جلسات مع orthophoniste لمساعدة ابنك على التكلم

[oum radja]

اختي صارة شكرا على المداخلة تمنيت تكثر النقاشات علنا نلقاو حل يفيدنا
المهم انا ابني كان النمو تاعه عادي يعني بدا يمشي في 11 شهر وكان يصفق و كي نقول له هات يمدلي الحاجة لي في يده
وكي نجبد الساشي لي فيها دواه على خاطر كان يعاني من حساسية يقولي الدا يعني الدوا ويفهم
كي نقوله جيب صباطك مثلا
وفجأة بدا يتراجع كي نقوله صفق مايصفقش و كي نشيرله بصبعي على كانش حاجة مايشوفش فيها وبدا يكثر من الرفرفة بايديه سيرتو كي يتفرج لطيور الجنة
وووصل حتى كي نهدر معاه ولا نناديه مايلتفتش وهاذا لي اثار انتباهي وبديت نحوس على اخصائية باش تساعدني
ودرناله فحص السمع و الحمد لله خرج مليح
ودرك ولا كي يبغي حاجة يرح يجيبها مثلا اذا بغا يشرب يروح يجيبلي كاس ولا قرعة حتى لو كانت فارغة المهم باش يفهمني
وما قدرتش حتى نحيله لاكوش وولا كي يديرونجا منها يرفدلي يدي ويحطهالي على لاكوش باش نفهم
يعني اذا فهمتيني انو كان مليح وبدا يتراجع وقالتلي طيور الجنة هي لي اثرت عليه
بالصح الله غالب هو كان يمرض بالزاف وماكنتش نقدر نخرجه من لا شومبر نبدله ونوكله ونخليه فيها ونديرله طيور الجنة
على بالي بلي مرات نكونو حنا السبب بالصح الله غالب
وتصوري مرا لقا الباب مفتوح خرج برا ولقاته مرا وبدات تسول فيه كي ماجاوبهاش داته عند لابوليس وانا هبلت وانا نمشي في الزنقا ونبكي قلت هو مايهدرش كيفاش راح يرجعوه للدار
المهم لقيت ولاد الحلال لي شافو المرا كي داته لابوليس
ولقيته قاعد عندهم وساكت يعني غير مبالي حتى كي شافني جا عندي
ان شاء الله ربي يشافي وليداتنا ويحفظهم لينا يا رب

[saraz09]

لا شكر على واجب ام رجاء فمن واجبنا حماية اولادنا وجيل قادم
سوف اطرح عليك بعض الاسئلة وجاوبني عليها من خلال الملاحظة اليومية لابنك
كيتحطي وليدك مع مجموعة اطفال يلعب معاهم ولا ما يلعابش يعني يتفاعل ويندمج عادي في اللعب ولا يبقى برك يتفرج فيهم؟
يخاف يقرب منهم , يخاف كي يلمسوه ؟
فيه من الصفات اللى هدرتلك عليها؟
يبكي بغير سبب؟
يجري في ال vide
كيجوكم الضياف يتقبلهم ولا يتقلق منهم؟
انتي قلتي كينقولو جيب الصباط يفهم، كيتطلب منو هدا الحاجة يكون الصباط قدامو ،ولا بعيد ما يشوفوش ويروح يجيبو ويرجع
ولنا نقاش بعد الاجابة

[ام احبتي]

ربي يشافي جميع الأطفال وشكرا لصاحبة الموضوع

[oum radja]

اختي صارة لوكان ترجعي للمشاركة تاعي انا قلت كي كان صغير كان يفهمني كي نقوله روح جيب صباطك يروح يجيبه حتى لو كان بعيد
بالصح درك انا نهدر معاه كلي راني نهدر مع الحيط يعني ما يستجيبش ومايعرف لا صباط ولا اي حاجة اخرى
وهو كي يلقا الولاد الصغار يلعبو يلعب معاهم سيرتو اذا كانو يجرو ولا ينقزو مثلا يعني الحوايج لي يفهمها وثلا اذا لقاهم يلعبو في غميضة او اي حاجة اخرى يبقى يجري معاهم وخلاص
وكي يلعب معاهم اذا تعدى عليه طفل وبغا يضربه مثلا هو تاني يضرب يعني يدافع على روحه ومايخافش
وهو مايبكيش بدون سبب الا اذا طاح او وجعاته كانش حاجة
وكي يجو ضياف عادي ما يتقلقش منهم
وهو احيانا يجري في الفيد يعني نحسه يلعب وحده و يضحك بلا سبب

[*وردة الشرق*]

مساء الخير على الجميع موضوع في القمة اناتاني وليدي عمرو 3 سنوات ونصف يهدر بصح مش بزاف يقول : ماما ، بابا، يسمي خاوتو ولوكان مش صح يشبهو برك ، ارواح هنا لانو يسمعها بزاف ، نهمي .
هدا ماكان عندو نفس الاعراض اللي تكلمت عليهم الاخت ام راجاء وكانك تتكلمي على ابني لكن بعدما قريت هدا الموضوع والردود والنصائح اللي قريتها رايحة نبدا نجربها معاه وللاسف سبب المشكل هو : طيور الجنة لانو كان يتفرجها بزاف درك كون نبدا نحكي ما نحبسش لكن كل الكلام قيل من عند الاخوات وراهم نفس الاعراض
ربي يعينا ويشافهمنا انشاء الله

[saraz09]

على حساب الهدرة ديالك يا ام رجاء وليدك عندو توحد طفيف يعني مش حاجة كبيرة. بص لازم تخدم معاه بزاف في الدار ومن الاحسن تديه عند اورتوفنيست رايحة تعاونك. وخليه يلعب مع الدراري بزاف ولا حطيه فلاقريش نص نهار باش يلعب ويتعلم من الدراري. ونصحك بحاجة كانت ذكرتها الاخت اللي حطت الموضوع وهي تخدميه في الدار ترسيه بزاف رديه فاكتور يدي ويجيب هاد الحاجة رايحة تساعدو يتعلم اشياء كثيرة حتى لوكان ما ينطقهاش حليا كيتطلبها منو رايح يجيبهالك. والعاب التركيز كثري منها . وربي يشافيه

[حفصة التلمسانية]

بارك الله فيك

[jawada22]

بارك الله فيك

[ام تقوى 2009]

اختي ام راجا لا تنتظري حتى يكون ولدك 3 سنوات..لان التدخل المبكر مهم لا تضيعي الوقت . واهم شيء امنعي عنه التافاز وكل الاصوات الالكترونية يعني هاتف راديو موسيقى حاسوب ........... وربي يفرج ان شاء الله

[pr.amina]

السلام عليكم
اختي ام رجا ء ارجوكي كل الرجاء ان تردي على ان قرات كلماتي التي تنبع من ام محروقة وموجوعة ومكسورة ابنتي اليوم عندها 27 شهر وتشكو مما يشكوه ابنك بالضبط كيف حال ابنك اليوم هل يسمعك ويرد على نداءك عند مناداته وخاصة باسمه و هل يستجيب
مند متى قطعت عنة التلفاز نهائيا واخيرا هل يغنى تلك الاغاني احيانا ولو اللحن
ارجوكي ان تردي ربي يشفي ابنك ان شاء الله وترتاحي
شكرا

[oum radja]

المشاركة الأصلية كتبت بواسطة pr.amina

السلام عليكم
اختي ام رجا ء ارجوكي كل الرجاء ان تردي على ان قرات كلماتي التي تنبع من ام محروقة وموجوعة ومكسورة ابنتي اليوم عندها 27 شهر وتشكو مما يشكوه ابنك بالضبط كيف حال ابنك اليوم هل يسمعك ويرد على نداءك عند مناداته وخاصة باسمه و هل يستجيب
مند متى قطعت عنة التلفاز نهائيا واخيرا هل يغنى تلك الاغاني احيانا ولو اللحن
ارجوكي ان تردي ربي يشفي ابنك ان شاء الله وترتاحي
شكرا

واخيرا كاين وحدة تفكرت الموضوع اللي راه مهجور
يا اختي حسيت بيك كي قلتي ام محروقة وموجوعة خاصة اذا كانت بنتهك هي الاولى عندك
انا نقول الحمد لله ابني بدا يتحسن شوية بالصح ماشي بالزاف يعني وليت كي نناديله من بعيد يجي
بالصح الهدرة مازال مرات برك كي يكون يبكي يقول ماما بالصح مايعرفش واش هو معناها
و التلفاز ماقدرتش نمنعه عليهه الله غالب ظروفي ماسمحتليش
ومازا ل مالقيتش اخصائية مليحة لي تقدر تفيديني دايما يقولولي ماتخافيش عليه بالصح مانقدرش مانخافش
و وبالنسبة للغناء هو يميز هاذيك الاغاني تاع طيور الجنة ولوكان يسمعها من بعيد يجي يجري بالصح مايغنيش معاها
نتمنى نكون افدتك اختي
ويا ريت تقوليلي ها ديتي بنتك عند اخصائي ولا طبيب اطفال ولا لا؟ وواش قالولك عليها؟

[pr.amina]

اختي ام رجا انا من الجلفة وعلا ما اعتقد مكاش ارطوفونيست كاين وقيلا برك فالسبيطار بصح كاين بسيكولوق مليحة في حي بن جرمة وكاين ارطوفونيست فالمدية ايلا كونطاكتيتها ولا لرحت ليها نخليلك مساج ربي يكون فالعون

[OUM DANIA]

السلام عليكم مشكورة على هاته المبادرة اختي الله يجعلها
في ميزان حسناتك ابن اختي الوحيد لديه توحد وهي ضائعة الله يشفي اطفالنا

[oum radja]

المشاركة الأصلية كتبت بواسطة pr.amina

اختي ام رجا انا من الجلفة وعلا ما اعتقد مكاش ارطوفونيست كاين وقيلا برك فالسبيطار بصح كاين بسيكولوق مليحة في حي بن جرمة وكاين ارطوفونيست فالمدية ايلا كونطاكتيتها ولا لرحت ليها نخليلك مساج ربي يكون فالعون

الله واعلم قالولي كاين اورتوفونيست بريفي في الجلفة
انا مشكلتي لقيت غير في السبيطار و في المراكز البيداغوجية بالصح ماعندهمش خبرة مافادوني بوالو لي لقيته في النت خير من لي قالولهي هوما

[jasmin roses]

شكرا على الافادة الله يجازيك كل خير