الجزء رقم 185 من الكوزينة بالمحبة والابداع نرتقي

[Fifilondon]

صحى فطوركم لبناات
ام يوسف اهلا واش راكي والمسكوتشو خرج هايل الله يبارك
ام فاطمة بصحتك الوبيا
رزيقة اهلين نورتي وشكرا على كلامك العسل
جبتلكم بعض اطباقي كسكس ابشعير بمرقة ابخضر والفول

وهذا شربة فريك وسلطة فطوري ليوم

[انا هي رزيقة]

ايه حقا بنت خالتي وين راكي تشوفي تطبيقي لشطيطحة اللفت البنينة تع ماماك الغالية .... كان عندي كمية من اللفت حرت واش ندير بها... و فجاة جاني الوحي قالي روحي للجلفة تلقاي مرادك و بالصدفة لقيت في الاطباق الرئيسية وصفة بنت خالتي تقولي راني هنا .. يا لهوي عليك يا حيوتتي و الله جميلة و بنينة خصوصا لمحبي اللفت مثلي و زدت فيها هريسة جاتني تحفة مطبخية... روحي يا حيوتة بنت ام حيوتة ربي يعطيك ماتتمناي ... انقذتي اللفت من الضياع و امتعتيني بوصفة شهية .... الف شكر عزيزتي ....

[أم فاطمه]

نهال صح فطورك الشفلور والكسرة والبرتقال مطرح ما يسري يمري الله يدوم عليك النعم

اهلا رزيقة المشاكسة لحلوة كي لعسل واش ركي اتحفتينا بكلامك الزين الله يبارك فيك الكزينة منورة بوجوهكم النيرة بحالكم اخواتي

[انا هي رزيقة]

و بك الف هلا اختي فيفي و الله الكوزينة منورة بامثالك من الفحلات الجزائريات لي راهم محافظين على هذ الارث الجميل و البنين من الضياع ...مشاء الله عليك اختي فيفي و ربي يباركلك في الرزق و النعم يا رب

[انا هي رزيقة]

اسمحولي ايا حلوات الواجب يدعوني .... نخليكم في امان الله متنساوش تتهلاو في ارواحتيكم و عائلاتكم ..... اللهما لك الحمد حتى ترضى و لك الحمد ان رضيت و لك الحمد بعد الرضا ...

[أم فاطمه]

المشاركة الأصلية كتبت بواسطة انا هي رزيقة

حبيبتي ام فاطمة معنديش حلو ... بصح نوعدك ندير منو خص نص في خاطرك و نحطولك في القريب العاجل اذا حب ربي .... المهم كيما قلتلكم البارح درت كسرة بالسميد طبعا .. ... بفضل عجانتي الفحلة زكارة في الخبازين لي دايرين اضراب .... و كيما عودتكم يا حلوات بلاكو تنساولي ماشاء الله ..... خخخخخ

رزيقة الخبيزات يشهيو انا اليوم ماعجنتش منصابني قدمك نرفد خبزة سخونة نكلها بزيت الزيتون هم هم هم هم دو الخبزات احسن مالقطو 1000 مرةالله يعطيك الصحة

[انا هي رزيقة]

المشاركة الأصلية كتبت بواسطة nihal159

ودي عايزة كلام؟ هههههههههههه، اكيد قاصدتك انتي خص نص عن سبق اصرار و ترصد ههههههههههه و الله العظيم أنا نصور فيها و نقول هذي سبيسيال لزيكا هههههههههه.
توحشتك ياصديقتي واش راكي؟ ان شاء الله تكوني بألف خير و صحة و عافية.

ربي يخليك و يحفظك يا احلى نهولة في الدنيا بعد نينا الفصعونة تع ام هدولة طبعا ....خخخخخ و الله احبك في الله يا صديقتي... ربي يديم عليك هناك يا رب و تعيشي و تصوري ما لذ و طاب في خاطري ..... خخخخ

[أم فاطمه]

فيفي العشا ء الكسكس تاع الشعير تحفة اكل صحي فور

والفطور الجأري مع السلاطة الله يبارك بصحة حنونة

رزيقة حنا نقلولها اللفت الحارة شحال نموت عليها لكان دخلتيها قبل ما نفطر نفرجك فيها ههههههه

[انا هي رزيقة]

المشاركة الأصلية كتبت بواسطة أم فاطمه

رزيقة الخبيزات يشهيو انا اليوم ماعجنتش منصابني قدمك نرفد خبزة سخونة نكلها بزيت الزيتون هم هم هم هم دو الخبزات احسن مالقطو 1000 مرةالله يعطيك الصحة

شكرا على كلامك الطيب عزيزتي ام فاطمة و الله شهادتك اعتز بها يا فحلتي التلمسانية ... و اكيد لوكان نقدر نبعثلك منها بكل فرح و سرور ....... ايا نخليكم حبيباتي الى الملتقى اذا حب ربي

[أم يوسف2]

اهلا بحبيباتي ام فاطمة نهولة حيوتة زقزوقتي طيور وردة فيفي حبوبة وملاك وجنة وجوري وام هدول

[حياة نور الدين]

السلام عليكن البنات

ام فاطمة ماشاء الله على اطباقك تحفففة حنونة والكيكات اممم واممممم

نهال اهلااا وهديك الكسرة وزيت الزيتون رووووعة بصحتكم حبيبنتي

بنت خالتي يا عيني ياىليلي ماشاء الله على ابلكسرة وربي يحفظك على تطبيقك للفت جاك اممممم وانا ثان نديروا حااار اممم تشهيتوا ههههه وربي يخليك على دعاوي الخير حبوبتي

ام رحاب على سلامتك حبيبتي وربي يشفيك ويعافيك

سعيدة، مريومة، ام هدول، جنة، ريمة، ام يوسف وفيفي يعطيكم الصحة على الحلويات والاطباق التحفة لي حطيتوها من تقليدي لعصري ماشاء الله

البنات اسمحولي معلقتش على كل واحدة وحدهلا مهدي رله يتعلق فيا وهبلني مخلانيش نكتيب هههههه

[yasmina 90]

اختي ياسمين القف مرحباااا معنا
شكرا اختي حياة على الترحيب
اختي يسمينة الله يبارك فيك اهلا وسهلا بيك معنا فالكوزينة نستفدو منك وتستفدي معنا
الله يسلمك الاخت فاطمة بداية موفقة

[طيور الجنان]

صح عشاكم حبيياتي عشايا كان خضر بالمرقة كنت رايحة نرحيهم و زوجي قالي خليهم خليتهم خخخخخ.
اليوم درت تحلية اختي حياة ساهلة و بمكونات موجودين في الدار من نهار شفتها كل مايجيب راجلي القاطو هذا نديرها يعطيك الصحة حيوتة ربي يخليك و يحفظلك ولادك والله استفدت من عندك حبيبة وصفة ساهلة و بنينة جربوها اخواتي اكيد تعجبكم.

[وردة الرمال43]

سلام حبيباتي كل وحدة واسمها يعطيكم الصحة على كل اطايبكم وحلوياتكم وكل ماتقدموه
عشانا ان شاء الله حساء الخضر والغذاء كان لوبيا للاسف ماصورتش ماقعدش خلاص مع ابني وولاد اختي بنتها قد ابني نحطها هي نولي لابن ني وامي غابت انا لي قعدت مع اختي اليوم حسيت بلي عندهم التوأم ربي يكون في عونهم
تفضلو هذا السفنج انا عجنتو واختي الصغيرة طيبتو باه تفطرو فالصباح زالعشا مزال صورتوش

[وردة الرمال43]

المشاركة الأصلية كتبت بواسطة طيور الجنان

صح عشاكم حبيياتي عشايا كان خضر بالمرقة كنت رايحة نرحيهم و زوجي قالي خليهم خليتهم خخخخخ.
اليوم درت تحلية اختي حياة ساهلة و بمكونات موجودين في الدار من نهار شفتها كل مايجيب راجلي القاطو هذا نديرها يعطيك الصحة حيوتة ربي يخليك و يحفظلك ولادك والله استفدت من عندك حبيبة وصفة ساهلة و بنينة جربوها اخواتي اكيد تعجبكم.

اهلا اختي سعيدة بصحتكم العشا تبانلي تفاهمنا ههه
التحلية تشهيييييي اممممممم يعطيك الصحة