موضوع مميز وصفات من حراير مطبخ وش طيبتي اليوم - الصفحة 72 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

وصفات من حراير مطبخ وش طيبتي اليوم

موضوع مغلق
 
أدوات الموضوع انواع عرض الموضوع
قديم 2014-06-18, 09:06   رقم المشاركة : 1066
معلومات العضو
.1....2....1.
زائر
 
إحصائية العضو







افتراضي

تحضير المشمش لاستعماله في طاجين الحلو على طريق oum
radja
على سيرة المشماش الايام لي فاتت عطاوني طريقة باش نخبي شوية على جال طاجين الحلو وجربتها
جيبو حبات مشماش بالصح لازم يكونو حلوين مايجيش بالحامض حتى لو درتوه في الصوص تاع طاجين الحلو يبقى حامض
المهم اغسلو المشماش و نحو العلف تاعه بلا ما تقسمو الحبة
واضغطو عليها شوية باش يلصقو الانصاف في بعضهم
وغطسو في ماء زهر و رمدوهم مليح في السكر العادي
ستفوهم في صينية ودخلوها للمجمد
بعد ما يتجمدو الحبات تاع المشماش ديريهم في بورت مونجي وخليهم في المجمد
وكي توجدي طاجين الحلو تاعك اجبديهم ومباشرة للطاجين وخليهم زوج دقايق و طفو النار
يجي هايل
إضغط هنا لرؤية الصورة بحجمها الطبيعي.








 


قديم 2014-06-18, 09:38   رقم المشاركة : 1067
معلومات العضو
أم ماجد
عضو ماسي
 
الصورة الرمزية أم ماجد
 

 

 
الأوسمة
وسام الوفاء وسام نجمة التطبيقات المرتبة الثانية 
إحصائية العضو










افتراضي

عصير المشمش على طريقتي



وصفة ام تاجو لعزيزة

اغسلي المشمش مليح ونحيلو النواة وهاذوك الضربات الكوحل وحطيه في قدرة وغطيه بالماء وحطيه على نار قليلة يغلي وانتبهي كي يغلي راه يفيض يعني كي يبدا يطلع خلطيه برك ضرك تهبط الرغوة
وشوفي كي تذوب الحبة تاع المشمش يعني طاب وارحيه بالبرا ميكسور واذا ماتوفرش بالطاس عادي وخليه يبرد وحطيه في اكياس والى المجمد
نجيو لطريقة خلطو
اذا المشماش تاعك ترحى مليح فلا داعي للتصفيتو واذا ماترحاش مليح نصفيوه ونضيفولو الماء والسكر وانت تتحكمي في الحلاوة تاعو والخثارة تاعوووو وكي تكملي في الاخير ضيفيلو عصرة قارص وبالهنا والشفا
صدقوني منعش رووووووعة في السخانة ورمضاااان

ولي تحب تزيد فيه باطة ياؤورت ولا فنجال سيرو الرمان يجي رووووعة









قديم 2014-06-18, 09:40   رقم المشاركة : 1068
معلومات العضو
أم ماجد
عضو ماسي
 
الصورة الرمزية أم ماجد
 

 

 
الأوسمة
وسام الوفاء وسام نجمة التطبيقات المرتبة الثانية 
إحصائية العضو










افتراضي

البطاطا نقطعها مكعبات صغيرة و نقليها

نطيب صوص بيضاء مع قطع الدجاج ممكن نضيف حبات من الزيتون الاخضر لازم تكثري من الدبشة او المعدنوس لمقطعين انا البارح درت معدنوس
و متنسايش الصوص البيضاء ديري زيت و ملعقة لابل
لما يطيب الدجاج نحيه و نقصه قطع صغيرة كذلك الزيتون تقصيه دوائر يعني كل حبة على 2
و هذيم المرقة نخليها علة النار حتى تثقال و من بعد نطفي النار وممكن تنقصي منها كاس

هذيا المرقة لي بقات مثلا في الكوكوط لوحي فيها البطاطا و كسري عليها 2 بيضات و رشة فلفل اكحل
و فرغيها في المول ثم ديري طبقى الدجاج و ديري قطع من الفرماج من فوق ( لقراتان يحب الفرماج)
و من فوق ذري لاشبلير و دخليها طيب و كولي بالصحة ولهنا .

و هذاك الكاس لي نحيناه انا نخليه احتياط مثلا لي يحب يسقي و لا لما تصبح و تحبي تحميها تلقاي المرقة



وصفة قرؤاتان ابلبطاطا لروضة الجميلة










قديم 2014-06-18, 11:57   رقم المشاركة : 1069
معلومات العضو
*عاشقة الجنة*
عضو محترف
 
الصورة الرمزية *عاشقة الجنة*
 

 

 
إحصائية العضو










افتراضي

ام سهام 02

مرقة الكسكس البيضا



الدجاج + 2 حبات بصل مرابيين + زيت + ملح + فلفل اسود + قسبر غبرة + زنجبير + عود قرفة
ديري كامل يتقلاو لمدة من 10 الى 15 دقيقة ثم ضفي الحمص و الخضر (جزر + كوسة + لفت + بطاطا ) زيدي قلي شوية و ضفي حبة طماطم و غصن كرافس للبنة و مرقي حتى تتغطى الخضرة . كيطيب الدجاج و الخضر انزعي حبة الطماطم و غصن الكرافس
ملاحظة : كي ديري المرقة باللحم خلي اللحم يطيب نص الطياب باه تزيديلوا الخضر . كاين الي يدير غير الجزر و الكوسة بصح انا نحب ندير كامل الخضر .










قديم 2014-06-18, 13:07   رقم المشاركة : 1070
معلومات العضو
*عاشقة الجنة*
عضو محترف
 
الصورة الرمزية *عاشقة الجنة*
 

 

 
إحصائية العضو










افتراضي

yasmalak

العجينة المورقة













العجينة المورقة هده اللي راني معتمدتها نا
750 فرينة مع 3 مغارف كبار زيت و 3 مغارف صغار خل خلطي شوية برك و من جهة وحدوخرة ديري شوية ملح و مغرف صغيرة سكر في ماء يكون باااارد ودوبيهم و لمي العجينة بلا ما تعجنيها و خليها تريح نص ساعة
و من جهة وحدوخرا تخدمي 350 غ زبدة التوريق و منا و روح معتمدة طريقة الهاام يعني الزبدة نقسمها على 3 و نحلها رقييييقة وهدا الرابط تاع الهااام
اييه حقا ام الريمة التور دوبلي ماشي سامبل يعني 3 تور دوبلي

https://www.djelfa.info/vb/showthread.php?t=1449926










قديم 2014-06-18, 13:23   رقم المشاركة : 1071
معلومات العضو
selma2013
عضو مجتهـد
 
إحصائية العضو










افتراضي

ام سهام02 وصفة البريوش

إضغط هنا لرؤية الصورة بحجمها الطبيعي.

البريوش
2 حبات بيض + ½ سكر + 1 حلييب + 1 م ك خميرة خبز + ملح + فانيلا + 1 خمارة حلوة + لمي بالفرينة حتي تتحصلي على عجينة تلصق في اليد + ضفي 50غ زبدة طرية + غطيها و خليها تخمر + حبطيلها الخمور و ديريها في كيس و في اناء و دخليها للثلاجة تبات ليلة كاملة + غدوا منذاك شكليها و ديريها تخمر مرة ثانية و طليها بخليط التلميع و ذرذري فوقه الجلجلان و ديريه يطيب و اذا حبيتي تحشيه احشيه بالشوكولة المبشورة او المعجون او كومبوت التفاح
مرة جربته عوض كاس حليب درت كاس ماء لنزل من اللبنة .













قديم 2014-06-18, 15:16   رقم المشاركة : 1072
معلومات العضو
sidali 2007
عضو مميّز
 
إحصائية العضو










افتراضي

للمبدعة اليسسسسسسسسون مسكوتشو بالجوز:


إضغط هنا لرؤية الصورة بحجمها الطبيعي.

وتقدري ديريه في قوالب فردية كيما هكــــــآآآ...

//

إضغط هنا لرؤية الصورة بحجمها الطبيعي.

//

فالميكسور:تخلطي 2 بيض +4م ك سكر +6 م ك زيت +6م ك حليب وضربيهم مليح...

غربلي 10م ك فرينة +2 م ك كاكاو +2 باكي فاني + 2 باكي خميرة وضيفيهم للخليط لي راه فالمكسور ...

وضربيهم مرة وكي يتخلطو ضيفيلهم 100غ جوز مدشدش مايقارب الكمشة..ههههـ

ودخليها تطيب

السيرو:

6م ك سكر +6 م ك ماء + 1 م ك نيسكافي ( انا ديما نعوضها بـ3 ملاعق كاباتشينو منحبش دوق القهوة ) طيبيه على نار

هادئة حتى يعقد....واسقي بيه المسكوتشو ...

وزينيها بكرام شونتي ولوز افيلي....









قديم 2014-06-18, 15:18   رقم المشاركة : 1073
معلومات العضو
sidali 2007
عضو مميّز
 
إحصائية العضو










افتراضي

ام تاججججججججججو
معحون المشماش على طريقتي

حبيباتي في قدرة ثقيلة من الاحسن مثل الكوكوط حطي كيلو مشماش مغسول ومنقي وكيلو سكر وغطي القدرة وخليها تبات ليلة كاملة
الغدوة من ذاك تلقايه طلق الماء تاعو اعصري عليه نصف قارصة ورجعي هذاك النصف المعصور يطيب معاه وشعلي للنار قاوية وابقاي خلطي حتان يبدا يغلي ويذوب السكر خلالالالالاص كي تخلص هاذ المرحلة نقصيلو على نار متوسطة وخليه يطب وراح تلاحظي انو يفيض وتطلع الرغوة وهاذي اصعب مرحلة وتعب بزاف يعني ابقاي تخلطي حتان تهبط الرغوة واذا ما هبطتش طفي للنار كل ما يفيض خلطي وطفي للنار وهكذا حتان يحبس من الفيضان تاعوو
كي يحبس الفيضان تاعو ساعة على ساعة خلطيه باش مايلصقش حتان يحمار وينقص الماء تاعو والسر لي تعرفيه بلي طاب ومايفسدلكش هو الرغوة البيضاء لي تبقى على السطح كي تروح يعني طاب وخبيه كيما تحبي متيفسدش على خاطر الرغوة البيضا هي لي تفسدو
كي يطيب خليه يدفى غير شوي ونحي نصف القارصة وارحيه وهو سخون على خاطر كون يبرد مايترحاش
والف هنا نلى قلوبكم حبيباتي
نجيو لطريقة الحفظ تاعو
نغسلو البلارة مليح ونشفوها من الماء مليح مليح ونحط المعجون وهو سخون يغلي فيها ونغلق بساشية نظيفة ونقلبها راسا على عقب ونخليه على هاذ الحالة حتان يبرد مليح ونرجع نقلبها عادي ونحطها في مكان مظلم وبارد يعني مايكونش سخون وفيه رطوبة مثل خزائن الكوزينة وكي يجي الشتا نخرج البلارة ونحطها في البالكون ولا في نافذة الكوزينة
وخالتي نعتتلي طريقة بصح نادرا مانديرها وهي تشري باطة معجون مشماش وتخلطها مع المعجون تاعها وتخبيه على خاطر المعجون المشري فيه مواد حافظة ه









قديم 2014-06-18, 15:32   رقم المشاركة : 1074
معلومات العضو
om rofida
عضو مشارك
 
إحصائية العضو










افتراضي

السلام عليكم من فضلك اختي نسقسيك على معجون المشمش انا خبيتو في المجمد وشرايك










قديم 2014-06-18, 23:29   رقم المشاركة : 1075
معلومات العضو
islam1aya
عضو محترف
 
الأوسمة
وسام التميز في قسم الطبخ 
إحصائية العضو










افتراضي

//

gـــــــــــــآآآطو لفرومبوآآز:

//

إضغط هنا لرؤية الصورة بحجمها الطبيعي.

//


500غ زبدة +كاس سكر رطب + كاس زيت +نص كاس نشااء +م فاني + 1 باكي خميرة +الفرينة

الكريمة:

250غ زبدة +ربع كاس سكر رطب +كاس عسلهم '(تضربي الزبدة مليح مع السكر وتزيديلها العسل)

*كي يطيب لصقي حبة فوق حبة بهاد لكريمة ومبعد لوحي الحبة كامل فالمعجون ....

ومرغديه فلـgــلآصاج]:كيلة نواة كوكو مقلي +نص كيلة سكر عادي +2 ملاعق او اكثر شوكولا غبرة ..

وزينيه بحبة فرومبواز وريشة بالبات آموند..

أنـــآآآآ كنت نستعمل ثلاث طبقات فوق بعض ..يجي هايل......نتمنى تجربووووووه والله هايل وساهل واقتصادي..










قديم 2014-06-19, 16:43   رقم المشاركة : 1076
معلومات العضو
sidali 2007
عضو مميّز
 
إحصائية العضو










افتراضي


شكرا ام سهام، mary 1987، ، fatalim هاذي طريقتي تاع المطلوع

المقادير لـ 2 خبزات
2 كيلات دقيق ممتاز
1/2 فنجان زيت
1 ملعقة كبيرة جلجلانية + سينوج مخلطين
1 ملعقة كبيرة سكر
1 ملعقة كبيرة خميرة الخبز
2 ملاعق كبيرة لحظة (او يمكنك استعمال فنجان حليب دافئ)
* اخلطي جميع المقادير السابقة ولميهم على طرف القصعة وحطي الملح وبليه بشوي ماء الزهر وماء دافئ
* اعجني جيدا مع إضافة الماء بالتدريج حتى تتحصلي على عجينة طرية ولونها فاتح وتصدر صوت الفقاعات عند العجن
* غطيها وخليها تخمر
* اقسميها على 2 وشكليهم
كريات، غطيهم وخليهم يرتاحو نصف ساعة اخرى.
* ابسطيهم دوائر وخليهم ربع ساعة فقط الوقت اللي يسخن فيهم الطاجين
* طيبيهم وبالصحة ولهنا









قديم 2014-06-19, 21:21   رقم المشاركة : 1077
معلومات العضو
Golden Princess
عضو مبـدع
 
إحصائية العضو










افتراضي

بارك الله فيك و جزاك كل خير










قديم 2014-06-20, 11:36   رقم المشاركة : 1078
معلومات العضو
أم ماجد
عضو ماسي
 
الصورة الرمزية أم ماجد
 

 

 
الأوسمة
وسام الوفاء وسام نجمة التطبيقات المرتبة الثانية 
إحصائية العضو










افتراضي

صباح النور اختي
نأخذ كريمه ساءلة. ونديره على النار. وبعد ناخد شمولاطه تكون نوعيه جيد. ونخليه تذوب مع بعض. علو نار قليييييله
وبعد نحيه من إلنار ونخليه تبرد وبعد كي تبرد ندخله الثلاجه. حتى تبرد مليح مليح. ومبعد نأخذ البتوغ. ونطلع الكريمه حتى نتحصل على كريمه حكم روحه ونخليه تبرد وبعد نحشي الكيكه تاعي ونزيد ندخله الثلاجه حتى ليله كامل وتجي امممممممممممم
وإذا حبيتي طلعي الشانتي تاعك وتزيديله شكولاطه. ذاءبه وبارد وتخلطيهم مع بعض وتخشى ي بيه كيم تحبي وهذي أسرع




وصفة ام اناس










قديم 2014-06-20, 15:30   رقم المشاركة : 1079
معلومات العضو
ساندي 28
عضو متألق
 
إحصائية العضو










افتراضي

ـــgـراتان الخضر للجميله
Ladymillion
تحبي ديريها مقلية أو مفورة لك الاختيار

درنا فيه >>> حبة كبيرة بطاطا مقطعة مربعات مقلية + 1فلفل حلو مقطع مربعات مقلي +2 كوسة قطع ضغيرة مقلية +حبة باضنجان مقطع صغير تاني ومقلي ،،،وشريحة من صدر دجاج مشوية برك في المقلاة بـ(ملح + فلفل اسود + م ص زيت) ومن بعد كي يطيب قطعيه قطع صغيرة

تخلطي المكونات كامل في وعاء + كرام فراش أو علبة ياؤورت طبيعي ،وإذا، ماشي متوفرين // تعوضيهم بالحليب عادي
+ البيض على حساب الخليط يمكن 3 حبات + م ص موطارد + ملح + فلفل اسود

تدهني المول بالمارغارين وترشي عليه لاشابلوور يعني وحطي الخليط في المول /// من فوق ديري فروماج رابي ودخليه يطيب ~~~ بالصحة ان شاء الله

>>> كي تحبي ديري الخضر مفورة نفس الطريقة لكن الخضر مفورة (( انا ندير جلبانة وجزر وشوفلور وبطاطا ونزيد فروماج طري ابيض










قديم 2014-06-20, 17:00   رقم المشاركة : 1080
معلومات العضو
khoulod
عضو مشارك
 
الصورة الرمزية khoulod
 

 

 
إحصائية العضو










افتراضي

بارك الله فيك
ميرسي










موضوع مغلق

الكلمات الدلالية (Tags)
مطبخ, الدول, حراير, وصفات, طيبتى


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 16:36

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc