صباح الخيرات على الجميع
يعطيكم الصحة يا الفحلات رغم ان المنتدى ثقيييييل بزااااف الا ان المشاركات كثيرة ربي يحفظكم ويعطيكم صحتكم
ام تاج كل عام وانتما بخير ربي يدوم المحبة والود بينك وبين زوجك كل شي من يدييك هايل
ام احمد بارك الله فيك على الصور نقول لاختي لهنا ربي يهنيك ويسعدك ياغالية
ام مصعب ام يسرى ام ماجد دائمة الحمد رانيا الامنيات وكل الاخوات لي حطو الاطباق نقولكم يعطيكم الصحة بدون استثناء ولي نسيت نذكر اسمها تسمحلي
بالنسبة للاخوات لي طلبوا الاطباق تفضلوا
بالنسبة للكيش انا قلت اقتصادي وخفيف لان فيه غير كمية قليلة من الزيت مش لي متعودين عليه بلابات بريزي
ناخذ بيضة نكسرها في كاس ونعمل نفس كمية البيض زيت ونفس الكمية حليب نحرك ونضيف الفرينةمع رشة ملح حتى تتلم العجينة نخليها ترتاح ونبسطها في مول مدهون بالزبدة نثقبها بالشوكة ندخلها للفرن تطيب نصف طياب
من بعد نضيفلها الخليط التالي
بطاطا مقلية مقطعة مربعات صغار+شوية جاج طايب ومفف او تن او لحم مرحي حسب الرغبة+3 بيضات +معدنوس+سلق لي يحبو طبعا يكون طايب+زيتون مقطع +ملح+فلفل اسود وندخلها للفرن تطيب ممكن ايضا نضيف شوية من لاكريم فريش للخليط
بالنسبة لغراتان الباذنجان
نعمل صوص حمرا عادي بابيض الدجاج والبصل والثوم والطماطم المصبرة والتوابل والملح
من جهة نقلي الباذنجان نحط في المول نحط فوقه الجاج المفتت ونسقي بالصوص لازم تكون عاااقدة ونصب فوقها صلصة البيشاميل وندخلها للفرن
انا عملت طبقة بطاطا وفوقها طبقة باذنجان لان اولادي مايحبوش بزاف الباذنجان
بالنسبة لابيري
نطيب البطاطا في الماء مع سنة ثوم
من بعد نرحيها مع الفرماج انا نضيفلها زوج م ك حليب بودرة وحليب وكمية من الزبدة
من جهة نحط المرقاز نتاعي في مقلة على نار هادئة بدون اضافة الزيت حتى تذوب كامل المواد الدهنية لي فيه نتخلص منها ونضيفلو سنينات ثوم وطماطم مرابية ملح ورقة رندكمون فلفل احمر حار وفلفل اسود ونضيفلو نصف كاس ماء ونخليه يطيب على نار هادئة في الاخير ضفت زرودية طيبتها قبل وقطعتها وزيتون اخضر
تارت الشكولة
نحتاج ال عجينة الصابلي لي نعمل بها لي تارتولات انا استعملت نتاعي مانبدلهاش خلاص لانها هايلة
250غ فرينة+125غ زبدة مقطعةمربعات وباااردة+2م ك زيت+2م ك سكر نحركهم مع بعض من بعد نلمهم بصفار بيضة وزوج م ك حليب
نبسط العجينة في المول نثقبها وندخلها تطيب
من بعد نحط فوقها النيسلي ثم الغاناش
100مل كريمة نحطها فوق النار حتى تغلي نطفي عليها ونضيفلها 200غ شكولة نوار نحرك ونصبها داخل التارت
ندخلها للثلاجة حتةى يتماسك الغاناش
البيسكوي رولي
5بيضات 120غ شكر احرش 120غ فرينة نصف م ص خميرة حلوي فاني
بعد ماطاب حشيته بالكريمة شانتيي
وزينتو من فوق بالغاناش
بالنسبة للغاناش نفسه نتاع كيكة الدانيت
عملت علبة شكولة +علبة دانيت
بالنسبة للبسبوسة التركية والتار ت اسمحولي لازمني نحوس على الوصفة ونحطها
(
( تقرير عن مشاركة سيئة )، و الموجودة أسفل كل مشاركة .
2014-11-04, 07:52
العرض العادي
