وما تنسوشي السوفية - الصفحة 7

ريحانة · 2008-02-28, 10:49

اهلا ومرحبا بيك ساسا
واشي هالغيبة اكل
وانت يا سي زهير ماذا امسيبيع على هالكسرة
واميرتنا مازالت التو ماردتلكشي جنونك
ايقولها كي عادت خيار الكسور انتاع الزقم اديرلك اقريص زقمي ليه ليه
او ضوقونا اشوي................

ريحانة · 2008-02-28, 12:49

ربي يبارك فيك يا العزيزة ويخليك لينا
هاذي الصحبة والا خلي

ريحانة · 2008-03-01, 13:46

السلام عليكم
والله عندك الحق يا سارة، مهرنا من حداثة الكسرى هاذي
خلي انبدلو شوي الروتين
وعدتكم قبل بلي ونطورو شوي موضوعنا باش يستفادو حتى الي ماهمشي سوافة ويتعلمو حديثنا
واقترحو عليا الجماعة اننا نعملو شغل قاموس نترجموا فيه الكلمات السوفية الى العربية
بالصح هاذا الاسلوب دايرينا زملائنا في مواضيع اخرى، امالة وش رايكم في اقتراحي انو كل واحد
يكتبنا مثل شعبي سوفي ساك، ويشرح لنا كلمات هذا المثل، والمعنى العام انتاعه، وفي اي مقام يستعمل هذا المثل
وكمثال على ذلك نبدا انا من خلال المشاركة اللاحقة......

المثل الشعبي يقول
كان عمرك طول ، الخبر التالي ينسيك في الاول
اظن كلمات المثل باينة وواضحة للجميع
اما المغزى العام للمثل فهو ان الي يعيش اكثر يتعرف على حاجات اكثر
والخبر الي يجي بعد خوه اعظم واعظم من خوه، كيما ايقولو عيش تسمع عيش تشوف
والا عيش اكثر تسمع اكثر
اما موضع استعمال هذا المثل ، فيقال عند الدهشة من سماع خبر جسيم، لو عندما يكون هناك حدث ما بين الناس ومازال الموضوع غير مفهوم
ولا احد يجد حقيقة الامر.، يقولو كان عمرك طول الخبر التالي ينسيك في الاول..

وش رايكم في الفكرة
والا ماعجبتكومشي
الي عنده مثل سوفي يعلمهلنا
في الانتظار...

ريحانة · 2008-03-02, 15:07

اذن اين مشاركتك يا سارة السمحة؟؟؟؟؟؟

ريحانة · 2008-03-03, 09:49

بارك الله فيك يا سي زهير
هذا جائي يا العزيز
من دون الحراير اكل كان انا الي مطيبتلكشي الكسرة
بره بركة وش عليها
اما المثل الي كتيتهلنا هايل
بالصح حابة انعقب عليه : شرحتهلنا وما قلتناشي موضع استعماله
يستعمل هذا المثل في شيء بدون فائدة او ما فيه خير
يقولو لوكان فيها زيت والزيت هو كناية على الخير هنا، راهو بان عليها
اي لو كان هذا الشيء يصلح فان الصلح يظهر عليه اولا قبل الاخرين
يضرب هذا المثل مثلا على الشخص الغير صالح، يقول عليه كناية: لو كان في عكتها زيت راو بان على قصتها
اي لوكان في هذا الشخص خير وصلاح راهو ظهر عليه اولا
اما القصة فهي مقدمة الشعر les mèches.

سامحني يا اخي زهير على اضافاتي للمثل انتاعك
لكن هدفي هو تعريف اخواننا الغير سوافة على بعض تراثنا
ولازم نشرحو ونحلو على قدر المستطاع
ننتظر مشاركاتك القيمة.....

شهاب17 · 2008-03-03, 10:13

يل سيدي مايكون غير خاطرك . سأعزم على موضوع خاص بالسوفية

لقد اضفت موضوع خاص بالسوافة

وين ردك يا ريحانة

ريحانة · 2008-03-03, 10:35

والله ما فهمتلك شيء يا سي شهاب 17، انا لم اطلب منك شيء في خاطري
غير انك تفيدنا بامثال شعبية سوفية اذا كان عندك
انا لله وانا اليه راجعون.

ريحانة · 2008-03-04, 10:28

السلام عليكم
شكرا اخي زهير على مثلك الرائع والبليغ
اما مثلي لليوم فهو: [color=#FF8C00][size=2]الي اتقى في الايام عراته[[/

size]/color
وشرح كلمات المثل هو
الي = الذي
اتقى = تخبا
عراته = اعترته وكشفته
ويقال هذا المثل في الذي يؤجل اعماله ويسوف ويقول غدا غدا غدا
اي لا تؤجل عمل اليوم الى الغد لان هذا الغد لن يسترك ولن يكفيك لقضاء حوائجك.
اتمنى ان يعجبكم مثلي هذا.

ريحانة · 2008-03-04, 14:10

؟؟؟؟؟؟؟؟؟؟؟؟؟؟؟؟

مهاجر إلى الله · 2008-03-05, 12:42

واشحالكم يالسوافة راكم دايرين حالة في الجلفة....واشي حابين اديروا عملية اختراق سرية لمنتدى الجلفة....المهم راكم دازين عليها طوووول....وردوا بالكم يغضب عليكم الأمير...ويظلي يقول السوافة حابين يخترقولي المنتدى ولا يغيروا عنوانه .." منتديات الجلفة لكل السوافة والسوفيين

والسلام عليكم ورحمة الله.....

أخوكم من وادي سوف.....ابلاد السيوف وهيا اتشوف

نعم..سوفي حتى النخاع...بالعامية للجلدة.......ولكن راني انحب نمرح شوي ....ساعة ساعة مش ديمة........

والجزائريين كلهم إخوة ........

ولو لم اكن جزائريا لأحببت أن اكون جزائريا

واشحالك يا خوي البشير فارم شفت السوافة كيفاش دازين عليها اهني...رد بالك تبقى تخربش هنايا وتنسى البيفو ماتزرباشي راهو الريح والشهيلي داير حاله والله لوكان ماتتولهاشي بيه يغدى حنة و يحتحته ناي انقلك برا زرب امشرق وا مغرب وربي يجيب الصابة

شقروط معناها واحد أحرش مايهمه والو يقول واش يحب ويدير واش يحب مابرطالاش بالناس

ريحانة · 2008-03-05, 13:54

اهلا بيك يا مهاجر
مافهمناكش انت سوفي ولا لا
بالصح مايهمش نحن فقط اعضاء في المنتدى ويشرفنا الانضمام اليه باسمه الذي هو عليه
لكل الجزائريين والعرب
اعطينا مثل شعبي سوفي اصيل اذا كنت سوفي

ريحانة · 2008-03-06, 11:21

السلام عليكم
شكرا اخي زهير على الملحوظه
لقد تداركت ذلك فعلا الا اني وجدت هناك عرض للامثال
فقط عرض غير مرفوق بالشرح او موضع الاستعمال
لكن اذا ارتايت ان نغير هذا النهج فلا باس بذلك
وهي فكرة جيدة ان نعرض مناطق الوادي المختلفة ونذكر عادات وتقاليد كل منطقة
وكذلك لهجة كل منطقة لان اللهجات تختلف كما تعلم بين مناطق سوف.
انتظر ردك ورد الاخوة الاكارم...

nounette · 2008-03-06, 19:35

الله عليكم تع الصح هدرة بلادي مكاش كيفها تع الصح فور بزاف

souf-star · 2008-03-07, 10:41

الله لا يحشمنا هالحديث اللي تقولي فيه تاع الطرود ما هو تاع السوافة بارك الله فيك

ريحانة · 2008-03-08, 11:04

لا حولة ولا قوة الا بالله العلي العظيم
هل من مشاركة جديدة ومفيدة

السلام عليكم كيف احوالكم جميعا
اين الاحبة طال غيابهم عن هذه الصفحة...

باين عليكم شاتين كمية تاي مع شوي كوكاو
بالصح ماشي خهسارة فيكم
خاطي قولولي اتاي شاتينا تاي احرش والا تاي زوي..؟؟