الجزء 122 مرحبابيكم عندي نتمنالكم اقامة طيبة

[قمر 77]

وهيبة ربي يقدرنا حبيبتي مع العطلة رايحين يهبلوا راهم بدا و راني مالصباح نعيط
ام هديل البريوش يسخف
ام هند ربي يعينك اختي مبصح راكي هايلة كي يكبرو و تشوفي غير ابروفيتي

[malek firdaouss]

تار التفاح

المقادير
لابات بريزي قاع تعرفوها pat brisé

بالنسبة للتفاح تغسليه و تقطعيه مربعات نص طيبيه عادي مع شوي تع ماء م سكر و قرفة مرحية يولي كيما كومبوت اوكي

و من بعد كي تفرشي لابات تاعك فالبلا الخاص بالتارت تثقبيها بالشرفيطة -الفرشات -

و بعد ديري فوقها هذاك الكومبوت يعي التفاح لي طيبتيه لازم يعطي كامل حجم البلا و بعد ديري فوقو التفاح لي مش طايب مقطع مربعات ثاني

و ديري بالعجين لي بقاتلك خطوط ليما راكم تشوفو فالفوطو

و دخليها طيب على حساب لفور تاعك امممممممممممم تجي شغل مايهة و لا معرفتش نعبر هههههه قصدي متجيش يابسة لابات ي طيب اوكي

و تاكلوها بالصحة و الله و لا اروع خير من لي مالفين ديروها ههههههه

غير نتمسخر راكم شافات فحلات

ربي يخليكم لبعظاكم

[IMG][/IMG]

[IMG][/IMG]

[IMG][/IMG]

[om hind]

شكرآ توبة نتي ثاني ربي يحفظك و يحفظ أهلك

[um alaa]

حبيباتي هدا عشانا البارح حساء الخضر و بينيي الشوفلور



و هدي كيكة القارص تع نهال درتها في مول السيليكون لسقتلي زعما كاموفليتها بالشوكولا ما تضحكوش عليها ههههههههه

[um alaa]

و هدا فطرنا درت فطائر بالشوارما و زعما قوارب بالللحم المفروم

[*وردة الشرق*]

مساء الانوار بصحتكم كامل واش حطيتو الله يبارك من كل خير للاسف انا نراجع لكن ننسا ربي يبارك في موائدكم
الحمد لله اليوم تبدا العطلة ويبدا الشقا وانا بني متل المتوحمة درك هادي ومن المعجنات ما نخلصش وكما قلتي اختي وهيبة لازم بوليسي باش نقدر نسير الامور ربي يعينا
الف مبروك لكل المجتهدين
يا ربي طياباتكم ما شاء الله عليها ما نقدرش نتفكر وحدة وننسا التانية
انا اليوم مع الفريز والميناج درت غير بطاطا جواز وكسرة وسلاطة والحمد لله
ام ملك حنونة ما تقلقيش روحك اختي صرا سوء تفاهم انا نظن انو هنا في المنتدى سماوها رسالة وانت ما قصدتي والو حبيبتي

[um alaa]

لبنات تعيشو ادعيو لبنتي راهي مريضة البارح فالليل بايتة في حالة ديناها للطبيب قالنا عندها microbeفي كرشها

هدا طاجين جابهولنا صاحب زوجي ممكن نصائح لاول استعمال لاني جامي ما ستعملتو

[malek firdaouss]

https://www.djelfa.info/vb/showthread...post3992998778


تارت التفاح الخاصة بي

[قمر 77]

يا عمري ام الاء بصحتكم كلش يشهي مبصح ما فهمتش الحساء نتاعش و بصحتكم الكيكة
قبل ما نروح بوووووووووووووووووووووسات كبار لام سراجو و نقلها ربي يشافيك حنونة و نشالله تريجي و تمتعينا باطباقك
و بوووووووووووووووووسا ت كبار لام ياسو الحكيمة نتاعنا و نقلها سلمي على ام تاجو و ننصحها تروح تسكن قدام دار لوسها و تبيراتي عليهم كيما راني ندير ههههههههههههههه راني قريب في عام نتاع بيراتاج ما حبوش يخدمولنا النت حتى معولة نرجع زعيمة القراصنة ههههههههههههههه

[قمر 77]

ام الاء ربي يشفي الاء حبيبتي شفاء لا يغادر سقما شوفولها بيدياتر مليح و ان شاء الله تشفى و تكبر و تفرحي بيها و الطاجين سامحيني عندي نتاع حديد و هنيت راسي
ملك فردوس شكرااااااااااا على الوصفات شحال نتحب تارت التفاح
البنات القعدة ما تتشبعش لكن لازم نروح الشغل ينادي
حاااااااوزوني سلام

[om hind]

أم آلاء ربي يشفيلك بنتك أن شاء الله ياااااااارب
وشقالكم الطبيب

[um alaa]

المشاركة الأصلية كتبت بواسطة قمر 77

يا عمري ام الاء بصحتكم كلش يشهي مبصح ما فهمتش الحساء نتاعش و بصحتكم الكيكة
قبل ما نروح بوووووووووووووووووووووسات كبار لام سراجو و نقلها ربي يشافيك حنونة و نشالله تريجي و تمتعينا باطباقك
و بوووووووووووووووووسا ت كبار لام ياسو الحكيمة نتاعنا و نقلها سلمي على ام تاجو و ننصحها تروح تسكن قدام دار لوسها و تبيراتي عليهم كيما راني ندير ههههههههههههههه راني قريب في عام نتاع بيراتاج ما حبوش يخدمولنا النت حتى معولة نرجع زعيمة القراصنة ههههههههههههههه

ههههههه حبيبتي حساء الخضر ما كتبتهاش مليح:d:d:d:d:d

المشاركة الأصلية كتبت بواسطة قمر 77

ام الاء ربي يشفي الاء حبيبتي شفاء لا يغادر سقما شوفولها بيدياتر مليح و ان شاء الله تشفى و تكبر و تفرحي بيها و الطاجين سامحيني عندي نتاع حديد و هنيت راسي
ملك فردوس شكرااااااااااا على الوصفات شحال نتحب تارت التفاح
البنات القعدة ما تتشبعش لكن لازم نروح الشغل ينادي
حاااااااوزوني سلام

المشاركة الأصلية كتبت بواسطة om hind

أم آلاء ربي يشفيلك بنتك أن شاء الله ياااااااارب
وشقالكم الطبيب

شكرا على الدعاء

[أم أيوب 11]

السلام عليكم

ام الاء ربي يشافيلك البنوتة

ملك الفردوس الله يعطيها الصحة عجوزتك مازال فيها البركة

ام هديل بصحتك البريوش

زينب الله يعاونك مع الميناج راه داير فينا حالة

البنات لي نسيتهم يسمحولي

[scorpionoir]

بونسواغ لي في
وشراكم وبصحتكم ما حطيتوا راه خير كبير ما شاء الله
ام الاء ما يكون غير الخير وربي يجيب الشفا .عسيها مليح
ام هند مرحبا بيك بيناتنا وللاسف ما جربتش الماسكربون .
اهلا باولادي وام الهضاب .هذيك التصويرة دار منها قلبي وعععععععععع عييت نشوفها .
كامل يعطيكم الصحة .غدايا كان دجاج تاع اسمهان وفريت وشكشوكة وسلاطة والحمد لله .
والقهوة حابة ندير تارتولات بالقارص وعييت نوض نبدا قلت نقرعج عليكم سع ونروح ههههههه

[الأمنيات]

السلام عليكم وصح غذاكم كامل
درت بريوش الورده بالنوتيلا