وصفات حراير الكوزينة الجزء الثاني - الصفحة 72

idron0 · 2015-09-07, 16:51

نصائح على الكازانتيكا mizou 123

لاااازم نخليها ترتاااااح مثلا نديرها على 10 و نطيبها على 12 و راهي ما تشدش في طيابها و تان كي نخليها ترتاح ماشي في البلاتو اللي تطيب فيه لالا خاطرش تحثل قااااع التحت خليوها ترتاح في واش تخلطوها و كي تولو راح تفرغو الخليط في البلاتو خلطوها مليييييح و فرغوها و كي تديروها تطيب لاااازم الفرن يكون سخون ملييييح و خليوها غيييير تطيب شوي برك من تحت و شعلولها من الفوق حتى تتحمر و على فكرة انا نزيد فيها فرماج تجي هاااايلة. و اختي اولادها ياكلو غير الفوقاني و يخليو اللي شووووووي يابسة من تحت ايا ولات كي تبدا تطيب من تحت مرة على مرة تخلطها بالفرشيطة ثم تشعللها من الفوق تتحمر و تجي قاااااع كيف كيف طرية بلا الطبقة التحتانية. ان شاءالله نكون افدتكم.

idron0 · 2015-09-08, 09:31

لي قلات om hind

لي قلات هاذوك ذوق للكروكي بزاف من وصفات سليمة يعلى انا درت نصف المقادير
4بيض وزيد يلهم كاس سكر وفي جفنة أخدمي مليح حتى يذوب السكر وزيدي نصف كاس زيت. وزاست تاع القارس واخدمي بكف يدك وزيدي نصف كاس نشاء و زوج شكاير خميرة و لمي بالفرينة لازم تكون شوي مطلوقة لازم ما نيبسيهاش و ادهني يدك بالزيت وشكلي كويرات سمك 1.5سم وحظي في البلاطو المدهون ومن بعد ادهني بصفار بيضة مع مغرفة قهوة وزيني بالفرشيطة.

إضغط هنا لرؤية الصورة بحجمها الطبيعي.

idron0 · 2015-09-08, 10:32

المطلوع ام ساجد

نكيل بعلبة لابال الصغيرة نعمل زوج كيلات سميد وزوج كيلات فرينة ومغرفة اكل خميرة
ومغرفة اكل سكر نخلطهم ونبدا نضيف الماء الدافئ ونضيف الملح ونعجنها ونخليها شوي طرية ونخليها تخمر
وبعد ما تخمر نضيف ليها 4مغارف اكل زيت ونعجنها حتي تتشرب الزيت ونقسمها علي 4كريات ونحلها ونخليها
تخمر مرة اخرى ونطيبها في طاجين الطين.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-09-09, 07:54

القلاصاج ام محمد تاج

ديري لقلاصاج بكمية قليلة باش ميبسش خاصة كي عاذ نتاع عرس ومدتلي لقلاصاج هذا جربوه على ضمانتي ومتخافوش فنجال زيت + فنجال حليب + فنجال ماء زهر واذا حبيتوه ذوق القارص تقدر ديرو فنجال عصير قارص القارص يكون مصفي في الصفاية والسر في هذا لقلاصاج مغرف صغيرة نتاع خميرة القاطو وطبعا تزيدو مغرف فاني ومغرف كبيرة منكه غذائي لوز لحلو طبعا تخلطوهم وتبداو تضيفو السكر الارطب لمغربل حتان تتحصلو على القوام المطلوب وفي الاخير طبعا تضيفو لملون لي تحبوه انا استعملت نتاع لقرع اما الملون نتاع الغبرة حلوه في شوي ماء زهروزيدوه صدقوني قلاصاج رائع .

idron0 · 2015-09-09, 10:36

ارز في الفرن ام نسيبة العامرية

قليت البصل مع الزيتون اخضر و المعدنوس و الطماطم
ومن جهة غليت الارز المفور مليح و قليت بطاطا مكعبات
و الطرشي كيما راكو تشوفو نحيتلو غطاءه و قليتهم لثنين
ومن بعد خلطت الارز مع كل المكونات و حشيت بيها الطرشي و درتو في الفرن يتحمر شوي مع الارز.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

Racharayan · 2015-09-09, 10:50

السلام عليكم هل يوجد قسم خاص بمشاكل الجمال و الشعر خاصة لاني بحثت و بحثت و لم اجد شيئ دلوني جازاكم الله خيرا

idron0 · 2015-09-09, 16:38

قريوش الطاجين الهام 07

كغ فرينة
ثلاث ملاعق خل
زوج بيضات
قطعة زبدة فلوريال ذايبة وباردة أو اي مارغارين تحبي ( قطعة نتاع نص رطل تنقصي منها مقدار زوج صباع يعني تقريبا الربع )
قرصة ملح
وتبلي بماء الزهر حتى تتحصلي على عجينة تكون طرية ومتماسكة ( انا البيض نخفقو مع شوية ماء زهر قبل لا نحطو في العجين باش مايبقاش متكتل في العجين )
تعجنيها وتقسميها على ثماني كريات وتغطيها بكيس نيلو وتخليها تريح نص ساعة او ياعة
تحليها بالنشاء قرصات وتكون رقيقة وتحاولي الشكل يكون مستطيل باش مايجيش فيها الحواشي بزاف
قد ماتكون القرصة نتاعك عريضة يجيو فيها عدد لفات اكثر ويجي القريوش أبهى
تنظفي مليح الطاجين نتاع الحديد نتاعك وتتحطيه يسخن على الطابونة والنار تكون ذليلة خلااااااااااااااص
تحطي بالقرصة غير تنشف برك العجينة وهي بيضاء تقلبيها غير دقيقة تنشف برك وتنحيها ، تروليها على شكل حربوش وتدهني الحافة بالبيض وتلوحيها في كيس وتغلقي
وتكملي هكذا مع كل القرصات
تجبدي بالحربوش وتقصي بالاداة اللي نقطعو بيها المقروظ وتحاولي تميلي مليح كي تقصي وماتخشنيش بزاف خلي غير مقدار اصبع وقصي باش يجيك الشكل باهي
كي تقصيهم حليهم بسرعة وحطيهم في صينية وغطيهم مالازمش ينشف والا ماينتفخش في المقلاة
كي تخلصي دسر مقلاة عميقة فيها زيت غزير واقلي القريوش على نار متوسطة
وماتعسليهش غذا ماكيش رايحة تاكليه قريبا .

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

idron0 · 2015-09-09, 16:59

الجااج مفور lyzzabel

سااهل و صحيي و بنييييين
نقي الجااجة تااعك مليييح و اغسلييها و قطرييها و وجدي الشرموولة او التواابل ،، دييري الملح و الفلفل الأسود و الكمون و سكنجبيير و رااس الحانووت و سناات ثووم راابي ولا مقطعيين رقيييق و شوية خل و زييت الزيتوون تنجمي تعوضييه بالزييت النبااتي بصح انا نفضل زييت الزيتوون و معدنووس مقطع رقييق ،، اليووم ما درتهش على جاال الأولااد ،، خلطي المكوناات و تبلي الجااجة من دااخل و من برا و تحت الجلد و خلييها تتشرب ،، من بعد فورييها فالكسكااس و ديري علييها ورقاات رند و غطييها ببلااستييك غذاائي و زييدي الغطااء تااع الكسكااس ،، ميين تطييب حمرييها فالفرن بعد ما تدهنييها بالمارغريين ولا السمن ،، أو حمرييها فالمقلة في شوية دهاان ولا خلييها ما تحمريهااش ،، تنجمي تعمرييها قبل ما تفورييها بالرووز طاايب فالماء و الملح نصف طيااب و متبل و تنجمي تضيفييله الشي لي عندك مثلاا زيتوون مقطع ولا شومبينيوون الخ........... و قدمييها مع بييري ولا معقوودة ولا شربة او حرييرة ممممممم.

idron0 · 2015-09-10, 09:24

المادلان الصحي سوسو المغتربة

راني معتامداتو ربع كاس زيت ربع حليب بيضة ربع سكر م صغيرة خميرة الحلويات شوي زبيب و قرفة والفرينة صراحة ما نقيسش تقريبا كاس المهم توصلي للقوام لي تعرفيه تاع المادلان وتغيري الزبيب مثلا جزر رابي والقرفة تجي بنينة معاه ومثلا تنقصي كمية من الفرينة وتضيفي النخالة او الشوفان او تضيفي فواكه مقصوصة صغيرة وهذه الوصفة تخرجلك 6 مادلان انا زوجي ما ولاش يشريه يهبل عى تاع الدار.
بالمناسبة انا لاحضت لي كيسات تاع السيليكون يخرجهولي احسن في الخفة طبعا نستعمل اكواب الورق.

idron0 · 2015-09-10, 09:34

لي بابا ام لجين هيثم

4بيضات،250غ فرينة،2 مغارفكبار حليب،2مغارف كبار ماء دافيء،2قشور القارس،3مفارف سكر عادي،قرصة ملح،1مغرفة كبيرة خميرة المطلوع
خلطي كلش بالباتورحتى تولي عجينة مطاطية بعدها ذوبي 100غ زبدةوهي حامية لوحيها للخليط و ضربي بالخلاط مليح حتى تدخل مليح مع لعجينةبعدها ديريها في لي مول الخاصة بلي بابا بعد ماتكوني دهنتيهم بالزبدة و رشيتيهم بالفرينة وخليهم يخمرو مليح دخليهم للفرن 180 درجة كي يطيبو لوحيهم في السيرو.
سيرو:1ل ونصف ماء،رطل سكرأحرش،حبة قارسخليها فوق النار مدة 10دكي تطيب نضيف لها extrait تاع ماء الزهر
التزيين:
كرام شونتي و فواكه
ملاحظة:بعد ما تحطيهم في السيروأدهنيهم بالمربى اذا كان عندك باه تجي تلمع.

idron0 · 2015-09-10, 18:36

ادرار الحليب ام سوهيل

شوفي خدي 2 مغارف زريعة البسباس حطيهم في كاس
وغلي قد كاس تع ماء حتى يغلي ويدير انبابل وفرغيه على الزريعة وخليها تتنقع ومبعد صفيها وسكريها وشربيها وهية دافية شوية

اشربيها فليل كتكوني رايحة ترقدي وفي الصباح على الخوى

مفيدى ايضا لي الغزات الي في البطن يعني عصفورين بي حجر واحد

اولى تتخلصيى من الكرش البارز وتاني شيء وهو الاهم تسعدك في ادرار الحليب.

om hind · 2015-09-10, 18:59

ربي يجازيك خير اختي ادورون والله تستاهلي أحلى دعوة ربي يفتح أبواب الخير في وجهك ويسترك ويرزقك خيري الدارين
ااااااااااااميييييييين

idron0 · 2015-09-12, 11:28

الفوندو ام ساجد

سكر ناعم مغربل ونضيف اما حليب اوماء انا نفضل ندير الماء باش كي يفضل نحطو في ساشيي
ونخبيه فيالمجمد وما يفسدش ضيفي السائل بالقطرات لازم يكون ثقيل ونحي شوي ضفيلو كاكاو باش تتحصلي
على فوندو اسود دري،بيه الخطوط.

idron0 · 2015-09-12, 15:55

قاطو اقتصادي ام سراج وملاك

زوج كيسان زيت+كاس ماء زهر + باكي خميرة القاطو وتلمي بالفرينة حتان تولي عجين طرية
الحشو كاوكاو مرحي مخلط بالمعجون او نواد كوكو مخلط مع معجون
كي تلمي لعجين شكلي دائرة وديري شوي من الحشو داخل وكي تكملي لعجين نتاعك كامل طيبيهم وهوما سخونين مرمديهم في سكر الارطب مرتين.

sud$, · 2015-09-12, 16:00

الله يسترك على هذه الوصفات