبت بواسطة chez biba

السلام عليكم ورحمة الله وبركاته
راجعت غير شوي قاطواتكم حطة ما شاء الله
جبتلكم قاطواتي المتواضعة
قاطو الكابريس للغالية ام اماني



المنقوشة



مازالت لي لغريبية والمقروض ديرو ماما ربي يحفظها
ان شاء الله نعيدو بالصحة ولهنا

امممممممم شي بيبا رواااائع الله يبارك بصحتكم حنونة كلش هايل الله يبارك و ربي يعاونك فاللي باقي
المول نتاع الشوكولا بشحال شريتيه و راه متوفر في المحلات مازال ما حوستش عليه

[ام طيري الجنة]

اخواتي فحلات الكوزينة ادخلو لهذ الموضوع و عاونو اخواتكم الحائرات و ربي يجازيكم خيرا على المساعدة و الله في عون العبد مادام العبد في عون اخيه
https://www.djelfa.info/vb/showthread...ferrerid=50597

[chez biba]

الله يسلمك حبيبتي ام نسرين
المول ما لقيتش كيما تاع ام اماني شريت واحد تاع السيليكون ب 200 دج راهو عند اختي سينون نصورهولك
صحة فطورك وبصحتها نسرين الكادو ربي يوفقها اللهم امين

[ام طيري الجنة]

المشاركة الأصلية كتبت بواسطة chez biba

الله يسلمك حبيبتي ام نسرين
المول ما لقيتش كيما تاع ام اماني شريت واحد تاع السيليكون ب 200 دج راهو عند اختي سينون نصورهولك
صحة فطورك وبصحتها نسرين الكادو ربي يوفقها اللهم امين

الله يسلمك و بارك الله فيك على الاجابة و صح فطورك

[أم محمد تاج]

صباحوووووو سميناتي
دخلت على روائع بيبا ودائمة الحمد ودعاء ايدورنو اللهم آمين حنوووونة ربي يقبل منك
حبيباتي روووعة لي قاطووو والأجواء ماشاء الله
ام سراجووو الف لاباس على خوك الله يحميه يارب
عندي شوي سوجات في الدار نكملهم نتهنى وراح نبدا في الليل نشالله نوجد للباقلاوة تاع عرس سلفي راح نديرها انا
ربي يعاونكم يا بطاااااااااات
سلاماتي

[ام طيري الجنة]

البطبوطة ناع الصح هي انت ام تاجو هههههه انا سلفتي راهي حامل انسميها البالونة هههه
ربي يعاونك اختي خاصة انتم الحوامل ربي معاكم و الله راكي غايضتني الحمل و التعب و زيد العرس المهم ربي يفرحكم و يعاونكم

[oum islem]

idrono بارك الله فيك اختي الغالية ربي يتقبل دعاءك امين يارب
تستاهلي بقلاوة بالجوز واللوز وعسل النحل
جعل الله جهودك في ميزان حسناتك

دائمة الحمد ربي يعطيك صحتك كان جيتي قريبة جيت لعندك باه تقلشيني

ام وابنة التعب فيها يجو على بعضاهم ولا تباعدي وكي تباعدي بينهم تتكاسلي تزيدي وكي يكبرو يزيد تعبهم وحمقتهم
ديري صفارة وكثري البطاقات الصفراء والحمراء

شي بيبا صابليك ومنقوشتك تحفة الله يبارك ومتقونين فن تاكلوهم بالصحة

عندي تسييقة كبيرة ونركب الستائر ونفرش
بصح الفطور بح خلاصولي الافكار البارح درت طجين الزيتون ومطلوع اولادي شبعوني تشناف
في الليل اذا مارحتش نبارك لمراة سلفي زيدت ندير منقوشة ام اماني ونزيد المحقن لوليدي هذاك وش يحب

ربي يعينكم جميعا
سلام لكل الحاضرات

في حفظ الرحمن

[ام طيري الجنة]

[COLOR="Blue"][SIZE="6"]هاذو بعض اطباقي للايام الماضية





باينين باللي نتاع التعب و الواحد بطل الديكور و الزواق كيما الليامات الاولى ههههه
وهذي بقلاوة اللي اديتها للحفلة

و هذو الارتات اللي درتهم لزميلاي عجبوهم بزاف درت طبقة جينواز و 2 طبقات فلون نتاع شوكولا و نتاع عصير البرتفال



ودرتلهم قلب اللوز باللبن عجبهم بزاااف و اداو الوصفة

[oum islem]

المشاركة الأصلية كتبت بواسطة **ام هدول**

بارك الله فيكي ادرون وام انس الله يستركم يارب

ام اسلام قطواتك هايلين يعطيك الصحة الخطوط الي درتيهم فوق الكورني كفاش خدمتي القلاصاج نتاعهم ؟؟؟

شكرا اختي ام هدول
درت قلاصاج شكولا نوار نشف والخطوط بشكولا بالحليب درتهم بالكيس بلاستيك
شكولا نوار زدت لها الماء ولي بالحليب ما زدتلها والو

[lilia rose]

السلام عليكم اخواتي
أنا عضوة قديمة في المنتدى بصح مانشتركش معاكم
بصح نتابعكم كل يوم .جربت وصفات كثيرة و جاتني ناجحة يعطيكم الصحة
بغيت نسقيكم على وصفة صابلي حطتها العضوة أم عاصم و لجين في وصفات الكوزينة
محتاجتها و حزاكم الله الخير
https://www6.0zz0.com/2015/07/14/13/219444847.jpg
[IMG][/IMG]

[oum islem]

المشاركة الأصلية كتبت بواسطة روضة 88

مممممم دخلت على حلوبات ام اسلام الله يبارك روااااااائع
تسلم ايدك يا الفحلة بصح لاه مدرتيش لقرون قلاصاج.

لبنات كامل توحشتكم ان شاء الله تكونوا ملاح.

ضرك راني مشغووووولة جاي ضيف توالنا يفطر راني انا ومرت سلفي غي الكوزينة و عحوزتي راه دير في بقلاوة

روضة عجبني القرن لي حطيتيه وكنت حابة نخدهم بالقلاصاج
قالولي لا درتيه بالقلاصاج كوليه وحدك يحبوه بالسكر يا اختي راني عبد المامور

[أم هبوبة]

صباح الخير على وجوه الخير
idrono آمين ربي العالمين و الله مين قريت الدعاء لحمي تشوك بارك الله فيك و الله يجعل كل ما تقدمينه في ميزان حسناتك
ام سراج الحمد لله على سلامة اخوك
ما شاء الله على القطوات الي حطيتوهم روائع على قول ام ياسين لوكان ندوق من كل نوع حبة
ام اسلام قاطوك روهة عجبني بزاف و هداك المسمن باين يهبل يعطيك الصحة
ام محمد تاج الله يعاونك و يقدرك و يجعل تعبك في ميزان الحسنات
دائمة الحمد ضيافة و عليها الكلام كل شيئ حطيتيه رائع و القاطو الي كومونديتية روعة و يحمر الوجه
ام و ابنة الله يكون معاك حتى انا ابني و بنتي باغيين يخرجوني من عقلي عندي البنت بسلامتها قبيحة و مهبلة اخوها الكبير مع انه الفرق بيناتهم خمس سنين الله يحفظهم و يجعلهم من الدرية الصالحة
اليوم بادن الله نكمل القاطو عملت : فاطو الكبريس لام اماني - تارتولات زهروان بالنيسلي- حلوة الانيقة لام رويدة - حلوم ليمول - تشارك مسكر و بقاتلي العجينة عملت منها شوية المنقوشة - سجائر الكوكاو و الجنجلان لاسمهان و ان شاء الله قلت ندير حلوة السلطانيات لام اماني و ادا كفاني الوقت راه في خاطري شوية قريوش
يعطيكم الصحة كامل على واش حطيتو روائع و فحلات ربي معاكم و يعاونكم

[oum islem]

المشاركة الأصلية كتبت بواسطة روضة 88

ام اسلام اذا تحلي نجي انا نطيب،معاك راني قريب ليك انا ثاني هههههه بصح بشرط نجيب وائل راه يحب السهرات

حتى انت جارتي؟؟؟ اهلا وسهلا
كملت مع اذان الفجر ووليدي الصغير معايا
كان جيتي عاونتيني ووائل لعب مع وليدي يعلمو العقالة هو تاني يرقد بعدما يرجع باباه من المسجد بصح ينوض الظهر
لمسمن درتو لدار شيخي
عجوزتي يعجبها تقولي ديريهم كي محارم الشامي