وربي اني لم اجد عنوان لهذا الموضوع

[*mina*]

واظن ايضا انه من قلة الوعي
ان شاء الله برك اللي مازال ما تزوجوش ما يحشموناش ويديرو اعراس كما هدي
اكيد ان شاء الله
الله يهدينا وانا نظن في هاد الوقت كل واحد لازم يصلح نفسه لانو احيانا نتناقشو نتناقشو وممكن نوجدو الحلول لكن اذا ما طبقناش ما راح نوصلو لوالوووو any thing
تقبل مروري اخي
موضوع يستحق الاهتمام

[thorpe]

المشاركة الأصلية كتبت بواسطة الشــــــيخ

يا خويا الحسين ........ التبراح هذا ماشي جاي من الغرب ...... جاي من لي بااااااار وديسكوتك ...... (اكرمكم الله)

والناس اليوم رجعت cool ...... يعني كل شيئ نورماااال

وكل عرس باش يقولوا عليه الناس ويخلوا فيه هدرة .... يلزم يكون فيها الرحبة والديسك جوكي( دانس دانس ) ....

ولي يتبع الصح والصواب ........ شوفوا والله راه داير جنازة في دارو .... ياخي زوالي ياخي

و زدلها يامات تصيب لي ما يجيبش حبيبة عمره للعرس تاع اخته باش يشطح معها باباه ... انسان متخلف ..

ربي يجيب الخير ....

صحححححح والله جبتها خويا
اصلو من ليبار ولديسكوتاك
لكن ليبار وليديسكو تاك خلقو في اوروبا والغرب
وما شفناهمش دارو هاكض
يغنيو يرقصو يسولاجيو لانهم عندهم الفراغ الروحي
وكل واحد يروح في حدو
المصيبة كون نكنو احنا المخترعين
واش رايحين نقولو ؟
بارك الله فيك اخي الشيخ
توحشناك يا راجل والله

[راجي الصّمدِ]

أيا هاذي في خاطر خويا حسين
وكل ناس قسنطينة


هذا إذا بانتلك راك تعرف واش راني نعرف

[thorpe]

اخوتي اعذروني توجب علي الانصراف الان
باذن الله سوف اباشر مناقشة باقي الرددود بعد حين

فااااااااااااااااصل ونوااااااااااااصل

[سُمو الأمــيرَة]

هههههه والله غي قتلتني بالضحك حسينو ....
صراحة سمعت بيها هادي الظاهرة ...وحضرت عرس وصرات تبهديلة حيث البراح قال :
هادي الغنية في خاطر العروسة ومالين العروسة ...اهل العريس تقلقوا وناضوا ...واش راك حاسب روحك :حنايا الصح فالصح
العريس نتاعنا ودينالكم العروسة ...اومبعد ام العروسة ولات تهدأ فالحالة ودات المايك ولات تقول :لالا متتقلقيش يا الحاجة فاطمة رانى فاميليا وحدة
واختك حنان ارواح انت وامسكها ....ضحك + ضحك +ضحك...هلكوني بالضحك

سلامي لك

[romaysaa15]

السلام عليكم والله شيء مضحك للغاية انا والله العظيم ماللي نروح للعرس وانا نضحك تبانلي حاجة غير مألوفة هادوك الاغاني العجيبة الغريبة والرقص تحسب تاع الهنود الحمر واللبس تحسب راك في ميلودي ولا روتانا يعني واش نفرقوا على الغير المسلمين واخص بذلك اللباس لان حتى اللي ماشي مسلمين ومايديروش هاد الكشف والله اخجل في مكانهم وتبانلهم عادي الله يلطف وصايي الناس تتقدم وحنا نرجعوا للوراء وين رانا رايحين ؟؟ يبقى السؤال مطروح

[الوسيلة]

هههههه والله يا خويا هم يضحك وهم يبكي
انت لم تجد العنوان ....وانا لم أجد الكلمات
بورك فيك اخ حسين على المواضيع المفيدة
سلام

[الشــــــيخ]

المشاركة الأصلية كتبت بواسطة thorpe

بارك الله فيك اخي الشيخ
توحشناك يا راجل والله

وفيك باركة اخي حسين ...

يتوحشك الخير .... راك تعرف دارو لي حصاار بمساعدة الحلف الاطلسي وحظروني

وراك تعرف ثاني خوك جزائري وفحل ..... ( بالقبيلية ثارقاز العالي )

بصح قولي انت في العرس تشطح ولا تبقى غير تتفرج ؟؟

ايا سلام .

[اريج الجنة برج منايل]

سلالام خويا حسين هاذي غيبة ولا انا اللي راني اااااااااااوت

والله ياخو وللينا نخافو خرجاتك هاذي كي يلحق الصيف ولبحر تولي تخمم فوق اللازم ههههههههههههههههههههههههههه

موضوع والله قيم ومميز كا لعادة

يعني تحير كي شوف مواقف كيما هاك وتصرفات غريبة ......الحابس اردوه اخمم .............الغرب كي حطو مليون احطوه في خاطر اللي يقرا ويكتشف ويخترع

ولبنادم العربي الجزايري احطها في خاطر ؟؟؟؟؟؟؟؟؟؟؟؟؟؟ الله غالب اخمم بالمقلوب وكي يرميها اجيبها مور البارا

لكن السؤال الذي نطرحه هل متمسكين حقا بدينه ويرجون لقاء ربهم ؟اااااااااااااااااااااااااااه والله يا اخي شيئ يندى له الجبين

ربي يهديهم ولا يديهم

تقبل مروري الموتاخر اخي سلالالالالالالالام

اريج الجنة برج منايل

[هامتارو]

ربي يهدينا.

الحمد لله زوجنا خويا الكبير و زوج اخواتي مكاين لا غناء ولا ديسك جوكي.

وفاتو هايلين .

[imi02i]

والله لوكان نعود نطيش في الدراهم
منخسرش 1 سنتيم على جال تبريحة
مرة كانت عندنا سهرة
وحد الزوج بنات ولا ثلاثة جاو لمولات الديجي
عطاولها دراهم باش تبرح عليهم

وحلاتلها ...
كلمة في الميكروفون تربح فيها صون ميل
قادرة نعيط ونبرح أكثر من الباف
عندي gرجومتي الحمد لله

[ندرومة49]

الصراحة لا أحضر مثل تلك الحفلات

ونسمع بل التبريحات لي تحبّس الراس

لكن الحمد لله منذأن كان عمري18 سنة لحد الساعة لم أحضر وربي يثبتنا


لأنها لا تستهويني و مجالسها تشتمل على أنواع من المعاصي

نسأل الله الهداية والثبات للكلّ

[عاشقة الفردوس الاعلى]

السلام عليكم اخي حسين
في الواقع لقد وضعت يدك على الجرح
لكن يجب البحث عن الحلول لا مناقشة الاسباب
رغم ان المصدر واضح للعيان من عند عدو البشرية جمعاء منذ اخراج ادم من الجنة الى يوم القيامة
في رايك مذا يفعل ابليس ان لم يزغ الناس ويخرجهم عن جادة الصواب ,,,,,,,يجلس ويتفرج؟لا اظن
فهو مصدر كل الامور البذيئة والفضيعة التي يقوم بها بنو الانسان
لا اظن اكثرهم يعلم انه يساق من شكيمته مثل الدواب .اكرمكم الله.
بالنسبة لي فقد طلقت الاعراس بالثلاث الا من كان في بيتي وعرسي طبعا هههههههه
نسال الله الا يجعلنا لقمة سائغة للشيطان
بوركت اخي

[نسائم الهدى]

المشاركة الأصلية كتبت بواسطة thorpe

السلام عليكم ورحمة الله تعالى وبركاته

مساء الخير اخوتي اخواتي

اتمنى ان تكونوا بتمام الصحة والعافية يا رب

دون اطالة سوف ندخل كالعاددة في موضوعنا مباشرة

كالمرة السابقة اخوتي اليوم كذالك سيكون حديثنا عن ضاهرة تشيع في اعراس اليوم

ههه راني عارف قاعدين تقولوا راه جايبها غير على الاعراس هههه نعم اخوتي لاننا بموسمها

اليكم هذا المقتطف الذي حيرني في احد الاعراس

تكون الموسيقى بالديسك جوكي صاخبة والملاء يتراقصون ويقفزون هنا وهناك
الى ان يتوجه شاب من بينهم الى صاحب الديسك جوكي وكل الاعين تنظر اليه وبصمت انتظارا ما سيقول لان صاحب الديسك جوكي نادا ( آآآآآآآآآآآآآآآآآآآآآرجع ) يمسك الشاب المايكروفون وتتوقف الموسيقى ليلقي بكلمته التي ينتظرها الجميييييييييع في ذهول وشوق
ينطق الشاب وفي يده مبلغ من المال
( وهااااااااااااااذي 200 ميل هدية من عند فلان في خاطر فلان وفلان وفلان وكونترا على فلان وهاذي 100 ميل زيادة ولات 300 ميل في خاطر خونا العريس سلطان هاد الليلة ولاشونسو دوموندي خايف نصحى ونندم )
تنتهي كلمته هنا لتسمع قريبات العريس يولولن من فوق السطح لان فلان قد برح عليه هههه (( يويويويويويييييي)) سبحان الله
لتبدا الاغنية المطلوبة من طرف الشاب المبرح وتعود الساحة للرقص والقفز وووووو .....

بصراحة اخوتي حضرت كثير من الاعراس الشبيهة بهذا المقتطف البسيط من احد السهرات
وحيرتني اشياء كثيرة لا يسعني ذكرها كاملة من بينها

1 -- بربكم من اين اتتنا هاته الحالة ؟؟ لم ارها عند الغرب الذي نتهمهم دائما بانهم ينقلون ثقافتهم لنا كما اني لم ارها عند العرب الفاتحين ولم اسمع انها كانت تخص الامازيغ الذين هم سكان المنطقة الاصليين
فيا ترى كيف ومن اين اتت ارجوا ان تفيدوني ؟؟؟

2 -- ما حيرني كذالك هو نوعية الموسيقى التي تدرج في الاعراس ليسمعها الاب مع ابنته والاخ مع اخته وووو والمثال فوق انه يطلب اغنية عنوانها غريب لنرى بعدها الساحة تمتلا بالراقصين
فهل يا ترى ان الجميع خائفون من الصحوة والاستفاقة ؟؟؟ ولماذا لا يريدون الصحوة و الاستفاقة ؟؟؟ ههه كما قالها احد الاخوة ممن شاهدوا الموقف والمقتطف ( والله راني خايف يصحاو ويندمو صح ) ههه

لن اطيل اكثر والله شبعت هنا

اخوكم حسين thorpe



بارك الله فيكم

مرحبا بك أخي حسين
أخيييييييييييييييييييييرا عدت والعود أحمد
في الحقيقة احنا في حومتنا ما عندناش هاد التصرف
مي باش تعمر راسك برك
واحد النهار قبل عام أو عامين كان عرس وليد الجيران وكلشي كان نورمال حتى نسمعوا واحد يقول(أيا وهااااادي في خاطر سااااااارة ومحمد)يعني ذكر إسم العروسة احنا انخلعنا ولي جان واش داروا فيه ضربوا كثر من عام وهوم جايبين بيه الوقت لأنوا إسم الأم والأخت والزوجة ممنوووووووووووووع عندنا.
وكيما قالت الأخت نورة ربي يدي(عفوا يهدي)من خلق
ربي يجيب الخير
والسلااااااااااااااااااااااااااام عليكم

[رُقية]

''ان الله لايغير بقوم حتى يغيروا مابانفسهم''