اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 7

yasmalak · 2015-09-20, 18:42

وييي روضة بيانسييير ماتفورصيش روحك و زيد العيد هدا تاع اللحم ماشي تاع الحلوى
ماشفتوووش اصلا دايما تلقاااي نفس الوصفاات يتعااودو

idron0 · 2015-09-20, 19:10

اقتباس:

المشاركة الأصلية كتبت بواسطة جوهرةالجنة

ادرون كملي خيرك وجبيلي قاطو مايطيبش ربي يجزيك خير

https://www.djelfa.info/vb/showthread...583943&page=96
رقم المشاركة : 1440

https://www.djelfa.info/vb/showthread.php?t=1373804

https://www.djelfa.info/vb/showthread.php?t=1485768
سيقار الكاوكا

https://www.djelfa.info/vb/showthread.php?t=1310550

و اسمحيلي هدا واين شفت سؤالك.

آسيا 27 · 2015-09-20, 19:17

اقتباس:

المشاركة الأصلية كتبت بواسطة scorpionoir

وهذوا بعض تحضيراتي للعيد السعيد
بصح ماشي قاطو راني عييت ندير حتى نوع وعععععععععععععععععع

مساء النشاط و النقا انا نجي نعيد داخل الفريجيدار هههه

اقتباس:

المشاركة الأصلية كتبت بواسطة البحر الصافي

هاكم تشربو قهوة

جات في وقتهااااا

اقتباس:

المشاركة الأصلية كتبت بواسطة oum ibrahim

مساء الخيرات الله يبارك عليكم يا الفحلات خليتكم في كوزينة حنان و لقيتكم في كوزينة سماح عتبة مربوحة ان شاء الله ماشاء الله على طياباتك رواااااائع يسلمو
البحر الصافي مبروك وضع الصور و اطايبط اممممممممممممممم يسلمو و الهلالات بالكوكاو راني حطيت الوصفة من قبل تلقايها في وصفات الحراير درك نجيبلك الرابط انت و الاخت ام ريان عبد الله
ام و ابنة الغريبية اممممممممممممممممممم فعلا شهاتني لوكان مارانيش دايرة لاليست نتاع القاتو نزيدها يعطيك الصحة و بوسة لليدين البطبوطة
اسيا الحلوة هذيك الحلوى هي نفسها حلوى لمول بغاناش الشكولا للرائعة ام اماني فقط انا غيرت طريقة التشكيل و الحشو درت نيسلي كراميل مع حلوة الترك و شوية كوكاو محمص و مرحي
سلامي ليكم وحدة وحدة ربي يعينكم و يشافيكم و يفرج همومكم ياااااااااااااااارب
الله اكبر الله اكبر لا اله الا الله
الله اكبر و لله الحمد

ميرسي يا gمييييييل

اقتباس:

المشاركة الأصلية كتبت بواسطة um alaa

سماح حبيبتي تفضلي الباروك هدا وين وجد

اقتباس:

المشاركة الأصلية كتبت بواسطة um alaa

و هدا درت الاسبوع اللي فات

ام الاء على حسب الصور كملتي حلوة العيد
حلوة الجوزة دارتها امي الاسبوع اللي فات تاني سبحان الله و درناها للعيد من بعد الصور

اقتباس:

المشاركة الأصلية كتبت بواسطة oum ibrahim

تفضلو تحليو
بسم الله
فلان بالنيسلي و جوز الهند

سلاطة فواكه

باتيسري بالكراميل

اللهم صل و سلم و بارك على رسولك الكريم

غبت 2سوايع لقيتكم اقفلتو كوزينة حنان الله يعطيها الصحة على الضيافة و الستقبال الحلو و المخبز و دونات و كل شي حطيتيه 44444444444444
سماحووووو كوزينة مربوحة و من بعد نولي بالباروك ان شاء الله
ام نسرييين جارتي عاش من شافك توحشناك
ايدرونو فراشة انت
ام باسم

ليزا من الصباح ما بانتش
عازفة الناي راكي كي هلال العيد

الرجاء الاماني المجد · 2015-09-20, 19:30

هلت الانوار يا ام طيري الجنة المنتدى منور بوجودك عزيزتي كيف حالك وحال ابنتك والله توحشششششششششششششششنك بببببببببببببببببببببببزاف

أم ماجد · 2015-09-20, 20:03

اقتباس:

المشاركة الأصلية كتبت بواسطة جوهرةالجنة

لبنات ربي يحضطك تمدولي قاطو مايطيبش من فضلكن

انا عجبني واحد تمنيت نديرو للاسف الوقت ماشي في صالحي

خلاص معه الخدمة والدار العيا خخخ تحبي نعطيهلك

المهم طلبت مقرقشات من عند جارة تبيعها ولله الحمد وعندي مقروط وبقلاوة

سماح يخي ذقتيها في عرس روزا واش رايك؟للاسف ماكانش صور تاعها عندي

في العرس انشغلت بزاف وماصورتش كل شئ

آسيا 27 · 2015-09-20, 20:08

زينب كي تدخلي شوفي هاذي طابة مساعدتك
https://www.djelfa.info/vb/showthread.php?t=1867846

um alaa · 2015-09-20, 20:27

جوهرة تفضلي رابط الوصفىة
https://www.djelfa.info/vb/showthread.php?t=1867873

omjoujou · 2015-09-20, 20:29

السلام عيكم حبيباتي
سمووووووووووووووحة مبروك افتتاح الكوزينة الجديدة ان شاء الله تكون عتبة خير عليك و علينا
اسمحولي مقدرتش ندخل هاذ لعشية جاوني ضياف مرت شيخي و سلفتي يطلو على ولادي كي عاد مراض
المهم انا ليوم درت قاطو تاع المحقن

وقاطو تاع كابريس لدائمة الحمد

وغدوة ان شاء الله ندير صابلي تاع القارص
لعشا درت شاورما

الرجاء الاماني المجد · 2015-09-20, 20:30

ام وابنة ربي يشفيك انا عينتك قتلك شاطرة كي خدمتي القاطو

الرجاء الاماني المجد · 2015-09-20, 20:33

ام جوجو بصحتك القاطو والشورما

ام ساجد · 2015-09-20, 20:45

مسائكم سعيد

الف مبروك الكوزينة الجديدة سماح الله يبارك كلشي هايل كالعادة ولي سخفني اكثر الشباتي يمييمي

بصحتكم والحلويات روعة

كل لي حطو حلوياتهم ماشاء الله سخفتوني وانا تعبانة مانيش قادرة نخدم بصح اكيد

انعاندكم حتى في نوع

ام نسرين مرحبا بيك وواش اخبارك حنونة

م برهوم وعازفة قتلتونا بالحلو ياحلوين كلشي يشهي

ام وابنة بصحتك الغريبة واللع عجبتني وربي يحفظ الكتكوتة اكيد هي لي خدمتها وربي يشفيك عزيزتي

عقروبة بصحتك التحضيرات وراني قرعجت مليح على الفريجدان ههههههه

ام الاء ما شاء الله حلوياتك يهبلو يعطيك الصحة

البحر الصافي مبروك الصور واطباقك رائعة

ام جوجو بصحتك القاطو والشاورما وربي يشفيلك وليداتك

الرجاء الاماني مساء الانوار كيف احوالك اختي

ام تاجو راكي من كوزينة لكوزينة هههههوربي يسلكك على خير

ام ياسو ربي يشفيك وما تكثريش اخدمي شوي شوي للبراكة برك

زينب ربي يعونك اختي ويفتحها في وجهك ويشفي اختك وتفرحي بيها

دايمة الحمد بصحتك الكروكي خرج فووووور وبصحتها اميرة التبييشة

روضة نتخيل في وائل مبيش من فوق وبالكوش من تحت هههههه اشريلوواحد كبير ونقصي فيه عند
الخياط

لي صايمين كلمل صح فطوركم

omjoujou · 2015-09-20, 20:48

اقتباس:

المشاركة الأصلية كتبت بواسطة الرجاء الاماني المجد

ام جوجو بصحتك القاطو والشورما

الله يسلمك حتونتي وبصحتك نتي تاني وش تعشيتي

ام عبدو و ملاك · 2015-09-20, 20:49

ام جوجو بصحتك القاطو و الشاورما وواش راهم اولادك

أم ملك · 2015-09-20, 20:49

مساء الخير حبيباتي
مبروك سماح الكوزينة و ربي يجعلها فال خير عليك و علينا
حنان كوزينتك فاتت هايلة مشكورة على اﻹستضافة الحلوة كيفك
كل لي حطو طيابتهم نقولهم ربي يباركلكم
أم و إبنة ربي يشافيك و يشافي كل المرضى
بالنسبة ليا كملت الميناج دا شحال و البارح رحت لدارنا خدمت ﻷختي القاطو و خليناه بلا متكياج وبعد العيد إن شاء الله نتلهاو بيه عندها فاتحة
و اليوم خدمت لروحي البقلاوة و لي كورني برك باه نديه في يدي نروحو نعيدو في دار شيخي
مركز تحميل الصور
مركز تحميل الصور

ليكورني ما زال ما عسلتهمش و ما عمرتهمش رايحة نحشيهم كاوكاو محمص و نيسلي و حلوة الترك
و ما زال غدوة إن شاء الله ما علاباليش واش نزيد مزال ما قررتش
حبيباتي في هدي اﻷيام المباركة أطلب منكم السماح
الله أكبر الله أكبر الله أكبر و لله الحمد سبحان الله و الحمد لله و لا إله إلا الله

ام سهام 02 · 2015-09-20, 20:52

السلام عليكم والف مبروك حبيبتي سماح
البركوكس او العيش

وهذو ليقاتو خدمتهم لاختى للعيد ان شاء الله ما عندهاش الوقت راهي خدامة
صابلي العسل و التشاراك باللوز