الجزء 152 من واش طيبتي اليوم

[أم فاطيمة]

ام سهام انا مرة جربت معجون الطباسى
و مجمدليش شحال من يوم و هو في الكنجلتور
تقدري تقوليلي السبب واش هو ؟

[اسمهان79]

أم فاطيمة يا عيوني اللي راحو ورا قلب اللوز امممممممم
لهنا حرة الله يبارك بالنسبة للمافن كي حطاتو حنان جربتو أيا جا يهبل وراح لجارتي خرجت من السبيطار وكي درتو لتطبيقات يا نتاعك جا يهبل انا نتاعي تالمو فاض لكيسات بقات فرغانة كارثة خخخخخخخ
سيماسيم اظم صوتي لصوتك للإدارة رجعولنا منتدانا كيما كان

المعلمة بصحتك التليتلي بصح جامي جربتو في الفور كيفاش يطرى
أم رويدة خيراااااات ما شاء الله تسلم ايدك
شمس الشتاء وملاك ملاكي صباحكم أسعد حبيباتي
أم الاء الف شكر على الروابط في ميزان حسناتك
روح مراد نورتينا حبيبتي ونورتي اللمة
أم ماجد وتوتة والبحر الصافي ووووو ووو
عييييييت راكم في القلب
ندااااااء أم وابنة رانا نستناو فيك طلي علينا
ا

[ام فضيلة]

مساء الخير واخيرا بعد الجهد وتعب قدرت نحمل من التابلات ربي يبارك في الاخت زينب٨٣ تعلمت من موضوعها
المهم راني جيت بحلوة للاخوات وباش تشوفوووووووووووووني عللبلي ممشاركتي بلا صور وحدة ماتشوفني ....شاركت من الارشيف جبتها منالفيس نتاعي ومزال بعض الصور نجيبهم .....شاركت في الكوزينة شحال من مرة بصح دائما وحدة ماتتنبهلي باستثناء بعض الاخوات تحكمنى القنطة ونعاود نخرج ونبقى وراء الكواليس ونسخف نشارك معاكم الحاصول باقية هنا شفتونى ولالالالا

[almazalina22]

ام فاطيمة الفور هاااايل يطيب ملييييح وبلخف واشراك حنونة والمسمن ممممم


ام اسمهان جنونتي اهلين شبعت ضحك نهار كانو يدخلو لا سلام لاكلام يحطو واش عشاهم وبس هههه واش احوالك ان شاء الله ريحتي شوية

ليزا ممممم عندك تقديم راقي للاطباق يوالمو للمجلات صورك

حبيباتي ام يسرا العربية ممم الزيتووون يباااان روووووعة

فضيلة الجلبانة ممممم تشهي بصحتكم

ام هبوووبة ممممم اكلك رووووعة ربي يقدرك
ام هديل على سلامتك انت مصرية

[ام سهام 02]

صح غذاكم حبيباتي

ام امينة تفضلي

https://www.djelfa.info/vb/showthread.php?t=1717540


سرور بالنسبة لافاني البرتقال ديريها في بلارة صغيرة تع زجاج و حطيها عادي في الكوزينة مع علب البهارات ما يصرالها ولو راهي عندي فايت عام ومازالت هكذاك حتى الريحة مازالت
امنبعد انصورها لك بالهاتف تع ولدي كا يجي مالليسي

ليزا الحبيبة الحموم انا نعرفو ملي كنت صغيرة نعقل ككنا صغار يديروه انا كيحكمنا بالحمرون هههههههه و بالنسبة لريحة ماعندي ما نقول لك انا وجدتو بكري غير سهام الشمت الريحة قبل ما توصل لدار هي تخرج قبل خاوتها هههههه بصح يكلوه ولادي يحبوه هو صح ريحتو قوية كيكون ايفور بصح في البنة هااااااايل و زدت عرفت بلي راه امليح العندهم سكر مشي كما الطعام العادي الاطباء ينصحو العندهم السكر ما يكلوش بزااااف منو

[almazalina22]

جربت نوقة ريتاج التيارنبة وصفة سليمة يعلى بصح جاتني تتفتت ماشي نوقة لااازم نعاود نجربها


ام فضيلة المقرووووط رووووعة هدا بوسو ولا اللوز


ام سهااااام توحشتك واش احوالك وسلامي للعاءلة
ام خااالد خرجلها معجون النباسا رووووعة حنا مازال ما لحقنا السفرجل خخخخ

سلاااام العشية نولي ان شاء الله

[أم شيماءْ]

[اممممممممممم ليزا الوصفة حالا يا كشرودة

[ام سهام 02]

المشاركة الأصلية كتبت بواسطة أم فاطيمة

ام سهام انا مرة جربت معجون الطباسى
و مجمدليش شحال من يوم و هو في الكنجلتور
تقدري تقوليلي السبب واش هو ؟

ما اجمدلكش يا امى نقصتي في كمية السكر

ولا ككنتي اطيبي فيه ما خالتيهش ايطيب بزاف لازم تقعدي تحركي فيه على نار متوسطة مع التحريك المستمر بدون انقطاع حتى تشو فيه الخليط يبقبق و يتفك من قاع الكوكوت كما اندير لابات اشو

و ثاني لازم اتحطيه يطيب في كوكوت و طاجين ثقيل

وما تحطيهش في المجمد يطلق الما ما ينشفش

[um alaa]

سلام
المازة شرفت على سلامتك يالعزيزة و بصحتك الكوشة
ليزا البسبوسة تهبل بصحتك حسبالك كيما ديالي لسقت فلي مول امالا قلت ما نفسدهاش ناكلوها منهم هههههههههه

[الأمنيات]

المشاركة الأصلية كتبت بواسطة ام فضيلة

مساء الخير واخيرا بعد الجهد وتعب قدرت نحمل من التابلات ربي يبارك في الاخت زينب83 تعلمت من موضوعها
المهم راني جيت بحلوة للاخوات وباش تشوفوووووووووووووني عللبلي ممشاركتي بلا صور وحدة ماتشوفني ....شاركت من الارشيف جبتها منالفيس نتاعي ومزال بعض الصور نجيبهم .....شاركت في الكوزينة شحال من مرة بصح دائما وحدة ماتتنبهلي باستثناء بعض الاخوات تحكمنى القنطة ونعاود نخرج ونبقى وراء الكواليس ونسخف نشارك معاكم الحاصول باقية هنا شفتونى ولالالالا

ههههههههههههه ضحكتيني ايه شفتك من الخط المميز واللون تاني. يعطيك الصحه
نصيحه من وحده قديمه في الكوزنه ديري في نيتك راكي
تدخلي تفيدي وتستفادي اول شيء فيه الي ما يعرفش امور رانا من كل قطر وتختلف العادات والطياب
وتاني فيه من خارج حبابنا. المهم ادخلي انتي وربي ياجرك هههههه
ان شئتي قبلي بيها نصيحتي وان شئتي خليها هنا في كوزنه
نورتينا

[um alaa]

و هدا عشانا تع البارح غراتان الخضر باللحم المفلروم و البيض اممممم

[الأمنيات]

ام فاطيمه يعطيك الصحه قلب اللوز يسخف
شوفي وصفه تاع الطباسا جربتها العام الي فات ووقع لي مثلك النشكل ما خليتهش
يعقد مليح في نار لازم تصبري عليه حتى يبدا ينعزل من جوانب ويتكتل كتله وحده
انا كي قعد نهار وما حمدش رجعته للنار وخليته يطيب مليح وكي برد جاني روعه

[الأمنيات]

ليزا اوووووو راها تسخف وتشهي البسبوسه يعطيك الصحه
ام الاء يعطيك ابصحه اختي غراتان والبسبوسه
لهنا تبارك الله راكي داخلتها تطبيقات

[أم محمد تاج]

روووائع غالياتي روااائع والله نورتو الكوزينة
اخخخصصصص اسمهان اخخخخخصصصص ضرك نقول لام هديل تعرضني في بلاصتك شح فيك

اوريسيا الكشروودة البياعة راح ندير للفطور شوربة لسان العصفور وكسرة خميرة وسااطة ولله الحمد والمنة والله تعبت مريووومة بيتتني ساهرة لسسبعة نتاع ااصباح تؤبشني راهي راقدة وانا نسووووووج
لي عجبوهم لي زومبورغار انتن الاروع سميناتي الحلواااااﻻت
ولي تسول على مريوومة نقوللها راهي تبعثلكم موااح حامضة ومخلطة بريحة التيزانة هههههههههههه
ههه لهووووووونة ماعليش عين وفقست
ام فضيلة حنوونة ولا تزعلي العتب على النظر وهاكي مواااح وعودي اكتبي بالاحمر هههههه راه يخوف

حبيباتي سامحوني نروح نبدا فطوري سلامي من بعد نشالله

[ام فضيلة]

شكرا اختي الامنيات ونعترف اني استفدت كثيرا من الاخوات الكل دةن استثناء ربي يحفظهم وحبيت نفيد ولو بالقليل واكيد مانصولش لمستواكم المهم النية كيما قلتي وربي عالم بنيتي
المازة هذا بوسو مش مقروط اللوز وجبت بيتزات عملتها في مول التارتولات مليحة للضياف