مفاجآت عديدة في سهرة النصف نهائي

[صاحب الامل]

المشاركة الأصلية كتبت بواسطة rosa sd

الاكمام طويلة ولا قصيرة ,ايضا اذا نقدروا نعاودوا الفصالة تاع التريكو ونزيدو نغيروا ايضا في الامام باش يخرج متجانس
اذانقدروا نزيدو قماش اخر,ايضا اذا نقدروا نستعملوا بودي في مكان التريكو

الاكمام قصيرة او طويلة .................اكيد حسب الهامك وابداعك

فيما يخص اعادة الفصالة لا يمكن

اهم حاجة الظهر ما يهمنيش الامام

فيما يخص انك تزيدي القماش...........اكيد حسب الهامك وابداعك

المشاركة الأصلية كتبت بواسطة rosa sd

ختي فريولة مافهمتينش,اهوليك الاخ عمر راح ومازال اسئلة في راسي مثلا هذا الشكل نقطعو من التريكو ونديره والا نديرو كيما تصاور اللي بعثتهم نور الامل ,,,مثل هذه الاستفسارات اللي راني حابة نعرفها اما الشكل مفروغ منو
ولا نقولك المهم يشوف هذاك الشكل في التريكو هههه

فيما يخص التقطيع من التريكو .................اكيد حسب الهامك وابداعك

المشاركة الأصلية كتبت بواسطة rosa sd

فريولة انا اللي خوفني في هذه المهمة كي قاللنا ركزوا على الظهر والاكمام ,رانا قادرين نديروا هذا الشكل في الامام ,

ما تخلعيش..................هاذ الفكرة راح تكون من الظهر افضل من الامام...............واكيد حسب الهامك وابداعك...

[rosa sd]

المهم ربي يوفقنا جميعا ,تبان مهمة سهلة ولكن ,,,,,,,,,,هذاهو السهل الممتنع
متيقنة جدا كي الاخ عمر عطالنا هذه المهمة مارهوش حاب حاجة تقليدية والا المهمة كانت سهلة لذلك كنت اسأل وكنت حابة يجاوبني

[rosa sd]

شكرا فريولةوربي يوفقنا ان شاء الله

[LAMIA TEFFAL]

سلام عليكم جماعة انا راسي راه قاتلني بعيد شر عليكم قالتلي امي شربي تيزانة ب الكاشي قلتلها ماتجبدوليش عليها هههههه
وزادت المهمة هي سهلة بصح المشكل راني نشوف شكل الحلزوني يجي باسل ولا شاقلتوا

[OM AYA]

سلاااااام يا بنات

انا ليوم خرجت في جرة المسابقة باه نشري قماش لتريكوما لقيتش اللون اللي نحوس الوغ عشيت شارية ثلاث تريكوات زوج للمسابقة واحد خاطي لاني ما قدرتش نقرر قلت في الدار نخمم

فلست

[OM AYA]

راني نجدد في الجديد

لامية انا تاني مش عاجبني الشكل بصح كي نكمل الفكرة نشوف لاعجبتني نخليها سينو حد ما قال لحد

و زيد نصور المرااااحل انا هذا ما كرهني ربي ننسى و زيد التيليفون ديالي مسكين خلخلتو كل ما نصور نحيلو كوفاغ تاعو باه تبان تصويرة مليح و نبقى شادة الباتري باه ما طيحش

لعياااا

[LAMIA TEFFAL]

المشاركة الأصلية كتبت بواسطة om aya

راني نجدد في الجديد

لامية انا تاني مش عاجبني الشكل بصح كي نكمل الفكرة نشوف لاعجبتني نخليها سينو حد ما قال لحد

و زيد نصور المرااااحل انا هذا ما كرهني ربي ننسى و زيد التيليفون ديالي مسكين خلخلتو كل ما نصور نحيلو كوفاغ تاعو باه تبان تصويرة مليح و نبقى شادة الباتري باه ما طيحش

لعياااا

الله يعنيك على برتابلك والله حتى انا نكره تصوار على خاتر كل خترة نبدل في حاجة المهم الفكرة الشكل حلزوني ماعجبتنيش
انا نقول تجي مليحة الى استعملنا الالوان

[OM AYA]

المشاركة الأصلية كتبت بواسطة lamia teffal

الله يعنيك على برتابلك والله حتى انا نكره تصوار على خاتر كل خترة نبدل في حاجة المهم الفكرة الشكل حلزوني ماعجبتنيش
انا نقول تجي مليحة الى استعملنا الالوان

ايه يا لالة على حساب لون تريكو ونوعو اذا يقبل

[فريولة ابتسام]

واش البنات لقيتولها راسها

[سَلْسَبِيّلْ]

مبروك للمتاهلات وربي يكون معاكم كامل

[stayfiya]

مساكم بالخير لحبااب واشي هاذا خليتكم لاباس جيت لقيتكم طيبو في التيزانات هههههه مرض المخلوق و يحوس يمرضكم معاه ههه قالك اذا عمت خفت يحوسنا نخفو عليه المرض المهم ربي يشافيك خويا عمر
علااااه يا فريوله لوكان جاوبتيه في قسم الطلبات ماراناش في هاذ الحاله هههههههه باصينا يالبنات ماتحطوهاش ساهله هاذا راه فن صعيب و حبلو لي يفهمو و يتقنو هيا عريو على ذرعيكم ام ايوش شوفي حلي الزورة تاعك و حطي في النص حاجة ثقيله منبعد نتي احكمي قرنيه و راجلك قرنيه و ولادك اعطيهم قرنيه قرنيه و العبو دوايرة دوايرة كي تخلصو تلقاي روحك خدمتي الشكل ههههه بصح ارواحي يا لالة و طبقيه في لبسه هههههه

[جيجلية]

[صاحب الامل]

المشاركة الأصلية كتبت بواسطة جيجلية

هاذ الفكرة غالطة

علاه كي تحركي التيزانة تخرجلك هاذ الوردة............

[نبض الفؤاد]

مساء الخير....ضربت تحويسة العشية مع الشميسة...خرجت لي طول وعرض....مع الدخلة عيطت لي بنتي وقالتلي اجري تشوفي وش حطلكم عمو عمر....نسيت وقلت شكون عمو عمار؟؟؟...ههههههوكانت المفاجأة....قالت لي الاخرى ما تستهزايش راكي مع المتفوقات....
أواه وقيل؟؟
على كل حال.....بالشفاء عليك أخي عمر

[نبض الفؤاد]

ما ضنيتش الضربة نتاع لي فولون.....