~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[سمراء الدنيا]

في حياتي اليومية مخصصة يوم الثلاثاء للجانب التجميلي
نعمل زيت لشعري حاليا راني نستعمل هذا

هذا شراه ابني عندو مشكل تساقط شعرو استعمل 3 قارورات لما ما فادوش في التساقط توقف فانا استعملت الباقي
ابن خالي استعمل زيت القنفوذ و ناض شعرو للي تساقط من الامام فحوست عليه لقيتو عند محلات زازية شريتو و راهو قيد التجربة

و بعدها نغسل وجهي بصابونة مارساي بالقليسيرين و ندير القناع الرائع للي راح نحطولكم بعد قليل

نعمل خلطة للرجلين و نلبس بلاستيك اثناء الشغل

بعد الغداء نروح للحمام و هاذا واش ناخد معايا

مقشر للجسم ..... نص ليمونة ..... معطر جسم ....فازلين ....مسك .. مسواك حار

قبل لا نروح للحمام مباشرة نعمل خلطة لليدين

لما نرجع من الحمام اذا ما كنتش راح نخرج نتبخر اممممممممممم

[سمراء الدنيا]

زيت الشعر


القناع السحري
نص خيارة مبشورة + ملعقة صغيرة زيت جليسيرين + ملعقة صغيرة زيت اللوز الحلو + ملعقة ماء ورد
نخلط الكل و نضعها في المجمد
كل يوم الصباح ناخذ مكعب و نمرره على جميع الوجه و حتى تحت العينين و الشفاه .... رائع شكرا لصاحبة الوصفة لها مني دعوة خير في ظهر الغيب )



خلطة مبيضة و مرطبة لليدين
بديتمن مدة في استعمال وصفة الاخت كلوديا و لاحظت النتيجة من اول استعمال....الحقيقة كل وصفات كلوديا رائعة الله يجعلها في ميزان حسناتها
https://www.djelfa.info/vb/showthread.php?t=1851178
خلطة رائعة لتشقق القدمين
تجيبي شمعة و تبشريها و تحطيها في زيت الزيتون و تحطيها على النار حتى ذوب و تزيديها عصير ليمون و تخبيها في بلارة و تستعمليها لتشقق القدمين
ترطيب و توريد الشفاه
حضرت وصفة من وصفات الاخت للي خديت عليها قناع الوجه راضية عليها لكن ما زال ما بانتش النتيجة
حبة بيطراف صغيرة نيئة ترابيها و تحطيها فوق الفورنو او تسخني الفور و تطفي و دخليها الى ان تجف تماما و تطحنيها حتى تصير مثل المايزينة و تخلطيها مع الفازلين و كل ليلة قبل النوم تدهني الشفاه

تعطير الجسم
احسن مرطب جسم استعملتو و مش راح نستغنى عليه ابدا هو زيت جونسون ديريه بعد الدوش قبل ان تلبسي فوط الحمام و اذا بغيت ريحة دوم اكثر من اسبوع اضيفي للزيت قليلا من المسك المطحون
التخلص من الرؤوس السوداء
عشت تجربة رهيبة و رائعة مع هاذ الخلطة
جيبي ملعقة صغيرة جيلاتين بودرة + ملعقة صغيرة ماء نخلط جيدا و نضعها على حمام مائي حتى تدفاء و يذوب الجيلاتين
نضعها على الانف و نتركها نصف ساعة حتى تجف تماما و ننزعها و انظري الى النقط الموجودة على القناع ستدهشين من النتيجة
الوصفة توضع مرة في الشهر .... ستشعرين ببعض الحرقان لا تخافي عادي و بعدها اغسلي بالماء و مرري قطنة مبللة بماء الورد
ساضيف الصور لاحقا

[افكار خياطة]

رانا نستناو

[ام امجد14]

السلام عليكم ماااااااااشاء الله عليكم و بارك الله فيكم

المهم رانى معاكم ان شاء الله معاكم افيد و استفيد

نتمنى نجاح لهته الدورة

[hanamohamed]

أختي الكريمة سمراء
بوركت جهودك، و كللت أعمالك
تحياتي و مودتي و تقديري الكبير
نصائح مهمة أسأل الله أن يحفظك ويرعاك و يجعلنا من الذين يستمعون القول فيتبعون أحسنه

[ام متين]

السلام عليكم كيف الاحوال ان شاء الله راكم كامل باحسن حال
سمورة مشكورة على الوصفات راني دونتهم وفي ورقة خارجية رايحة نكتب الاشياء اللازم نشريها وباذن الله رايحة نداوم على الوصفات
اما بالنسبة للتنظيف امس كان عمل قليل في الصالون نظفت المكيف بعدما نزعتو المصفاة وغسلتها ونشفتها ان تراكم الغبار طيلة الصيف هو الي يزيد في امراض الحساسية اما الجدران فلونها ابيض ونوع الصبغة مايصلحش حتى للغسيل واش عملت انا جبت الطلاء وطليت جهة من الاسفل فقط لانو من فوق نظيف ورايحة نكمل باقي الصالون لان البيت ليس بيتي فاكتفي باعادة ماكان عليه. في الصيف
الماضي سبغت الصالون كامل كل يوم جدارحتى انتهيت قبل رمضان ونفس الشيئ مع باقي الغرف .
اليوم مازال مادرت اي تنظيف لان الجومتقلب والريح مداير حالة وزيد الثلاثاء خرجت جبت الاولاد من المدرسة راهم هنا يعني مانحبش نعمل تنظيفات وهم في البيت نتقلق بالخف ويتعبوني نحب نخدم في الهدوووووووووووووووء
درت بيتزا للفطور وجلبان بالفول للعشاء مع سلاطة وشريت الخبز مادرتش الكسرة طيبت قهوة وراني معاكم الان
تحياتي لكن جميعا وامسية موفقة

[أم ايهاب 2013]

مساء الخير ............... حبيت نهنيكم بافتتاح هذه الدورة. اللي رايحة تفيد الكثيرات المشاركات والمتتبعات في صمت مثلي .تمنيت تشارك لكن للاسف ضروفي لا تسمح .......... لذا راني نتبع فيكم حرف حرف وخطوة خطوة ........... بارك الله فيكن

[ام هزار]

السلام عليكم و رحمة الله تعالى و بركاته . ان شاء الله الجميع بخير . اللهم امين
سمورة الراقية . و الله فغلا و دون مجاملة انت كنز مخبي جابولنا ربي سبحانه و تعالى . وليت نشعر . وهذا من فرحتي التي لا توصف بالمفاجاة اللي متعتينا بيها اليوم . ربي يجازيك الخير كله يا رب . امين امين امين
انا اليوم عملت نصف يوم فقط . رجعت حوالي الواحدة . جبت بنتي . و تغدينا و كنت حاسة بارهاق كبير .امالا ريحت شوي و في تمام الثانية و 40 دقيقة . كرونومتر هيهيهيه . نضت فرزت الغرف و فتحت النوافذ اليوم الجو ثقيل حرارة و غبار . سيقت الحالة عميييييييييييقا ما خلصتش حتى للعصر . صليت و غسلت اواني الغدا و اعدت الاثاث و الزرابي الى اماكنها . و مسحت الغبرة على السريع .هذا كله و بنتي راقدة .لكني ساعيد مسح الغبرة في الغد ان شاء الله . حسيت الغبار زاد دخل . راهي ريح بالغبار كيما قالت ام متين
حطيت حليب لروحي و راني معاكم نرتح شوية . و نزيد نشوف واش ندير للعشاء و نوض بنتي راهي رقدت بزاف ما شاء الله و تبيتني قاعدة
عندي في المساء تحضير الدروس و تصحيح باقي الفروض و اعداد الفروض الثانية . رانا في ضغط كبير مع نهاية السنة . و رمضان الكريم يقترب
سلاااااام لكل الملتحقات بعدي و ربي يعاونكم . ما زلت نسقي نباتاتي مع المغرب . و التمتع برؤيتها تنمو امامي يوما بعد يوم . بالمناسبة راهي بدات تكبر الكسبر و المعدنوس و الريحان . و تفتحت ازهاري . الحمد لله يا رب . و سبحان الخالق . متعة ما بعدها متعة

[ام محمدْ ومريمْ]

السلام عليكم ورحمة الله وبركاته
مشكورة اختي سمراء على الموضوع ونتمنى نشارك معاكم عجبوني التطبيقات نتاعكم
وراح نحاول ننظم وننضبط
ونتمنى تقبلوني معالكم
يوم موفق للجميع

[arwa alaa]

السلم عليكم واش راكم
انا اليوم كان يومي صعيب بزاف لانو بنتي الصغيرة طاحت على كتفها وخفنا عليها المهم مخلتنيش نخدم درت غير الضروريات برك
والجانب الديني العذر الشرعي فقط اذكار الصباح والمساء والتسبيح

[غزالة1]

السلام عليكم
مساء النور والسرور على الجميع
بارك الله فيك سمراء على الوصفات
صورة الزيت لم تظهر
بخصوص تشققات الرجلين هل الشمعة و الزيت مباشرة على النار ام في حمام مائي
سلام

[غزالة1]

ام هزار بصحتك الاخضرار و اذا ممكن كيف زراعتها و هل تصلح في اصيص

[arwa alaa]

شكرا اختي سمراء على الوصفات راني كتبتهم وغدوة ان شاء الله نشري المستلزمات
حبيت نسقسيكم كي يكون الواحد عندو العذر الشرعي يقدر يقراء القران في البورتابل ولا ميقدرش

[ام متين]

[جهينة اليقين]

السلام عليكم صباح النور والسرور اللهم اشف مرضى المسلمين وعافي اصحاءهم اللهم نجح اولادنا في دراستهم وبارك لهم في وقتهم امين