حلول لكل المشاكل التي تواجهنا في صنع الحلويات - الصفحة 7

قابضة على الجمر · 2012-08-10, 10:10

ارجوكم المقروط باه نبسوه باه ماينحلش هل بالزبدة او بالسمن ؟؟؟؟هل نضيفوا الزيت ايضا في التبساس؟؟؟؟راني نتحدث على مقروط المقلة ....ههههههههههه راني عندي مشكلة مع المقروط اعذروني وتاني شا ندير مع التمر نتاع الحشو باه يجيني ذونكهة شابة؟؟؟وهل نقدر نضيفوا بشور الليمون للسميد او للتمر باه الذوق يجي شباب؟؟؟
حنا في الشرق ما عندناش المفروط تاع المقلة عندنا برك تاع الفور و هذا نبسوه بالسمن و نزيدو شوية زيت اما عن حشوة التمر نديرولها قرفة و قرنفل و جنجلانية تجي تهبل

looona · 2012-08-10, 11:16

اقتباس:

المشاركة الأصلية كتبت بواسطة ام مؤمن

الله يسلمك و اسفة دورك وين دخلت للموضوع

الحشوة نتاع المشكلة و الياسمينة نعملها 3كيلات لوز مرحي رقيق و كيلة سكر رطب مبشور ليمونة او فاني واحد من الاثنين و تلميها بالبيض و مالازمش تكون جارية بزاف و لا يابسة حاطمة

الشيكولا البيضاء ذوبيها على حمام مائي من دون اي اضافات و راهي تدي وقت طويل كي تبدا تذوب حركيها بملعقة و اذا ماذابتش مليح حطيلها ملعقة صغيرة زبدة و شوية حليب و ابقاي تحركي فيها غير بالشوية حتى تطلق روحها مليح من غير ماتنحيها من الحمام المائي

المشكلة انا نعمل قرصة مطرحها رقيقة و نحط فوقها الحشوة و نزيدلها القرصة الفوقانية و نطبعها

و نتمنى نكون وفيت طلبك و رمضانك كريم

الله يجازيك كل خير ويجعلها في ميزان حسناتك ام مؤمن

looona · 2012-08-10, 11:19

اقتباس:

المشاركة الأصلية كتبت بواسطة angel fifi

باش الحشوة ماتجيكش يابسة ماتكتريلهاش السكر اذا كان عندك عبار كاوكاو في عبار سكر حاولي عبار السكر ماتعمريهش ديريه فوق النص بشوي وباش مايخرجلكش الكاوكاو لازم القاطو تبيتيه ليلة كاملة باه ينشف مليح مليح انا درت قاطو الياسمينة ومابيتهش خرجلي الكاوكاو وماجاتنيش مليحة بزاف الصراحة ودت قاطو تاني بالكاوكاو خليته نشف مدة ساعتين ونص والله العقدة ماخرجت وهاد الملاحظة قريتها في كتاب تاع قاطو وعندها الحق وهذا عن تجربة الصراحة

الشكولاطة البيضاء انا نشري النوع لي اسمه kenzi يجي في كرطونة والله شباب الصراحة بصح اللون يجي عسلي ماشي ابيض مليح بصح كي تخدمي بيها تجي شابة وحتى شكولاطة البنية نشري من نفس الماركة
لما ذوبيها في حمام مائي انا نضيفلها شوية ماء بارد ونحرك بسرعة يكون الماء قد مغرفة كبيرة تاع ماكلة بصح ماتعمريهاش راح تبانلك شوي تتكور غير زيدي حركيها بالخف وراح تجيك هايلة

مشكورة اختي انجل وربي يعطيك ماتتمناي ويجعلها في ميزان حسناتك

التيارتية dz · 2012-08-10, 13:33

الله يعطيك الف عافية

دلوعة أبي و زوجي · 2012-08-10, 16:03

تعيشو قولولي عجينة الفوندون كيفاه نخدموها كي نشريو الفوندون واجد من برى

ايمان2009 · 2012-08-10, 16:20

شكرا ألف شكر لجميع الأخوات والله اني استفدت كثيركثير من هذا الموضوع الرائع و الاروع فيه مشاركاتكن صح رمضانكم

أسماء أماني* · 2012-08-10, 16:50

Momkine lo sahibate el mawdou3 tada3ena le adjwiba nta3 tassa2oulates el metrouha fel mawdou3 fel wel bache koul yestefad w a

chokran 3la em mawdouuuuuuu3

ام ايمان1 · 2012-08-10, 17:35

يعطيكم الصحة حبيت نعرف نو ع الزبدة اللي تستعملوها وكدلك نوع ادقيقللي تخدمو بيه المقرود واخر حاجة اللي مجربة الصابلي والغريبية يعطيولي الوصغة الناجحة والله يجازيكم

nanou blastro · 2012-08-11, 01:07

فكرة مليحة.شكرا

ام مؤمن · 2012-08-11, 01:47

اقتباس:

المشاركة الأصلية كتبت بواسطة الحطاب سهام

حنا معظم الحلويات نرشو فقط سينية الطياب بالفرينة لانو القاطو فيه الزبدة مايسحقش نزيدو ندهنوسينية الطياب اما اضافة الملون للشوكولا البيضاء فلا ادري

حتى انا سقسيت نفس السؤال وجاوبتني احدى الاخوات انوهو القلاصاج الي نلقوه فوق الميلفاي قالتلي نقدروا نضيفوه للقلاصاج العادي باه يجي طري وباه نخدمو بيه نذوبوه في حمام مائي .هو لونه ابيض ماشي ملون وهو ينباع عند المحلات الي تبيع لوازم الحلويات

يعطيك الصحة اليوم رحت لمحل حلويات و لقيتوا يتباع علبة مكتوب عليها فوندون ههه لونه ابيض و قالولي زيدي منوا شوية للقلاصاج باش يبقى طري و انتي افدتيني بكيفية تذويبه على حمام مائي يعطيك الصحة

ام مؤمن · 2012-08-11, 01:50

اقتباس:

المشاركة الأصلية كتبت بواسطة سيرينا لبنينا

اضافة ملون غدائي للشيكولة البيضاء و هي على حمام مائي؟؟؟؟؟؟؟؟؟؟؟؟؟؟لم اجرب
المخبز كي نطيبوه نرشوالبلاطو بالفرينة للاحتياط ومدة الطياب تكون على حسب فرنك حوالي 10دقائق ماشي بزاف.
يشيح فقط والا يجي يابس.

الفوندو هوالمادة البيضاء الي يجي فوق الميلفاي

يباع في المحلات

اويصنع بالبيت فوق الماربرمن سكر قلاسي وسيرووهو ساخن بالسباتيلا.

اوطريقة اخرى----1ك سكر قلاسي +1ملعقة ماء +1ملعقة زبدة ذائبة نعجنهم مع بعض حتى نتحصلو على عجينة لاجات جارية

زيدي السكر وتقدري تلونيها

لما اجي تحليه رشي سكر قلاسي وحليها بين نيلو من البلاستيك الفوف والتحت.
وشكرااااا

الله يعطيك ماتتمناي الفوندون راني شرتوا اليوم واجد لقيتوا عند محل الحلويات بارك الله فيك

ام مؤمن · 2012-08-11, 01:53

اقتباس:

المشاركة الأصلية كتبت بواسطة looona

الله يجازيك كل خير ويجعلها في ميزان حسناتك ام مؤمن

بلا مزية حنونة رانا خواتات في الله

ام مؤمن · 2012-08-11, 01:58

اقتباس:

المشاركة الأصلية كتبت بواسطة دلوعة أبي و زوجي

تعيشو قولولي عجينة الفوندون كيفاه نخدموها كي نشريو الفوندون واجد من برى

انا اللي عرفتوا انوا تشري علبة فوندون من محل الحلويات و هي عجينة بيضاء متماسكة قالتلي اخت نذوبها على حمام مائي و نضيف قليل منها للقلاصاج باش يبقى طري

*أم كوثر* · 2012-08-11, 01:59

موضوع مهم ومفيد بارك الله فيك
للتثبيت
ولي عودة للمشاركة

ام مؤمن · 2012-08-11, 02:00

اقتباس:

المشاركة الأصلية كتبت بواسطة ام ايمان1

يعطيكم الصحة حبيت نعرف نو ع الزبدة اللي تستعملوها وكدلك نوع ادقيقللي تخدمو بيه المقرود واخر حاجة اللي مجربة الصابلي والغريبية يعطيولي الوصغة الناجحة والله يجازيكم

انا نستعمل زبدة لابال و ايضا فلوريال عندي ثقة فيهم و اذا حبيتي تعملي المقرود بالسمن فافضل نوعية هب سمن المدينةاما الصابلي و الغربية اعملي بحث في المنتدى و تلقاي وصفات رائعة و كلها مضمونة

https://www.djelfa.info/vb/showthread.php?t=1006544