الجزء 94 من واش طيبتي اليوم

[دائمة الحمد]

المشاركة الأصلية كتبت بواسطة الأمنيات

السلام عليكم مبروك الكوزنه الحديده دائمة الحمد ومبروك العرس ربي يسعد العروسين
باروكي اختي
درت كيكه بيبا



وهادا الكرواسو تاعي

تعيشي امنيات الكيكة تهبل والكرواسون باين يشهي

[أم محمد تاج]

سلالالام حبيباتي وصح عشاواتكم
دخلو لعجايز ( ام ماجد وام ياسوووو) بدا الاستجوااااب ياخاااه علامات الكبر خخخخخخخخخخخخخخخخ

[ريتاج تيارتية]

السلام عليكم وصح عشاكم قاع
انا درت عشا دولمة تاع الخضرا
هدي صور كواليس التحضير




وهاهي الدولمة حاضرة هههههههه


وتحلية درت فلان

[basmala farah]

1000 مبروك افتتاح الكوزينة ان شاء الله تكون دايما عامرة بالخير
و 1000 100 1000 مبروك الزواج الله يسعدها و يهنيها ما شاء الله عرس هايل و كل شي زوين الله يبارك

[عطرالذهب]

مساءالخير
دائمة الحمد الف مليون ترليون مبروك عرسكم كلشي هايل كيماتصورتو واصلا كي قلتلك الهاي كلاس ماكنتش غالطة على خاطر على بالي على من راني نهدر ربي يبارك ويزيد كلشي top ربي يزين سعد البنوتة ولعقوبة للعازبات كامل خلي يتزوجو ونتهنو منهم ههههههه نضحك برك قصدي نتهنو عليهم
الماكولات والحلويات وليطابل راهم قمة وحتى زربيتك لعزيزة ربي يفرحك كيما فرحتيها ويهنيك على بناتك
الباروك خلي غدوى كانش مانخدم حاجة خص نص تكون كلاس باش تليق بالناس الكلاس هههههههه

[ام سهام 02]

الف الف مبروك عزيزتي دائمة الحمد عرس وعليه الكلام كلشي في بلاصتو منظم بالطبع وشيك يعطيكم الف عافية فرحتو العروسة وربي يهنيها

الباروك مقيرطات مقليين وحلوة الصيار درتهم للقهوة


والعشاء كورات الشوفلور بصوص تومات مممم لشي بيبا ان شاء الله تكون سلكت على خير وعجنت خبز الطاجين شهاني تع ام ياسين البارج وكريب التركي لام ندى روووعة وسلاطة والحمد لله

[ساندي 28]

مساء الخير مبروك الكوزينه الجديده من بعد نجيب الباروك حبيبتى دائمه الحمد
عطورة فرغي صندوقك بليز حبيبتى نحتاجك

[ساندي 28]

مساء الخير مبروك الكوزينه الجديده من بعد نجيب الباروك حبيبتى دائمه الحمد
عطورة فرغي صندوقك بليز حبيبتى نحتاجك

[دائمة الحمد]

ام محمد اكي تشوفي في رية وسكينة واش عاملين بيا وحدة تهز ووحدة تحط وانا راني نجاوب فيهم كما ينبغي واش تحبي الكبار لازمنا نساعدو بعضاناههههههههههههههه
بسملة ربي يهنيك ويفرحك
عطورة ياالعزيزة راكي حشمتيني كنت متمنية لو كان حضرتي معانا العرس وشفتي الجو لي عملناهولها في الحنة وفي خلوة الحمام والكورتاج جابولها الخيل والزرنة يستاهلو هي وهو وحتى هو راهو ايتيم ومربياتو جداتو
لعقوبة للصبايا تاعنا ربي يفرحهم ويهنيهم
ساندي ربي يهنيك ويسعد ايامك

[دائمة الحمد]

المشاركة الأصلية كتبت بواسطة ريتاج تيارتية

السلام عليكم وصح عشاكم قاع
انا درت عشا دولمة تاع الخضرا
هدي صور كواليس التحضير




وهاهي الدولمة حاضرة هههههههه


وتحلية درت فلان

وااااااااااااااااو رتاج كلش يهبل وباين بنين هذيك لا تارت طبقات فلون برك والا معاهم حاجة اخرى

المشاركة الأصلية كتبت بواسطة ام سهام 02

الف الف مبروك عزيزتي دائمة الحمد عرس وعليه الكلام كلشي في بلاصتو منظم بالطبع وشيك يعطيكم الف عافية فرحتو العروسة وربي يهنيها

الباروك مقيرطات مقليين وحلوة الصيار درتهم للقهوة


والعشاء كورات الشوفلور بصوص تومات مممم لشي بيبا ان شاء الله تكون سلكت على خير وعجنت خبز الطاجين شهاني تع ام ياسين البارج وكريب التركي لام ندى روووعة وسلاطة والحمد لله

الخير على قدوم الواردين مبهى خيراتك ام سهام الغالية
كي اليوم ربي يفرحك باولادك في نجاحهم وافراحهم

[دائمة الحمد]

تصبحن بالف خير عزيزاتي غدوة ان شاءالله يلتحقو بينا الغايبات وربي يسمعنا سماع الخير على بيبا وام زكريا وندى
ام اناس ليك وحشة يا العزيزة توحشنا مواحاتك طمنينا عليك
جياد ام طيري الجنة ام الهضاب ليدي ملاك نورهان ناهدوران سيماسيم منال المازة تويتة زهرونة ما بانتش اليوم هي ليزابيل كانت مريضة ربي يشفيها
عزيزتي اولادي ووووووووووالقائمة ما زالت كل كل الغائبات نتمنى راكم بخير طلو طمنونا

[chez biba]

السلام عليكم ورحمة الله وبركاته
ما زال ما ولدتش العملية تأجلت ليوم الجمعة بإذن الله، كل تأخيرة فيها خيرة، نشكر كل اللي دعاولي ولكم بالمثل ربي يخليكم
عزيزتي دائمة الحمد الف مبروك الكوزينة الجديدة ان شاء الله تكون عامرة بكل الخيرات وكل ما يفرح يا رب
لي عودة ان شاء الله ونحط القاطوات اللي وجدتهم لنفاسي
تصبحو بخير

[ام اريام]

ماشاء الله اللهم صلي على سيدنا محمد كلش بالطبع اختي دائمة الحمد ومبروك على العروسة والعريس وربي يهنيهم ولعقوبة لكل عازب و عازبة يا رب ويعطيكم الصحة قمتوا بكلش وربي يعيشلك ميمتك وتزوجلك وليداتك
وانشاء الله جميع خواتاتنا راكم بالف خير وختي شيبيبا كل عطلة فيها خير ربي يسلكك على خير انت وجميع الحوامل منهم ام صهيب يحيى
وربي يشفي بنت رياحين وكل مريض يا رب

[أم الأخوان]

بسم الله ماشاء الله كلش44444444 ربي يهنيها انشاء الله

[om wassim]

شي بيبا كنتي في بالي نخمم وحدي و نقول يادرا زيدت ولا مازال معليش كل عطلة فيها خير