اسمع حكاية بلهجتي ....

[novateen]

المشاركة الأصلية كتبت بواسطة امل عمري

السلام عليكم
انا حكايتي غير الحكاية هنا صارت ومازالت تصرة .............نبدوها ...بسم الله.....كانت عائلة كبيرة فيا الجدة هي البركة نتاع الدار والحنانة ككانت القلب الدافيء والام العطوف وفي العيد نتلاقاو عندها .......انا وحدة من احفادها.....كانت عندها السكن ضيق كنا نباتو في المطبخ انا وبنات خالاتي والسعادتنا لا توصف من هذه المة ونسهرعلى كلام و سرقة حلوالعيد من الخزنة والتفاخر على بعضنا واستعراض ملابسنا وازعاج الجيران بضجيجنا .........الخ .......انا كنت احب جدتي كثيرا لكن كنت من اواخر احفادها فلا القى منها الحب الذي اريده وعندما كبرت اسريت على الذهاب عندها في العطل الدراسية وكم احببت لو اعيني اعطيها ...وكلما قضيت معا وقتا اطول يزيد حبي لها .عطلتي اخيرة عندها كانت قبل عام من موتها .............وعندا اتصلو بنا انا الجدة مريضة تريد رؤية الجميع ...رحنا على الفور انا وامي والكل
اول شعور انتابني هو خوفي على امي من فراق امها خاصة وان لم يبقى لها احد...
وانا لم ادرك ابدا ان جدتي ستفارقنا فعلا لن تكون في حياتي ........ذهبنا للمستشفى كانت في الانعاش كانت منتفخة وقال الطبيب ان تحضروا حالكم مسكت يد جدتي انتابني الخوف ..كانت في عينها لحظة وداع ودمعة بريقها لا يفارق ذاكرتي بعد انتهاء من الزيارة ذهبنا جميعا الى بيتها اختلف الوضع البيت جامد والسكات يحوم ومكانها فارغ .............اتصلو بالجميع ...وحضر الكل ...وفي اليوم التالي جاء خبر وفاتها وتاعالا الصراخ في بيت جدتي لاول مرة منذ ولادتي وعلى من ...على الجدة لم ابكي حتى بل قمت بدات التنظيف وفرش المكان كاني لم ادرك ماذا حصل ..............احضرو جدتي لتغسيلها ودفنها فقالو لي اني استطيع رؤيتها توضات ودخلت عليها كانها نائمة فقبلتها كانت كالجليد جبهتها فتمنيت لو اصرخ باعلى صوت لاعبر عما بداخلي فلم استطع الم لم اشعر به من قبل لم احس ابدا بمرارة الحياة هكذا في حياتي ومرت الايام على خسارتها وبكتابة لكم القصة هذه تكون مرت 4 سنوات على موتها ..........ولم اعد اعيش فرحة العيد واختفت لمة الخلات وسرقة الحلوى وملابس العيد وجفت القلوب واختلفو على الميراث............وظهر النزاع ونسيت تلك الايام ايام الدفيء والحنان ......اسفة

لا حول ولا قوة الا بالله
فعلا الشيء اللي حكيتيه أختي صرا بزاف ياما كانت العائلات ملمومة تحت جناح الأجداد والأباء وكانت بركتهم تعم الجميع الصغير قبل الكبير لكن بموتهم يصبح كل شيء مزيف تختفي مشاعر الأخوة والصداقة وتختفي تلك الرابطة القوية وكأنها العقدة اللتي انقطعت من العقد وبذلك تناثرت حبات اللؤلؤ وضاعت
يا اختي هنا يصح المثل القائل ما يبقى فالواد غير حجارو لازم تتذكري الأمور الجميلة وتحافظي على ذكرياتك ولا تدعي الحاظر يدمرها
والبركة فيك رغم أن الأمر صعيب لكن حاولي تحافظي على صلتك بعائلتك فصلة الرحم هي أهم شيء في ديننا الاسلامي
مشكورة على مرورك وعلى القصة

[هيا الجزائر]

متابعة بحول الله اختي نوفا
ان شاء الله تكوني بخير

[سمية الوهرانية]

ثلاث رجال مبوقلين بغاو يسيوهم ايا عطاوهم ميكروا كل واحد منهم سقسى سؤال في الانترنيت كيجات في الثالث ايا كتب في الميكرو حقل طوله 8امتار و عرضه3 امتار السؤال ما هو عمر الفلاح فنفجر الحاسوب من السؤال الغبي جدا ههههههههههههههههههه
اتمنى تفهموها وتضحكوا معي انا سعيدة بهدا الموضوع صديقتي نوفاتين

[novateen]

المشاركة الأصلية كتبت بواسطة هيا الجزائر

متابعة بحول الله اختي نوفا
ان شاء الله تكوني بخير

شاكرة لك متابعتك الدائمة ومرورك الأكثر من رائع
حفظك الله أختي

[novateen]

المشاركة الأصلية كتبت بواسطة هيا الجزائر

متابعة بحول الله اختي نوفا

المشاركة الأصلية كتبت بواسطة هيا الجزائر

ان شاء الله تكوني بخير

شاكرة لك متابعتك الدائمة ومرورك الأكثر من رائع
حفظك الله أختي

[novateen]

المشاركة الأصلية كتبت بواسطة سمية الوهرانية

ثلاث رجال مبوقلين بغاو يسيوهم ايا عطاوهم ميكروا كل واحد منهم سقسى سؤال في الانترنيت كيجات في الثالث ايا كتب في الميكرو حقل طوله 8امتار و عرضه3 امتار السؤال ما هو عمر الفلاح فنفجر الحاسوب من السؤال الغبي جدا ههههههههههههههههههه
اتمنى تفهموها وتضحكوا معي انا سعيدة بهدا الموضوع صديقتي نوفاتين

هههههه فكرتيني في نكتة تشبهلها
قالك خطرة واحد بغا يدير عملية حسابية فالميكرو كتب واحد يخلص مليون وميتين يصرف زوج ملايين شعال يبقاله
الميكروا تقرمد سوطا ديراكت
هههههه
مشكورة أختي سمية
سعيدة جدا لأن الموضوع راقك
ابقي بالجوار ما يبعديش

[محمد حانطي]

ههههههههههههههههه انفجر الكومبيوتر ههههههههههه


ممممممممممم واش راهم ناس الغرب يارب يكونو بخير

[novateen]

المشاركة الأصلية كتبت بواسطة محمد حانطي

ههههههههههههههههه انفجر الكومبيوتر ههههههههههه


ممممممممممم واش راهم ناس الغرب يارب يكونو بخير

هههه راهم بخير ولاباس عليهم
يسالوا عليكم
ان شاء الله نتوما تكونو بخير بصحة وبعافية

[محمد حانطي]

المشاركة الأصلية كتبت بواسطة novateen

هههه راهم بخير ولاباس عليهم
يسالوا عليكم
ان شاء الله نتوما تكونو بخير بصحة وبعافية

الحمد لله يارب



يعطيك الصحة على الموضوع رائع

[نورة]

هذه الحكاية واقعية مرة وحدة زوجت بنتها وشرطت فى عجوزة بنتها يجبولها بنتها كل ما تحتاجها
مرة احتاجتها بعتلها خوها وقاتلو قلهم رانى محتاجتها ضرورى جبوهالى ليوم ردت عليه عجوزتها
وقاتلو ليوم على سبعة تكون عندكم ...جا الابن وقال لمو قاتلك على سبعة تكون عندك
ردت عليه امو جبوها الان تمشى على رجليها قما تجبهاش على سبعة ظنت سبعة
نوع من السيارات

شكرا جزيلا على الموضوع الشيق

[محمد حانطي]

المشاركة الأصلية كتبت بواسطة نورة

هذه الحكاية واقعية مرة وحدة زوجت بنتها وشرطت فى عجوزة بنتها يجبولها بنتها كل ما تحتاجها
مرة احتاجتها بعتلها خوها وقاتلو قلهم رانى محتاجتها ضرورى جبوهالى ليوم ردت عليه عجوزتها
وقاتلو ليوم على سبعة تكون عندكم ...جا الابن وقال لمو قاتلك على سبعة تكون عندك
ردت عليه امو جبوها الان تمشى على رجليها ق ما تجبهاش على سبعة ضنت سبعة
نوع من السيارات

شكرا جزيلا على الموضوع الشيق

هههههههههههه هذي مليحة هههه

[novateen]

المشاركة الأصلية كتبت بواسطة نورة

هذه الحكاية واقعية مرة وحدة زوجت بنتها وشرطت فى عجوزة بنتها يجبولها بنتها كل ما تحتاجها
مرة احتاجتها بعتلها خوها وقاتلو قلهم رانى محتاجتها ضرورى جبوهالى ليوم ردت عليه عجوزتها
وقاتلو ليوم على سبعة تكون عندكم ...جا الابن وقال لمو قاتلك على سبعة تكون عندك
ردت عليه امو جبوها الان تمشى على رجليها قما تجبهاش على سبعة ظنت سبعة
نوع من السيارات

شكرا جزيلا على الموضوع الشيق

هههههههههههه شابة هادي
من أي عصر هادي العجوزة
شكرا على الحكاية الطريفة
ننتظر المزيد

[رحيق الايمان]

شكرا على الموضوع لانه فكرني بايامات الصغر كي كنا نتلو عند جداتي باه تحاجيلنا والحمد لله هذه الظاهرة مازالت عندنا في البيت لكن غير كي يروح التريسيتي في وقت السهرية يروح التيليفزيون و الغاشي يدورها تسحليل لجدة باه تحكي ههههههه
حبيت نحكيلكم حكاية كي كنا صغار تكلحنا بيها جدة هي حكاية معروفة لكن تاع بكري يحكوها بصيغتهم الخاصة واحب ان اشير ان نفس الحكاية الي كنا نحن نسمعوها و تعجبنا و نصدقوها الاولاد الصغار تاع الوقت هذا فاقو بالغلطة الي فيها وضحكو عليها شوفي وين لحقنا البراكة طارت وهنا الحكايات تاع بكري الاولاد الصغار تاع الوقت هذا ما تقنعهمش و يسمطوها لانهم يكذبو احداثها ما علينا نحكيلكم الحكاية تاع سبيريقة و عبيريقة ههههههههه و بلهجتي كيما تحكيها نانة الي هي جدة
قالك بكري واحد النعجة هملت على القطيع تاعها و مشات في الغابة بقات هايمة حتى طاح الليل خافت من الذيوبة راحت تجري عثرت في حجرة شوي لقاتها فكرون قاتلو يا عمي الفكرون خبيني كون يشوفوني الذيوبة ياكلوني المهم اداها عمي الفكرون لواحد المغارة خباها و حكاتلو حكايتها وبقات معاه بعد مدة عرض عليها الزواج قبلت النعجة و زوجو ومن هاك المغارة بناو دار وفي كل صباح يخرج الفكرون يقضي و يخلي النعجة في الدار ووصاها ما تحلش الباب غير كي تشوف رجليه مشات الايام و هزت النعجة بالكرشة يا حنين يا حنين ولدت النعجة جابت زوج خرفن اناثي و قدر عليها ربي ماتت وبقى الفرون مع بناتو الي سماهم سبيريقة و عبيريقة يروح يجيبلهم الحشيش و يرجع يقعد معاهم حتى كبيرو وصاهم كيما كان يوصي امهم ما تحلوش الباب حتى لواحد غير ليا كي نقوللكم سبيريقة و عبيرقة بويكم جابلكم حشيشات و تشوفو رجليا حلو الباب
واحد النهار البنات ما سمعوش هدرت باباهم و خرجو شافهم الذيب عسهم و شافهم وين يروحو من غدوة جاء قدام الدار وبقى يعس شاف الفكرون خرج و تاكد انهم وحدهم راح طبطب الباب و قاللهم حلو طلو عليهم قالولو ما نحلوش ما نعرفوكش من غدوة نفس الشئ عاود رجع المهم جابها مدة وهو يطبطب و البنات ما يحلوش واحد النهار بقى يعس سمع واش يقوللهم باباهم وفاق بالعفسة رجعلهم من غدوة و طبطب الباب وقاللهم سبيريقة و غبيريقة بويكم جاب حشيشات قالت سبيريقة لعبيريقة حلي راهو بابا قاتلها اختها لا الرجلين ماش رجلين بابا و الصوت كيف كيف بالصح لخرى قاتلها لا الهدرة هذه يعرفها غير بابا و بدات تقنع في اختها باش تحل وكي ما حبتش اختها سقساتو قالت ليه واش بيهم رجليك قاللها شريت صباط جديد هنا قالت لاختها راح نحل راهو بابا وحلت الباب وهجم عليها الذيب كلاها و جاء باه يوكل اختها مالقاهاش لانها هربت درقت حوس حوس وراح جاء الفكرون يلقى بنته ميته بقى يبكي حسبهم ماتو الزوج وكي تاكدت عبيريقة انه باباها خرجت و حكاتله الحكاية تغشش الفكرون و حلف ينتقم وتفاهم مع بنته غدوة كي يجي الذيب تحل الباب و حكم هو درق في واحد الركشة و هز المقرون من غدوة جاء الذيب و نفس الحكاية فتحتلو هو جاء باه يوكلها و الفكرون تيرى عليه قتله و بقى هو بنته عايشين و حكايتنا راحت للغابة و ربي يجيبلنا الصابة

ان شاء الله تعجبكم و ما ديروش كي ولد خالي يقرى سنة اولى تحضيري عقد جدة كي حكاتهالو قالها كيفاش فكرون يزوج نعجة و كيفاش ما عندهمش ايدين يبنو دار و زيد الفكرون كيفاش لقى مكحلة قده ههههههههههههههههههه

[novateen]

المشاركة الأصلية كتبت بواسطة رحيق الايمان

شكرا على الموضوع لانه فكرني بايامات الصغر كي كنا نتلو عند جداتي باه تحاجيلنا والحمد لله هذه الظاهرة مازالت عندنا في البيت لكن غير كي يروح التريسيتي في وقت السهرية يروح التيليفزيون و الغاشي يدورها تسحليل لجدة باه تحكي ههههههه
حبيت نحكيلكم حكاية كي كنا صغار تكلحنا بيها جدة هي حكاية معروفة لكن تاع بكري يحكوها بصيغتهم الخاصة واحب ان اشير ان نفس الحكاية الي كنا نحن نسمعوها و تعجبنا و نصدقوها الاولاد الصغار تاع الوقت هذا فاقو بالغلطة الي فيها وضحكو عليها شوفي وين لحقنا البراكة طارت وهنا الحكايات تاع بكري الاولاد الصغار تاع الوقت هذا ما تقنعهمش و يسمطوها لانهم يكذبو احداثها ما علينا نحكيلكم الحكاية تاع سبيريقة و عبيريقة ههههههههه و بلهجتي كيما تحكيها نانة الي هي جدة
قالك بكري واحد النعجة هملت على القطيع تاعها و مشات في الغابة بقات هايمة حتى طاح الليل خافت من الذيوبة راحت تجري عثرت في حجرة شوي لقاتها فكرون قاتلو يا عمي الفكرون خبيني كون يشوفوني الذيوبة ياكلوني المهم اداها عمي الفكرون لواحد المغارة خباها و حكاتلو حكايتها وبقات معاه بعد مدة عرض عليها الزواج قبلت النعجة و زوجو ومن هاك المغارة بناو دار وفي كل صباح يخرج الفكرون يقضي و يخلي النعجة في الدار ووصاها ما تحلش الباب غير كي تشوف رجليه مشات الايام و هزت النعجة بالكرشة يا حنين يا حنين ولدت النعجة جابت زوج خرفن اناثي و قدر عليها ربي ماتت وبقى الفرون مع بناتو الي سماهم سبيريقة و عبيريقة يروح يجيبلهم الحشيش و يرجع يقعد معاهم حتى كبيرو وصاهم كيما كان يوصي امهم ما تحلوش الباب حتى لواحد غير ليا كي نقوللكم سبيريقة و عبيرقة بويكم جابلكم حشيشات و تشوفو رجليا حلو الباب
واحد النهار البنات ما سمعوش هدرت باباهم و خرجو شافهم الذيب عسهم و شافهم وين يروحو من غدوة جاء قدام الدار وبقى يعس شاف الفكرون خرج و تاكد انهم وحدهم راح طبطب الباب و قاللهم حلو طلو عليهم قالولو ما نحلوش ما نعرفوكش من غدوة نفس الشئ عاود رجع المهم جابها مدة وهو يطبطب و البنات ما يحلوش واحد النهار بقى يعس سمع واش يقوللهم باباهم وفاق بالعفسة رجعلهم من غدوة و طبطب الباب وقاللهم سبيريقة و غبيريقة بويكم جاب حشيشات قالت سبيريقة لعبيريقة حلي راهو بابا قاتلها اختها لا الرجلين ماش رجلين بابا و الصوت كيف كيف بالصح لخرى قاتلها لا الهدرة هذه يعرفها غير بابا و بدات تقنع في اختها باش تحل وكي ما حبتش اختها سقساتو قالت ليه واش بيهم رجليك قاللها شريت صباط جديد هنا قالت لاختها راح نحل راهو بابا وحلت الباب وهجم عليها الذيب كلاها و جاء باه يوكل اختها مالقاهاش لانها هربت درقت حوس حوس وراح جاء الفكرون يلقى بنته ميته بقى يبكي حسبهم ماتو الزوج وكي تاكدت عبيريقة انه باباها خرجت و حكاتله الحكاية تغشش الفكرون و حلف ينتقم وتفاهم مع بنته غدوة كي يجي الذيب تحل الباب و حكم هو درق في واحد الركشة و هز المقرون من غدوة جاء الذيب و نفس الحكاية فتحتلو هو جاء باه يوكلها و الفكرون تيرى عليه قتله و بقى هو بنته عايشين و حكايتنا راحت للغابة و ربي يجيبلنا الصابة

ان شاء الله تعجبكم و ما ديروش كي ولد خالي يقرى سنة اولى تحضيري عقد جدة كي حكاتهالو قالها كيفاش فكرون يزوج نعجة و كيفاش ما عندهمش ايدين يبنو دار و زيد الفكرون كيفاش لقى مكحلة قده ههههههههههههههههههه

حكاية شابة بزاف تسبه لحكاية عزة ومعزوزة أبطال الحكاية عنزة ووليداتها
جد شاكرة لك على حكايتك الرائعة والمشوقة
ننتظر المزيد فلا تبخاي علينا

[rania l]

حكاية مليحة بزاااااااااااااااف ولانني غرقت معاها حتى قربت نرقد قدام الميكرو