الى ام اسيد1 وكل وحدة حاصلة واش الطيب - الصفحة 72

ام حمزة22 · 2014-11-16, 11:31

اقتباس:

المشاركة الأصلية كتبت بواسطة روح مراد

صباح الخير عليكم
إن شاء الله تكونو بخير و على خير و كل واحدة ربي يهنيها و يوفقها في أعمالها
أم هديل ربي يشفي بنتك إن شاء الله بوصفير راهو مرض عادي للصغار بالدواء تبرا إن شاء الله ماتقلقيش روحك و ما تخلطيش برك في الوصفات
أم حمزة و أم سيد و أم سهيل و الأخريات يعطيكم الصحة راكو قايمات بالحالة
صدفات راكي متفرجة كي بحالي نصفقو برك

صباح الانوار روح مراد يادرا الل رحتي البارح لطبيبة ولا لالا

اقتباس:

المشاركة الأصلية كتبت بواسطة هند11

الاطباق لي جربتهم هي عدس وكامل شوفلورلي حطتيهم سلاطة الرزباذنجان مع البطاطا عجبو كامل العائلة

يعطيك الصحة كاش اطبق زيدي حطيهم

الله يسلمك و بصحتكم والله فرحت كي جربتي الاطباق وعجبت العائلة

اقتباس:

المشاركة الأصلية كتبت بواسطة صدفات

صباحكم سعيد يا بنات وين راكم
أم هديل كي راهي بنتك ربي يشافيها
روح مراد ياخي قتلك كل واحد و مهمته حنا المشجعين هههههههههههههه

صباحكي اسعد حبيبتي صدفات رانا هنا ما تخليناش برك نتي قابلين بيك كمشجعة ربي يحفضك لينا
لي عودة بعد قليل بادن الله

ام حمزة22 · 2014-11-16, 11:56

طبق اليوم هو السلق بالبطاطا
فالسابق راني حطيت طريقة طبخ السلق
نقطع البطاطا على شكل دوائر نضيفلها فلفل عكري زيت ملح والدرسة لي كنت حضرتها من قبل لي تحتوي على ثوم وفلفل دريس ولي ما حبتس السلق حار تقدر تستعمل ثوم وفلفل عكري وملح برك
بعد ما نشوف البطاطا دخلها طياب نضيف لها السلق ونمرق بعد ما تشرب المرقة نضيف البيض نخليه يعقد ونطفي

ان شاء الله طبق اليوم عجبكم

روح مراد · 2014-11-16, 12:27

صباح الخير أم حمزة و الأخريات
رحت البارح درت دورة حول العالم 3 مايخدموش السبت و مع الجو نتاع البارح ماقدرتش أنبعد في الحافلة رجعت للدار
طيبت فطوري و درت مسمن
بلاك غدوا إن شاء الله نروح كاينة وحجة قريبة من الخدمة نتاعي إذا قدرت الروح ليها
السلق نتاعك يبان بنين بلا ماناكلو نفس الطريقة اللي نطيب بيها و نحبو حار يشوي و سخون و خاصة إذا كان كاين مطلوع يرجع حاجة أخرى

ام حمزة22 · 2014-11-16, 12:43

ربي يوفقك روح مراد

روح مراد · 2014-11-16, 13:12

شكرا أختي العزيزة

ام سوهيل · 2014-11-16, 14:29

مساء الخير وش راكم لباس تحياتي للجميع من فضلكم عندي طلب وراني مستعجلة فيه شكوت نعرف تحدم كريمة الزبدة
او لكرام موباغ راتي حصلة محبتش تخرجلي كم تع برا من فضلكم اعطوتي المقدير وطريقة التحضير لي عودة ان شاء الله باش تراجع الردود

*أم جابر* · 2014-11-16, 14:42

السلام عليكم و رحمة الله وبركاته

انشاء الله لقيتكم بخير المهم انا درت غراتان تع الشيفلور مقلي و البطاطا قلية بالبيشاميل

صدفات · 2014-11-16, 14:49

اقتباس:

المشاركة الأصلية كتبت بواسطة روح مراد

صباح الخير أم حمزة و الأخريات
رحت البارح درت دورة حول العالم 3 مايخدموش السبت و مع الجو نتاع البارح ماقدرتش أنبعد في الحافلة رجعت للدار
طيبت فطوري و درت مسمن
بلاك غدوا إن شاء الله نروح كاينة وحجة قريبة من الخدمة نتاعي إذا قدرت الروح ليها
السلق نتاعك يبان بنين بلا ماناكلو نفس الطريقة اللي نطيب بيها و نحبو حار يشوي و سخون و خاصة إذا كان كاين مطلوع يرجع حاجة أخرى

السلام عليكم
مساؤك ورد يا روح مراد و هذه لأجلك باه تنحي على خاطرك

صدفات · 2014-11-16, 15:08

مساء الخير للجميع
روح مراد أناأسفة البوكي لي بعثتولك كبير ما رانيش عارفة علاش خرج صغير المرة الجاية نحطلك الجنينة كاملةهههههههههههههههههههههه
أم هديل كي راكي وهديل يا رب تكون أحسن أنا أسفة ما عندي حتى فكرة.
أم حمزة ربي يخليك لي أسعدتني بكلماتك و نوعدك هذه الأيام نحطلك صور تطبيقاتي لأطباقك الشهية و ألإقتصادية

ام حمزة22 · 2014-11-16, 16:16

ام سوهيل اكملي ضربي الكريم نتاعك هي فالاول تخلعك تحب تتلف لاكن كي تواصلي فيالخفق راح تتصلح جربي وشوفي ولا ما صدقتش نعطيلك لي متعودة نخدمها

ام حمزة22 · 2014-11-16, 17:19

صحيتي ام اسيد على الطبق بصحتكم

صدفات بارك الله فيك انتضر التطبيق هههههههه
ولا يهمك حبيبتي حتى ولو ما بعتيليش التطبيق تبقاي الغالية على قلبي تكفيني ردودك وتشجيعاتك

كرونو وينك ان شاء الله تكوني بخير وعلى خير

ام ضافر ان شاء الله مانع حضورك يكون خير

ام هديل ان شاء الله تحسنت بنتك ونحلت مشكلتك

حنان الشطورة وقيل مازالت عندك مشكل النت راكي طولتي الغيبة ان شاء الله المانع خير

ام ادم انت تتن راكي ماتبانيش وانشاء الله اامانع خير

ولي نسيتها تسمحلي ان شاء الله تكونو كامل بخير وعلى خير