الجزء **133** من واش طيبتي ليوم

[آسيا 27]

سيما مرحبا
عازفة لاكرام راه ليك و الباقي ليا
انتصار الحلوة تحفة
ام تاجو وين راه بشماقك لحمر و انا الي شادة ظهري بيك المازة على غلطة من الدفاع شبعت ضحك عليا
والله نسيت نقوللكم على العشا -شربة الفارميسال طاجين الجلبان و سلاطة سمك مشرمل مقلي و خبز طبعا و الديسار مشماش

[أم محمد تاج]

نوووووووم العوافي سميناتي الحلوااااات والله يدوم المحبة بيناتنا يارب

[Simassim]

هادو طيابات اليامات لي فاتو. طبعا بمساعدة الشاف يوسف

مسمن للقهوة ويبتزا وجراتان

https://imagizer.imageshack.com/img901/8127/9Igerl.jpg

[omhadil]

غبت شوية كى دخلت لقييت الكوزينة مقلبة بالاخبار السعيدة
يا فرحتى يا فرحتى يافرحتى والله مالقييت مانقول والكلمات ضاعت منى لاحلى خبر سمعتو
اختى بروقة هكذا ناديها رانى نكتب ودموعى على خدى يافرحتى بيك يافرحتى بيك
الف الف الف مبروك للغالية بريق الامل والحمد لله حمدا كثيرا ربى يفرحك دائما وربى يحفضلك هشام امين يارب
اختى مرام الحمد لله كى راكى تمشى وان شاء الله تولى تجرى كى الحصان ونشوفكواحلى عروس
اختى سارة الف مبروك عليك الحمل وربى يثبتهولك ويفرحك ان شاء الله
اما المخطوبة فالف مبروك عليها وربى يتمملها على خير
واحساسى يقولى انها الهام اللهلوبة

ربى يسمعنا الاخبار المفرحة دائما وابدا من فرحتى مانيش قادرة نحط عشايا

[ام سراج وملاك]

يعطيكم الصحة كامل واش حطيتو دوختوني نتاع الصح وحوليت
ام تاجو فاميلتي ليك وحشة والله ضحكت من قلبي على كلامك لحلو وعجبتني يؤبش البي ويعطيك الصحة رووووعة لتارت لي خدمتيهم خسارة نحيتي لوح الخشبي حابة نقرعج واش كتبتي فيه علابالي ضك خدودك حمارو ههههههه
مرام حنونة الحمد الله على سلامتك وان شاء تولي تمشي مليح ليوم صح سمعنا اخبار هايلة ومبروك على بروقة وسارة ولبنات الحوامل وربي يرزق كل محرومة حتى مرت خويا اختها 6 سنوات زواج وهذا وين باش حملت ربي حنين كريم ربي يدوم الافراح للجميع لبنات نراجع ومانيش فاهمة شكون اسيا عضوة جديدة واسيل ريحاني معرفتهاش بدلو اسماءهم ولا راني غالطة وردة شرق عرفتها شكون
حقا نسيت عروستنا الزينة حنان ربي يبارك سفرتك هايلة لعقوبة ان شاء الله يرزقك ربي بالذرية الصالحة
ربي يدوم الافراح وتزيدو تفرحو بولادكم في الامتحانات

[Aya69]

مساء الخير عليكم يا لحباب
ام تاج حبيبتي اولا نبارك على لعقيقة نتاع ولد خوك كل شئ ما شاء الله ان شاء يجعلوا من الذرية الصالحة ويخليلك خوك يارب
ثانيا والاهم عيد ميلاد سعيد لزوج ربي يخليهلك ويحفظوا ويعطيه الصحة وربي يطيب العشرة بيناتكم وان شاء الله يرزقك طفلة مسرارة كيما مسرارة نتاعنا رآها تعرف روحها ويحفظلك ولادك وكل عزيز وغالي ان شاء الله

[دائمة الحمد]

[دائمة الحمد]

احلى صباح لكن جميعا
راجعت شوي وفرحت ياسر بالاخبار السارة حمل ام صهيب وولادة بروقة
وشفاء مرام والسعيدة بجدارة الحمد والشكر والمنة لله فرحتليكم من قلبي
ومبروك والف مبروك للي تخطبت اي وحدة فيكم ربي يهنيها ونتهنوا منها ههههههههه باش يلحقوها لخرين
وضحكت ياسر على ام ياسو والمازة هههههه فكرتوني بالصغر بالصح انا كنت عاقلة وحشامة وعجبتني دعوة الالتقاء في مكة امين يا رب العالمين
امس ما قدرتش ندخل راني من الناس لي يموتوا بالرعب من الامتحانات وخاصة الباك
المهم ربي يفرحنا باولادنا جميعا نحط ليكم غدايا تاع امس العشاء ما صورتش غلبت وجعت هههههههه

[دائمة الحمد]

شفتو الدجاجة هذي ما بقاش لي ماكلاش منها بالشوي يدخل ضيف مفاجئ ويلتحق بالطاولة والله لمة الحباب ماكانش كيفها

[دائمة الحمد]

ما نوصيكمش حبيباتي اتهلوا دعواتكن بتيسير الامتحان وفتح البصيرة لاولادنا

[أم ماجد]

صباح الورد للورد
ام تاجو امممممممم يعطيك الصحة لكن التقرعيج ابعثي على الخاص طابلو الشوكولا خخخخخخخ
مياسم بصحته الشاف الصغير تاعنا
دائمة امم الدجاجة تسخف وروزا راهي غارت من اميرة قاتلي امها قايمة بيها ضرك تنجح وانا والو خخخخخخخخخخخخخخخخخخخخ
ماظنيتكش من الخوافات انا ولله الحمد ماتتحركليش شعرة لانه عندي قناعة اللي يجتهد ربي معاه حتى الشيخ قالي سلفيلي قلبك خخخخخخ قتلو روح تلعب الا قلبي
المهم جبتلكم بسبوسة درتها في الليل وفلان للسهرة ولله الحمد وصبحت نقي في الغرس كان في الثلاجة مانعرف واش ندير بيه مازال ماقررتش

[أم ماجد]

ام تاجو واش من وصفة ؟حلل وناقش

[fleur de lili]

sabah el kheir daimet el hamd rabi inajah amira oua jamai3 moumtahinine amine

[دائمة الحمد]

احلى صباح ام ماجد وزهرة الليلي
مشكورة حبيبتي زهرة الليلي وربي يفرحك
ام ماجد انا راهي عندي فوبيا تاع امتحانات نموت بالخوف كي يعودو ولادي عندهم شهادة
والدجاجة قولي لروزا قاتلك خالتك دائمة اذاك ما عملت امس
الدار تضرب تقلب ما قدرت ندير والوا الفشلة تاع الخوف قتلتني ربي ينجح جميع التلاميذ لي تعبوا وقروا وسهروا يارب

[أم ياسين الزهراء]

صباح النشاط بالتوفيق لاولادنا وربي يسهللهم اليوم مهم جدا الله المعين


حبيباتي ترقبوني اخبركم باخر خبر صبر جميل

دائمة رولاكس خليهم على راحتهم وماتزيديش عليها واش وصيناكم والو رولاكس

ام محمد ربي يحفظكم ويهنيكم ويخليلك زوجك العزيز كلش يسخف

ام ماجد راكي تهدري برك انت اكثر منا في داخلك بصح امراة حديدية تهفي في القوم الله يفرحك بولادك

زوجت خال ام الاء اهلا بالعائلة الكريمة

السعيدة الف مبروك التزناق وربي يعمر جيبك باش تشبعي تزناق فرحلانك انت ومرام