التحضير البسيط لرمضان و ما بعد رمضان

[رندة.]

جمعة مباركة للجميع
أم هزار هاذيك الصورة حملتها من الإنترنت وأنا ثاني ماعرفتش لواش تستعمل الأداة إلي أثارت انتباهك،لعّل يقولولنا عليها الفراشات إذا عرفوها.
رويدة هذا هو الموقع إلي راني نحمّل منّو الصور
top4top. net

[رندة.]

صباح الخير عليكم جميعا
ما شاء الله عليكم يا فراشات ربي يعينكم ويقدركم على أشغالكم اليومية وتحضيراتكم الرمضانية.
وبما أنو ما بقاش كثير على إستقبال الشهر العظيم
وفي هذه الفترة معظم ربّات البيوت يقمن بتنظيف بيوتهن تنظيفا عميقا، والمطبخ يأخذ حصة الأسد في التنظيفات، وأثناء القيام بهذه المهمة ستجد ربّة البيت الكثير من الأواني المنزلية الصالحة للاستعمال ولكنها لم تعد بحاجة اليها،


نظرا لأنه يمكن أن يكون لديها أكثر من واحدة من نفس النوع، أو أنها اشترت أواني جديدة واستغنت عن استعمال القديمة، إذن الفكرة هي أنك تتبرعّي بالأواني القديمة التي لم تعودي بحاجة إليها، من جهة تكونين تخلصتّي من الضغط الذي يعاني منه مطبخك،


ومن جهة أخرى تكتسبين أجرا على هذه الصدقة، لأن هناك عائلات فقيرة لا تستطيع شراء الأواني بالرغم من حاجتها إليها نظرا لغلاء الأسعار في كل شيء.

ربي يحفظكم ويبارك فيكم ان شاء الله.

[رندة.]

صلّوا صلاة الضحى واكتسبوا بيها 360 حسنة

[crono]

هادي غير برح كنت نغرس انا مع زوجي

[crono]

قبل منخروج طيبتهم براح تع سمنة نكون مشغولة قهوتي غير مع طرونو ههه جبتلكم حقكم

[crono]

لا إله إلا أنت سبحانك اني كنت من الظالمين
سبحان الله والحمد لله ولا إله إلا الله والله أكبر

[rowaida18]

السلام عليكم و رحمة الله أخواتي.....

كيف حالكم ......إن شاء اللتكونو كامل بخير ................

أختي ام شمسو بارك الله فيك على التذكرة بأهم الأذكار المعينة في المواجهة لأكدار الحياة و الرافعة للدرجاة ......

اللهم اجعلنا لك شاكرين ......لك ذاكرين ......إليك راغبين .....يا أرحم الراحمين

و فيك بارك أختي جهينة اليقين.

مرحبا بيك أختي كرونو .....و لا شكر على واجب ....إن شاء الله يبارك لي ربي في وقتي و يقدرني على هذه الأمانة...........و بالنسبة لحظورك راكي معذورة...... اللي ما جربش البنيان و السيمة و الرمل و واش يديرو فالدار يكذب ...........المهم مرة على مرة طلي علينا...
و بصحتك المشتريات و التحظيرات الي راكي وصلت ليها........و الله يبارك على مشترياتك تاع الطين......راني باركتلك على خاطر نمووووووت عليهم.......و عندي غير طاجين المطلوع و طاجين الكسرة من الطين و تاع المطلوع كسرولي بناتي شوية الحواف تاعو(كي يرجعوه لبلاصتو ما يستحفضوش بيه كيفي) مي ما زال يزيد يشد شوية....أما المرميطة و الطاجين من الطين نخليهم كمشروع للمرة الجاية إذا كتب ربي ..
بالنسبة للرحاية ما عنديش فكرة لأن تاعي مختلفة على هذي..و إن شاء الله ربي يباركلك فيها........
و يعطيك الصحة على قلب اللوز و الحلوة اللي هديتيهالنا و إن شاء الله ربي يجمعنا في الخير


أختي أم هزاز الحمد لله على شفاء هزوزة و ربي يصلحهالك ......و إن شاء الله نتعاونو لنأخذ بيد بعضنا البعض إلى بر النجاة ...و كما قلت بدايتنا رمضان و نواصل إلى ما بعد رمضان.......

أختي حياتي كلها أمل و لا شكر على واجب و إن شاء الله ربي يثبتنا على الطريق المستقيم ......و ربي يعينك على التنظيفات.

بالنسبة ليا راني في عمليية تنظيف و رحي البهارات اللي شريتها حب ...فكلما و جدت فرصة و لقيت وقت نجبد بهار و ننظفو و نرحيه و نوضعو في العلب اللي كنت غسلتهم و نشفتهم مليح...أما التنظيفات العميقة كل يوم و كيفاه ساعات ساعة ..ساعات نوصل ندير ساعتين و نص أو ثلاثة و ساعات نكون متعبة ما ندير والو ما عدا الروتينيات الليومية ......المهم تهنيت من الكوزينة هي الغولة الكبيرة ...و الغرف بالشوية .....و إن شاء الله ربي يعينا .

[جهينة اليقين]

رائعة كي العادة يا كرونو انا غيرني خبز الكوشة تقولش طايب فالكوشة تاع الطين والله كوشتي مهبلتني بصح ما لقيتش الماركة المليحة تيبس لي الخبز كرهتها
نطيب غير المطلوع فالطاجين تاع الطين
بالمناسبة شريت طاجين الطين كيم نتاعك رمضان الماضي بصح للاسف تتشقق لي فالوسط
راني نديباني بواحد خدماتو لي واحدة وحتى هو تشقق

[جهينة اليقين]

نسيت اش نشكرك يا ام شمسو ورندة على الاضافات
انا البارح تحديت الظروف نظفت شومبرة وليدي عميقا لانها كانت في حالة يرثى لها غير يرمي برك ما عندوش القلب
واليوم غسلت غلافات الوسايد وكوفيرطة مع الروتينات
اللهم بلغنا رمضان وبارك لنا في شعبان

[ام شمسو محمد]

سلامي لكل الفراشات النشيطات الله يبارك عليكم
و الثناء مخصوص للغالية كرونو الله يبارك متعددة الوظائف لداخل و برا ربي يحفظك لزوجك
و يعطيك الصحة على هذيك الحلوى تشهي
اما المصنوعات اليدوية الله يبارك فن
و المشتريات ربي يباركلك فيهم ...بصح عكس استرايجيتي في التحضير لرمضان ...هههه ...انا بلاكاري خليتها فارغة ...و مابردش قلبي ...ماقدرتش نطيش كلش هههه...و مزلت ما اقتنعتش بالشراء رغم انو قلبي تحرق على لحوايج الجدد اللي راهم في السوق ...مسنية تزيد تتحرر لي مساحات ...و للاسف ادواتي صالحة و كافية و ان كانت قليلة ..

[ام شمسو محمد]

رويدا كيفاش راكي تحملي في الصور ...ما حبوش يترفعو

[قرويجة]

[cدخولي ما راحش يكون يومي للاسف حبيت نسقسي كل الاخوات مع صباح كي نوض صبعتيا تع يديا ينتفخو

السلام عليكم

أختي كرونو بالنسبة لإنتفاخ الأيدي عند الصباح كنت نعاني منو لأني بالحمل كنت نوض يديا منفخين و ينملو

رحت للطبيبة عطاتني 2 أدوية الأول سيكلو 3 فور والثاني مغنيزيوم بالطبع بعد ما عملت تحاليل و الحمد لله كي شربتهم رتحت

وقالتلي نقصي الملح

[ام هزار]

السلام عليكم فراشات و رحمته تعالى و بركاته
اختي كرونو اعمالك روائع ما شاء الله عليك و انا نمووت على النباتات و الغريس تعرفيني ربي يباركلك في صحتك يا رب
اختي رويدة يحمد رايك بالخير على الدعاء لهزار و لك و لاولادك بالمثل و يا رب يجازيك عنا خير الجزاء بما تقدمين و تشرفين عليه من ارشاد و توجيه
اختي ام شمسو وفية انت دائما لمبادئك و شحال عجبني صبرك على شراء اواني منزلية جديدة انا عدت كي نحب نشري حاجة جديدة من لواعن و اكيد نخمملها في مكانها قبل نروح نشوفها في الاسواق و ما نشريهاش نقول خلي نتريث و نرجع للدار ادا عجبتني مرة اخرى نرجع للحانوت نفسه اما ما تعجبنيش او نلقاها تباعت او نلقاها كاينة و هدا قليل جدا و بهدا نكون استخرت الله تعالى بطريقة غير مباشرة
اختي رندة يعطيك الف عافية على فكرة التصدق بالاواني اللي ما زالت صالحة للاستعمال اكيد تحتاج جهاد نفس و تسويف الاحنمالات بامكانية الاحتياج اليها و بالمناسبة قوليلي واش هي الاداة الخضراء اللي بالمقبض تاعها بجانب الحالاة تاع القاطو الوردي لواه تستعمل بارك الله فيك
انا اليوم ما رايحة ندير والو بخلاف الروتينات و نقري بنتي شوي ان شاء الله
اللهم صل و سلم و بارك على سيدنا محمد صلاة لا تنقطع ابدا
لا اله الا انت سبحانك اني كنت من الظالمين
لا حول و لا قوة الا بالله
يا دا الجلال و الاكرام
سبحان الله و بحمده سبحان الله العظيم
لا تنسوا اخواتي قراءة سورة الكهف
تحياتي لبقية الفراشات و يومكن موفق سلام

[ام هزار]

شكرا اختي رندة

[rowaida18]

السلام عليكم و رحمة الله تعالى و بركاته.......

كيف حالكم أخواتي أرجو أن تكونوا بخير عزيمة للإقبال على الله في هذه الأوقات المباركة.........

أختي رندة بارك الله فيك على الرابط ......