وصفات حراير الكوزينة الجزء الثاني - الصفحة 73

sud$, · 2015-09-12, 16:01

ساعمل على تجريبها

idron0 · 2015-09-12, 16:58

طبق بالكابويا ام ساجد

قطعيها مربعات واقليها واقلي البطاطا مربعات وديري لحم مرحي قليه في شوي زيت وملح وفلفل اسود وبصلة مقطعة
وزوج حبات طماطم مقطعة مربعات وضيفي القليل من الماء ومن بعد حطي اللحم في الوسط ودوري بيه البطاطا والكابويا
وزيني بالمعدنوس او تحبي دريهم في الفرن وتضيفي عليهم البيض.

idron0 · 2015-09-13, 08:34

الصابلي ام سهام 02

نمد لك الوصفة لتقطع لك باه تقدري تقسميها وتنوعي فيها

250غ ماغرين طرية +1/2كاس سكر ناعم +1/2كاس زيت +2حبات بيض و1مك فانيلا غبرة ورشة ملح ونص باكي خميرة ما يعادل 1مص خميرة كيميائية ونلم وبالفرينة تكون مغربلة حتى نتحصلي على عجينة طرية

واذا حبتي اذا ديري جزء بالبني قبل ما تنشفي العجينة نقصي منها حوالي 1/3 وزيدي لها الكاكاو والبقات كملها لي بالفرينة حتى تتلم .

um alaa · 2015-09-13, 08:57

سيقار لينا11

بالنسبة للسيقار درت 03كيلات فرينة بنص كيلة سمن وملح ولميتو بالماء+ماء زهر خليتو رتاح ساعتين وحليتو بالماشينة رقم ماقبل الاخير ولفيتو على ليمول سيقاغ وطيبتو فالفور وحشيتو نستلي كرمال +قطايف ومن فوق شكولا ومسحتو بالناكري

idron0 · 2015-09-13, 09:00

السيقار لينا 11

درت 03كيلات فرينة بنص كيلة سمن وملح ولميتو بالماء+ماء زهر خليتو رتاح ساعتين وحليتو بالماشينة رقم ماقبل الاخير ولفيتو على ليمول سيقاغ وطيبتو فالفور وحشيتو نستلي كرمال +قطايف ومن فوق شكولا ومسحتو بالناكري.

إضغط هنا لرؤية الصورة بحجمها الطبيعي.

رنيم مهدي · 2015-09-13, 09:31

بارك الله فيك

idron0 · 2015-09-13, 17:48

بطاطا في الكوشة شاوية حرة 05

في كاسرونة حطي اطراف دجاج وزيت ورابي البصل او قصيه شرائح كيما تحبي كي نعود مزروبة نقضو شرائح وزيدي عليهم ثوم رابي وراس حانوت وفلفل اسود وطبعا الملح وكسبر ومعدنوس ورقة رند وشرائح طماطم وشوية طماطم الباطة انا ساعات ندير غير طماطم الحب وقلي مليح ومن بعد مرقي وخلي الجاج يطيب ومن جهة قضي البطاطا دوائر اقليها وحطيها في البلا تاع الفور وكي تعقد لصوص تاع الجاج فرغيها على البطاطا ورشي فوقها الدبشة ودخليها تزيد تتجمر في الكوشة ويتحمر الجاج تجي بنينة تهبل وساعات ندير نفس الطريقة والبطاطا نقصها ونلوحها مع لصوص تفبي الكاسرونة وكي يبقى شوية تاع لصوص ندخلها تتجمر في الكوشة باه نتفادى القليان بزززززززززززززززافhttps://www.djelfa.info/vb/showthread.php?t=1567157 وهذا رابط تاع الغرتان تاني يجي بنين.

idron0 · 2015-09-13, 17:54

قاطو سربريز om joujou

رطل زبدة 2صفار بيض نصف الكيلة تاع الباط سكر قلاصي قصدي الباط تاع الزبدة هو لي تكيلي بيه 1خميرة القاطو 1 فاني فرينة ملون احمر اخضر اصفر شيكولا
اخدمي الزبدة و السكر مليح ثم ضيفي البيض ثم لافاني ثم الخميرة الفرينة عينك ميزانك ثم اقسمي العجينة 3 اقسام ولوني كل قسم بلون ثم شكلي دوائر صغيرة .طيبيها ثم لصقيها بالمعجون ثم اغطسيها في الشيكولا.

إضغط هنا لرؤية الصورة بحجمها الطبيعي.

idron0 · 2015-09-13, 18:33

المايونييز lyzzabel

نخدمهاا بالبرا ،، نحط فالبوول تااع الميكسووغ حبة بيض كااملة بدرجة حراارة المطبخ و م ك موتاارد و م ك خل و رشة صغيييرة ملح و رشة سكر و الزييت من كااس فما فووق يعني حسب الكثاافة لي تبغييها ،، و نمييكسي كلشي مع بعض تطلع تم تم و تبغي تكتري اخدميي بالضعف فالمرة ما تكترييش باش ما تغبنكش فالخدمة.

idron0 · 2015-09-13, 19:25

المايونيز تاع الفورماج عطر الدهب

في طاس العصير خلطي 3 قطع جبن المثلثات مع فنجال حليب شغلي الميكسور وضربيهم مليح وزيديلهم بالتدريج كاس ونص زيت راح تتحصلي على كمية مليحة من المايونيز زيديلو الملح فقط راح يكون ذوقو راااااائع جدا
وبالنسبة لفينيقغات خل وزيت وقليل من الموطارد وملح وفلفل اكحل اما الثوم اذا راح تستعمليه حطيه في يوم العرضة لانو الثوم كي يطول في لاصوص فينيقغات يطلق ريحة قوية جدا وانا عن نفسي مانديروش.

شاوية حرة 05 · 2015-09-13, 20:20

حينواز بالدانيت. والعبار تاع السكر والفرينة بالعلبة
ستة بيض مع زوج ونص علب. سكر. ضربيهم مليييييييييييييح زيد معاهم علبة ونص زيت زوج دانيت. وعلبة ونص حليب وخلطهم.
زيد ستة ونص فرينة مغربلة زوج مرات مع زوج خمارة اربع مغارف كاكاو كامل مغربلين وضيفيهم علو تلات مرات او اربع. وحركي من فوق لتحت باش مايهبطلكش.
وقسميها على تلات تاع لي مول. دايريت. او ممكن تدير مول مستطيل كبير. واخر صغير. او. مستطيل. كبير. وقلب صغير.

اذا ماحبيتيش. ديريها بشوكولاطة. ديري دانيت كاراميل او فانيليا. وماتديريش كاكاو في بلاصتها زيد الفرينة.

الكريمة. حضري سيرو. 80 غ سكر مع 100 ملل ماء. خليه يبرد
ضربي 200 غ زبدة طرية مع السيرو. وزيد معاها 100 غ شكلاطة دايبة.
طلع كاس حليب مع شانتيي وخليطيها مع خليط الزبدة

والسطح. دير غاناش شكلاطة. نفس كمية الشكلاطة مع كريمة سائلة. تذوب الشكلاطة فالكريمة وحرك مليخ. وخويها على الكيكة. تاعك. واحتفضي بكمية. خليه يبرذ ملييييييح وطلعيه بالباتور وزيني بيه.

هادي لعشاق الشكلاطة

جنواز الاخت سماسم

أم ماجد · 2015-09-14, 11:39

كيكة الورود
لعيونك اخت ام وابنة هاذي وصفة الكيكة اللي عملت في عيد ميلاد دعاء سامحيني على التاخر
عملت بيسكوي رولي عادي
طلعت بالباتور 8 بياض البيض مليح مع رشة ملح اذا كان البيض صغير استعملي 10
ومن جيهة ضربت الصفار مع 240 غ سكر عادي ثم اضفت شوية فاني ثم 240 فرينة
ومن بعد اضفت البياض المخفوق على ثلاث دفعات ونخلط بملعقة خشب من تحت لفوق غير بلعقل
قسمت الخليط على زوج وطيبتو في مول فوق ورق الزبدة بعد ماطاب اول وحدة قسمتها الى ثلاث شرائط وانتي واش تحبي اذا حبيتي الكيكة عالية عرضي في الشرائط واذا حبيتيها واطية نقصي في العرض والثانية قطعت منها 2 دوائر والبواقي حاولت نشكل منهم شريط رابع وخليتهم يبردو
من جيهة ضربت 250 زبدة لابال طرية بالباتور ثم اضفتلها كاس سكر رطب 3 م ك عسل وفاني وفنجان حليب وخلطت مليح حتى رجعت تبرق ومن بعد اضفت ملون وردي
اخذت كل شريط ودهنتو شوية بالعسل مخفف بماء الزهر وطليتو بالكريمة اكيد بعد ما بردت
لفي اول شريط وحطيه فوق الدائرة الاولى حطيه واقف ثم لفي عليه الشريط الثاني بعد ما تدهنيه بالكريمة وهكذا حتى تكملي الشرائط اللي عندك واذا بقاو جوانب الدائرة يبانو نقصي بالموس
ثم ضعي الكريمة من فوق وضعي الدائرة الثانية واضغطي على الجوانب ومن فوق بيدك مليح وخليها في الثلاجة تحكم روحها

إضغط هنا لرؤية الصورة بحجمها الطبيعي.

ثم زينيها بورود بلكرام شانتي انا عملت زوج الوان وردي وابيض البنة راااااائعة والشكل ثاني والله بنتي فرحت بيها بزاف

إضغط هنا لرؤية الصورة بحجمها الطبيعي.

وهاذا لادوي اللي خدمت بيه الصورة لليزا لانو عجبها شكرا على التعليق حبيبتي

إضغط هنا لرؤية الصورة بحجمها الطبيعي.

ملاحضة
كون تصيبي ما تخليش البيسكوي يحمار بزاف شوفي كيفاش خرجلي احمر بزاف

idron0 · 2015-09-15, 19:51

معجون الكرموص ام رحاب

كيلو كرموص اتشليه واتخليه يقطر مليح
وجدي كيلو سكر نحي منو كاس وديري فنجال ماء وخليه ايطيب على نار قليلة وديري معاه 2 نجمات الارض ونص حبة قارص للدوق ايلا ماحبتيش تقدري تستغناي عليها وكي يغلي الخليط مليح لازم تقعدي اتعسي فيه باه مايتحرقش لعسيلة امبعد ارمي الكرموس واخليه ايطيب على نار قليلة وكي يطلعو رغاوي نحيهم خليهم حتان اتشوفي الكرموس تاعك طاب وامبعد طفي عليه.

idron0 · 2015-09-15, 20:11

السفنج ام عبدو و ملاك

ندير قيس قرصة كسرة سميد و 2 مغارف كبار خميرة المطلوع و مغرفة كبيرة سكر ومغرفة كبيرة لحظة ونبل بالماء الدافيء و نعجن مليح و نخليها تطلع و كي تطلع ندير الملح و نزيد نعجن شوي قيس ما يدخل الملح في العجينة و نزيد نخليه يطلع و من بعد نطيب بصح كي نعود نحل في العجين ما نديرش في يدي الماء لالا ندير الزيت .

*توبــــة* · 2015-09-15, 20:27

شخشوخة الظفر
عازفة الناي

المرق :
* نرحي البصل مع الثوم والفلفل الحار و نقليهم فشوي زيت من بعد نضيف الطماطم المصبرة 2 ملاعق تقريبا و نضيف البهارات(ملح ، فلفل اسود ، فلفل احمر حار مرحي ، توابل ) و اللحم سواء تاع الجاج او لحم خروف و نقلي مليح
* نمرق بشوي ماء دافئ و نخلي اللحم يطيب
* نقطع حبة او زوج بطاطا وحبات جزر و كي يبقى 10 د للحم باه يطيب نظيفهم للمرق مع حفنة حمص منقوع و قرن فلفل حار و نخليهم يطيبو و يعقد المرق
* نحط البرمة فيها ماء باه نفور الشخشوخة
* نرش شوي زيت على الشخشوخة وشوي ملح ونحطها تتفور
* كي تتفور للمرة الاولى نرشها بالماء مليح و نرجعها تتفور و المرة التانية نرشها بالمرق اللي حظرناه و نزيد نخليها تتفور
يعني نفورها 3 مرات من بعد نجيب 2 ملاعق زبدة ونحطها على الشخشوخة وهي سخونة وانبدى نظيف فالمرق حتى تتشرب الشخشوخة مليح
ممكن تجمريها فالفرن مدة 15د او على النار
و من بعد تتقدم بالف هناء