|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الطبعة التاسعة "دورة الرقي لمدبرة منزل مثالية"
 |
|
|
أدوات الموضوع | انواع عرض الموضوع |
2012-10-22, 22:27
|
رقم المشاركة : 92 | |||
|
|
|||
|
2012-10-23, 07:54
|
رقم المشاركة : 94 | |||
|
السلام عليكم و رحمة الله تعالى و بركاته
مرحبا أخواتي أختي سندس ماشاء الله عليك الله يحفظك و يبارك فيك اللهم آمين راني قريت ردك على موضوع الدلع و باش انرد عليك لقيت موضوعك هذا فدخلتلو و لقيت فيه الخير الكبير ماشاء الله لا قوة إلا بالله وين كنتو أو بالأحرى وين كنت أنا ما فقتش بيكم غير اليوم عموما راني راح ندخل معاكم مباشرة بصح غير خبروني وش من أسبوع راكم معضم الحوايج تاع الدار الي قلتو عليها راني درتها الصالة نقية و تشعل شعيل بيت الجلوس نظيفة الخزائن في غرفتي و غرفة البنات و غرفة الولد راهي منظمة و القش مطبق فوق بعضاه و كأنه براوات "رسائل" الكوزينة راني عقابها اليوم لأني امبارح وين كملت القاطو "ربي يعطينا الهناء و السعادة في هذا العيد" وش بقى ... كاش ما نسيت قولولي؟؟؟؟ و لكن .... راني مقصرة مع شعري و مع الديني بالنسبة ليكم .... يعني في النهار ما نصليش الضحى و قراءة القرآن ما نفوتش الصفحتين في اليوم لكن الصلوات الحمد لله على ما نسمع الأذان ننفض يدي من الي كنت اندير فيه و نوض أما صلاة الصبح ففي وقتها لأني انهض دائما باكرا في العادة على 4ونص أو 5 "نومي قليل" الأذكار دائما بعد الصبح اندير الوضيفة كاملة "تاع الشيخ حسن البنا" زيدو كاش ما نسيت ..... الصيام خسارة مارانيش معاكم لأني معذورة أما أسناني و الوضوء ليلا فأنا أصلا ما يجينيش نوم كون ما نغسلش أسناني و في عادتي أني أغسل رجلي قبل النوم ومنها نصحني زوجي أن أتوضأ بدل غسل الرجلين و أنا أقوم بها من حينها "13سنة" و الحمد لله أما المسكين شعري فأنا .... لا أمشطه غير من أسبوع لأسبوع و ما يساعدني في ذلك هو غياب زوجي عن المنزل "بسبب عمله" .... هاه زعم تحسنو استقبالي و تتقبلوني صديقة معاكم و تلقاولي حل سريع لشعري و إلا نروح منين جيت .... من منتدى التعليم الإبتدائي .... و هو كل ما أعرفه من منتدانا الحبيب منتدى الجلفة |
|||
|
2012-10-23, 08:04
|
رقم المشاركة : 95 | ||||
|
اقتباس:
|
||||
|
2012-10-23, 10:06
|
رقم المشاركة : 96 | |||
|
اسعد الله صباحكم حبيباتي
اللهم أنت ربي لا إله إلا أنت خَلَقتني وأنا عَبْدُك وأنا على عهدك ووعدك ما استطعت وأعوذ بك من شر ما صنعت أبوء لك بنعمتك على وأبوء بذنبي فاغفر لي فإنه لا يغفر الذنوب إلا أنت اللهم عَالِمَ الغيب والشَّهادة، فاطر السموات والأرض، رب كل شيء ومليكه، أشهد أن لا إله إلا أنت أعوذ بك من شر نفسي ومن شر الشيطان وشركه وأن اقترف على نفسي سوءًا أو أجُره إلى مسلم |
|||
|
2012-10-23, 10:23
|
رقم المشاركة : 97 | ||||
|
اقتباس:
يا عمري اكيد اهلا و سهلا بيك صديقة و اخت عزيزة علينا
بالنسبة لشعرك انا تاني بكري كنت مثلك شعري ما نقومش بيه خلاص حتان فسد عاد مسكين كي الحلفة هههه المهم انا ديت قريب 5 شهر باه رجع لطبيعتو عملتو حمامات زيت كثيرة لكن اللي نفع هو زيت الزيتون و زيت دابر املا الاصلي و حاليا راني نستخدم في زيت دابر املا باللوز و كي نعود رايحة نسشورو نديرلو شوي سيروم زيت الحية روعة للشعر و يحميه من السخانة نتاع السيشوار بالتوفيق ليك حنونة |
||||
|
2012-10-23, 10:38
|
رقم المشاركة : 98 | |||
|
بسم الله الرحمان الرحيم
تطبيقي للبرنامج الجانب الديني الحمد لله راني قايمة بيه كما يجب من صلاة الى اذكار الى استغفار الجانب الجمالي الحمد لله لزيت للشعر /الكحل للعينين/ترطيب اليدين والقدمين باديكير خفيف للرجلين الجانب التنظيفي نضت على 5.30 صليت الفجر و قريت القران و الاذكار بعد الصلاة و اذكار الصباح و الاستغفار في كل وقت فرزت غرفتي و كنستها و سكرتها و هبطت طيبت الفطور اللي كان مسكوتة / حليب / قهوة و من بعد غسلت الاواني اللي طاحولي و توجهت للهول فرزتو و كنستو و من بعد طلعت للطابق الاول ثم الثاني ثم الثالث فرزتهم كامل و كنستهم ولات ال7.30 عاودت رحت للكوزينة حطينا فطرنا و غسلت الاواني و من بعد سيقت الحمام "حشاكم " و سيقت الكوزينة و المراح و وجدت الغدا راح يكون ان شاء الله كمونية / مطلوع / فريت / فلفل / سلطة / والرولي المالح الوصفة تاع حبيبتنا ام رامي غسلت الاحشاء نتاع الجاج و قطعتهم و غطيتهم بالنيلو الغذائي غسلت السلاطة و مكملاتها و قطعتهم الى الثلاجة قطعت البطاطا و درتها في الماء و الخل و درت الفلفل ووجدت الحوايج تاع الرولي المالح نقرب و نعجن و نبدا الطياب بالنسبة لبرنامج اليوم الخاص بغرفة الاطفال انا عملتو لبارح ليوم الوقت اللي من المفروض نكمل فيه الغرفة راح نستغلو في الطرز نكمل التروسو تاع وحدى صحبتي عروسة رح نديرولها كادو باذن الله بالتوفيق للجميع |
|||
|
2012-10-23, 11:13
|
رقم المشاركة : 99 | |||
|
السلام عليكم
حبيباتي على السريع برك "راهم لولاد قريب يخرجو من المدرسة" راح انقولكم وحد الحاجة مالي اسمعوني مليح زعم حاجة كبيرة الي راح انقولها هيهيهيهيهيه راني كنت ناوية نبدأ بتنظيف حيوط الكوزينة اليوم لكن جارتي جاوها ضياف راني خدمتلها شوية مقروض تاع العيد بلاطو واحد و راهو يطيب و طيبت بربوشة سبع خضر و سلاطة خضرااء و للعشاء درت قراتان بطاطا باذنجان "مسقعة أو موزاكا" حدني في العشية انلوحها في الفور و راني الأن نجوز في نشافة على الدار غير كي فت عللى آخر بيت و هي بيت الجلوس وين الميكرو ضربت طلة عليه لقيتكم رديتو عليا أيا حبيت نهدر معاكم الكوزينة خليتها لغدوة و راني ناوية نطبع كل مهام كل أسبوع باه نطبق مليح راني نشتي كي ندير حاجة نديرها على أصولها بالمناسبة حبيبتي سندس نشكرك كثير على أنواع الزيوت الي نصحتيني بيهم في المساء نبعث وليدي يشريهملي و من الغد راني معاكم عندي سؤال شخصي شوووووووووية إذا كان ممكن نطرحو عليكم يا خواتاتي ؟؟؟؟ أيا امبعد نزيدو نتلقاو إن شاء الله |
|||
|
2012-10-23, 20:51
|
رقم المشاركة : 100 | |||
|
مساء الخير حبيباتى تطبيقاتى كالتالي يوم الاحد غسلت بلكونة عندى مشتركة بين بيت لبنات وبيت القعاد لان الرياح دارت حالة زدت سيقت البيوت الى تابعين ليهم والهول من بعد ما كنت مسحت خزانة الى فيها التلفاز تقولى جبتى الرمل وارمتيه فوقها ادا نظفتها جيدا مع درت لغدا وغسلت الملابس .بعد الغدا رحت لتلمسان درت دورة مع زوجى
الجانب الدينى تمام الصلاة الادكار قراءة القران وصيام العشر من دى الحجة الجانب الجمالي الدوش فقط |
|||
|
2012-10-24, 04:11
|
رقم المشاركة : 101 | |||
|
اسعد الله صباحكم واش راكم يالبنات ياربي تكونو بحير الف مبروك ياشهرزاد علي لاسم الجديد راهو يعجبني اسم ملاك بزاف وياسندس ربي يعاونك ويرجعلكم الحجاج علي خير ويااريج المسك مرحبا يبك معانا راكي قايمة بيها من جميع الجوانب والله كي شفت التطبيقات انتاوعك يعطيوني الحماس وانا راني كنت ندخل نشوف التطبيقات تاعكم ونعاود نخرج لانني مانقدرش نكتب الرد المربع اللي نكتب فيه الرد ولا رمادي اليوم نضت بكرى ودعيت ربى باه يتفك المشكل انتاعي الحمد لله تحل المشكل وولاابيض نقدر نكتب فيه ومباعد نحط تطبيقاتي |
|||
|
2012-10-24, 05:50
|
رقم المشاركة : 102 | |||
|
تطبيقي ليوم الاثنين نظفت غرفة الاولاد من الغبار مسحت الخزانات التلفاز الاسرة المكتب النافدة الباب وسيقتها الملابس انتاعهم رانى عاد ما فرزتهمش زيد نقيت بيت الغسيل لانو بجانب غرفة الغسيل
زدت غسلت الملابس وفي المساء طويت النص والنص بقا غسلت بلكونة البيت انتاعي وعلابالك مع الصيام خصنى نحبس قبل المغرب لانى نتعب الجانب الدينى تمام الجمالي الدوش فقط |
|||
|
2012-10-24, 05:57
|
رقم المشاركة : 103 | |||
|
تطبيقي ليوم الثلاثاء الجانب التنظيفي نقيت الصالة من الالف الى الياء البلكونة .الثريات.لي فوتاى .الصالون المغربي البيبلييوتاك والنافدة ومسحت الباب وسيقتها وسكرتها كى جاو ولادي من المدرسة عاونونى سيقنا كامل المنزل كملت مع 3 رحت زدت كملت ملابس العيد لبناتي
الجانب الدني قصرت في صلاتى يعنى اخرتها ماعدا الفجر المغرب العشاء مع الصيام الادكار قراءة القران الجانب الجمالي0 |
|||
|
2012-10-24, 07:38
|
رقم المشاركة : 104 | |||
|
صباحكم بالخير و الهناء
أختي سندس وش راك إن شاء الله تكوني بخير و على خير .... أيا خلاص راني فهمت بلي راك مخطوبة و عندك حجاج في بيت الله ربي يجيبهوملك على خير و أمانة أمانة كان كلمتيهم اليوم أو غدوة قوليلهم يدعولي في عرفة أنا أختك ليلى أم أريج شوفي توقيعي هذاك ماراني طالبة أختي ملاك ربي يحفظك و يعطيك الصحة على الترحيب نردهالك في الأفراح إن شاء الله تعينلي راكي تلمسانية و إلا راني غالطة عزيزتي سعاد ربي يكون في عونك تبانيلي صغيرة و جديدة في الزواج و الأولاد ...صح وإلا راني غالطة .... إذا كان صح خوذي برأي ناس بكري "كان غلبوك بالكثرة أغلبيهم بالبكرة" يعني كان عندك أولاد بزاف أو قضية ياسر نوضيلها بكري .... و أنا راني نعرف قسمطينة مليح أُمَا من فَمَ من الفوبور و أكثر حاجة تعجبني فيها هو الهدرة انتاعكم و التسلام ... راكم تحبو تبوسو "تقبلو بعض" بزاف مازلتم محافظين على عادة التسلام كي تنوضو من النوم ... هي نبدأ بتطبيقي تاع اليوم الصلاة ...... الأدكار الحمد لله قمت بها كالعادة شعري راهو غارق في زيت اللوز و دابر أملا "مانقدرش لريحة زيت زيتونة" الأسنان انضاف رجلي درتلهم كرام و لبستلهم إبا شغُل الدار الي قلتو عليه كامل مداير و الغداء راهو يطيب درت عدس بلحم الجمل أيا مالي راني رايحة للكوزينة بقاولي غير حيوطها و زيد نلم بيت البنات خلاوهالي كيما راهي أو الطفل الله يسمحلو دار روحو عدل فراشو بصح لازم نعاودو و راني راح نسيق تسييقة تاع العيد اليوم باه غدوة حدني نلهى بالدوش انتاعي و انتاع البنات و السيشوار و عندكم تنساو غدوة اسمعو لخطبة عرفة امبعد نتأكدلكم على وقتها و انقوللكم عليه ثاني غدوة يجي رب البيت من العمل عندو شهر و نص ماجاش دبرو علي وش انطيب خاصة أنه موسم .... زعم قلت اندير رشتة لأنه موسم و سلاطة بسباس وش رايكم |
|||
|
2012-10-24, 08:45
|
رقم المشاركة : 105 | |||
|
اسعد الله صباحكن حبيباتي
أصبحنا وأصبح الملك لله، والحمد لله، لا إله إلا الله وحده لا شريك له، له الملك وله الحمد وهو على كل شيء قدير، ربِّ أسألك خير ما في هذا اليوم وخير ما بعده وأعوذ بك من شر ما في هذه الليلة وشر ما بعدها ربِّ أعوذ بك من الكسل وسوء الكبر، ربَّ أعوذ بك من عذابٍ في النار وعذاب في القبر اللهم بك أصبحنا وبك أمسينا وبك نحيا وبك نموت وإليك النشور |
|||
|
| الكلمات الدلالية (Tags) |
| "دورة, لمدبرة, مثالية", أوسم, التاسعة, الرقي, الطبعة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
