الجزء 63 من واش طيبتي اليوم تزامنا مع عيد المراة - الصفحة 70

ام اماني77 · 2014-03-13, 10:32

صباح الخير على الجميع
المنتدى راه ثقيييييل ماقدرتش نراجع كل الصفحات
المهم نقولكم يعطيكم الصحة يا لحراير
الهاموام رياض وام فاطيمة يعطيكم الف عافية على الاطباق
اختي توتة مادام المادلان يطلع ويعاود يهبط معناه ان ناقص فرينة جربي نتاع الهام راه مليح ومايهبطش
مريم الاميرة نقولك يعطيك الصحة على مقروظ الشهدة راني شريت اللقاط جربتو في شوية من عجينة القريوش ما خرجليش ماذابيك تفهمينا خطوة خطوة في شوية عجينة وربي يجازيك كل خير يا غالية
غدايا اليوم ارنب في الفرن مع البطاطا وسلطة والحمد لله
صح غداكم يا لحراير

مريم الاميرة · 2014-03-13, 10:32

صباح النور على احلى طباخات كيف صبحتو ان شاء الله لاباس
لهووووووووووووومة الله يبارك راكي 44444444444 في كلش يعطيك الصحة عندي طلبين و ياريت ما طوليش عليا شوفي ماذابيك تعطيني وصفة لي بتي فور ليوم لازم لازم خطراكش زوجي ح راو شافو و عجبو و قالي ديريهولي مديه معاه للحرب هههههههه في غرداية امالا مالازمش تحشميني و ثاني ليتاغتولات نتاع لكاراميل باه نديرهملو قبل ما يروح من فضلك حبيبتي راني في النتضار و الا ما نمدش لقاطو لي راكي تستناي فيه ههههههههههههه مقايضة:d:d:d
ام رياض الدولمة تهبل و هذيك لجريوات جامي شريتها تبان
روضة بصحتكم لغرايف امممممممممم مليح في البرد
ام فاطيمة بصحتكم كلش
ام رحاب ليزابيل مرحبا
ام رضوان مرحبا بيك اختي نورتي كوزينتنا

مريم الاميرة · 2014-03-13, 10:35

ام اماني شرف يعجبك قاطويا شاف و الله شهادة اعتز بيها
شوفي ضك ما نقدرش نفهمك مليح خطراكش ماكانش لي يصورلي الخطوات كي يدخل زوجي ح رايحة نديرلكم عجينة صغيرة و نحاول ننقش بالوحدة ان شاء الله
حقا ام اماني ميش شرط عجينة كيفها انا تعلمت في عجينة نتاع مطلوع كل يوم نحي قيس حبة و نحاول حتى تعلمت مليح

إلهام07 · 2014-03-13, 10:37

ليزابال حبيبتي الوصفة خاطي نتاعي راهي مولاتها رايحة تحطهالكم موضوع هو صح خفيف وبنين بصح ماجانيش كيما اللي يتباع حبيت نتاع المارغارين والزيت حتى الآن هي الأفضل
أصبرو رايحين تشوفوها موضوع
حقة ام ساجد راهي حطت بتي فوغ بالزيت

مريم الاميرة · 2014-03-13, 10:39

الهام اني رايحة ضك لغدايا و كي نرجع نلقاك حطيتيلي الوصفتين ربي يعيشك ما تحشمينيييييييييييييييييييييش
حقا غدايا شربة فريك و بريوش الضفيرة و سلاطة و عصير ام رامي تاع البرتقال و الجزر و الله كيما قاتلكم الهام يهببببببببببل و بالاك نزيد بوراك و لا نخليه للعشا مازال ما قررتش

natacabell · 2014-03-13, 10:50

يعطيك الصحة الهام و الله حبيت نديرها ف الويكاند انا حبيت تارتولات الليمون بوكو بليس لابات (فرنسية من الطابع الجديد) هههه ايا واش قلتي؟

x ام رحاب x · 2014-03-13, 10:50

الهام حبيبتي عجبني بزاف ليتارتولات تاع البنان ولوخرة اعطيني الوصفة حبيبتي

x ام رحاب x · 2014-03-13, 10:51

ام اماني بصحتك الفطور حبيبتي ماطرح مايسري يمري

ام نوردين · 2014-03-13, 10:56

الهام حنونة شكرا على الاطباق والابداع وعلى التوضيحات تسلمى كلشى 4444444
ام رضوان مرحبا بيك معنا
صباح الخير على الملتحقات وليحطو طيابهم بارك الله فيهم روعة

أم فاطيمة · 2014-03-13, 10:56

الهام حنونة يعطيك الصحة يا مرشدة و انشاء الله كي نرجع من دارنا نلقاك حطيتي الوصفة
ما فهمتيش تحلية فيتامين س
يا لعزيزة را هي مخدومة باليمون و البرتقال يعني غنية بالفيتامين c
و مع لولاد راهم بلقريب قلت يعاونهم شوية

douniadiab4 · 2014-03-13, 11:01

حبيبتي الهام حابة قاطوات اخر صيحة لانو عندنا كذلك عرس اخت زوجي

غدايا شكشوكة من البارح راني وحدي زوجي يتغدى في الخدمة وابني يقرا عند دار جدو صحة غداواتكم كامل

x ام رحاب x · 2014-03-13, 11:01

صباح النور ام نوردين واش راكي

الأمنيات · 2014-03-13, 11:04

صباحكم أجمل بقلوبكم المحبة الصادقه

أم فاطيمة · 2014-03-13, 11:07

ليزابيل و الهام هاي وصفة بوتي فور بالمرغرين انشاء الله تعجبكم
250 غ مارغرين و 250غ سكر و خلطي جيدا حتى الحصول على كريمة زيدي 2 بيض الوحدة ورا وحدة و خلطي زيدي 1 لفاني و 50 غ مايزينة و 1 خمارة
و لمي بالفرينة حتى تتحصلي على عجينة طرية تقدري تفوتيها في لبوش شكليها و دخليها طيب كي تخرجيها لصقي كل 2 مع بعض بالمربى
ملاحظة و ادا حبتيها بالشوكولاطة نقصي كمية نتاع فرينة و عوضيها بالكاكاو نفس الكمية لي نقصتيها نتع الفرينة
و انشاء الله تجربوها و تعجبكم

tokio hotel · 2014-03-13, 11:08

zصباح الخير عليكم كامل
الهام كل شى هايل الله يبارك كى شفت انتاعك احشمت صورى راهى فى الفحة 49 الا حبيتى تشوفيهم
من فضلك اعطينى خبزة السلق الى حطتيها المرة الى فاتت منت طلبتها منك على الخاص وقيلا ما وصلاتكش رسالتى شكرا على كل المعلومات