الجزء 164 من كوزينة واش طيبتي اليوم (لمة الاحباب)

[omomnia15]

ysal 3likom el khir om taj om rihab rani m3a bnati 3andhom el bak fi 2
chkon jarbat formaj el taly marablich el hlib 3lach

[روضة 88]

صباح الخير عليكم

ام هدول الف الف مبروك عليك الجزء الجديد من الكوزينة ان شاء الله تكون فال خير على الجميع.

يعطيكم الصحة على الطيبات لي حطيتوها وخاصة التحليات مممم هذا وش يليق مع الصيف ورمضان اللهم بلغنا رمضان.

ام محمد تاج شكرا على وصفة المهراس يا طيوبة .

[ibtihal18]

مبروك الكوزينة ام هدول كلشي تحفة الله غالب حتى بورطابلي فسدت لاباراي تاعو كي الزهر ههه راني نحطلك لوكانمعليش علابالي كاين اللي يتهلاو فيها بصحتكم

[أم ياسين الزهراء]

ام رحاب ربي يخليك ياختي العزيزة انت اللي نفرح كينشوف خيارتك بصح دايما الملهوفات يسرقو كلش مايخلو والو خاصة صاحبة الاصبع المشهورة باللحيس واللي هبلنو قاطو مهراسها روعة روعة بصح ليمول غالين بزاف شكون تفكرلنا حل عاجل ومزروب والله في خاطري

ام برهومي ياو لكان غير رجلي اللي كبيرة لكان تشوفي صباعي كينجي نكتب في البورتابل بوه هههههههههههه الحروف الكل نخلطها وربي يديم عليك النعمة ويحلي ايامك كلش هايل

امال وكل الاخوات روعة روعة

اهلا امونية واش حرقتي وليتي تكتبي فرنسي تاعنا هههههههههههههه واش راكي انت والمازتي امومتي الضائعة توحشتها سلميلي عليها


حقى سلام خاصة من دائمة الحمد لام طيري راهي تسلم عليها وتسقسي عليها وفكرتني فيها ربي يجازيها الخير وحتى انا نسلم عليها ونقوللها توحشناك وان شاء الله تدخلي بالطمينة علينا سلام يااستادة

غدايا كفتة بالزيتون ودرت رولي لوليدي العزيز ربي يخليهولي هو وكل اولادي واولادكم الكل الله يحفظهم منبعد نحط الصور ونشرح للاخت اللي تسقسي على طريقة الرولي


صحى غداكم

[omjoujou]

دخلت على الجريدة لي كتبتها ام ياسو هههههه وشراكي اختي راكي منورة الكوزينة بطلتك
ام تاجوووو قتلتيني بالسيح خليلي شوي نلسح معاك خخخخخ يعطيك الصحة على تارت الفراز ومشكورة على وصفة المهراس
ام ابراهيم كالعادة روائع وش تحطي
ام محمد جارتي امممممم نموت على الماكلة تاع لعراس
لبنات يعطيكم الصحة على الخيرات لي حطيتوها ربي يباركلكم فيها
غدايا لوبيا بالكرعين تفضلوا معايا

[RIMA.87]

ما شاء الله على الخيرات لي حطيتو اخوات
التحليات راهي بقوة ،ام ابراهيم و دائمة الشكر صراحة خرجو هايلين و اكيد البنة........... بدون تعليق.
ام تاجو ربي يحفظك على وصفة المهراس و بصحتكم التارت
رووووووووووووووووووووووعة
راكي شهيتينا بزااااف

[حياة نور الدين]

اهلاااااا كوزينة وصباح مساء الانواااار
كلشي حطيتوه روووووعة ولي عودة بالردود على كل واحدة ويا درا جازية عحباتك تحلية الفراز بصرااااااحة منزعفش هههه
انا راني صايمة والبنات مازللهم العدس بصحتكم واش راح تفطروا

[انا هي رزيقة]

السلام عليكم نهاركم مبارك يا احلى فحلات يا عمري على ام هدول خموس على خيراتك حبيبتي ربي يجعلها كوزينة الخير و الخمير و الاخبار السارة يا رب شفت كل خيراتكم لبنات ربي يبارك لكم في خيره و يديم عليكم و علينا نعمه يا رب و يبعد علينا و عليكم عين الحساد يا رب
نهارك مبارك اختي ام امنية هذي غيبة عودة ميمونة ان شاء االله
الفين هلا و سهلا باختي و حبيبتي روضة ان شاء الله تكوني بالف خير مواحة كبيرة لوائل
اختي ابتهال توحشتك حبيبتي وين كنتي غاطسة معليش حبيتي طلتك علينا بالدنيا
الفين هلا ام ياسو راكي شهيتني بالرولي و الزيتون امممم بصحتكم اختي مطرح ما يسري يمري رانا في انتظار الصور و ربي يحفظلك حبايبك من كل سوء امين يا رب العالمين
ام جوجو الفحلة يسلمو دوك اليدين تع الفحلات و ربي يبعد عليك العين حبيبتي اممم و اممم على الكرعين نديهم كامل و نخلي اللوبيا خخخخخخ

[ام هدول]

غاديا بقاتلي شوية بغريرتاع ام وليد من البارح وزت قراتان البطاطا ماخلاونيش نصور الصحن زربت صورت المول قبل ما يقضوعليها نهائيا

[روضة 88]

ام ياسين وش راك يا الفحلة هذي مدة متلاقيناش
وبصحتك الزيتون والرولي اكيد من يديك روووووعة

ام جوجو بصحتك اللوبيا نحبها بصح بلا كرعين.

رزيقة يا اختي وش راك تفكرتك البارح لما درت تحلية منعشة كما يحبها خاطرك بصح مصورتش اكيد نخلفهالك المرة الجاية ونجيبلك حقك.

غدائي روز بصوص حمرا وفريت امليت.

[انا هي رزيقة]

اختي ام هدول هد نهارات ملبزت والو مارانيش مليحة لذا باروكي من ارشيفي الجميل لكني نوعدك نجيبلك باروك طازة في اقرب فرصة اذا حب ربي

[ام هدول]

بصحتكم لغدا لبنات الله يبارك عليكم
ام جوجو اللبيا بالكرعين تسخف بصحتك حنونة
جازية الله....الله على المسفوف والتحلية
ام امنية اهلا بيك ختي تكتبي يالفرنسية ولا بالترقية المهم نفهموك
دائمة بصحتك الفلسطينية جربتها من قبل روعة ؤوعة والرخامية كدلك هايلة ان شالله نجربها وصفا ات اسمهان لا يعلى عليهم
ام رحاب الغالية راكي تعاوني فيا بالاقتباسات بارك الله فيك
ا

[انا هي رزيقة]

اختي ام اسلام من فضلك حبيبتي فرغي صندوق الرسائل

[ام هدول]

المشاركة الأصلية كتبت بواسطة أم محمد تاج

صباح الفراز والحلو لي يطلع السكر وخلي تخلى هههههههههه
الف الف مبروووك ام هدوول حبيبتي وكوزينة تلربح نشالله
اتفظلي بارووكي طازة تستاهلي كل خييير حنووونة
تارت الفراز على طريقتي













شوفو لي تراس تاع صباعي شبعت لسييييييييييييييح يااااااااي

ام محمد تاج ماقدرتش نشوف هاد اللحيس وما نقتبش التورتة قتلتينا باللحيس تزدي تاكي عليه بلي بنينة تقتل

شكرا على وصفة المهراس ربي يسعدك ويهنيك بوليداتك

[انا هي رزيقة]

المشاركة الأصلية كتبت بواسطة روضة 88

ام ياسين وش راك يا الفحلة هذي مدة متلاقيناش
وبصحتك الزيتون والرولي اكيد من يديك روووووعة

ام جوجو بصحتك اللوبيا نحبها بصح بلا كرعين.

رزيقة يا اختي وش راك تفكرتك البارح لما درت تحلية منعشة كما يحبها خاطرك بصح مصورتش اكيد نخلفهالك المرة الجاية ونجيبلك حقك.

غدائي روز بصوص حمرا وفريت امليت.

ياي شهيتيني بلا منشوف يا احلى روضة عزفتي على وتري الحساس ....خخخ بلاكي تنسايني خطرة اخرى ....خخخخخ و بصحتكم الروز صوص حمرا هذاك تاني نحبو هكذاك و حتى الفريت اومليت منقولش لالا راهي محبوبة الجماهير مطرح ميسري يمري اختي