دورة " ربات بيوت واثقااااااات"

[ابني نور عيني]

صباح النور و الجمال اختي اريج و حياتي كلها امل
راني بديت في روتيناتي اليومية اهتميت بنفسي و تناولت افطاري و شعلت الغسالة و راني مع التخمال ربي يعين الجميع على شغالاتهم

[أريج13]

ام شمسو شكرا جزيلا لك على الترحيب ...كلماتك تعطيني تشحنني و تعطيني طاقة ايجابية...ربي يخليك لينا و يجازيك على كل ما تقدمين...
بالنسبة للفرز رميت 17شيئا و اليوم ان شاء الله نكمل الباقي
بالنسبة لروتين المساء ما نقدرش نلتزم بيه ايام العمل

[ام شمسو محمد]

المشاركة الأصلية كتبت بواسطة أريج13

ام شمسو شكرا جزيلا لك على الترحيب ...كلماتك تعطيني تشحنني و تعطيني طاقة ايجابية...ربي يخليك لينا و يجازيك على كل ما تقدمين...
بالنسبة للفرز رميت 17شيئا و اليوم ان شاء الله نكمل الباقي
بالنسبة لروتين المساء ما نقدرش نلتزم بيه ايام العمل

اريج بالتوفيق في الاغراض العشرة اللي بقاولك ....نوه فقط انو العملية المفروض تكون سريعة بدون ترد ولا تفكير يعني تهزي الكيس و دوري تعمريه ما توقفيش حتى توصلي ل27 غرض ما تعاوديش تشوفي وش حطيتي في الكيس اغلقيه و ارمي ...يعني مش اثناء التبريد تديرو هذي العفسة ...عملية منفصلة ....و ثاني مزال الفرز اريج ...هههه

كون حطيتي روتينك المسائي ...المفروض يساعدك مايعيقكش ...نحاول نحط دروس الفراشة للمراة العاملة باذن الله

[arwa alaa]

صباح الخير فراشات واش راكم
يوم موفق للجميع

[arwa alaa]

اهلا فراشات
ام متين راني درت الغداء والعشاء وراهم يطيبو في زوج
كنت ندير قبل كيما انت بصح مع العطلةة يتخلبط كلش

[nihal159]

صباح الخير و لخمير على جميع الفراشات ربي يباركلنا في هذه اللمة و إن شاء الله نستفادو من بعض.

لبارح بديت فالبلاكار؛ عندي فراش تاع لي بونكات غسلتو من قبل و خليتو فلبلاكار؛ لبارح جبدتو و خبيتو فالجزء السفلي تاع لي بونكات(double fond). هذي أوّل خطوة في تبريد

لبلاكار هههه

دائما في إيطار التبريد؛هذه المرة فالكوزينة، بالنسبة للدرج المخصص للملاعق و لفراشط ههههه دايما فيه الفوضى و لملاعق الصغيرة تاع القهوة تتودّر فيه و نجيب

ساعة و أنا نفركث باش نلقاهم؛ إذا الحل؛ شريت سلاّت صغار على شكل مستطيل الواحدة ب 30 دج؛ شريت أربعة؛ ستّفتهم فالدرج و كل واحدة حطيت فيها شيئ

معيّن: واحدة مخصصة للملاعق و الثانية للفراشط و الثالثة للسكاكين و الرابعة للملاعق الصغيرة تاع القهوة و بهذا أصبح الدرج منظّم و أي حاجة نحوّس عليها نلقاها

قدامي.

روتيني المسائي؛ كي نعود نحضّر فالعشاء؛ الماعون لي يتوسّخ نغسلو و هكذا وقت العشاء مانلقاش لماعن تراكمو عليا.

كي نكملو لعشاء؛ نغسل للأولاد يدّيهم و نبعثهم لغرفتهم؛ و أنا نخمّل الطابلة و نستف الصحون المتسخة فوق البوطاجي و نمسح الطابلة و نرمي النفايات؛ و نروح نلبّس

للأولاد البيجامات و نحطهم في فراشهم؛ و نرجع للكوزينة نلقى أني قمت ب 80¨% من الأشغال و مابقالي إلا نغسل الصحون و نلمّع الحوض، الحمد لله عندي 5 سنين

زواج و لا مرة تركت مواعن العشاء للصباح.

كي نكمّل، نروح لغرفة الأولاد؛ نلم الألعاب نتاعهم المرمية في كل مكان هههههههههه؛ من بعد نتوضا؛ نصلي؛ نحط كريم مرطب في يديا وأخلذ إلى النوم.

[omelbanin]

السلام عليكم
كيف حالكن يا اجمل وانشط فراشات
اليوم وين شفت الدورة خبرتني اختي ام هاجر يعطيها الصحة
شكرا ليك ام شمسو والله غير راني في امس الحاجة لهذه الدورة ان شاء الله نكون معاكم في سربكن النشيط

[ام شمسو محمد]

المشاركة الأصلية كتبت بواسطة omelbanin

السلام عليكم
كيف حالكن يا اجمل وانشط فراشات
اليوم وين شفت الدورة خبرتني اختي ام هاجر يعطيها الصحة
شكرا ليك ام شمسو والله غير راني في امس الحاجة لهذه الدورة ان شاء الله نكون معاكم في سربكن النشيط

احنا اللي في امس الحاجة ليك ام البنين ...ارواحي برك ...حطي روتيناتك و تطبيقاتك و مهامك ....تعليقاتك و مشركاتك و حضورك و كل شي جميل كنتي تمتعينا بيه في السابق ....مكانك دائما محفوظ ام هارون

[ام شمسو محمد]

المشاركة الأصلية كتبت بواسطة nihal159

صباح الخير و لخمير على جميع الفراشات ربي يباركلنا في هذه اللمة و إن شاء الله نستفادو من بعض.

لبارح بديت فالبلاكار؛ عندي فراش تاع لي بونكات غسلتو من قبل و خليتو فلبلاكار؛ لبارح جبدتو و خبيتو فالجزء السفلي تاع لي بونكات(double fond). هذي أوّل خطوة في تبريد

لبلاكار هههه

دائما في إيطار التبريد؛هذه المرة فالكوزينة، بالنسبة للدرج المخصص للملاعق و لفراشط ههههه دايما فيه الفوضى و لملاعق الصغيرة تاع القهوة تتودّر فيه و نجيب

ساعة و أنا نفركث باش نلقاهم؛ إذا الحل؛ شريت سلاّت صغار على شكل مستطيل الواحدة ب 30 دج؛ شريت أربعة؛ ستّفتهم فالدرج و كل واحدة حطيت فيها شيئ

معيّن: واحدة مخصصة للملاعق و الثانية للفراشط و الثالثة للسكاكين و الرابعة للملاعق الصغيرة تاع القهوة و بهذا أصبح الدرج منظّم و أي حاجة نحوّس عليها نلقاها

قدامي.

روتيني المسائي؛ كي نعود نحضّر فالعشاء؛ الماعون لي يتوسّخ نغسلو و هكذا وقت العشاء مانلقاش لماعن تراكمو عليا.

كي نكملو لعشاء؛ نغسل للأولاد يدّيهم و نبعثهم لغرفتهم؛ و أنا نخمّل الطابلة و نستف الصحون المتسخة فوق البوطاجي و نمسح الطابلة و نرمي النفايات؛ و نروح نلبّس

للأولاد البيجامات و نحطهم في فراشهم؛ و نرجع للكوزينة نلقى أني قمت ب 80¨% من الأشغال و مابقالي إلا نغسل الصحون و نلمّع الحوض، الحمد لله عندي 5 سنين

زواج و لا مرة تركت مواعن العشاء للصباح.

كي نكمّل، نروح لغرفة الأولاد؛ نلم الألعاب نتاعهم المرمية في كل مكان هههههههههه؛ من بعد نتوضا؛ نصلي؛ نحط كريم مرطب في يديا وأخلذ إلى النوم.

نهال شكرا جزيلا كي حطيتك روتناتك و مهامك ....اسمحيلي فقط نهنيك لانو 5 سنين مارقدتيش على ماعنك ...اختي يعطيك الصحة و ربي يحفظك ....هكذا فلتكن النساء ....صدقا كيفاش ما تعجزيش ...اعطينا واش يحفزك نهال

[arwa alaa]

صح فطوركم فراشات

[arwa alaa]

انا اليوم درت تبريد لقجور البنات نتاع المساسك والمشاطي دايما مخلطين والي عنها طريقة لتنظيمهم تفيدني لاني عندي مشكل معاهم وكل مانحوس على حاجة لازم نفرغ الساك دوتولات

[روان دينا 27]

السلام عليكم
مبروك افتتاح الدورة اختي ام شمسو
ان شاء الله ما تكونيش نسيتيني؟؟؟؟؟
بفضلك تعلمت بزاف امور في التنظيم و التنظيف ان شاء الله تكون في ميزان حسناتك

[ام شمسو محمد]

المشاركة الأصلية كتبت بواسطة روان دينا 27

السلام عليكم
مبروك افتتاح الدورة اختي ام شمسو
ان شاء الله ما تكونيش نسيتيني؟؟؟؟؟
بفضلك تعلمت بزاف امور في التنظيم و التنظيف ان شاء الله تكون في ميزان حسناتك

مانسيتكش روان تامني ماعنديش بزاف مين تفكرتك قلت يادرى تخرجت ولا زوجت ولا وش راهي دايرة ....نحييك على التفكير في العمل المنزلي حتى قبل الزواج ....مهما قرينا و طلعنا مرجعنا للدار و الكوزينة و الشيفونة و اطعام الافواه الصغيرة

[ابني نور عيني]

بالنسبة للجانب الجمالي الصراحة مانستغناش عليه خاصة العناية بالبشرة وانا مخصصة يوم الاحد يوم العناية الشخصية والايام الباقية ندير روتيناتي من ترطيب للبشرة و حمام خفيف و عناية بالشعر من تغذية و تمشيط

[روان دينا 27]

المشاركة الأصلية كتبت بواسطة ام شمسو محمد

مانسيتكش روان تامني ماعنديش بزاف مين تفكرتك قلت يادرى تخرجت ولا زوجت ولا وش راهي دايرة ....نحييك على التفكير في العمل المنزلي حتى قبل الزواج ....مهما قرينا و طلعنا مرجعنا للدار و الكوزينة و الشيفونة و اطعام الافواه الصغيرة

يتفكرك الخير
واه اختي ام شمسو تخرجت في جوان و راني قاعدة في الدار لا خدمة لا والو

يعني فوت الكونكور تاع الاساتذة و راني في قائمة الاحتياط

بالنسبة للزواج يعني راني ننخطب mais ما زال ما جاش مكتوبي و الحمد لله راني راضية بالقضاء والقدر

روتيني اليومي دايرين الدالة انا مع مرت خويا و خوتاتي مع بعض يعني كيما اليوم مثلا انا ومرت خوي ندخلو الكوزينة من الصباح نوجدوالفطور نعجن

الخبز يوميا نوجدو قهوة العشية ونوجدو العشاء نغسلو الماعن انا ومرت خويا نتقاسمو الشغل في الكوزينة

خواتي يتولاو مهمة ترتيب وتنظيف الغرف من كنس ومسح .......الخ ويوميا تتبدل الادوار

راني نتعلم منكم في جميع الميادين الجمالي التنظيفي الروحي