الجزء 137 من كوزينة واش طيبتي اليوم ((كوزينة النجاح في الدارين ))

[أم فاطيمة]

السلام عليكم و رحمة الله و بركاته صح فطوركم ربي يتقبل صيامكم و قيامكم و تنساونيش في الدعاء
ام تاجو و ام ياسين ربي يبارك فيكم
ام ياسين هاهو رابط قاطو ليزا تلقايه قاع لتحت
https://www.djelfa.info/vb/showthread...712996&page=61

[oum batoul]

اللهم فى هده اليلة المباركة لا تترك لنا ذنبا الا غفرته و لا حاجة الا قضيتها اللهم تقبل صيامنا و اشفى مرضانا و اصلح امور ديننا و دنيانا اللهم يا جبار اهدى ابنى واصلح حاله وانر دربه وابعد عنه اصحاب السوء واحببه فى دينك امين يارب العالمين اللهم انك عفو تحب العفو فاعفو عنا

[أم فاطيمة]

[ام سراج وملاك]

المشاركة الأصلية كتبت بواسطة ريتاج تيارتية

تعيشو شيرات انا خدمت قاطو الكرافات كيما هدا زعما جاني يتفتت بزاف الحبة غير نرفدها تتفتت تعيشو شكون تعطيني روسات صادقة ومجربتها

اولا يعطيك الصحة على الحلويات لي حطيتيهم ربي يبارك فحلة باين عليك من عشاق الشيكولا كيما انا كثرتها ندير نتاع شيكولا علجالي وعلجال لولاد
بالنسبة لقاطو البابيون راني درتو في العيد هذا بصح درت وصفة نتاعي جاني طري وبنين ومتكسرليش مزال مزينتوش لضك شوفي درت فيه 500غ صول مليحة للقاطو نتاع ليمول خيرمن لابال باش ميتفتتش القاطو ودرت معاها كاس سكر ارطب وشوي فاني وزوج بيضات وزوج مغارف نشاء وباكي خميرة وفرينة طبعا نلمو بيها لعجين

[sirina_angel]

السلام عليكم
صحا فطوركم
واش راكم لاباس ؟؟؟؟؟؟؟؟؟؟
بصحتكم تحضيرات العيد
أحنا العيد صاااااااااامط
لا تحضيرات لا قاطو لا هم يحزنون
شكيت أنا نهار العيد نعقبو رقاد

[ام طيري الجنة]

حبيباتي راني نشوف باللي راهم بزاف الحائرات و كترت الاسئلة على القاطو و الوصفات لذا قلت نفتح هذ الموضوع باش نفيدو بعضنا و تبقاش بيناتنا حائرة
نتمنى كامل تشاركو و تفيدونا بواش تقدرو يا الفحلات و ربي يجازيكم و في ميزان حسناتكم
https://www.djelfa.info/vb/showthread...ferrerid=50597

[ام طيري الجنة]

المشاركة الأصلية كتبت بواسطة sirina_angel

السلام عليكم
صحا فطوركم
واش راكم لاباس ؟؟؟؟؟؟؟؟؟؟
بصحتكم تحضيرات العيد
أحنا العيد صاااااااااامط
لا تحضيرات لا قاطو لا هم يحزنون
شكيت أنا نهار العيد نعقبو رقاد

مرحبا بيك حبيبة قلبي واش راكي
و علاش مادرتيش القاطو نعرفك شاطرة الله يبارك

[sirina_angel]

المشاركة الأصلية كتبت بواسطة ام طيري الجنة

مرحبا بيك حبيبة قلبي واش راكي
و علاش مادرتيش القاطو نعرفك شاطرة الله يبارك

ماهوش جو عيد خلاااااص في دارنا ,,,كنت حابة ندير مي شفت ناس كامل ساكتة في دار قلت خلي نعقبها رقاد و خلااااص

[ام طيري الجنة]

المشاركة الأصلية كتبت بواسطة sirina_angel

ماهوش جو عيد خلاااااص في دارنا ,,,كنت حابة ندير مي شفت ناس كامل ساكتة في دار قلت خلي نعقبها رقاد و خلااااص

لا لا انت ديري النشاط في الدار باش يعاندوك انا نعرفك شاطرة الله يبارك

[oum islem]

صح فطوركم حراير الجلفة

هذو سبيسيال ليك Idrono بسيطة جدا ومش متقونة على بالي
الكمية كبيرة بزاف كنت حابة غير نكمل
حبيت نقدمهم ليك هدية للعيد
كل عام وانت بخير ويعطيك الصحة على المجهودات لي راكي تبذلي فيها
بارك الله فيك اختنا الغالية

بريستيج ليزا بنين يهبل لي ما درتوهش طفرت فيكم





وهدا مسمن



ومقروط






ام ماجد وين راكي ارواحي طيبيهم واديهم ظهري تقسم
هيا جارتي الفحلة ونعاونك

سهرتكم ممتعة

[oum islem]

ام ماجد ما طوليش راني نستنا فيك

[sirina_angel]

المشاركة الأصلية كتبت بواسطة روضة 88

سرينة هو سامط سامط في داركم لاه مش انت تحاولي ديريلهم الجو انتاع العيد اخدمي شوي قاطو و اشري شوي حلوى ومكسرات وحضري عادي للعيد ضرك تتبدل النظرة انتاعك مام اهلك تلقايهم تبدلوا جربي وشوفي.

المشاركة الأصلية كتبت بواسطة ام طيري الجنة

لا لا انت ديري النشاط في الدار باش يعاندوك انا نعرفك شاطرة الله يبارك

كلش جاني سامط هاد العام جيت من الإمتحانات مباشرة لرمضان ...و رمضان عقبتو ميتة بالغلبة راح هكداك خسارة ما درت فيه والو و حتى العيد تبانلي هكداك ,,أنا و نساء خاوتي زوج و حدة ما قالت نوجدو للعيد و لا ,,,والو كأنو ماش عيد,,,غير ماما رايحة دير مقروض و فرات
حتى لبسة العيد و ما شريناش ماش لأنو المادة ماش متوفرة لأنو المورال ماش متوفر

[عازفة الناي]

صحى فطوركم
الله يبارك ام اسلام روعة يعطيك الصحة و بصحتك النيو لوك ههههههههههههههه
جبتلكم شوي اطباق تاع الايام اللي فتو

[ام انفال 07]

عزوفة امممممممممممممممممم اطباقك دائما ولا اروع اختي قررت ندير لقريوش حسب طريقتك لكن المرغرين ماشي ياسر 250غ

[@ابني حياتي@]

يعطيكم الصحة اخواتي كلش يهبل