ȌỒ بستان الفراشات ❀ تعلم الخياطة ① الباترونات ỐŐ

[وفاء الياسمين]

السلام عليكم
على ما يبدو انها صحيحة
لكن هناك بعض القياسات ستتداركينها مع الباقي في رسم الباترون
دوران الرقبة ؟
عرض الظهر و عادة يكون اكبر من عرض الصدر
اذًا ابدئي بحساب القيم المقدمة في الدرس و اكتبيهم على ورقة بالتفصيل و اي استفسار انا متوجدة بإذن الله

[بعيدة المنال]

راني كتبت الدرس كامل في كراسي لكن ما فهمتش واش قصدك بالقيم ؟؟؟ اسمحيلي صبح راس يحابس من السخانة راني زبدة ذايبة

[وفاء الياسمين]

روحي للصفحة الاولى ستجدين كيفية حساب الباترون

[ام عبد غفور]

السلام عليكم راني حاولت نفهم الدرس وهذا واش فهمت : الاطار الاول هو الجهه الخلفيه وهو مستطيل طوله ارتفاع الظهر=من الخصر حتى الكتاف =44سم.عرض المستطيل=عرض الظهر= (محيط الصدر٪4)_1=22سم.. ....الاطار الثاني =الجهه الاماميه .مستطيل طوله=ارتفاع الخصر من الامام=46سم عرضه= (محيط الصدر٪2)+1=24 سم .... ولم افهم ما القصود بخط وسط الصدر وخط الصدر ؟ ارجو التوضيح اكثر؟ اما الرقبه لم افهم كيف الرسم؟.؟ وشكرا

[ام عبد غفور]

كيفاه تحصلنا على القياسات1.5 في الخلف و2.5في الامام في عمق الرقبه او هي قياسات ثابته.

[وفاء الياسمين]

[stayfiya]

المشاركة الأصلية كتبت بواسطة بعيدة المنال

حبيبة قلبي السطايفية الحرة أبدا ما تظنيش أننا ننكر خيرك لكن الله غالب دخلنا المنتدى متأخرين وتقريبا دروسك وورشاتك للمبتدئين كلها حذفت صورها تمنيت نتعلم منك هكذا الا حصلت نهز قماشي ونجيك للدار ألف شكر على تفانيك في نفع أخواتك وعطاءك اللا محدود

لاااا يا اختي عمرك و لا تظني بيا هاذ الظن والله انا نفرح واحد يعاون و يساعد من قلبو و الاخت نسيبه ماشاء الله ما قصرتش انا تمنيت الفئه لي ما قدرتش تستفاد من مواضيعي و مواضيع الاخوات تستفاد هاذ المره في هاذ الموضوع الله يبارك
بالنسبه للورشات راني رديت كامل الصور بقاو ثلاث مواضيع فقط
نتمنالكم التوفيق جميعا

[وفاء الياسمين]

نورت الصفحة بمرورك اختي السطايفية
و الله نفرح كي نشوف اسمك في الموضوع
جزاك الله خيرا

[وفاء الياسمين]

[ام سيرين لجين]

يعطيك الصحة اختي ام نسيبة العامرية و ربي يجعلها في ميزان حسناتك ان شاء الله
حابة نسأل هل راها كاينة دورة جديدة لاني حابة نتعلم الخياطة و حابة نبدا من الاول و هل راح يكون كاين التطبيق و شكرا

[وفاء الياسمين]

المشاركة الأصلية كتبت بواسطة ام سيرين لجين

يعطيك الصحة اختي ام نسيبة العامرية و ربي يجعلها في ميزان حسناتك ان شاء الله
حابة نسأل هل راها كاينة دورة جديدة لاني حابة نتعلم الخياطة و حابة نبدا من الاول و هل راح يكون كاين التطبيق و شكرا

السلام عليكم
أهلا أختي أنت في الدورة الجديدة للأسف ولاواحدة طبقت الدرس ولازلت في الانتظار
ارجعي للصفحة الاولى و اطلعي عليها واي استفسار انا في الخدمة

[ام عبد غفور]

السلام عليك . هذه القياسات التي تحصلت عليها. دوران الرقبه= 34سم.محيط الصدر= 96سم. محيط الخصر=81 سم . محيط الحوض= 101سم . عرض الكتف من الامام=38سم. عرض الكتف من الخلف=42سم . طول الكتف=10سم.. ارتفاع الخصر من الامام=46.ارتفاع الخصر من الخلف=44سم. ارتفاع الصدر=22سم..........والقيم هي خط الرقبه من الظهر=34٪16=2.12 خط الرقبه من الامام =34٪6=5.66 نصف عرض الضهر= (محيط الصدر٪4)-1=(96٪4)-1=23سم. ارتفاع الظهر من الخصر الى الاكتاف=44سم يعني المستطيل من الخلف طوله44وعرضه 23. نصف عرض الامام=(محيط الصدر٪4)+1=(96٪4)+1=25. ارتفاع الخصر من الامام=46 اي المستطيل من الامام طوله46سم وعرضه 25سم. خط الصدر من الخلف=(44٪2)+1=23 خط منتصف الصدر=((44-23-2.12)٪3)+1=7.3 .خط الصدر من الامام =(46٪2)+1=24سم. خط منتصف الصدر من الامام=((24-24-5.6)٪3)+1=6.44سم

[ام عبد غفور]

هذ القيم ارجوا ان يتم تصحيحها. وعند بعض الاسئله . ما الفرق بين خط الرقبه وتجويف الرقبه؟ وهل خط الرقبه من الخلف نقسم دوران الرقبه على 16 ومن الامام على 6 . وماالفرق بين خط الصدر وخط منتصف الصدر.. وكيف احدد الخصر لاني كل مره نقيس نجده مختلف . وجزاك الله كل خير.

[ثلوج الشتاء]

السلام عليكم ورحمة الله وبركاته
الاخت ام نسيبة ربي يباركلك في صحتك وفي وقتك على الخير اللي راكي ديري فيه
السخانة هاذي مخلتناش نركزو خلاص خاصة انو الدروس مهمة ياريت كون اجلتي الدورة هاذي حتى الدخول المدرسي وين يبرد الجو شوية

[وفاء الياسمين]

المشاركة الأصلية كتبت بواسطة ثلوج الشتاء

السلام عليكم ورحمة الله وبركاته
الاخت ام نسيبة ربي يباركلك في صحتك وفي وقتك على الخير اللي راكي ديري فيه
السخانة هاذي مخلتناش نركزو خلاص خاصة انو الدروس مهمة ياريت كون اجلتي الدورة هاذي حتى الدخول المدرسي وين يبرد الجو شوية

و عليكم السلام و رحمة الله و بركاته
لا عليكِ اختي ابدئي التطبيق متى ساعدك الحال و ان كان في العمر بقية سأجيبك على استفساراتك