الى كل من يريد الدهاب الى جيش نصيحة من اخ من قلب

[mr.berns]

+1

nek hamlegh thileli mouhal ath9eclegh tha9ela6
hamlegh thileiiiiiiiiiii mouuuuuuuuhal ath9ecleeeeeeegh tha9ela6

[حسين رقي]

المشاركة الأصلية كتبت بواسطة kiki-lacharmante

yakhi harka yakhi dirou fibalkom bali lirahom faljaych rahom mojahidine and rabi sobhanou wzid chkon galak matsalich walah rir tmaskhir ana baba 25ans faljich jamis smah fisalatah wzid rajli tani mgaje wjamais smah fisalatah lamin kan stage wala min tkharaj lah yahdikom zari3at lirhab

السلام عليكم

بنت بلادي كاين نقاط برك حاب نعبر عليهم بسكو نظن كلامك قاسي شوية :

1- يخي حركة يخي ؟؟؟؟ علاش انستي لي عبر على رايو ويقول نصيحتو ويقول وش شاف خوه ولا حتى وراه يكذب ولا زاد فيها شوية نسموه حركي ؟ ربي يهدينا الحركي معناه لي باع بلادو للمستعمر كيما بكري في عهد الاستعمار الفرنسي واحد جزائري ايبيع خاتو باش يقتلوهم نسموه حركي ، ونتي بواش حكمتي على هذا الشخص انه حركي ؟؟؟

2- المجاهد ماشي شرط يطلع لجبل راكي تقولي كيفاش ضك نفهمك كيفاش : لي يخدم ويتعب ويجيب خبزة بحلال عرقو ومتوكل على ربي راهو مجاهد ، لي عندو عايلة وولاد ايربي فيهم ويرعاهم لوجه ربي راهو مجاهد ، لي راهو يقرى ويسهر لوجه ربي مجاهد وخلي برك

3- الصلاة صح كاين وكاين حسب العسكري بذاته كي تبغي تصلي واحد ميشدك ، وكي تبغي تسكر ثاني واحد ميشدك بسكو راك في بلاد الحرية كلشي ممكن .

4- باباك ربي خليهولك وراجلك ربي خليهولك راهم في خدمة الوطن ربي يحفظهم مع احتراماتي ليهم ، لكن مع كلامك الجارح شوية حطيتيهم في مكان غير لائق ، يعني قارنتي صاحب الموضوع بحركي وباباك وراجلك مجاهدين ؟؟؟ كاين شوية تناقض

5- زدتي ختمتيها بخاتمة طويلة وعريضة وجمعت كلشي زريعة الارهاب ؟؟؟ علابالك بلي ردك هذا راهو خاطي موضوع كامل وش دخل شعبان في رمضان ؟ يخي كي تجي تكتبي حاجة يا مومنة تلقاي اية قرانية تقول بعد اعوذ بالله من الشيطان الرجيم : *=== (( ما يلفظ من قول إلا لديه رقيب عتيد )) ===*

اهو ربي ايراقبك ويحاسبك على كل حرف قلتيه ، وحكمتي على صاحب الموضوع حركي + زريعة الارهاب

استغفري اختي وراجعي كلامك ومن الاحسن تطلبي السماح ومرة اخرى حساب مدخلت لبروفيلك ماشاء الله زايدة في 1988 يعني 25 سنة ومزوجة ماكيش طفلة صغيرة .


ونتمنى ايكون كلامي واضح من غير ميروح بالك حاجة اخرى ، بسكو كلنا من ادم وكلنا نغلطو ومكاش الكامل فينا

سلام

[sunseet]

!!!!!!!!!!!!!!!!!!!!!!!!!!!!!!!!!!!!

[MO3AD_DZ]

مشكور مرة اخرى اخي abdou3as


اخي حسين رقي تم تبليغ عليها و الادارة سوف تتصرف و هدا ان دل على شيء فائنه يدل على ان من ليس له قريب في جيش فهو ارهابي ادا الشعب كله ارهابي و حركي ماشااء الله

[MO3AD_DZ]

&>>>>>>>>>>>>>>>>>>>>>>>>>>>>>>>>>>>

[amer-merouche]

khouya ana jàbett mention fe bac 2013 (15.77 sience) wé hàb ndir medcine militaire wache tànshoni wé hàl momkinne ày mà3lomàtt mofidà 3là làhkàyà hàdà wé bàràkà làho fikomm slm émerci __

[بهاء الدين 04]

المشاركة الأصلية كتبت بواسطة mo3ad_dz

سلام عليكم
الى شباب الجزائر و ناجحي باك 2013

اياك اياك التفكير في جيش انت تتسال و تقول لما انا اقولك لك اسباب و دالك عن تجربت اخي الكبير العام الماضي نجح في بكلوريا بمعدل 14,56 و دخل الى اكاديمية شرشال و راء و روا لي كل شي و امرني ان اجنب ناس جحيم لان الكثير يغتر مثلما فعل هو ولاكن اصطدم بالواقع المرير
رغم محاولاته الخروج لاكن هيهات لا يستطيع حتى يكمل 25 سنة + 5 سنوات تكوين
مثل ما يقولو
رقدة في الحشيش خير من نجمة في الجيش
سال مجرب لا تسال طبيب اخي شاف و عاش و لم يسمع فقط مثلما سمع ناس


اولا الاسباب يا اخواني ما تعيش لادنيا لادين

انسى شيء اسمه الصلاة
لا وجود لصلات في جيش حتى صلات الجمعة هناك من يقول سوف يجمع صلوات في مساء اقول له لن يكفيك لان نوم محدد و وقت نهوظ محدد 3 تع صباح رياضة عسكرية صباح و في مساء قبل نوم
مالفائدة من عمل لا تسنطيع عبادة ربك فيه

بنسبة للبنات لا وجود للحجاب لا يمكن لاي فتاة مهما كان تخصصها ومعدلهاان تدخل جيش و هي تلبس الحجاب

بنسبة للاكل انسى اكل الدار و تقلاش الوالدة لانك راح تاكل هناك زقلي و ماء يغلي مثل ما يقولو

بنسبة للاهلك راح يتوحشوك بزاف لخاطر معندكش خرجات بزاف و ناس لي تروحلهم مثلا خالك لازم يديرولو تحقيق باه تروح هدا حصل مع اخي عندما اراد زيارته في عطلة

ليس عندك حرية كاملة دائما مقيد بأوامر القيادة
بنسبة للاهانة لا تنسى انك دائما و ابدا مرؤس من عدة رؤساء مهما كانت رتبك و اهانة شيء طبيعي في جيش

و اكثر شيء صعب هو خروجك لتمشيط جبال و انت اصلا لم تكمل تكوينك اخي لم يكمل عام واحد اي تكوين قاعدي اخرجوه من اجل تمشيط و هو لليس لديه معارف او تكوين كامل و كاد يقضى عليه هو و فصيلته في جبل لولا تفطن ضابط متخرج كان يراسهم لقنبلة مزروعة
بينما في خرجة اخرى اصيب اخي في كتفه اخدوه الى مسشفى عسكري و توقعو مادا تم تانيبه و و تحميله مسؤلية و هو اصلا لم يكمل تكوينه

اما عن مسؤلين و جنرالات أنت تروح تباصي وولادهم يقراو في الخارج

افضل حيات االمدنية تاكل خبزة نقية و تعيش مع فاميلتك و تعرف واش كاين في المجتمع
لي مايعرفش راه فيها رشاوي و اشياء تدمع عين عندما يحكي لنا اخي عند رجوع وهو الان نادم ندما شديدا على تفكير اصلا في دهاب
شخصيا لن أقبل معيشة الدل و سماع كلان يهينني
تحيا ال civile فيه البراكة

يمكنك دخول الجامعة او الدراسة في الخارج نعم الدراسة في خارج شيء يسر الكثير يضنونه صعب هناك منح من سفارات اجنبية او من مؤسسات لدراسة في جامعة في خارج
و او تدهب وتتكلف بمصاريفك و اعلم ان شهادة جامعة في الخارج افضل مليون منها في الجزائر لانك تستطيع العمل هناك

وفي الاخير الحرية تاج فوق رؤوس المدنيين لا يراها الا العسكرين

ya akhi hedhi mich hadra 3la ljiich li dhmanlk l2amn moumkin nta mazelk sghir w ma3achtch wa9t ro3b choof khoook idha ghaltoo m3ah hedha may3niiich anhm rah yaghltoo m3a nes kaml w zid mat9derch tahder 3la haja m7hdertch fiha. L2akadimya li rak tahder 3liha fiha mossalla lwah mdayrinoo idha kan slat oublie f l3askr w zid chkoon li rah f l3askr yakhi mn cha3b w f ba3dh l2ahyan mn khirt cha3b.nta rak tosf f ljaych w ka22anoo habs fih ghiir l2oumour sayyi2a .asmhli idha kachma goutlk mais fakkar mlih rak mas2ool 3la hadrtk

[بن علي عبد الغاني]

ان ديت 11.83 نجم نديرها !!!!!!!!!!!!!!!

[skilerdz]

salam
ya akhi ana tanik 3andi hbibi 3Am li fat dkhal liha b moyenne b 16 w raho fi né3ma idal yahmed fi rabi
dork nta khouk dkhal 3la jal drahemha haja bayna matokhrejch 3Lih
li hab yedkhol lel jiich lazem ikoun ihbha men kalbou kader yedkhol bla mayokhles
lazem tkoun temchi fi demou men soghrou
men ghir had chii ana wahed me nass nkolkom akhtiikom ida rakom teb3ou f el mada

[skilerdz]

المشاركة الأصلية كتبت بواسطة amer-merouche

khouya ana jàbett mention fe bac 2013 (15.77 sience) wé hàb ndir medcine militaire wache tànshoni wé hàl momkinne ày mà3lomàtt mofidà 3là làhkàyà hàdà wé bàràkà làho fikomm slm émerci __

salam khouya lazem imedoulek ikhtésas tA3 medcin f les choix ta3ek universitaire bach yakabloulek
normalement tediha sans probleme
ki yefethou sit ta3hom inscrite temak ^^
be tawfik

[skilerdz]

المشاركة الأصلية كتبت بواسطة بن علي عبد الغاني

ان ديت 11.83 نجم نديرها !!!!!!!!!!!!!!!

troh sergent
men afdel t3Awed el bac ou tseyi tedih ktar men 14
had el 3Am rahom ikolo beli ki les sergent ki les officier isinyiw 25 ans direct
machi kima kanet 3Am li fat sergent isinyi 7
alors men ahsen wahed i3Awed bac ou iroh officier khir
be tawfik ^^

[djdjmido]

أخي الكريم ، أختي الكريمة ..

اسمحولي بتدخلي هذا في النقاش .. أبدأ بشكر الجميع على مشاركاتهم وتبيان آرائهم بكل صراحة حسب الموضوعين ، وأحيي صراحة الطرفين في كل ما قيل عن الموضوع ..

ولكن ..

في العادة أطراف الحوار تبحث عن الحل الوسط وأنتم كلٌّ يميل لجنبه حتى وصلتم حد التطرف ..

فهذا رد الخدمة العسكرية إلى المعاناة والجحيم وأوصلها حد الكفر والتقصير في الدين ..

وذاك يدافع عنها بردود جافة نوعا ما تجيب على تساؤلات الأول ولا تكمل ما بقي ..

لنواجه الحالة :

في كل أمر ، هناك خير وهناك شر ..

في كل أمر ، سلبيات وإيجابيات ..

فحتى الدواء له أعراض جانبية ..

وحتى الخمر لها منافع "طبعا إثمها أكبر من نفعها" ..


وأين نحن من هذا :

الواقع : الحياة العسكرية حاليا تختلف عن ما كانت عليه في زمن سبق ، وهذا راجع للسياسة الجديدة التي تأخذ بالجيش إلى نهج الاحترافية ، وهذا ما دفع جميع المديريات إلى تكوين إطارات ومهندسين وضباط منذ البكالوريا ، إذن فقد تغربلت الحياة بعقلية الجيل الجديد والدافع للتطوير والتقدم ..

صحيح أن النظام العسكري يفرض التزامات ، ويحدد حرية الفرد إلى حد ما وهذا لا يدفع الفرد لإحساسه بالسجن أو ما شابه .. والحديث هنا طبعا لا يشمل فترات التكوين لأنها تصقل الشخصية والبدن وتعرض الفرد لمواقف تزيد من تحمله في أيام قادمة .

سلبيات الأمر كما يفرض البعض هو أن المنتسبين للجيش يضيعون فرائضهم .. و يهملون عائلاتهم بحكم الواجب ، وهو الأمر الذي لم أستسغه لمعرفتي بأناس كانوا لا يصلون وأصبحوا يصلون بحكم الجماعة وأصدقاء الخير .. وكما أن العلم والعمل يطلب ، فداعي الدراسة في الخارج لا يتغرب عن عائلته وبلده فحسب ، بل يجد نفسه فريسة امام دعاة الفساد إن كان ضعيف القلب ، فهذه ليست حجة يتحجج بها معارضو الفكرة .

أما عن الالتزامات ، فالخدمة العسكرية تفرض عقدا ب25 سنة ، وهي فترة تظهر طويلة لمن يقرأ هذه الكلمات ويتلاشى ذلك بمجرد الاعتياد على أسلوب الحياة والعمل ، ولكن يفرض النظام أيضا نظام عطل خاصا فيه أقصى مدة للعطلة هي 21 يوما ..

والفرد العسكري فرد عامل مثله مثل أي فرد آخر ، ولكن يختلف هذا الأمر حسب اختلاف الرتبة والمستوى التعليمي .. والحائز على شهادة البكالوريا سيبتدأ تكوينه كضابط وليس كرجل صف .. وبهذا تحدد مهامه ومسؤولياته انطلاقا من منصبه ورتبته .. فنجد ضباطا يعملون بنظام الدوام و 8 ساعات في اليوم ، ليعودوا إلى أهلهم وذويهم كأيها الناس ..

إن كان لمن سبقوا الحديث في كلامي مسمع فليخبروا بما يفكرون ، وإلا فقد تكلمت بموضوعية ولم أفضل جنبا على الآخر ، وأبنت ما يرى من الجانبين ..

سلام ..

تمت إعادة الرد ليستفيد الجميع أكثر ..

[أنور التبسي]

السلام عليكم ورحمة لله وبركاته
شكرآ لك أخي على النصيحة ، أكيد الجيش ليس حل أبدآ ،
عندي صآحبي دخل للجيش ورآهو نآدم تاع الصح ،،

[اسامة دحماني]

العسكر خطر يجب توخي الحذر

[دحمان عبدالقادر]

merc khoya baraka allaho fikk