وصفات حراير الكوزينة الجزء الثاني

[oumhadjer]

يعطيييييييييييييييييييييييييييييك الف خير يا الغالية

[idron0]

كعكة الشجرة ريتاج التيارتية

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

وصفات الاخت ام رامي idron0

جميع دروس الطبخ لاستاذتنا أم رامي في ملف واحد، ليسهل مراجعتها ، و لتفادي إختفاء الصور كما يحدث أحيانا.
الملف نوع
pdf
للتحميل من هنا هذا ربط جديد نتمنى يمشي لكم:
https://www.arab4load.info/download175378.html
أما الجزء الأول من صفات الفنانة فتجدنها على الرابط :
https://www.arab4load.info/download175360.html
الجزء الثاني لوصفات الفنانة تجدنه على الرابط :
https://www.arab4load.info/download175391.html
و:
https://www.djelfa.info/vb/showthread.php?t=1795495
رقم المشاركة : 5

[idron0]

خبز ساجدة 82

2 كيلات فرينه مع كيله ماء م ك خميره خبز ،ملح شويه سكر ملعقه زيت تجمعيه حوالي 3 د الى 5 فقط وخليه يخمر لازم يبقى يلصق في اليد مش ملموم كيما الخبز الاخر لمايتضاعف حجمو هبطيلو لخمور بلا ماتعجنيه مباشره رمديه في الفرينه وشكلي الخبز تاعك خليه يخمر يكون الفرن تاعك سخن وانا نستعمل الاناء الحديدي به الماء داخل الفرن طيبيه ومنين نخرجو نغطيه بسرفيات مشمخه ومعصوره جيدا باش يبقى طري . الصراحه الفكره هزيتها من عجينه ام كوثر للبيتزا وجميع المخبوزات ويجي هش ماشاءالله.

إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

[idron0]

مادلييييين mizou123

2بيضات مع 7م ك سكر عادي و تضربيهم مليييييح مع شوي لفاني او زاست و زيديلهم نص كاس تاع اتاي زيت وضربي مليح و زيديلهم 7م ك حليب و ضربي و في الاخير زيدي 14م ك فرينة و علبة خمارة.
ثم ديريه في الاكواب الورقية ثم في تاع الحديد و ال الفرن.
ملاحظة: تقدري تنقصي مغرف فرينة و تعوضيها بمغرف نوادوكوكو و تاني تقري تحشيه بالمعجون او تزيديلو حبيبات شوكولا.

[idron0]

غريبية الكوكاو المعلكة oum islem

الوصفة مغربية لقيتها في النت جربتها عجبتهم 3 مرات وانا نعاود فيها وكل مرة نستعمل نصف المقادير
يعني ما جربتش كمية كبيرة ما علا باليش كي تبقى بزاف تيبس ولا ﻻﻻ

500 غ كوكاو بقشوره...2بيض...125غ شكر احرش...2م ك معجون مشمش ...كيس ونصف خميرةحلوى...1م ك ماء الزهر
سكر ناعم
في مطحنة القهوة نرحي الكوكاو بقشوره ونزيد معاه السكر الاحرش ونزيد نرحي مليح نمرر الخليط في غربال مفتوح شوية مش الناعم لي اكبر منو
نحط الخليط في اناء ونزيد المعجون وماء الزهر والبيض بالتدريج وبحذر خاصة اذا كان الحبات كبار
ونجمع الخليط باليد مع العجن نضيف الخميرة ونعجن
نشكل كويرات صغيرة نمررها في السكر الناعم ونحطها في بلا مفرش بورق الزبدة
ندخلها للفرن المسخن ضروري 15 د من قبل
تنشف من الاسفل بدون ما تاخذ لون نشعل الفرن من فوق
وتقدم انسب شي مع الشاي او القهوة.
ملاحظة : التحريف الوحيد لي درت نقصت في كمية السكر قليلا و استعملت ملعقة واحدة مملوءة معجون والبيضة كانت صغيرة.



إضغط هنا لرؤية الصورة بحجمها الطبيعي.

[idron0]

نصائح على الرفيس التونسي دائمة الحمد

الرفيس التونسي ما تذوبيش الزبدة خليه طرف وحطي عليها السميد سخون تذوب وحدها
ومادام يجيك يابس ناقص زبدة والغرس نقيه برك ما تزيديلو والو ولازم يتعجن مليح.

[idron0]

نصائح على الرفيس التونسي ام امير و اية


انا عن تجربةبعد اضافة التمر والزبدة والدقيق في الاخير نضيف قليل من الحليب الثقيل وراح نضمن لك راح يجيك طري وخفيف .

[idron0]

طبق الكورجات simassim

الكورجات قطعيها شرائح مع بطاطا وطماطم وتبليها بماح فلفذ اسود توم يابس مطحون واغشاب منكه. وزيت زيتون. تقدر تزيد موتارد او جومبو انا مانحبوش ,
قطعي بصل رقيق وطيبيه فشوي زيت ,وحطيه فالبلا تاع الزجاج وحطي الخضر تاعك بطريقة عمودية حطي سطر بطاطا وسطر او زوج كورجات وعاود طماطم. يممن تدير حتا لحم مرحي اقراص متبل. وحط فرمتج كيري او متلتات. بين الخضر وزيد عليهم كاس شاي ماء. واذا عندك صلصة صويا تدير شوي. او ممكن تدير مرق دجاج او لحم بدل الما. كمية قليله ,
ودخلها للفرن مدة نص ساعة او اكتر عل حسب حجم الخضر مين يطيب رشيها فرماج رابي وقدمها .

[idron0]

خبز البرغر simassim

600 غ فرينة. ملح
15غ سكر
180g حليب
150 غ ماء
بيضة
30 غ زبدة
10 غ خميرة الخبز
تعجيني الكل مليييح حت تتحصلي عجينة طرية شوي
حطيها في اناء كبير مدهون بزيت وغطيها بفيلم شفاف يلمس السطح تاعها وغطيها بقماش وخليها ترتاح ساعة ونص تقريبا
هبطلها الخمورة بلا ماتعجنها وشكلي كويرات صغار غطيهم بقماش على سطح مرشوش بالفرينة وخليهم يرتاح ربع ساعة منبعد خدي كل حبة اظغطي عليها شوي بيدك
ادهنيها بالما ورشيها الجلجلان وحطيها فالبلا تاع الكوشة وغطيهم بقماش خليهم يرتاحو ساعة
قبل ماتدخليهم يطيبو بمدة عشرين دقيقة شعلي الفرن 200 وحطي بلا عالارضية تاع الفرن
مين تجي تدخلهم يطيبو صبي كاس ماء على هداك البلا ودخليهم وسط الفرن يطيبو عشرين دقيقة او نص ساعة
مين يطيبو ماتخليهم فالبلا نحيهم وحطيهم ف grille يبردو قبل ماتقطعيهم

الكمية ديرلك عشر حبات كباااار.

[idron0]

خبز الهمبرغر ام سراج وملاك

يجي هايل وخفيف وطري نعطيك كمية لي نديرها رطل فرينة ندير فيه شوي ملح ونصف كاس زيت وزوج مغارف كبار زبدة وزوج مغارف كبار خميرة الكسرة ومغرف كبيرة سكر عادي ساعات نضيف زوج مغارف كبار لحظة ونعجن بالماء الدافي ونخليهم يطلعو ومبعد نشكلهم دوائر منخبزهمش نبسطهم شوي بيدي برك نعدل الدوائر وكاين لمول على شكل دوائر كيما دارت بيهم فلة فود ارت تحطي العجين فيها وتخليهم يخمرو فيهم وطيبيهم الطلية ندير صفار بيض مع شوي قهوة طايبة تعطيلو لون رائع ونذري بالموجود سينوج ولا جيلجلانية ونخليهم يخمرو شوي ونطيبهم .
بالنسبة للحشو:

انا نغير طول في الحشو كل مرة كيفاه نديرو الاكثرية ندير قراص اللحم المرحي ندوزنهم ونشكلهم ونقليهم كي يطيب الخبز ويبرد نحلو نحط ورقة نتاع سلاطة نكون ملحتها شوي من قبل ساعات ندير لاصوص وساعات نخليها عادي نحطها هيا لولا ونزيد طماطم مقطعة دوائر ونحط ساعات فوقها الميوناز نحبو ونزيد فوقو البطاطا المقلية ونزيد اقراص اللحم وفوق سطح الخبز العلوي ندهنو بحبة فرماج وساعات ندير اقراص الدجاج في بلاصة اللحم المرحي وساعات نقلي البيض ونحطو كل مرة كيفاه نتي والموجود لي عندك.

[idron0]

بينيي تع البطاطا و الباذنجان ام وابنة

علابالي يعجبوكم لاني متاكدة بانو الاغلبية يعانيو كيفي مع اولادهم و ازواجهم ما يحبوش الباذنجان
قعدت نخمم كيفاش نكلخ لهم و الحمد لله النتيجة هايلة و ما يبانش الباذنجان
قشرت الباذنجان بش ما يفيقولوش و قطعتو حلقات و قليتو في كمية قلييلة من الزيت و نشفتو
قطعت البطاطا حلقات و قليتها مليح بش ما تجيش مزيتة و قطرتها من الزيت


إضغط هنا لرؤية الصورة بحجمها الطبيعي.


خلطت علبة طن مصفية من الزيت مع خليط حشاوش و ثلاث حبات فاش كي ري و موزاريلا مبشورة و قرويار مبشور و ما عملتش لا ملح و لا توابل


إضغط هنا لرؤية الصورة بحجمها الطبيعي.


حطيت كمية من الخليط فوق قطعة باذنجان و حطيت فوقها قطعة بطاطا و ضغطت بيدي بسرعة تلصق


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


كي كملت الكمية مرغتهم في بيض ثم في شابلير ثم قليتهم بسرعة في زيت سخون بش يتحمرو و يتقرمشو و ما يشربوش الزيت


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


و هاهي النتيجة


إضغط هنا لرؤية الصورة بحجمها الطبيعي.

يجو هايلين مع مرقة بيضاء ثقيلة اما بالدجاج و الحمص او الدجاج و الزيتون او حتى الفطر و يتسقاو من الفوق برك كطبق عائلي لذيذ.

[idron0]

حلوة القفريط الرجاء الاماني المجد


من اختراعيالمقادير 2حبات بيض كاس سكر رطب كاس مايزينة 1خميرة 150مغارين فنجان زيت لافاني الفرينة التحضير ضعي الزبدة وخلطيها بيدك ثم اضفي السكر ثم المايزينة ثم البيض ثم لافاني والخميرة ولمي العجينة بالفرينة وما تيبسهاش وكسلي العجينة هكدا ودري اشكال بهدا الطابع وخليها اتطيب في الفرن وكي اتطيب خليها تبرد وذوبي الشكلاطة وزيديلها شويا حليب وغطسي في الشكلاطة ثم رمديها في القفريط مرحي وشهية طيبة للامانة هده الوصفة وجدتها في الفيسبوك ولكني درت تعديلت الوصفة هديك مفيهش الزيت والزبدة انا نقصت هم ديرين 250 وانا درت 150 وكدلك الشكل هم دروه باليد وانا بطابع وصدقوني ايذوب في الفم .
.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

[louji omri]

المعلمة هداك اسهل واسرع مقروط في الدنيا نديرو بزاف في رمضان ما يخطينيش
ومليح مع التاي لضيوف الغفلة
المقادير
4 فنجان سميد عادي يعني الدقيق لي ديري بيه الكسرة
فنجان سمن المدينة ذايب وبارد
خليط ماء وماء الزهر ذوبي فيه شوية ملح
كمية قليلة تمر معجون او الغرس منقي ومعجون مليح بماء الزهر والزبدة وقرفة وقرنفل
التحضير
خلطي الدقيق مع السمن ولميه بالماء المملح دون عجن اجمعيه جيدا
وشكلي حربوش ورققيه بتمريره بين يديك وطاولة العمل
كي تكملي كامل الحرابش قطعيهم مقيرطات صغيييرة بحجم حبة اللوز
واقليهم في زيت ساخن تكون الحبات مغمورة حتى تتحمر على نار متوسطة كما تقلي لي فريت
نحيها تنشف قليلا من الزيت ما يتشربش بزاف الزيت
عسليها بعسل ثقيل مع قطرات ماء الزهر خليه شوية في العسل
ويبرد وقدميه مع التاي او مع القهوة

واذا حبيتيه مقرمش بزاف وحبيتي كمية كبيرة ديري 5 كيلات سميد بكيلة سمن
وعسليه يبرد مليح وخبيه في علبة يبقى حتى اكثر من اسبوع ما يتغيرش

وام تاجو سالتني على التاي تسمحلي ما انتبهتش لسؤالها
غلي 2ل ماء ملييييح نحي منها كاس كبير اغسلي بيه فنجان تاي بواسطة مصفاة
قطريه جيدا ورجعيه للماء المغلي حركيه وخليه على نار هادئة جدا مع تغطية الاناء
حوالي 30 الى 40 د يبقالك حوالي لتر ونصف تاي صفيه
وخليه يهدا شوية تخلصي من الراسب لي في الاسفل
في اناء اخر ضعي باقة من النعناع الجاف او الطازج وفنجان سكر او اكثر حسب الذوق
وابقاي تقلبي في التاي من اناء الى اخر مع رفع اليد حتى تتشكل رغوة صفراء ذهبية كثيفة
عاودي سخني التاي اذا برد وحطيه في الابريق مع اوراق نعناع
واستمتعي بالذ تاي
وكاين طريقة مغربية اخرى تاع التاي بالقرنفل من الذ ما تذوقت كي نسرقها نجيبهالكم

[idron0]

بطاطا فى ال****طة تاع 5دقيق fadila34


تحطي البطاطا مقطع بطول كما شوفتها +ملح+كمون كثري شوية+فلفل اسود+فلفل احمر+طماطم علب+الكسبروالثوم ليحطيتهم خلاطي الكل مع بعض اذا عندك الجاج تبليه وحطيه هو الاولفى ال****طة وباقى التوابل حكيهم مليح فى البطاطا وفرغيها فوق الجاج وزيديلها كاس ماء وشوية زيت واغلقي ال****طة واذا معندكش الدجاج زيدي وحدا جانبو وكملى بنفس الطريقة وحطيها فوق النا قليل مدة ربع ساعة توجد .


إضغط هنا لرؤية الصورة بحجمها الطبيعي.