الجزء 130 من واش طيبتي اليوم

[عازفة الناي]

المشاركة الأصلية كتبت بواسطة ام فضيلة

مساء الخيرات لكل الاخوات يعطيكم الصحة وبارك الله فيكن وفي رزقكن وربي يوفق اولادكن وينجحهم و ينجح بنتي الكبيرة راهي سنكيام
اختي عازفة الناي ربي يبارك فيك على الروائع الي حطيتيها بغيت نسقسيك على التارت الليمون خرجتلك توووووووب استعملتي لابات نتاع الهام نتاع الزيت شحال كمية الماء وماء الزهر استعملتي جربتها ومجاتنيش مبسسة خرجتلي تتعالك مثل عجينة البقلاوة ممكن كثرتلها كمية الماء وسؤال اخر كيلة زيت و4كيلات فرينة جاتني مبسسة بزاف على هاذيك كثرتلها الماء محبتش تتلم اسمحيلي درتلك جرنال جربوها بزاف اخوات وشكروها حبيتها تنجح معايا

مساء الانوار اختي
اسألي بقدر ماتحبي احنا كلنا نحبو نتعلموا و مكان حتى ازعاج
العجين مدام جاك يتعلك اكيد عجنتيه وهذا خطأ لازم تلمي برك
كمية الماء نسيت لاني كنت عملت العجين من قبل باسبوع و خبيته في المجمد ....المهم عملت قيس ما تتلم المكونات
جربي بكيلة صغيرة يعني ديري نفس المقادير 4كيلات فرينة بكيلة زيت و كل المقادير و لمي برك باطراف الاصابع واكيد هذي المرة تنجح معاك
كمية الزيت مناسبة لكن ممكن الفرينة تاعك ماتشربش
يارب نكون افدتك وكاش سؤال راني في الخدمة

[oum islem]

المشاركة الأصلية كتبت بواسطة الريفية

أم إسلام لحبيبة هاذا واش نحضر لرمضان المبارك بإذن الله بغير التوابل طبعا ونوجد الجاج والكفتة والباقي كل يوم بيومو والحمدلله اللهم بلغنا رمضان لا فاقدين ولا مفقودين يارب
عايلتي مش وكالين يعني ولادي لي حطتيها هاذيك هي وزوجي يحب شربة فريك ويكثر من العصائر الطبيعية وحاجة خفيفة حميس وبوراك في الفرن
وانا مثلو معنديش شهية ساعات نبغي نوع تقعد هاكذاك حتى يغيضني تعبي والخسارة
سامحوني كتبت جريدة😊

حتى انا قالي نلقى حاجة في الكونجيلاتور نرميها
عندي غير الليمون والبرتقال في المجمد
اما الجلبانة والقرنون نجيب من عند امي في الشتاء اذا كان في العمر بقية نحبهم في حساء الخضر

[ام فضيلة]

المشاركة الأصلية كتبت بواسطة عازفة الناي

مساء الانوار اختي
اسألي بقدر ماتحبي احنا كلنا نحبو نتعلموا و مكان حتى ازعاج
العجين مدام جاك يتعلك اكيد عجنتيه وهذا خطأ لازم تلمي برك
كمية الماء نسيت لاني كنت عملت العجين من قبل باسبوع و خبيته في المجمد ....المهم عملت قيس ما تتلم المكونات
جربي بكيلة صغيرة يعني ديري نفس المقادير 4كيلات فرينة بكيلة زيت و كل المقادير و لمي برك باطراف الاصابع واكيد هذي المرة تنجح معاك
كمية الزيت مناسبة لكن ممكن الفرينة تاعك ماتشربش
يارب نكون افدتك وكاش سؤال راني في الخدمة

باركك الرحمان ووسدد خطاك ورزقك من اوسع ابوابه راح اتبع نصائحك ونعاودها وان شاء الله تنجح معي الف شكر اختي ربي يحفظك ويخليك

[oum islem]

الريفية لبورت مونجي لي في المجمد وش فيها؟.؟.؟؟؟
والزبدة والسمن تان تخبيهم في المجمد؟؟؟

[oum islem]

المشاركة الأصلية كتبت بواسطة wahibaazel

دخلت على الصفحة الاخيرة لقيت ام اسلام وابتحضيرات لشهر رمضان ،من فضلك منين تشري الفريك حب ،حابة نخدمو في البيت ،العام لي فات ماعجبنيش كامل والشربة مانوملهاش نهائيا.
كذلك التوابل كي تغسليهم ماتروحش الريحة ،يعني عحوزتي ربي يرحمها كانت تغسلهم وتيبسهم ،وجي خدمة نظيفة ،فلفل الابيض ايضاتشريه حب.ام اسلام هبلتك بالاسئلة .اسمحيلي.

ام ايمان امممم المقروط والافخاذ الكاذبة يشهو.
لي عودة بإذن الله ،نروح نعشي البنات ،كسرة وعدس انتاع الغد

اسمحيلي وهيبة اليوم وين شفت سؤالك لاني مع اولادي ماعنديش وقت بزاف
الفريك متوفر في الاسواق لكن احسن لو تشريه من عند ناس ثقة
والتوابل نحطهم في السيار ونفرغ عليهم الماء يقطرو مليح ونقابلهم للشمس ينشفو
نقيهم وكل مرة نرحي كمية قليلة ريحتهم تهبل ما تروح ما والو

[زهرة الريف*]

جوهرة ربي يحفضك وبصحتك يااسم على مسمى
أم إسلام راكي شاطرة ماشاءالله عليك في التحضرات وربي يسمعك غير الأخبار المليحة
عزوفة ربي يبارك كلش من عندك تحفة
ليزا واش راكي كي تغيبي تخلي فراغ في الكوزينة
أم وسيم بصحتكم ربي يحفضلك لميمة
أم فضيلة بالتوفيق لبنتك حتى أنا بنتي السنكيام ربي يفرحنا بهم جميع

[زهرة الريف*]

المشاركة الأصلية كتبت بواسطة oum islem

الريفية لبورت مونجي لي في المجمد وش فيها؟.؟.؟؟؟
والزبدة والسمن تان تخبيهم في المجمد؟؟؟

لي في لبورت مونجي مركز عصير القارص والحية لوخرا ماهي لازبدة ولا سمن فيها ثاني العصير

[hab12456]

المشاركة الأصلية كتبت بواسطة oum islem

في وصفات الحراير ص 35

شكرا شكرا مواااااااح

[ام احمدي]

السلامعليكم
ام اسلام متتصوريش كيفاه عجبتني تحضيراتك هاااايلة ومنظمة
قوليلي التوابل تشريهم جاهزين ولا كيفاه منين قلتي تغسليهم مفهمتش هههه
الريفية حنونة قوليلي راكي مجمدة البرتقال والليمون حبات ميخسروش واش تعملي بيهم
واااااااااع معاكم راني صفر موالفة غير نرحيهم ونخبي العصير والقشور تاعهم برك خخخ

ام ياسين وقمر وكل وحدة اجابتني امواااااااااااااااااااااح
قمر مرة درت لابات بريزي تاع الهاممي جاتني تشبه للكروكي اكيد الديفو في انا نعاودها شهيتيني فيها اممم
ليزابيل على سلامتك يا نوارتنا اموااااااح

[Aya69]

ام اسلام مرسي حبيبتي وربي يحفظلك أولادك انت ثاني ولكامل لحبابات يارب
قمرك حبيبتي تئبريني يا حلوة انت ياقمورة المستقبل دا من حراير الجلفة ربي يجازيهم كل خير يارب
ناهددوران حبيبتي مرسي عليك ان شاء الله يريح قلبك وينجحلك بناتك يارب ولكامل ممتحنين ونشبعوا قاطو وحفلات يارب العالمين

[oum islem]

المشاركة الأصلية كتبت بواسطة الريفية

لي في لبورت مونجي مركز عصير القارص والحية لوخرا ماهي لازبدة ولا سمن فيها ثاني العصير

علاه ما تخبيهش في اكياس التجميد كمية قليلة في كل كيس هكذا يجيك سهل كي تجبديه
متعودة نخبيه في بلارات زجاج تاع المايوناز والفطر و...نغليهم ونخبي فيهم في المجمد ما يتكسروش وكل ما تحتاجي خرجي بلارة
وطريقتك تاع صليحة بسكري او من المنتدى او وصفة خاصة

[amani38]

السلام عليكم ..
مبروك الكوزينة الجديدة و الف شكر ام اسلام على النصائح و التدابير .. استمتعت بقراءتهم
الاخوات بصحتكم قاع واش طيبتو .. هادو تاع البارح
ايه ..الف شكر للاخت ليزا على وصفة الخبز ،، رائعة انا برك رققتو خاطر زوجي ميحبش اللباب

[oum islem]

المشاركة الأصلية كتبت بواسطة جوهرةالجنة

شكرا شكرا مواااااااح

ربي يخليك بصح مسحت الجغابل

[oum islem]

المشاركة الأصلية كتبت بواسطة amani38

السلام عليكم ..
مبروك الكوزينة الجديدة و الف شكر ام اسلام على النصائح و التدابير .. استمتعت بقراءتهم
الاخوات بصحتكم قاع واش طيبتو .. هادو تاع البارح
ايه ..الف شكر للاخت ليزا على وصفة الخبز ،، رائعة انا برك رققتو خاطر زوجي ميحبش اللباب

ما شاء الله اماني
طبخاتك تشهي يا شاف 5نجوم

[amani38]

ايه و سؤالي للاخت عازفة ان شاء الله تشوفو .. الكريب التركي وشمن عجينة استملتي تاع ام اماني باللبن او اللي تلميها بالحليب و فيها قطعة زبدة؟..
البارح درتهم هاهم ..