دورة فراشات تزهو بالألوان بيوتهن قمة في النظافة و التنظيم و التدبير و الاتقان

[حسناء القمر]

جمعه مباركه

[بعيدة المنال]

جمعة مباركة عليكن جميعا وعطلة سعيدة لكن ولأولادكن ، وجعل حياتكن ورود ورياحين نسأل الله تعالى لمن كانت السبب في هذه اللمة الطيبة السعادة في الدنيا والآخرة
حبيبتي فراشات العمر : غازات البطن تعاني منها كل امرأة تقريبا خاصة لي دايرة سيزاريان وأنا منهم ، لم تنفعني الأدوية على كثرتها فلجأت كعادتي الى العشوب لم أرتح نهائيا لكن خفت بزاف على الأقل دخلت كرشي شوي كنت تقولشي بالحمل رغم أني ما نيش سمينة فقط الكرش مطبعة قدامي ، الآن التحسن ظاهر .والآن هاهي أختنا ملاك الفردوس تعاني أيضا ربي يشفيها ويشفيك ويشفي كل مؤمن وخاصة زوج أختنا رقية يا رحمن يارحيم منّ عليهم بالشفاء العاجل غير الآجل واجعل أمراضهم لهم طهورا
- ياسمينتي القافزة الحلوة كي العسل الله يحفظك بصح ما قلتيش وش راكي تديري ضك ولا ناوية تخبي باش تفوزي هذا غش غير مقبول قولي بالتفصيل الدقيق ضك قعدتلك والعناد في طبع ( تاغنانت)
أختم بالمسك حبيبة قلبي حبيبة : والذي نفسي بيده لا أنفك أدعو لك بكل ما هو في علم الله تعالى خير لك فأنت أختي التي قدر الله أن يكون رابطنا قد انعقد في السماء مباركا كونه حبا في الله. في أي فسحة وقت تناسبك أرجو أن تتأملي برنامجي لعطلة أسرتي وتقييميه حتى يتسنى لي جبر النقص فيه .
اليوم بالنسبة لنا أول يوم في العطلة ، لا مشكلة لدي في صلاة الفجر فقد تعودت مع زوجي ربي يحفظو من كل سوء أن نستيقظ قبل الفجر بمدة ولا نحتاج في ذلك الى منبه - مسألة تعود - حتى في أيام العذر لا أستطيع النوم في ذلك الوقت ، بعد الافطار شاركتني بناتي ربي يحفظهم التنظيفات الروتينية - فقد تعمدت تسبيق التنظيف العميق في الأسبوع الفائت - كي يكون برنامج اليوم خفيف ظريف وفاجأني ابني ببريق في عينيه وهو يشاهد أقرانه في الخارج يلعبون بالرمل - أحضره الجيران لأشغال عندهم - ولفت انتباهي سعادتهم وهم غارقون فيه ، فسمحت له بالخروج للعب لم يصدق ما يسمع وراح يكرر علي سؤاله ( ما عليهش نلعب ؟) وخرج غير مصدق وكم استمتع ..... طبعا كانت الخاتمة دوش صحيح .
تقييمي للأسبوع الفائت : 10/8 وهي نسبة مقبولة عندي في الوقت الحاضر
تخطيطي للأسبوع المقبل ينطبع بصورة العطلة وبرنامجها ، قررت وزوجي مفاجأة أولادنا برحلة سياحية لم نحدد وجهتها ولا يومها ( طبيعة زوجي لو ألححت عليه في ضرورة التحديد لألغى كل شيء فهاني نسايس حتى نوصل)
أطلت الثرثرة أعان الله أخواتي على تحملي
نسيت أن أشكر المبدعة حرة الحراير على ما تجني من أجر تذكيرنا الله يجازيك كل خير

[oum sabrin]

مساؤكم سعيد و جمعتكم مباركة حبيباتي الفراشات
عطلة سعيدة و مفيدة مع برنامج حبيبتنا حبيبة بارك الله فيها
انا في الحقيقة ولادي صغار بنتي في الروضة ما تديش عطلة و لكن راني استفيد لتكون عندي خبرة السنة المقبلة ان شاء الله
اعتدر لغيابي امس لم لستطع الدخول في هده المرحلة مازال يجوني ضياف لان المرحومة عجوزتي كانت ساكنة معايا لبارح جاوني بنات لوسي و اليوم صبحت مع الطياب درت جفنة طعام للمسجد و بعثت لنسا لواسي واحدة تسكن فوقي و الاخرى تحتي خرجتو صدقة على عجوزتي الله يرحمها هي الاسبوع الجاي باش تدير 40 يوم و لكن زوجي قالي ديري هدا الاسبوع لتجنب الوقوع في البدع الاربعينات ...الخ الاهم هي الصدقة ان شاء الله تكون وصلتها و ادعولها بالرحمة و المغفرة وان يسكنها الله فسيح الجنان امييين
يعني اليوم حتى الواحدة باش خرجت من المطبخ بعدما فطرت اولادي و نظفت المطبخ و خديت دوش خفيف و غيرت ملابسي صليت و كي جا زوجي من المسجد تغدينا كيف كيف و حضرت شويا بريوش للقهوة

[oum sabrin]

جبتلكم باش تشربوا قهيوة
تفضلوا

[بعيدة المنال]

أولا عظم الله أجركم فيما أصابكم وغفر لميتتكم ورزقها الجنة
ثانيا بما لأني أول من نرد عليك البريوش من حقي راهو يشهي يعطيك الصحة أممممممممممممم يهبل

[فراشات العمر]

الله يرحمها ويرحم ابي ويرحم جميع الموتى المسلمين ترحمو على هذا ايضا راه يجيني في البال بزاف واقيل يحتاج دعوة رحمة منكم

حديدوان

[oum sabrin]

اختي بعيدة المنال بارك الله فيك على التعزية و الدعاء
بالنسبة للبريوش غالي و طلبه رخيص بصحتك حنونة
اختي فراشات العمر اتمنى انك تكوني قد تحسنت صحياو شكرا لك على الدعاء رحم الله اباك و رحم الفقيد حديدوان و كل موتى المسلمين برحمته الواسعة امييييين يا رب

[ارزاق]

مساء الخير عليكم والله لما توصل العطلة تحكمني الخلعة لانو العطلة عندي معناها الصراخ الم الراس الشجار بسبب اولادي ربي يعيشهم ساعات نتجاهل لكن في اكثر الاحيان منعرفش كفاه نفك النزاعات بينهم وين راكي يا اختي حبيبة انقذيني

[farah hiba]

السلام عليكم .....انا عضوة جديدة معكم ويشرفني ان اكون بين هذا الجمع الرائع من النساء المتحضرات المتميزات بنوعومة تفكيرهم ومحاولاتهم الايجابية للوصول للكمال....ارجوا قبولي معكن اخت وصديقة فانني احاول بدأ حياة جديدة بعد زواجي وانااحتاج لنصائحكم القيمة وافكاركم الجميلة .....وبارك الله لكن في وقتكن وجعل النجاح في حياتكن واعلمن ان مجرد تفكيركن في تحسين حياتكن اليومية دليلا على انكن عظيمات

[YASMINE SILA]

السلاااااااااام عليكم هاني جييييت و جبت معايا تقريري سانزله بعد قليل
ام صابرين ربي يرحم عجوزتك و بكون ماواها الجنة و بلهمكم الصبر و السلوان ياااارب و يرحم جبيع موتى المسلمين
حبوبتي ام منال يا روح قلبي وشراااااكي ماقلتش واش راني ندير لانو عندي مخطط نمشي عليه -وقتي محدود جدا في النت و زيد راني نسيي نتبع البرنامج بكل خطواته عليها ندخل كل يوم نقرا كل المشاتركات مرة في اليوم و نطبق واش يكون مبرمج و عندي مرة كل جمعة ناخذ راحتي هنا فالمنتدى و نكتب تقريري مفصلا- ان شاء الله تكوني فهمتيني و راكي منافسة قوية علابالي لكنني اقوى خخخخخخ -شريرة انا-
الفريق بدا يكبر و هناك فراشات جدد يحلقن معنا يااامرحبا اهلا و سهلا

[بعيدة المنال]

مرحبا مرحبا الفرح الكل معانا اليوم هذي ساعة مباركة لي تزيد عندنا أخت جديدة وزاد عروسة واش كاين خير من هاك الدار دارك واحنا اوخياتك أنواي وابداي راه كلش يسهل بالجماعة والله أحيانا نحس بتراجع أو ضعف نجي جري للميكرو يطلعلي المورال ونوض فور جربي ومش راح تندمي

[YASMINE SILA]

هاذا تقريري لثاني اسبوع راني كملتو بعد جهد جهيييييييد تحميل الصور عياني

https://www.djelfa.info/vb/showthread.php?t=1776608

[حبيييبة]

اهلا بالغالية المجتهدة فراشتي أفنان
ربي يزينك بطيبة قلبك و روحك حبيبتي
ربي يعينك و يقويك
راائع تقسيمك راائع
لانوا كل حاجة فالبيت لها فترة محددة لتنظيفها
انت هكذا التزمت تلك الفترة تقريبا (هي من المفروض تكون مرة فالشهر
لكن انا درتها مرة فالاسبوعين باه يكون التنظيف سهل و دوري)
و كذلك لانك هكذا رايحة تكوني تعملي و ترتاحي
و ما تتعبيش بزااف
ربي يحفظك حبيبتي



انت اللي عسل يا عسل
اهلا بدرة قلبي فراشتي الدر المكنون
اللهم آآمييييين شكرا لك على الدعوة الطيبة حبيبتي
ربي يخليك ليا ياا رب
ما ارقك و ما اجمل قلبك حبيبتي
اجازة سعيدة ليك و لاولادك
ماشاء الله لا قوة الا بالله
ربي يحفظهم و يحميهم
بصحاتهم و ان شاء الله تفرحي بيهم كيما راكي متمنية ياا رب
ماشاء الله على الكيكة انت بارعة حبيبتي
ربي يحميك
j'espére خلاولي حقي!!!!
ولا قضاوا عليها كاامل!!!!



اهلا اهلا بالحبيبة Esprit f
اهلا و الف مرحبا بيك بيناتنا حبيبتي
بالبركة عليك و ربي يسخرلك ان شاء الله
ويجمعكما في خير ياا رب
ما تقلقي روحك ماوالوا غيير باعلقل
و راح ترجعي نحلة فالعمل فبيتك و فراشة في رفرفتك فيه و في حياة زوجك
ابداي بسم الله تطبقي معانا
و تحتاجي اي شيء لا تترددي ابدا
انا في خدمتك حبيبتي



اهلا اهلا حبيبتي الجميلة اوراسية
ههههههههه ايه هاااااااااااااادئة جداااااااااااا
ما تأمنيش عقلك
على العكس انا كيما الاطفال تاع 4 سنوات
مش فوضوية لكن مشااغبة
( بصح غي شوية شغب ماشي بزاااف!!! )
هههههههههه
ربي يعينك و يفرحك ببنياتك ياا رب
ا



يا غاليتي يا شقيقة روحي حبيبتي ام مناال
وينك يا حبيبتي والله غير قلقتيني عليك
و كنت ندعيلك يكون مانعك خير ان شاء الله
توحشتك بزاااااااااف
ربي يحفظك و يحميك لينا حبيبتي
و يدوم عليك نعمه و يحفظهالك من الزوال ياا رب

راااااااااااااااااااااائع بلا نقاش او اي تعقيب
ممتاااز برنامجك ممتاااااااااااز
ان شاء الله كلنا نستفادوا منه حبيبتي
نظام و تنوع في النشاطات
مع مراعات كل الاذواق و الظروف
ممتاااااااااز
ربي يسترك مالعين يا قلبي و يحميك

والله حتى انا نكون نخدم في شي حاجة
و نتخيلك قدامي وتحكي معايا
يا الله على التآلف اللي راه بين قلوبنا
سبحان الله
ربي يدومها علينا نعمة ياا رب



اهلا بالرشيقة أم فاطمة
واش راكي حبيبتي
العفو حبيبتي انا في خدمتكم
لاباس عليك حبيبتي
ما تكثريش على روحك الشغل في هاذ الفترة
لانو جسمك خلالها يكون حساس و يتأثر باي شيء
ارتاحي اكثر من انك تخدمي
ربي يحميك حبيبتي



اهلا اهلا اهلا اهلا اهلااااااااااااااااا
و الف الف الف الف مرحبا
بالحبيبة سمية
ماشاء الله لا قوة الا بالله
اخييييييييييييرا بعد طوووووول متابعة
شرفتينا بردك و مشاركتك معانا
ربي يعينك يا فراشتي المجتهدة
و يوفقك و يحميلك بنياتك و يفرحك بيهم ان شاء الله
متشوقة نقرا تقريراتك اليومية و نتابعها معاك حبيبتي

بالنسبة للموضوع استسمحك حبيبتي و استسمح كل من تحتاج تصفحه
لتقصيري في نقل باقي المشاركات القيمة اليه
بسبب ضيق وقتي
لكن وعد رايحة نحاول نكمله كل ما اتيحت لي الفرصة باذن الله



اهلا اهلا بفراشتي الحسناء
واش راكي حبيبتي
قبلاتي لك
ماعليش حبيبتي رانا عاادة فالبداية تاع التنظيم
و البرامج و التخطيط
من الطبيعي رايح كلشي يتلفلك
لكن مع المداومة و الاستمرار رايح تحكمي روحك
و ترجع هاذ الاشياء بديهية عندك باذن الله
ابشري



اهلا حبيبتي ياسمينة الفراشات
يا عروسة العرايس
ربي يفرح اميمتك بيك عن قريب ان شاء الله
و يخليهالك و يحفظهالك تاج فوق راسك حبيبتي
شكرا على الدعوات الطيبة
ربي يخليكم ليا ياا رب
سلامي الحار لماماك يا ياسمينتي



اهلا بالفراشة الفخورة نايلية
ماشاء الله لا قوة الا بالله
ربي يحميك حبيبتي
و يعينك ياا رب
رااااائع تفكيرك رااائع
انك تبقاي مراقبة الاماكن الساخنة حتى ما ترجعش
تسخن خخخخخ
وهذا تطبيق رانا جايين ليه ان شاء الله
واااصلي حبيبتي
و ان شاء الله زوجك و كل من يعرفك سينبهر بك
يا فراشة الفراشات



اهلا اهلا بالحبيبة فراشتي النجيبة نجاة
سلامي للحبيبة ماماك
و ربي يحميها يا رب و يعطيها صحتها
سلامي ليها حبيبتي
و غير بالشويا على وليدك
من الطبيعي بالنسبة لابنك
لانه راه عاادة يتعلم ومازاله في خطواته الاولى
ساعفيه و علميه و غيير بالشويا عليه
وان شاء الله مع الممارسة و الاستمرار رايح يرجعلك كيما يحب خاطرك

ماشاء الله لا قوة الا بالله
ربي يعينك حبيبتي و يدوم عليك نعمه
ياا رب
رااائع واصلي حبيبتي
و ان شاء الله رايحة توصلي لكل ما تسعين اليه
ابشري حبيبتي




اهلا اهلا بالحبيبة الغاالية فراشتي الجميلة ام امجد
لاياس عليك حبيبتي
المهم انك راكي اتبعي تطبيقاتك
و تدخلي مرة على مرة تعطينا تقريرك باه نتمكن من متابعتك حبيبتي

سبحان الله القلوب راهي عند بعضاها حبيبتي
راهي الالفة اللي بين قلوبنا دايرة عملها فينا خخخخخ

بالنسبة لرمضان رايحين نحضروله باذن الله
من كل الجوانب
الدينية ، الطبخ و التفريز، و التنظيفات
ابشري حبيبتي

يا عمري على هبوشة الصغيرونة
ربي يحفظهالك و يحميهالك ياا رب
و يفرحك بيها ان شاء الله
و تشوفيها من الناجحين و كيما يحب خاطرك
بوسيييهااالي بووسة كبييييرة
و قوليلها من عند طاطاها حبيبة



مرحبا مرحبا بالغالية الحبيبة فراشتي المجتهدة أم ريتاج
ادخلي حبيبتي قلوبنا مفتوحة قبل بيبانا
هههههههههههه صاحا يا مرأة الكاراتييي
هههههههههههههههههه
والله غير تخيلتك هاكا ههههههههههه
سلميلي على ماماك
و ربي يخليهالك و يحفظكم لبعضاكم ياا رب
تقريرك اعجبني حبيبتي راائع
واصلي حبيبتي و كلنا معاك
بالنسبة للنقطة انت رايح تعطيها لنفسك بعد شهور من الآن
لما تنتهي دورتنا الحبيبة




اهلا اهلا اهلا بالحبيبة فراشتي الانيقة ام آآدم
ربي يحفظلك وليدك و يحميهولك ياا رب

نحسن عونك يا حبيبتي هي صح صعبة شويا
الضياف لما يجيوا لعندنا كلشي يتلخبط
و نتخلى عن كل برامجنا و انظمتنا من كثر حفاوتنا بيهم
لاباس عزيزتي
انتي حاولي تسيطري على الفوضى اللي تحدث فالغرف
بغلقها على الاطفال
ة تخليلهم غرفة وحدة برك يبقوا فيه
باش نحصروا الفوضى
بالنسبة لبرنامج العطلة
ماعليش انت حاولي تحطي برنمج
اذا كتب ربي و خدمتيه مع اولادك كان بها
اذا جاوك ضياف او اضطريتي انك تروحيلهم انت
فلاباس
لان في ذلك ايضا ترويح عن النفس
و الخروج من روتين المدارس
انظري حبيبتي للجانب الايجابي للامور حبيبتي
ربي يحفظك و يحميك يا قلبي



اهلا اهلا بالحبيبة الرقيقة ام سلمى
الراضية المرضية
ربي يرضا عليك اكثر و اكثر حبيبتي
و يدوم عليك الصحة و الستر
و يحميك ياا رب
برنامجك جميييل وراائع
ماشاء الله عليك
انتي اللي راكي تهبلي حبيبتي



اهلا بالغالية الحبيبة فراشة الفراشات
فراشات العمر
لاباس عليك حبيبتي
ما تعاوديش اديري حلاكات
ممكن توجعك
اتهلاي في روحك
يا عمري على وليدك يا عمري ياعمري
بوسيهلي حبيبتي
بووسة كبييييييرة بزااااااااااااااااف
4 مرااااااات من عند طاطاه حبيبة



اهلا اهلا بالحبيبة زينب
الف مرحبا بيك بين الفراشات
ربي يعينك حبيبتي
خذي نفس عميق و قولي بسم الله
و اكملي قراءة الصفحات
و باذن الله لما تبداي تطبقي معانا حبيبتي
رايح خطوة خطوة تتغير افعالك و تصبح عاداك
من كونها مجرد افعال حبيبتي
و رايح تشهد الاستمرارية باذن الله
ابشري حبيبتي

[حبيييبة]

استسمحكم غالياتي
لم اتم الرد على كل المشاركات

اريد ان ارحب بكل المشتركات الجدد
و راني قريت تقريرك عروسة العرايس
غدا باذن الله نرد عليك
ماشاء الله عليك


حبيباتي
حابة نطلب منكم غدا تكتبولي نموذج عن هدف من الاهداف
اللي خططتوها لهذا الاسبوع
حتى اتابع معكم صحة صياغتها باذن الله


لا تنسوا التبيقات حبيباتي
لا تتكاسلوا يلا ما بقاش بزااف
و هذا التهاون و الكسل يمحى من حياتنا للابد
شوية مثابرة و اصرار
و بالطبع طلب الاعانة من رب العالمين
الغافر الغفور الغفار
سبحانه
لا تنسوا تسبيحه حبيباتي


ساشتاق للقياكم غدا صباحا
احبكم من اعماق اعماق قلبي
كلكم
فراشات مشاركات و متابعات بصمت

دمتم بود حبيباتي

[omselma]

مسااااء الخير اختي حبيبة شكرا على دعوة الخير اللي دعيتيهالي معلبليش شحال في عمرك لكني نحسك امي انا راني في العشرينات اذا كنت اكثر من هكدا سامحيني نقولك ماما انا تطبيقي لنهار اليوم هو تنظيف البيت يعني تسياق مليح الغداء عندي الاكل دوش ا
مليح سيشوار للشعر ماكياج كامل رحت لدارنا حمدت السلامة لزوجة اخي ولدت ليوم خرجت تعشينا في دارنا انا وزوجي روحت درت لشيخي تعشى هدا واش. درت ليوم حبيت نمد معلومة عالاستغفار.اقوى و احسن علاج لتاخر الانجاب هو الاستغفار وادا اراد المسلم شيءا ما عليه بالاكثار بالاستغفار ماما حبيبة هل تقدرو تفيدوني باسلوب معين نبدا بيه الماكلة لوليدي بديتلو غير الفرينة وراني حابة نزيدلو حساء الخضر بما انو كاين معانا امهات الله يبارك عندهم خبرة ممكن يفيدوي من فضلكن حابة نعرف واش نديرلو في الغداء واش نديرلو في العشاء. تصبحو اخواتي عى الف خير بااااي