دورة خطواتي الواثقة لأصبح ربّة بيت متألّقة - الصفحة 7

ام صفصف · 2016-10-12, 12:13

صباح الخير على احلى لمة
نتمنى ان كل الفراشات يتمكن من تحقيق اهدافهن

ام صفصف · 2016-10-12, 12:26

اختي الماسة الناذرة التربية صعيبة والحمل اصعب، يعني حاولي ماتضغطيش على روحك وحاولي بلعقل
اول حاجة حاولي تنظم النوم تاع وليدك،باش ما يعييكش اكثر بعد الزيادة
يعني الصباح ماتخليهش يصبح راقد،نوضيه بكري، وفي المساء ماتخليهش غير يتفرج،خرجوه يلعبويتحرك بزاف باش يعيى،وزيدي ديريلو دوش ،ووفريلو الهدوء كيما قالتلك الاخت غزالة
وحاولي تريحي انت ايضا لانك في حاجة للراحة، وربي يعين اختي

ام شمسو محمد · 2016-10-12, 12:59

اهدافي ضبط نظام نكون بيه مسلمة صالحة وشابة جميلة وربة منزل شاملة و زوجة و ام مثالية و عضو متوازن و فعال في المجتمع كجارة و كنة وابنة.....ماقدرتش نوفق بين كل هذ المجالات مجتمعة دائما يطغى عنصر على عنصر.
و الانضمام لهذي المجموعة يوفر لي مناخ للاطلاع على التوجيه الاكاديمي للمشرفة مع تجارب وخبرات العضوات.

~اسيل ريحانتي~ · 2016-10-12, 14:17

سلام عليكم فراشات الدورة راني مقلقة وقتاش نبداو في الدورة بغيت نصور منتجاتي للتنظيف لي شريتهم ليامات لي فاتو وخدمت تاني بعض الاشغال اليدوية للتنظيم حابة نصورهم تشوفوها باه تدو افكار ومازلت نخطط واش نزيد نخدم

amira19 · 2016-10-12, 14:30

ام اسيل حبيبتي رانا متشوقين باه نشوفو منتجاتك ووش خدمتي
ام تغاريد بالنسبة لي توقفت عن العمل و الحمد لله راني راضية و قانعة مئة بالمئة و اقتنعت انو سعادتي في بيتي
اهدافي ان التزم بفرائضي الدينية على اكمل وجه
ان اكون زوجة صالحة و اما جيدة ان شاء الله و اربي اولادي تربية سليمة
انو نعمر بيتي الجديد بكل حاجة ساخفة عليها( راني راح نخرج من دار العايلة و الحمد لله و المنزل في طور الترميم )
انو نوجد لولادتي ان شاء الله
انو نولي شاف ف كوزينتي
و اخيرا انو نكون مزة في بيتي هههههه

omelbanin · 2016-10-12, 14:44

السلام عليكم، كيف الحال، بالنسبة للتطبيق تجملي فأنت عروس، قمت بيه اليوم والحمد لله، وراني متمنية تبقى فيا عادة اني اتجمل كل صباح، كيما اكتسبنا عادات. التنظيف والترتيب من الدورات لي فاتو.
وما دام رانا في التطبيق الأول، ياريت كون كل. وحدة تحطلنا المنتجات لي راهي تستعملهم في التجميل، كاين بيناتنا لي ما يعرفوش. مليح منهم انا :d، بعد اذن المشرفة على الدورة طبعا.

~اسيل ريحانتي~ · 2016-10-12, 14:56

اميرة توحشتك واش راكي
قريت ردك انك قريب تولدي ماتصدقيش شحال فرحتلك ربي لي عالم
والحمد لله راح تستقلي في بيتك شفتي الصبر لي صبرتي مراحش خسارة ربي يفرحك حبيبتي

~اسيل ريحانتي~ · 2016-10-12, 15:02

ام البنين وعليكم السلام اختي فكرة هايلة هكذا نستفادو من بعضانا
انا لا حبيتو ماعنديش مشكل نصورلكم منتجاتي اليومية لا اذنتلي اختنا ام تغاريد

حياتي كلها امل · 2016-10-12, 15:09

اسيل اختي ورلينا منتجاتك هكذا كل واحدة تاخذ افكار من اخرى حب في منتجات التجميل او التنظيف
اميرة الحمد لله كي راكي مرتاحة ويارب يحقق لكل واحدة اهدافها

Saraabdou · 2017-01-23, 21:54

السلام عليكم انا جديدة معاكم كيف يتم الاشتراك فالدورات

amira19 · 2016-10-12, 15:14

نعم حبيبتي ام اسيل ربي يحفظك ربي حنين كريم فقط الصبر مفتاح الفرج
ام اسيل صوريلنا منتجاتك و اكيد ام تغاريد كي تدخل راح تفرح بهاد التفاعل

omelbanin · 2016-10-12, 16:06

اسيل انا الدورة نحب كي تكون فيها الصور، تزيدها حماس، ايا انا نقوللكم على غاسول الوجه، انا نستعمل نيفيا. ونتوما واش راكم تستعملوا

~اسيل ريحانتي~ · 2016-10-12, 16:36

صح عندك الحق ام البنين وانا بدوري جبتلكم البعض من منتجاتي لي عزيزا على قلبي مازال ماكملت نصورهم ممبعد نزيدكم

هدا غاسول قوماج نستعملو مرة في الاسبوع

وحاليا راني نغسل وجهي بدوف غير هو لي خرج عليا

ونرطبو بكريم نيفيا سوفت

تاج الهناء · 2016-10-12, 16:39

اقتباس:

المشاركة الأصلية كتبت بواسطة ~اسيل ريحانتي~

صح عندك الحق ام البنين وانا بدوري جبتلكم البعض من منتجاتي لي عزيزا على قلبي مازال ماكملت نصورهم ممبعد نزيدكم

هدا غاسول قوماج نستعملو مرة في الاسبوع

انا تاني نستعملو وننصح بيه كامل العضوات لانو غسول منعش ولطيف على البشرة

حياتي كلها امل · 2016-10-12, 16:50

انا استعمل هذا الغوماج وماسك واستعمل غاسول نيفيا