الجزء 180 من الكوزينة (رمضانكم كريم ) - الصفحة 70

بيان 5 · 2017-07-22, 18:16

أختي حياة يعطيك الصحة اطباقك ديما مميزة الله يبارك

واش يدير مهدي لببون ربي يحفظهولك

بيان 5 · 2017-07-22, 19:49

السلام عليكم
راكم غايبات ان شاء الله تكونوا بخير
عشايا فريت اوملات

حياة نور الدين · 2017-07-22, 20:15

اهلااا بيان بصحتك الفريت اختي

انا عشايا طعام بالزبيب والبن بقالي من البارح وليزابا والفاكهة راكي تعرفي راه وقتها والحمد الله على النعمة

سحابة باردة · 2017-07-22, 21:09

مساء النور كيراكم شيرات مع الحمان
شكرا حيوتة على الوصفة انتضري تطبيقي قريبا
وبصحتكم الشهيوات وديسار هذاك ليا دايما هههههههه
بيان بصحتكم الفريت أوملات هذاك الطبق راني اديتو لولدي الصغير هذاك مايبغي وطبق الأول شطيطحة ولا راني غالطة ليسونسيال بصحتكم مطرح مايسري يمري

بيان 5 · 2017-07-22, 21:50

الله يسلمك حبيبتي ايه شطيطحة بطاطا حارة

fleur de lili · 2017-07-23, 10:14

صباح الخير عليكم بيان.سحوبة.حيوة.راكم منورين دائما.
توحشتكم وتوحشت اللمة نتاعنا.غبت بسبب عرس بنت أختي.

بيان 5 · 2017-07-23, 10:16

صباحكن سعيد
اختي فلور مبرووك عليكم
انا من عرست أختي مازلت تعبانة ياخي تعرفي عراسنا واش يتعبوا

fleur de lili · 2017-07-23, 10:22

مبروك علي أختك بيان بزيان سعد.كلش درتوه بطبع .
أكلك شهاني في هذا السخانة.
بنتي حيوة أكلك كي نشوفو كيفاش محطوط باين نتاع وحدة حرة.
رابي يعطيك الصحةوتستاهلي أحلي تقيم.

fleur de lili · 2017-07-23, 10:27

اليوم غدائ في هذا السخانة.فريت أوملات مع ديسير عنب.
شفتي لعراس نتاع السخانة اتعبو . مقدرتش نرفد روحي.
ربي زين السعد لكل عروس.أمين

بيان 5 · 2017-07-23, 10:30

آمين يارب العالمين

oumelabedmh · 2017-07-23, 16:08

السلام عليكم. اختي بيان مبارك ربي يهنيها وتعرفي الماكلة فكرتني في عوايدنا زمان هك.كنا نديو غدا العروس وانا يعطيوني نقشر البيض حتى كرهتو هههه.بصح ماشاء الله يشهي.سلامي للجميع ومع هاد السخانة ربي يلطف بينا

بيان 5 · 2017-07-23, 16:11

بارك الله فيك اختي
صح لعراس يتعبوا لكن فيهم لذة خاصة كي يتلاقاو افراد العائلة
لبنات ملاك ملاكي تبلغلكم سلامها وتقلكم باللي راح ترجع للمنتدى بعد الزيادة إن شاء الله

fleur de lili · 2017-07-23, 21:48

مساء الخير علي الجميع.
وين راكم غايبين.سحوبة مبغتيش طلي علي اىكوزينة رحتي.
حيوة وين راكي ولا راكي مع مهدي داك علينا.
بيان قعدتي وحداك الدورى في الكوزينة.زيدي حطيلي لعشاء.ههههههه
انا عشاى كسرة رخسيس بلبان.هذا ميصلح في هذا السخانة.

بيان 5 · 2017-07-23, 22:59

أختي فلور صح عشاك انا عشايا كان جلبانة والديسار عنب
تصبحن على خير

سحابة باردة · 2017-07-24, 11:16

صباح النور حبباتي
أختي فلور بالبراكة عليكم ربي يدوم الأفراح
بيان وحيوتة والبقية كيراكم خياتي
راني في الكوزينة كان خرجت بحاجة شابة نحطها تشوفوها