الى ام اسيد1 وكل وحدة حاصلة واش الطيب

[crono]

المشاركة الأصلية كتبت بواسطة صدفات

صباحكم سعيد
أم حمزة ربي يوفقك في المسابقة زيري روحك راني نشجع فيك وين تروحي راني معاك .
روح مراد حبيبتي لا تحزني لي عند ربي ما راهيش بعيدة كل حاجة في وقتها مليحة ربي يفرحك .
سلامي لكل العضوات الغاليات ربي يهنيكم
كرونو وين راكي حبيبتي البركة فيك تعاوني أم حمزة بأطباقك المميزة .
أم سوهيل يعطيك الصحة المعقودة خرجتلك مليحة درتها البارح للعشاء مع سلاطة و مرق دجاج بالحمص و الشوفلور مقلي وردات سحان الله تقول تفاهمنا.
همتكم يا بنات ما تخلوش الموضوع يموت وووووووووونتفرقو راه الولف صعيب و الفراق أصعب

من عيوني انا الطبق تاعي هوليك ا جواز بالبطاطاوهو اقتصادي وبنيييييين

اربع اوخمس حبات بطاطا قطعيهم مربعات صغيرة
في الكوكوط ديري شوي زيت+البطاطا+طماطم حب مقطعة دوائر+ثوم دوائر +الفلفل الاخضر الحار دوائر ثاني+دبشة ومعدنوس مقطعين رقيق +زرقة رند+كسبر مرحي +شوي فلفلكحل للي تحب النكهة تاعووطبعا الملح ونمرق بالماء قيس ما تتغطي البطاطا برك مانكثروش ونغلقو الكوكوط مدة20دقيقة كينفتحوها نلقاو بطاطا مجمرة الله الله وغير شوييييييييييييييييييييييييتاع لاصوص لماييطيب لكل نضيف بيضيتين للطبق وبصحتكم


ان شاء الله اتجربوها وتعجبكم

https://www12.0zz0.com/2014/11/13/13/651165730.jpg
https://www12.0zz0.com/2014/11/13/13/581847789.jpg

مع خبز في الكوشة https://www14.0zz0.com/2014/11/13/14/594570087.png



هادو هاد وين نحتهم من جنينة https://www12.0zz0.com/2014/11/13/13/538959248.jpg

[ام حمزة22]

سلام
صباحكم سعيد ويومكم اسعد
ان شاء الله تكونو كامل بخير الحاضرين والغايبين
ولي غايب ان شاء الله يكون مانع غيابو خير
ام سوهيل شكرا على الاطباق ربي يتقبل من جارتك
اشكركم جميعا على التشجيعات بارك الله فيكن
حبيتو تضحكو علية ليوم فطنت على الساعة3 نتاع الصبح طيبت قهوة شربتها من بعد قعدت نكمل الخدة نتاعي باه نبعتها للمشرفة فيفي وهادا وين كملت وبعتها والحمد لله
اليوم ما كاش جديد فالطبخ راني طيبت بطاطا مقلية وبدنجال بالصوص تصيبوه فالصفحة الاولى
ما جيتش يدي فارغين جبتلكم خبز فطير طيبتو البارح

[ام حمزة22]

يعطيك الصحة كرونو على الاطباق وداك الخبز راه يشهي
شكرا على الورود ربي يخليك دايما منوره كي الوردة

[*أم جابر*]

السلام عليكم اخوات انشاء راكم بخير ام حمزة توحشناك روح مراد ربي مافيه غير الخير

فطوري لنهار اليوم

عصبان بالبصل و الطوماطيش

و كويرات البطاطا

السلام عليكم

[روح مراد]

سلام أخواتي نتمنى لكن نهاية أسبوع سعيدة و مريحة
شكرا لكن على السؤال ربي يعيشكم و يهنيكم و يعطيكم ما تتمناو
رايحة نتوحشكم حتى الأحد راهو بزاف

[ام هاديل وياسين]

السلام عليكم
ان شاء الله تكونو بخير وبصحتكم واش حطيتو كل شيء رائع كورنو الله يجعل ايامك وايمنا كلها ورود
والخبز يشهي ياريت تقولينا طريقتك لبنات ادعو معيا ربي يفرج همي وييسر اموري
ويشافيلي بنتي والله يجازيكم كل خير
ام حمزة شكرا اختي على رسايلك الله يعطيك الصحة ويوفقك في كل خطوة اميين

[صدفات]

مساء الخير عليكم يا لبنات
كرونو شكرا على الطبق و على الورد يا ورد
ام حمزة ربي يحفظك القلق نتاع المسابقة هو لي خلاك تنوضي على الثالثة نتاع الصباح راكي ناجحة ما تخميش.
أم هديل ربي يشافيلك بنتك و يرتاح بالك
.ام اسيد العصبان مليح في الشتاء وهذيك البطاطا امممممم تشهي كيفاه درتيها

[onedzone]

بارك الله فيك

[ام سوهيل]

مساء الخير وش راكم لباس درة هاد الصبلي تع الزيت باش يتقهواوبيه وحبيتكم اتشوفوه




https://im56.gulfup.com/uo09jo.jpg

[ام سوهيل]

هيليك الصورة الي طلع الرابط انتعها

تفضلو تشربو قهوة معانا

[ام حمزة22]

سلام مساء الخير عليكم
ام اسيد يتوحشك الخير والخمير يعطيك الصحة على الاطباق بصحتكم

روح مراد نهاية اسبوع هنيا ان شاء الله وربي يفرحك


ام هديل ربي يسهلك امورك ويشفي بنتك
ان شاء الله يسمعنا خبر الخير عليك

صدفات المشكل ماراهش فالمسابقة عندي شغالات هاد نهارات بالاك هما لي راهم مقلقيني اما المسابقة مادا بيا ما تخلاصش الاعمال لي راني نقوم بيها نصيب راحتي فيها
صدفات جربيها وشوفي راح تلقاي راحتك في هاد الفنون

ام سوهيل يعطيك الصحة على السابلي وبصحتكم حنا ستقهوينا بالفطير نتاع البارح طيبت بزيادا وقعد لليوم

شكرا للاخ onedzone مشكور على المرور

[صدفات]

تصبحون على خير لبنات نضن راني مدمنة على المنتدى ما نرقد حتى نشوف ونضرب طلة المهم جمعة مباركة للجميع و ما تنساوش تقراو سورة الكهف.

[ام حمزة22]

سلام
صباحكم سعيد ويومكم اسعد
لبنات ان شاء الله تكونو اليوم بكامل الصحة والعافية بدون هم ولا مشاكل
ربي يفرج همومنا و ييسر امورنا آميييييييييييييييييييييييييييييييييييييين
لبنات هدا موضوعي الجديد ان شاء الله يعجبكم
https://www.djelfa.info/vb/showthread.php?t=1703968

[صدفات]

صباحكم سعيد جمعة مباركة للجميع بالتوفيق ام حمزة أم هديل يا درى بنتك تحسنت شوية لي عودة في المساء اليوم إبني عنده سباق في الفروسية طلبولي ربي راني خايفة عليه اليوم عنده القفز على الحواجز.

[ام هاديل وياسين]

صباح الخير للجميع الاخوات وجمعة مباركة ان شاء الله
اللهم اخواتي ام حمزة واختي صدفات الله يطمنك على ولدك ويحفضه من كل سوء ويقر عينك بيه
بنتي رمزالت راني مع التراتمون ونصحوني بدواء تاع برا لخاطرش عندها بو صفير
الله يشافيها وكل المسلمين شكرا على السؤال الله يحفض ما عندكم امين
بصحتك ام سهيل نحب صابلي تاع الزيت نشوف الرابط ومن بعد نجربو ان شاء الله
ام حمزة موضوع لازم نمشو على حسب الميزانية وهادي فكرة مليحة بصح مفهمتش مليح نضن نحيتي
غير الجنحتين يعني هذاك الابيض بانتلي الجاجة منقصتش ولا انا مرانيش نركز مليح هههه من كثرت التفكير