الجزء81من مطبخ واش طيبتي اليوم ** مرحبا بالكل **

[lyzzabel]

صح فطوووووركم يا حلواااااات و تقبل الله من الجميع
هذا فطورنا اليوم و الحريرة و الخبز ما صورتهمش و درت عصير البرتقال مممممم و الحمد لله على نعمه حمدا كثيرا طيبا مباركا فيه






اللهم لك الحمد كما ينبغي لجلال وجهك و عظيم سلطانك

[ام سهام 02]

صح فطوركم
فطورنا كان شربة لسان الطير وخبز الدار واوردوف وبوراك بالسلق بعجينة ام راضية ودجاج شطيطحةودلاع والحمد الله حمدا كثيرا مباركا.

[ام سهام 02]

دائمة الحمد ما شاء الله كل شيء حطة وبالطبع الله يدوم افراحكم.

[ام سهام 02]

المشاركة الأصلية كتبت بواسطة mary1987

أم سهام على بالك أنا راني scaner نتوقب كلشيييي وحاجة ما تفوتني هههههههه
تولهت للعضوية تاعك لقيت عدد المشاركات تاعك فايتة 1000 مشاركة وأنت مازالك عضو فعال

ماعلباليش ماري منذ ان غيرت اسمي لم تتغير رتبتي.

[lyzzabel]

المشاركة الأصلية كتبت بواسطة awladi

الف مبروك حنونة الكوزينة عتبة مبروكة على الجميع يارب نسمعو فيها الاخبار الطيبة من احلى لمة يارب ودوم الافراح في كل البيوت يارب
امممممممممممممممم اطبقك تفتح النفس يعطيك الف صحة حنونة
هذو بعض اطباق الايام الي فاتو ربي يحلي يماتكم
ليجو تاع ام انس يعطيها الصحة هبل عليهم الزوج

قلب تاع ليليا درتو بالحليب هذي المرة جاء هايل

تطبيقي لشخشوخة المسيلية لام انس يعطيك الصحة

ديول المازة هايليين اقرمشو اممممممممممممممممم
كاس فرينة+كاس ماء+شوية ملح خلطي كل شي وابدي اطيبي في مقلة على حمام مائي

هذي بعثتها لجارنا راه كل يوم يستنى


فطورنا البارح

شحشوخة

صح فطورك حبيبتي اولادي و ماشاااء الله على الاطباق لي تشهيييي بصحتكم و بصحته آجركم صدقة مقبولة انشالله
شفتي قلب اللوز كي يجي شبااااب بالحليب انا تاع ليليا عمري ما درته باللبن ،، من اول يوم نديره بالحليب و يجي رووووعة و ما نبدلش الوصفة هههههه

المشاركة الأصلية كتبت بواسطة fatimoncton

alah ybarak kolchi yhabal tyab w moulato moulat ljod w lkram
rabi yaj3al had l3atbamabroka inchalah w ybarak lina fi l3ibada w ta3at w yata9abal mina sali7 ela3mal ya rab

شكراااا حبيبتي فأتي هذا كله من ذوقك ربي يخليك و صح فطورك

المشاركة الأصلية كتبت بواسطة Simassim

السلام عليكم ورحمة الله تعالى
اول مرة نشارك معاكم في الكوزينه ان شاء يجعلها خير وبركة وأفراح
راني داخلة معاكم نتشهى وكل خطرة راني نعرض روحي عندكم وحبيت نبدأ بيك
كنت أتابع الأعداد الماضية ما شاء الله عليكم الله يبارك فيكم وفي رزقكم ويجعلها نعمة تدوم
صح فطوركم

صح فطورك حبيبتي سيماسيم و مرحبا بيك معانا نتمنى ما تكونش اخر مرة و مادا بيك تجيبي معاك قاااااع الحوامل لي معاك ههههه

المشاركة الأصلية كتبت بواسطة nina32

اسعد ان اكون من الاوائل لي يدخلو كوزينتك
يعطيك الصحة اختي وكلشي الله يبارك ربي يديم النعن عليك وعلينا وان شاء الله عتبة مبروكة

صح فطورك و انا يسعدني ان تكوني بيننا و الف مرحبا بيك حبيبتي

المشاركة الأصلية كتبت بواسطة islam1aya

الالاايزابل الحنينة بنت الغرب الباهي
ان شاء الله دخلنالك بالربح والصحة والهنى اكيد رايحين نستمتعو من خلال كوزينتك
شكرا لك على كل الروائع والاطباق تحففففففففففة
هذه بعض اطباقي


خبزة بالسلق



سلاطة مشوية

معقودة

سمك باني





مسفوف بالجلبانة واللبن

تارتولات






الحمدلله

مممممم الله يبارك و يزيد يعطيك الصحة حبيبتي ام اسلام كلشي يشهي من يديك بصحتكم وربي يباركلكم في رزقكم

المشاركة الأصلية كتبت بواسطة selma2013

مساءالخيرات ليزا ومبروك الكوزينة جديدة حبيبتي وربي يجعلها عامرة بالخيرات والمسرات في هذا الشهر الفضيل ولأكيد دعوة من القلب ربي يخليكم لينا ولكم جزيل الشكر على حبكم وتواضعكم ووصفاتكم لي ما تخيبناش .

الله يسلمك و ربي يخليك شعارنا ان نفيد و نستفيد و اكييييد رانا قاع نتعلمو و الحمد لله

المشاركة الأصلية كتبت بواسطة om kamilia

الف مبروك الكوزينة الجديدة ليزا طيابك روعة يعجبني

يعطيك الصحة كلشي يشهي نطلب فقط منك وصفات السمك و الحوت puisque طيبيهم بزاف مور العيد ان شاء الله

ان شاء الله العشر الاواخر يكونو خفاف علينا ونكثروا من العبادة

صح فطورك حبيبة و من عيووووني اي حاجة تبغيها قوليلي و انا ما نبخلكش بالشي لي نعرفه بإذن الله ،، ربي يفرحك و يشفيك و يعافيك يارب

المشاركة الأصلية كتبت بواسطة imane ha

ماشاء الله تبارك الرحمـــن ، سلمت الأيادي ...

شكرااااا بارك الله فيك

المشاركة الأصلية كتبت بواسطة om kamilia

اظن ان الجزء 91 و لا غالطة؟

لاااااا على بالكي الأكثرية راهم حاسبين هاذ الحساب ،، الغالية راهي جاية مالكوزينة لي قبل تاع ام اسلام

المشاركة الأصلية كتبت بواسطة malek nour hane

السلام عليكم..صح رمضانك من جديد اختي الغالية و العزيزة على قلبي بزاااااااااااف
الف مبرووووووك افتتاح الكوزينة الجديدة...ان شاء الله ديما عامرة بالخير و الرزق الطيب و ان شاء الله ربي يطرح فيه البركة
اممممممممممممممممم بصح حرام عليك رانا صايميييين..الله يبارك كلشي ماشاء الله..لازم نحط وش عندي ان شاء الله بصح ماتضحكيش ههه
امممووووواااح.سلامي ليك يالحنينة

و ليكم السلام و رحمة الله و بركاته ربي يخليك حبيبتي نورهان و غير حطي و ما تخافيش ماكانش لي يضحك رانا قاع نتعلمو

المشاركة الأصلية كتبت بواسطة om kamilia

سمحيلي ليزابيل ماجبت والو راني نفطر مع موالي راجلي ما نطيب والو ير الكسرة ما خلاونيش نلبز كما نحب

و لااااا يهمممممك حضورك أغلى من الصور ،،،، ربي يفرج عليك و على كل مغبون ياااارب

المشاركة الأصلية كتبت بواسطة cuisineshowdalatifa

كوزينة مربوحة في هذي الايام العضيمة ربي يتقبل من الجميع
جبت معايا شوربة بطاطا خفيفة


و هذي تارت السلق و مفروم الدجاج و هي تناسب أصحاب مرض celiac أي السيليك لان القاعدة مفيهاش عجينة

ممممم شهيتييييني الله يعطيييك الصحة و التارت روووعة بصحتكم

[ريتاج تيارتية]

السلام عليكم وصح فطووووووووركم قاع
الف مبرووك حبيبتي ليزابيل الكوزينة الجديدة نخدلوها وبالفرح والصحة والخير ان شاء الله
يعطيك الصحة اطباااااااااااق رائعة وتشهي بارك الله فية اللهم ادمها نعمة
بالنسبة للقاطو يعطيك الصحة ربي يخليك لوكان غير تقوليلي على التشاراك هدا لبلونين تاع الشيكولا والقاطو تاع القلب
وتعطيني الكيفية تاع المثلجات هديك اسالت لعابي ههههه والله تشهيتها



ضوك نرجع بفطوري تاع اليوم

[ام سهام 02]

المشاركة الأصلية كتبت بواسطة أم الفرسان

السلام علليكم الفحلاااات
أول مرة تشارك معاكم في الكوزينة وان شاء الله نكون ضيفة خفيفة ..
أختي ليزا ماشاء الله عليك أطباااقك تحقة ,,,, ياريت تقوليلي كيقاش ديري الجلو نتاعك وربي يباركلك
وهذي بعض أطباقي


















الحمد لله.... وصح صيامكم وصح فطوركم ....

اطباق رائعة وطريقة تقديم راقية يسلموووووووووووو.

[ام سهام 02]

المشاركة الأصلية كتبت بواسطة أم فاطيمة

السلام عليكم ليزا مبروك الكوزينة الجديدة اطباقك في القمة الله يبارك و انشاء الله الكل يفيد و يستفيد

كل شيء يشهي يعطيك الصحة

[ريتاج تيارتية]

اليوم درت فطور تشهيت سوب الخضر وكانت قاعدتنا الحريرة تاع البارح كل واحد واش حب ياكل ههههههه



ودرت دولمة تاع كورجات وبطاطا بالحمص

ودت معقودة

وسوفلي

وسلاطة

[lyzzabel]

المشاركة الأصلية كتبت بواسطة idron0

ان شاء يجعلها خير وبركة وأفراح عليك و علينا ويجعلنا من عتقاء هذا الشهر.امين.
احبك في الله.
دعاء اليوم الخامس عشر
اَللّهُمَّ ارْزُقْني فيهِ طاعةَ الخاشعينَ ، وَ اشْرَحْ فيهِ صَدري بِانابَةِ المُخْبِتينَ ، بِأمانِكَ ياأمانَ الخائفينَ .

بارك الله فيك و احبك الله لما أحببتني فيه و جعل محبتنا داءمة اميييين و ربي يحفظك على الأدعية لي راكي تحطيهم كل يوم جعل الله عملك هذا في ميزان حسناتك حبيبتي ،،، صح فطوووورك

المشاركة الأصلية كتبت بواسطة parfumdor1

السلام عليكم ومبروك الكوزينة الجديدة
ليزابيل ماشاءالله عليك وعلى طياباتك متميزة دائما
اولادي طياباتك تشهي بصحتك
ام اسلام مالبلحقتش نشكرك على حسن الاستقبال بارك الله فيك ويعطيك الصحة ماكولاتك تشهي
لطيفة التارت تشهي يعطيك الصحة
ام تاجو فرحت كي شفتك دخلتي مرحبا بيك وصح رمضانك ويعطيك الصحة على التطريز يهبل
ام كاميليا المهم المشاركة حتى ولو من غير صور رانا تعودنا على وجودك بيناتنا

شكرااااا عطوووورة انت لي دايما متميزة بحضورك ربي يخليك و صح فطورك

المشاركة الأصلية كتبت بواسطة أم محمد ريان

لبنات كوزينة خير عليكم
اليوم 15 الأيام تجري والله
حبيتكم تعاونوني سخفت على تشارك المسكر مي ديما يجيني ماشي شباب اعطوني طريقة مليحة والحشوة يجي غاية من الداخل تعيشو يا الشاطرات باغيةناكله ونشبع هههههه

ديييييري التشاراك بالعجينة السحرية تاع ام اماني ماكاااانش كيفها و الحشو ديري باللوز ولا الكاوكاو و مين يطيب غطسيه فالمازهر و رمحيه فالسكر الرطب المرة الاولى و خليه ينشف و من بعد عاودي رشي عليه مالفوق بالصفاية طبقة مليحة

المشاركة الأصلية كتبت بواسطة meriem04

مبروك فتح الكوزينة الجديدة

المشاركة الأصلية كتبت بواسطة hafedas

مبروك الافتتاح والله يجعلها مبروكة

الله يسلمكم و مرحبا بيكم

المشاركة الأصلية كتبت بواسطة malek nour hane

المشاركة الأصلية كتبت بواسطة malek nour hane

ااااااو خايفتنا لا نضحكو مشي حق عليك طيابك يشهي يعطيك الصحة حبيبتي نورهان زيدي متعينا باطباقك

المشاركة الأصلية كتبت بواسطة malek nour hane

وعليكم السلاااام عطر...ادخلي ازينونة لقسم المابقات تاع الملتقى التشاوري راني معااااااااكم عالاعصاب هيا فرحونا و راني نيتنا تحطي لاغوسات تاع الدجاج امممممممم.صح فطورك يالغالية
ليزابل راني حطيت شوي اطباقي درتهم قبل رمضان حشمت ندخل بيديا فارغين واسمحيلي مانعرفش نصغر الصور.
صح فطوركم كاااااااااااااااااااامل و تقبل الله صيامكم ان شاء الله

ماعليش قاع ما تخمميش درك بالشوية و تتعلمي و ما كان علاه تحشمي راكي بين خواتاتك

[ام سهام 02]

ليزاممممممم فطورك هااااايل مشهي يعطيك الف عافية.

ام التاج كل شيء من يدك راااااائع نورتي المنتدى

اولادي كالعادة اكلك يشهي بصحتكم والله يجعلها صدقة مقبولة

ام اسلام طابلتك متولة من كل شيء ما شاء الله بصحتكم.

[nad16]

صح فطور الاخوات الكوزينة مربوحة ان شاء الله على الجميع اطباقك تشهي الله يبارك

[أم تيم الله]

ما شاء الله تبارك الله
تسلم الايادي

[selma2013]

مساء الخير وصح فطوركم ومبروك افتتاح الكوزينة.
ليزابال راني جبت التارتولات بوصفة الكرام باتسيير تاعك جاتني حطة ربي يبارك فيك ليزيكلار ما لقيتش باش نصورهم .

[الواثقة بالله 23]

المشاركة الأصلية كتبت بواسطة اماني السلام

الله يبارك أختي تسخف التحلية تاعك بصحتكم ان شاء الله
تعيشي ممكن تعطيني الوصفة و شكرا لك مسبقا ربي يجعلها في ميزان حسناتك