الجزء 179 من كوزينة احلى رفقه كوزينة الحراير - الصفحة 7

قوية بايماني · 2017-04-11, 17:29

اقتباس:

المشاركة الأصلية كتبت بواسطة حياة نور الدين

نخليكم خياتي نروح نطيب شوية اتاي قبل ما ينوض ويبدا الشوط الثاني
صح قهوتكم خياتي

اختي حياة على حساب علمي القهوة وللتاي ماشي ملاح للي ترضع هوما منبهات ويفوتو فالحليب البيبي ما يرقدش مليح

ام هدول · 2017-04-11, 18:00

مسالخير لبنات ..صحة قهوتكم ...ياعني عليك رزيقة كي تدخلي للكوزينة تزهى ..وتبهى ..وتنور ...ماشاءاالله عليك ...كي انت كي خدمت ييديك تبارك االله
قوية ...شكرا على وصفة الرولي خرجللك رووعة ....بصحتك ..ام العبد بصحتك التطبيقات الناجحة ....ام يوسف كاش اسطر قاوي ولا راح لحالو ....
سيليا مابنتيش اليوم ..ان شالله تكوني بخير ...حقة قوية باماني كي راكي عندك اولاد خلينا نعيطولك ام ؟؟؟؟؟ وانت ضبري راسك خيري الاسم ههههه يجنا ساهل ..واحسن والصورة مليحة خليها ماعليش ...حيوتة كلام قوية صححيح عن المنبهات عليها مهدي مايرقدلكش ...ممكن .

ام هدول · 2017-04-11, 18:02

نرو ح لعشايا .عندي اليوم ...ثلاث تطبيقات ...الزوج الاولين خرجو روووعة مازال الثالث للعشة ...سلالالام

ام هاديل وياسين · 2017-04-11, 18:04

سلام لبنات هدا حضرتهم هاد ليومين الله يدوم لنعمة ويعطيكم الصحة قا شاحطيتو رووعة الله يبا رك رزيقة البسكويت شهاني حياة لله يسلمك وبصحتك لشربة مزال الخفوفي هههه انا ليوم درت بيتزا مقلية نتع اسمهان الله يدكرها بلخير ولله غير درته و انا نجري ياسين
حاكم فيا حكم ميسكتش خلاص

ام هزار · 2017-04-11, 18:34

الف الف مبروك افتتاح الكوزينة الجديدة اختي سيليا . ربي يفتح عليك و علينا امين يا رب العالمين

قوية بايماني · 2017-04-11, 18:40

ام هدول دبري راسك كاين انس وسيم روان ديريني ام واش تحبي

قوية بايماني · 2017-04-11, 18:42

ام هديل بصحتكم والله يدوم النعم وبالنسبة البيتزا المقليه تاع اسمهان صح هايلة جربتها عدة مرات روعة

امل ام الاولاد · 2017-04-11, 20:38

مساء الانوار انا الزوج راه معروض درت مقرون بالفرماج هذا مايحبوا اولادي

cilia · 2017-04-11, 21:08

اقتباس:

المشاركة الأصلية كتبت بواسطة ام سراج وملاك

السلام عليكم ورحمة الله تعالى وبركاته
صباحكن مبارك حبيباتي أخواتي ربي يحفظكن
أطباقكن رووعة ما شاء الله عليكن
ان شاء الله تكونو بخير ياحلى بنات
مبـــــــــــــــــــــآرك إفتتاح العدد الجديد من الكوزينة
وربي يجعلها عامرة بالاطباق والحلويات وكل ما نحبه
أدام الله نعمه علينا وعليكن ووفقكن الله
هذي بعض من صور عرضة مع اخواتي وحبيباتي تلمينا اول مرة كامل مع بعض وكانت احلى لمة ربي يدومها ان شاء الله بالنسبة لطبخ ماشي كلش انا تعاونت مع اختي

دمتم في حفظ الله ورعايتة

ام سراج الله يبارك كل شيئ بالطبع عرضة و عليها الكلام بصحتكم و ربي يدوم لمتكم ان شاء الله

cilia · 2017-04-11, 21:21

اقتباس:

المشاركة الأصلية كتبت بواسطة انا هي رزيقة

حبوبتي سيليا يا وجه الخير عندي ليك باروك طازة ....كنت رايحة ندير بيسكوي رولي شهاتني فيه الاخت مياسم في كوزينة ام عبيدة ..اومعبد اخر لحظة بدلت رايي و درت باتيسري عادية وسقيتها بنيسكافي و حشيتها شانتيي و زينتها بالشوكولا . طبعا الشكل ماكان ماكان كيما تقول حبيبتي حياة بصح الذوق صدقوني كاين و كاين .....خخخخ استمتعنا باكلها فعلا و الحمد لله حمدا كثيرا مباركا فيه

ما شاء الله تبارك الرحمان رزيقة الله يعطيك الصحة الباتيسري تحفة رائع ربي يحلي ايامك ان شاء الله و يعطيك واش راكي متمنية حبيبة

cilia · 2017-04-11, 21:38

السلام عليكم واش راكم حبيباتي اسمحولي مدخلتش اليوم ، الانترنت كانت مقطوعة اليوم في الخدمة و العشية من خرجت روحت ديراكت عند حبيبتي كانت مريضة رحت نطل عليها و مجيتش بكري للدار ، ريحت شوية و تعشيت و جيت دورك لقيت الخير و الخمير خخخخ حكيتلكم قصة حياتي
ام هدول واش راكي حبيبة و على الجلبانة جي شابة سوطي و الطريقة نتاعها هي نفور الجلبانة مع شوية ملح و مين تفور نخليها تبرد و من بعد نجيب مقلاة ندير فيها شوية زبدة و حوالي 3 مغارف زيت و ندير الجلبانة و نخليها تاخذ بنة الزبدة و نزيدلها الملح + الحرور +كمون +02 سنات ثوم مرابي و نحركها مرة على مرة باش متلصقش حوالي 05 د و من بعد نزيدلها البيض 2 او 3 و نخلي البيض ينشف و نطفي عليها جي بنينة
حياة واش راكي اختي و بصحتك الحوت و البنان شفتي توحشناه خخخخخ و على الديسار بصحتك ميغلاش عليك حبيبتي ، بلا ما ننسى الشربة حمرا تشهي الله يعطيك الصحة اه نسيت ضحكتني بنتك مسكينة لقاتلك الحل هههه ربي يخليلك اولادك و يحفظهم
ام رويدة الشامية جاتك روعة الله يعطيك الصحة و البراج مممم شهيتيني
حياة كلها امل الله يبارك فيك اختي و انتي تاني ربي يفرحك
ام يوسف واش ركي حبيبتي ربي يكون معاك
قوية بايماني تسلم ايدك كل شيئ شباب و شكرا على وصفة الرولي
رزيقة يا رزيقة مخليتي فيا والو صايي ملقيتش الكلمات باش نعبر سخفتيني شا نقولك ربي يزين سعدك و يرزقك الذرية الصالحة يا رب
ام العبد معليش اختي شاركينا في اللمة حتى و لو بدون صور مرحبا بيك معنا
ام هاديل و ياسين بصحتك و يعطيك الصحة على الخير اللي حطيتيه
ام هزار امين اختي ربي يخليك
امل ام الاولاد شفتي كي يكون الزوج غايب اللي نلقاوه ناكلوه قاع منتقلشوش انا بابا مين ما يكونش في الدار نقول لماما قاع متعييش روحك ديرينا شربة بالحليب ههه

cilia · 2017-04-11, 21:40

واي شحال كتبت ساعة و انا مع الكلافيي ان شاء الله ما نكون نسيت حتى وحدة
عشانا كيش بالسلق و الدجاج مع سلطة و عصير
[IMG][/IMG]
[IMG][/IMG]
[IMG][/IMG]
[IMG][/IMG]

ام هدول · 2017-04-11, 21:51

سلالالام ..لبنات صحة عشاكم ..اييياي زت اليوم دخلت على عشا سيليا ..ودكة كيفاش ندير اممممممممممم بصحتكم وربي يقيوك على الكوزينة ومشاويرك وشغلك وو......
ام انس وسم متشرفيين حببوة كل الاسماء مليحة الله يبارك ربي يخليهملك
ام ياسسن رووعة المعمول ولبراج والعيش بصحتك
ام هزار ....اهلين بيك معانا ...امل بصحتهم الدرراي المقرونة بالجبن هاداما مايحبو بناتي ..يم يم ..وان تاني خخخخخخخخخ.

ام هدول · 2017-04-11, 21:54

هداتطبيقي لللامونة ...بدوق الليمون ومحشية بكريمة بدوق الليمون ...واش نقولكم ررروووعة في البنة والخفة ..هي الوصفة لام ابراهيم ربي يخليها ريحان وخاوتها ...
حقيقة جاتني احسن من تع ام ولييد

ام هدول · 2017-04-11, 21:57

هدا تطبيقي للبطاطا روطي ..الشهيرة لام اللهلوبة ....بيينة تهبل..درتها بااللحم غنمي ..بدل الدجاج هي نفس طريقة ماما فقط تغير طفيف ....