ورشة تعليم خياطة البساطات مع لجين

[زهرة الهضاب 19]

السلام عليكم أختي الكريمة

و الله الآن وين شفت الموضوع كي ثبت ...

مبادرة رائعة تشكرين عليها ربي يجازيك و في ميزان حسناتك ان شاء الله ....

عندي سؤال أين أجد القماش هذا الكريستال ؟؟؟ و اسمو هكذا ؟؟ يعني معندوش اسم يختلف حسب المناطق ؟؟؟


اذا كاين أخت من سطيف و شرات اللوازم تقولي منين شراتهم ....


بارك الله فيك أختي و ربي يعاونك و ان شاء الله نتبعوا مليح معاك

تحياتي

[fatimabo]

شكرا على المجهود انا ثاني حاب نتعلم .

[loudjeine2000]

المشاركة الأصلية كتبت بواسطة زهرة الهضاب 19

السلام عليكم أختي الكريمة

و الله الآن وين شفت الموضوع كي ثبت ...

مبادرة رائعة تشكرين عليها ربي يجازيك و في ميزان حسناتك ان شاء الله ....

عندي سؤال أين أجد القماش هذا الكريستال ؟؟؟ و اسمو هكذا ؟؟ يعني معندوش اسم يختلف حسب المناطق ؟؟؟


اذا كاين أخت من سطيف و شرات اللوازم تقولي منين شراتهم ....


بارك الله فيك أختي و ربي يعاونك و ان شاء الله نتبعوا مليح معاك

تحياتي

هذا القماش يسميوه الكريستال ويباع عند صحاب القماش وفيه ألوان كثيرة وعرضه 90 سنتمتر وحتى في قسنطينة يسميوه كريستال والمتر يقدر بـ80 دج وأضن أن في معظم الولايات يسمى كريستال

[sarfai]

وأنا نضم صوتي يكم و ربي يسهل انشالله.

[مريومة دودي]

احنا هد القماش معروف عندتا باسم عبد الرؤوف و تلقاي اللوازم عند لي يبيعو الفماش

[nadarym]

انا كدلكمعاكم و شكرا

[يايا21]

جزاك الله الف خير

[الباتنية 19]

انا تاني راني معاك ان شاء الله

[la belle fleur]

ان شاء الله أختي نلقى الوقت ونطبق معاكم لأني عندي كل اللوازم اشريتهم من سنتين في انتظار باش نتعلم وأظنني لقيت الفرصة المناسبة
ربي يجعل عملك هذا في ميزان حسناتك يارب
والاخوات لي يسقسو عل القماش يسموه ثاني عبد الرؤوف وهو معروف جدا

[amira79]

يا زهرة احنا في قالمة نسموه لاموسلين موالفة نخدم بيه البساطات تاع البونج

[loudjeine2000]

عبد الرؤوف الكريستال أو لاموسلين المهم عاشت الأسامي ههههههههههههه

المهم يؤدي بالعرض ومشكورين على المرور

[amira19]

نورمالمون نورمالمون لا مانيش غالطة حنا في سطيف نسميوه المالاس

ياك عرفتيه زهرة؟؟؟؟؟؟؟؟؟

[loudjeine2000]

[CENTER][B][COLOR="red"][SIZE="6"]بسم الله الرحمان الرحيم
[CENTER]على بركة الله نبدأ بالدرس الأول والمتمثل في خياطة بساط تع bébé كما وعدتكم وهذا من أجل التعلم التقنيات أولا وخاصة المبتدئات باش ما يخسرو ش في حالة لم يتمكنوا من انجازه. وبالنسبة للبساط الكبير هو نفس المراحل مع اختلاف بسيط من ناحية الوضعية فقط سنشرحها في الأيام المقبلة إن شاء الله

نضع البونج على الأرض أو على الطاولة وهذا بالنسبة لبساط الصغير

نضع فوقه اللاواط باش ايجي البساط مفشفش

[IMG]

https://im30.gulfup.com/tnGI3.jpg

[/IMG] وهذه الصورة توضح ذلك

https://im30.gulfup.com/lw8f4.jpg وبعد ذلك نوضع الكريستال من اللون الثانوي

الصورة توضح ذلك

ثم نوضع قماش الكريسال اللون الأساسي بنفس الطريقة

ثم نحكموا الكل بالنقاقب أو الدبابيس على الحاشية تاعوا

[CENTER][SIZE="6"]ثم نقلب البساط ونزيد ركب الكريستال الاساسي ونحكموه بالدبابيس

نقوم برسم الاطار الأول على البساط وهذا ما توضحه الصورة

ثم نقوم برسم الاطار الثاني الي يجي في الداخل والصورة توضح ذلك

وبعد ما ننتهي نبدأ مباشرة في الخياطة والتي تكون على الوجه الي فيه اللون الثانوي والطريقة

تكون كما ستوضحه الصورة اتالية ونبدأ بالاطال الداخلي

نمسك الإبرة وتكون عمودية بعد ما نلف الخيط على الاصبع لتمكيني من دفع الابرة داخل القماش ونتبع الاطار مع تلمس الابرة من تحت البساط بأصبع اليد الأخرى وندخلها مباشرة للأعلى بدون ما نخرجها من تحت البساط

وهذه الصورة توضح سير عملية الخياطة

وهذا يكفي لدرس اليوم لتمكين الأخوات من متابعة المراحل وطرح أسئلتهم إذا واجهوا بعض الصعوبات وأنا في الخدمة إن شاء الله

[نافلة]

يعطيك الصحة اختي جاري التطبيق

[زنجبيل11]

بارك الله فيك يعني الغرزة هي خياطة عادية
كنت نحسبخياطة البساط يحتاج غرزة خاصة