الأخت yarasmin. 26 ترد على تساؤلاتكم هنا - الصفحة 71

yarasmin26 · 2012-09-19, 11:25

شوفي في قسم الوصفات تجدينها تصلح اتخبيها اسبوع وديري طرف صغير زبدةمع الحشوة
وكي ديكونجيليها ترتاح4 سا ثم عاودي عسليها ولكن من الاحسن متعسليهاش انت جربي الطريقتين باه تعرفي وينها الي ديريها

ام عصام · 2012-09-19, 11:42

حنونة يا راسمين مجاوبتينيش على الملفاي لقلتك عليه راني في الانتظا ر

yarasmin26 · 2012-09-19, 11:57

ام عصام شوفي الصفحة 70

ام طيب · 2012-09-19, 15:19

السلام عليكم وشكرا جزيلا لك علا الرد ربي يهنئك ويصلح ليك أمورك يارب امين

فرح العمر · 2012-09-19, 16:44

الف شكر اخت يارا على الاهتمام و الرد فى ميزان حسناتك ان شاء الله

مملكة لينة · 2012-09-19, 18:50

يارا سمين اختي كونت سالتك من قبل على كريم شانتي كيفاش انطلعها وتانيك اذا في كريمات كيفها يعوضوها لخاطش منحبهاش ومنحبش ذوقها
للاسف طولت ومعرفتش وين نلقى الاجابة
وسؤال تاني كيفاش نقدر نصنع النسلي كي الكرمال كيما الي دارت بيه تارت ام رامي واذا يتباع هكاك قوليلي
الله يحفظك اختي ويخليك لينا ويسهلك امورك

فرح العمر · 2012-09-20, 14:15

اخت يارا راح نزيد نتعبك معايا من فضلك اعطينى مقادير المشكلة الخاصة بيك لانى حوست عليها و مالقيتهاش الله يسترك رانى حابة نعملها لعرس خويا و حبيت حاجة مضمونة واسمحيلى فى تعبك

أم ياسين الزهراء · 2012-09-20, 16:09

كنت ندير هذا القاطو بصح هذي مدة ونسيت الطريقة ياريت اذا عندك تعطيهولي حابة نديرو للعيد

ام طيب · 2012-09-22, 07:14

السلام عليكم أخت يراسمين. كيف الحال هل انت بخير ? هده 4ايام لم نراكي. أتمناااا. ان تكوني بخير. وعلا احسن الأحوال يا رب.

yarasmin26 · 2012-09-22, 10:30

اقتباس:

المشاركة الأصلية كتبت بواسطة مملكة لينة

يارا سمين اختي كونت سالتك من قبل على كريم شانتي كيفاش انطلعها وتانيك اذا في كريمات كيفها يعوضوها لخاطش منحبهاش ومنحبش ذوقها
للاسف طولت ومعرفتش وين نلقى الاجابة
وسؤال تاني كيفاش نقدر نصنع النسلي كي الكرمال كيما الي دارت بيه تارت ام رامي واذا يتباع هكاك قوليلي
الله يحفظك اختي ويخليك لينا ويسهلك امورك

صباح الخير
ابحثي في مواضيعي السابقة تجدين كل انواع الكريمات وكذالك ابحثي في الصفحات الاولى من نفس الموضوع تجدين ماتردين بالتفصيل
اما النيسلي كاين بذوق الكراميل تجديه في سوبرماركت واذا اشرتيه هكذاك اذا القارورة صغيرة تطهى 45 د والكبيرة 1 س+15 د حسب الحجم في الكيكوطة فيها ماء
وكاين طريقة سهلة خذي نيسلي كراميل انظري في الغلاف تصيبي مكتوب كراميل ولونه بني سائل فرغيه في كسرونة+ 2 م ك عسل وخلطي فوق النار حتى يتغير لونه مدة 10 د ويصبح كراميل
اسفة على التأخير

yarasmin26 · 2012-09-22, 10:38

المشكلة "3 كيلات فرينة+1/2 كيلة زبدة التوريق+لفاني +قرصة ملح مدقوقة +1/2 كيلة ماء الزهر واذا ماتنلمتش اضيفي الماء وتروكيها ترتاح
العقدة "3 كيلات لوز بالقشرة +كيلة سكر قلاصي +لفاني + لميها بصفار البيض +1 بيض كاملة
يعني ديري حبة بيض والباقي صفار باه العقدة مجيش يابسة
وعسليها عسل خفيف + الشاربات عادية وخلطيهم مع بعض وعسليها
باه الحلوى تبقى طرية والطهي 180 در جة قدما ينشف البيض
اسفة على التاخير

yarasmin26 · 2012-09-22, 10:43

اختى ام ياسين عندي هذه الوصفة بصح منيش عارفة وين راه الكراس الي كاتبتها فيه لانه وصفة قديمة شوية اعطينى شوية وقت نبحث اعليها ونردلك باه نعطيك وصفة صحيحة

yarasmin26 · 2012-09-22, 10:47

صباح الخير ام طيب والله والو كنت مع صنع الحلويات كانت كاين كوموند تاع عرس والله صدقينى راني تعبانة تاع الصح

english12 · 2012-09-22, 14:03

اختي يارا من فضلك راني ننتظر في البسكوي غولي دايمن نجربه ومايخرجليش وانا نحبو بزاف يلا مافيهاش ازعاج اعطيني الكيفية و ربي يعيشك ويحفظك انشاء الله حنونه

yarasmin26 · 2012-09-22, 16:22

اقتباس:

المشاركة الأصلية كتبت بواسطة english12

اختي يارا من فضلك راني ننتظر في البسكوي غولي دايمن نجربه ومايخرجليش وانا نحبو بزاف يلا مافيهاش ازعاج اعطيني الكيفية و ربي يعيشك ويحفظك انشاء الله حنونه

المشكل الانترنت اعلى هكذاك مقدرتش انحط الوصفة وزيد انا الوصفة قبل مانحطها حتى نقسمها على 3 باه نعطيكم المقادير المظبوطة وبمقادير قليلة اسفة على التاخير