لكل المناسبات السعيدة المخبز بكل اسراره بالخطوات المصورة من مطبخي

[ام اماني77]

سم الله الرحمان الرحيم

اللهم صل وسلم وبارك على سيدنا محمد عليه افضل الصلاة والسلام اما بعد

المخبز من الحلويات الجزائرية التقليدية نعملوها في الاعراس وكل المناسبات السعيدة لكن بزاااف من الاخوات ماينجحوش في تحضيريه يجيهم يابس وحتى الطلية تبس بالخف

اليوم باذن الله نحطلكم الوصفة بالخطوات المصورة ومع كل اسرار المخبز حتى يجيكم معسل من الداخل وحتى الطلية تبقى طرية

اذن لنجاح المخبز يجب التقيد بمايلي

1ـ اللوز المستعمل نرحيوه رقيق يعني نفوتوه في السيار لازم يكون رقيق
2ـ نستعمل الزاست نتاع القارص الاصفر لانستعمل الاخضر لان اذا نكثرو منو يعطينا ذوق مر
3ـ الشائع ان اللوز نجمعوه مع السكر بالبيض يعني يستعمل بيضة كاملة وهذا لي يخليه يابس لازم نستعمل 2صفار بيض وبيضة كاملة حتى نلم اللوز لان صفار البيض هو لي يخلي المخبز طري من الداخل
4ـ بعد مانلم اللوز والسكر بالبيض لازم نتحصل على عجينة متماسكة مالازمش تكون طرية لانها اذا كانت طرية كي نطيبو المخبز ماراحش يحافظ على شكله
5ـ كي نحضر عجينة اللوز نعجنها شوية حتى يذوب السكر فيها
6ـ لازم نخلي عجينة اللوز لي حضرناه ترتاح على الاقل3 ساعات ومن الاحسن ليلة كاملة حتى يذوب السكر فيها وتجي معسلة من الداخل
7ـ درجة حرارة الفرن مهمة جدا لازم نطيبوه على150درجة انا شخصيا نديرو يطيب بلا مانسخن الفرن لان كي نسخن الفرن ونحطوه راح يحمار بسرعة مالازمش يحمار لازم يبقى ابيض لان مافيهش فرينة قيس مايطيب البيض فقط
8ـالمخبز نعملوه بالسكر الاحرش لان اذا عملنا السكر الرطب راح يبس لان فيه كمية من النشاء

الان نبدأ في تحضير المخبز بالخطوات المصورة

المقادير:
3كيلات لوز ابيض مرحي رقيق
كيلة ناقصة زوج اصابع سكر احرش
زاست قارص كل 500غ لوز نعملها م ك من الزاست تكون مملؤة جيدا
2صفار +بيضة كاملة حتى نلم اللوز والسكر
فاني

الطريقة:
نحط اللوز+السكر+الفانيالزاست هنا ما لقيتش القارص الاصفر عملت خليط من الزاست اخضر واصفر لكن كيما خبرتكم من الاحسن تستعملو الاصفر

https://

نصيف صفار 2بيضة مع بيضة كاملة وهكذا حتى نتحصل على عجينة متماسكة

https://

نعجنها شوية حتى يذوب السكر ونحطها داخل كيس ترتاح على الاقل 3ساعات ومن الاحسن ليلة كاملة حتى يذوب السكر

https://

بعد ماترتاح عجينة اللوز نبدأ في تشكيل المخبز

نرش طاولة العمل بالفرينة

https://

نبسط العجينة بسمك مرتفع مالازمش نرقوها بزاف انا عملتها بسمك2 ونصف سم

https://

بواسطة قطاعات نشكل اي شكل نحبوه انا عملت شكل قلب

https://

نحط في بلاطو عليه ورق الزبدة

https://

ندخلوه يطيب على درجة150درجة لازم يبقى لونه ابيض هذي نقطة مهمة
شوفوه بعد ماطاب لونه ابيض وبقى محافظ على شكله

https://

نخليه في البلاطو حتى يبرد تماما

الان نحضر الطلية

الطلية:

كاين بزاااف اخوات يشكو من الطلية خخخخ بمعنى كي يعملوها ماتبقاش طرية بمرور الايام
اليوم جبتلكم طلية تبقى طرية لمدة طويلة

والسر في ان الطلية تبقى طرية هو كمية بياض البيض بدل مانعمل بياض بيضة نعمل نصف بياض بيضة
ونزيد نقولكم ان الطلية جامي نعملها بالباتور او الفووي لان راح يعملونا فقاعات هوائية في الطلية نستعمل فقط اليد

اذن نحتاج الى
كيس سكر رطب بحجم 700غ من النوع الممتاز انا استعملت المرجان
نصف بياض بيضة
ماء زهر
عصير ليمون
ملون اختياري

الطريقة:

في اناء نحط السكر لي نكونو غربلناه قبل

https://

نضيف ماء الزهر للسكر حتى نتحصل على عجينة نعجنها شوية حتى تجي الطلية ملساء

https://

نضيف نصف بياض بيضة

https://


نخلط باليد ونضيف عصير الليمون تدريجيا
هنا كيما راكم تلاحظو الطلية عاملة خط غير متقطع معناه انها مازالت ثقيلة نزيدولها شوية عصير ليمون لازم يكون الخط متقطع ولي ماهيش مالفة تعملها تجرب على حبة اذا ساحت الطلية تزيد شوية سكر رطب واذا ثقيلة بزاف تزيد شوية عصير ليمون

https://

الان نضيف الملون لي حبينا بالنسبة للملونات كاين نتاع الغبرة وكاين المستوردة تجي على شكل كريمة هايلة لكن سعرها باهض انا نفضل هذا النوع السائل هايل وسعره معقول احسن من الغبرة لانها تبقى في بعض الاحيان متكتلة

https://

بالنسبة للون على حسب الذوق والمناسبة انا اخترت هنا الازرق

https://
من الاحسن اللون يكون فاتح والورود لي نزينو بها تكون قاتمة نوعا ما

ممكن نعمل البنفسجي يجي هايل

https://

بعد مانحضر الطلية نغطيها ونخليها ترتاح حواي 10د راح نلاحظ ظهور فقاعات هوائية نتيجة الخلط لاحظو الفقاعات الهوائية من فوق

https://

بواسطة راس سكين نخرج الهواء من الفقاعات
نغطس المخبز في الطلية من فوق ونحرك يدي حتى تهبط الطلية من بعد نحطو فوق مشبك يقطر

https://

https://

نخليه ينشف تمااااما من بعد نمسحه بالملمع الفضي

https://

شوفو الفرق بعد مانمسحوه بالملمع

https://

بعد ذلك ناخذ عجينة اللوز الاصطناعية نعجنها بشوية نشاء نلونها حسب الرغبة ونشكل ورود اما بقوالب السليكون او نستعمل طابع على شكل وردة كيما عملت هنا شكلت ورود بحجمين ولونين

https://

حطيت وردة فوق وردة وحطيت 3 ورود فوق كل حبة من المخبز نستعمل شوية من الطلية قبل مانحط الورود حتى تتثبت

https://

بعد ذلك نخلي الحلوى شوية حتى تتماسك شوية الورود ونقدمو
وهذا شكله النهائي

https://

https://



عن قرب

https://
زوووووووم

https://

وهنا حطيناه مع بقية الحلويات لي عملنا في نفاس اختي


https://

تم بحمد الله
ان شاء الله يكون الشرح وافي وكافي ولا تنسوني غالياتي من صالح الدعاء

في امان الله