بيتك جنتك و رضاء ربك مبتغاك 4 - الصفحة 7

سمراء الدنيا · 2013-12-02, 08:22

تطبيقي ليوم الاحد

الجانب الديني .........الصلوات في وقتها و الاذكار و التلاوة توقفت في سورة النساء لان انسب وقت لي للتلاوة هو الفجر في هذه الايام اقوم بتحفيظ الاولاد في هذا الوقت لانه الوقت المناسب للاستعاب و ما يخفف عني تأنيب الضمير هو انو وقوفي مع اولادي ايام امتحاناتهم هو ايضا عبادة اسأل الله لهم النجاح

الجانب التنظيفي ...... الشهر الماضي قمت بغسل السقف و الجدران لغرفة الجلوس (الاوول) .....هذه المرة قمت بالمسح فقط

و الخزانة ايضا كنت غسلت كل محتوياتها من قبل ...... فمسحت التلفاز و ساعة الحائط

الستائر ما زالت نظيفة
لكن الاغطية و الوسائد اغيرها باستمرار
الطابي غسلناه عندما كان الجو مشمس

لم يبقى لي سوى الارضية غسلتها
و باقي الوقت خيطت مئزر لبنتي

و هذه المثلثات التي توضع على الراس بعد الاستحمام

الطبخ .....حضرت لامي حريرة بالاعشاب لفطور الصباح (هايلة مع برودة الجو)

لوجبة الغداء حضرت بركوكس بالقديد

الجانب التربوي .....اراجع لابني في المساء و اثبت له الحفظ بعد الفجر و الحمد لله نتائجه مرضية
الجانب الجمالي .......تفريش الاسنان + ترطيب اليدين و الرجلين + حمام زيت الزيتون للشعر

ياسمين1990 · 2013-12-02, 08:22

ملاحضة :بالنسبة للصور فأنا لاأفقه فيها شيء أي يمكن اني اكتب التقرير اليومي اما الصور لاأدري ماذا افعل؟ ياأخت سمراء هل تقبلوني ام اعود من حيث اتيت وشكرا .؟

سمراء الدنيا · 2013-12-02, 08:24

اقتباس:

المشاركة الأصلية كتبت بواسطة ياسمين1990

السلام عليكم و رحمة الله تعالى و بركاته صباح الخير عليكن جميعا توكلت على الله و حابة نبدء معكن البرنامج فهل تقبلونني ؟ وماذا افعل للأسبوع اللذي فاتني أي بالنسبة لتنظيف المطبخ فهل أبدء بالمطبخ أو بغرفة الجلوس أرجوكم جاوبوني اليوم قبل ماتروح شحنة النشاط التي اكتسبتها منكن . مع تشجعاتكن وشكرا

اهلا و سهلا بيك معانا .......ابداي بغرفة الجلوس و ان شاء الله في الاخر نعملو اسبوع استدراكي نكملو فيه للي ما كملناهش ربي يبارك فيك و في نشاطك

oum ibrahim · 2013-12-02, 08:44

السلام عليكم
ماشاء الله عليكم اخواتي موضوعكن رائع و كل مرة نقول نشارك معاكم لكن الفرصة تفوتني
البارح اطلعت على هذا الموضوع و مباشرة قمت للمطبخ و بديت ببعض التطبيقات و ان كانت صغيرة امامكن لكن ماعليش المهم المشاركة
و اليوم باذن الله رايحة للصالون نبدا بيه و نكملو باذن الله
تقبلي مروري اختي سمراء و ربي يبارك فيك لانك ماشاء الله تبعثين في نفوس الاخوات النشاط و الحيوية

ماريا205 · 2013-12-02, 09:01

السلام عليكم ورحمة الله تعالى
صباح الخير والصحة والنشاط ربي يبارك فيكم كامل اخواتي مرحبا بام ابراهيم وياسمين وكل الاخوات الجدد

ماريا205 · 2013-12-02, 09:07

تطبيقي ليوم الاحد
الجانب الديني تمام والحمد لله الصلاة في وقتها الاستغفار 1000مرة+التسبيح +الصلاة على النبي +التلاوة في الحزب16
الجانب التجميلي ترطيب +كحل للعينين +فرش+قناع الموز والحليب للوجه والرقبة +شرب الماء على الريق
الجانب التنظيفي نحين الريدوات تاع غرفة الجلوس وغرفة الاستقبال ولحتهم في المشينة مسحت البلافو اغلفة السدادر غير كيما بدلتهم+الاعمال اليومية من تنشاف وغسل اواني وطبخ
الجانب التربوي واقفة على اولادي فترة اختبار وينوضو يحفضو الصباح

عطرالذهب · 2013-12-03, 08:29

السلام عليكم ورحمة الله
تطبيقي ليوم الاحد
الجانب الديني الحمد لله الصلاة في وقتها مع اذكار الصباح والمساء وقراءة ما تيسر من القران وحاطة في الميكرو الرقية الشرعية بصوت الشيخ العفاسي لانو عندي مشاكل قلت كانش سحر والا عين يروح
الجانب التجميلي
دوش يومي بعد الشغل كحل للعينين وماسكارا فقط لان زوجي يكره رائحة الماكياج الاخر و فرش الاسنان طبعا والشعر دائما مسشور
الجانب التربوي
نحضر مع ابنتيي لان عندهم امتحانات السنة الخامسة والثانية والحمد لله راهم متفوقات وراني نجاهد فيهم على الصلاة يحبو يصلوا بالصح ينسوا لازم كل وقت نفكرهم ربي يعاونني
الجانب التنظيفي
يوم الاحد للصالون ولانه نفسه بيت الجلوس نظفته في نفس اليوم نحيت الريدو وليناب غسلتهم ونحيت الزربية خرجتها للشمس نفضت لي فوتاي ومسحت غبرة البيبليوتاك والتلفزة والميكرو وغسلت التاقة والباب ونشفتهم ودهنتهم بالملمع وسيقت الارضية كملت تسييق بقية الغرف والغدا طيبت حميص و بيض وبعد الغدا ركبت ريدو جديد في الصالون ورجعت الزربية وركبت دي ناب اوخرين وعطرت الدار بالعنبر وصليت الظهر تكيت شوي وعلى 3 نضت خدمت مادلين شربنا بيه القهوة ولعشا بقينا شباع وليت درت صالاد دي فروي سهرنا عليها ومن بعد حنيت رجليي بالرسومات خرجت غامقة تهبل ما تقولوش عجوزة بالصح راهو زوجي يمووووت على الحنة في الرجلين واصلا في منطقتنا مازالت الحنة من مظاهر التزين للمراة

عطرالذهب · 2013-12-03, 08:37

تطبيقي ليوم الاثنين
الجانب الديني الحمد لله الصلاة في وقتها واليوم بنتي الصغبرة هي اللي فيقتني قالتلي راهو يؤذن نوضي نصلو ما تتصوروش فرحتي
الجانب التجميلي كامل وحابة نلعب رياضة بالصح البرد فنيني
الجانب التنظيفي التنظيف اليومي مع غسل الاغطية نتاع لمطارح والريدوات لعشية طبقت القش وحددت الملابس اول باول باش ما نديرش نهار للكوي
ولاننا كنا صايمين طيبت شوربة خضار وحمرت دجاجة في الفرن ولله الحمد
لماعن نغسلهم في الليل ما نخليهمش باش الصباح تكون الكوزينة نقية

ام عبودة · 2013-12-03, 13:22

صباااااح النظافة والهمة والنشااااط
الحقيقة ما نقدرش نتبع برنامجكم لانو حنا دارنا كبييييييرة والشغل متقاسمينو والطياب بصح عندي حوايج نشاركم فيها
ليوم الاحد والاثنين
تسياق ومسح الموبل الاثنين طلعت الشمس علينا ما خليت والو الماشينة منا وبيديا المهم نكمل بسرعة وفطوري درت حريرة وسلاطة وديسير
اه قبلا الصلاة في وقتها والاذكار والصلاة على النبي والاستغفار
بدون ان انسى الاعتناء بنفسي
كل يوم مرطب لليدين بعد الغسيل ولمس الماء والرجلين بعد التسياق
والشعر دائما مسشور وقليلا من الكحل واحمر شفاف فاااتح وبارفان رووووعة
التطبيقات غير نعاود في البابا تاع بيبا راجلي يموت عليها
والاولاد متعاندين عليا البارح عملت لهم هاذو كنت شفتهم في قناة في التلفاز للاولاد حبوهم بزاف

وراني مع ولدي اللى في التحظيري نعلم فيه الارقام والحروف
وبنتي نراجع ونحظر معاها دروسها
ولعشاء غير مع لي سوب ولي سلاد وحوايج مقليين في الزيت

fati21 · 2013-12-03, 14:42

سلام
ارجو ان تقبلوني بيكم يعني الةتسجيل فات ولا نقدر نبدا التطبيق

نايليةوافتخر · 2013-12-03, 14:54

مساء الخير
تطبيقي لهذا الاسبوع بما اني ماعنديش غرفت الجلوس راح نغتنم الفرصة ونخدم بعض الاعمال فالكروشي
الجانب الديني الصلاة في وقتها من الفجر حتى للعشاء والحمد الله الاذكار والاستغفار بكثرة والصلاة على النبي تلاوة سوة البقرة والاستماع لها
الجانب التطبيقي كلو عادي تسياق وغسيل اواني وملابس وتلميع الاثاث
الجانب الجمالي ترطيب اليدين والرجلين وحمام زيت للشعر ومكياج خفيف
الجانب اصحي راني مع الريجيم ولكن حسا روحي مازال في بلاصتي لكن راح نواصل حتى نوصل للوزن المطلوب باذن الله

ماريا205 · 2013-12-03, 15:16

تطبيقي ليوم الاثنين
الجانب الديني تمام والحمد لله الصلاة في وقتها+الاستغفار+التسبيح +التلاوة في الحزب18
الجانب التجميلي فرش +تعطير+ترطيب+غسل الوجه بصابون الجزرة
الجانب التنظيفي بعد الفطور لميت الدار على السريع نقيت الدوش والتواليت وشمخت التابي يتغسل نشفت الدار غسلت ماعن الفطور وجدت الغداء وجبت الثوم شريت منها كمية كبيرة قبل الصيف وضرك بدات تنبت باش نقشرها كامل في نفس اليوم ما عنديش الوقت امالا قسمتها كل يوم نقشر شوي ونلوحها في قارورة فوهتها واسعة كي تتملى نحطها في الكونجلاتور كي وصل الوقت جاو الاولاد من المدرسة تغداو بعدها غسلت لماعن بعذ الضهر غسلت التابي بعد العصر وجدت رفيس للاولاد و في المساء نظفت الطاقة لمعت الزجاج ومسحت معاه البلاكار في وقت راحة اولادي لان الوقت مشارجي خاصة فترة اختبار
الجانب التربوي مراجعة الرياضيات والفرنسية

سمراء الدنيا · 2013-12-03, 19:02

اقتباس:

المشاركة الأصلية كتبت بواسطة fati21

سلام
ارجو ان تقبلوني بيكم يعني الةتسجيل فات ولا نقدر نبدا التطبيق

اهلا و سهلا بيك اختي معنا رانا عاد في ثاني اسبوع تقدري تتلتاحقي بينا

ياسمين1990 · 2013-12-03, 22:56

بسم الله الرحمان الرحيم الحمد لله اللذي به تتم الصالحت بعون الله بدأت أمس مشاركتي في الدورة
تطبيقي ليوم الاثنين و الثلاثاء الجانب الديني الحمدلله الصلاة في وقتها مع قراءة القرءان وصلت الى سورة الشعراء لان بدأت من قبل وأحاول أن أختم إن شاء الله
جانب التنظيم والتنظيف بالإضافة إلى الأعمال الروتينية من طبخ الفطور (في الصباح) و تحضير الغداء (منتصف النهار) والعشاء مع تنبيه الاولاد لمراجعت دروسهم لأنهم في فترة الامتحانات اتمن لهم النجاح في الدنيا و الآخرة امين
الان مع التحدي الكبير (تحدي الكسل و الشيطان اعادن الله منه ) حيث بدأت بصالة الجلوس ونزعت الستائر غسلتهم وغسلت الحيوط و النوافذ
والأبواب هذا يوم امس اما اليوم ركبت الستائر و كملت على مسح الأرضية والحمد لله
وللغد شأن أخر .......... الجانب الجمال الماء و الصا بون والبركة اشكركم لأنكم كنتم خير معين أدعوا لي بالثبات حت اصل الى بر الامان

Minnnaaa · 2013-12-04, 08:07

البسملة1
صباح الانوار صباح الخيرات صباح الفل والياسمين
راني مطبقة البرنامج نتاع الدورة من الاول بصح للاسف مانقدرش ندخل بزاف
الحمد لله الكوزينة راها كي لعروسة ولعقوبة للبيوت لخرين
غرفة الجلوس والصالون واحد قلت نخليها للاسبوع الجاي هاد السيمانة راني لاهية مع الاختبارات نتاع ولدي ربي ينجح كامل ولادنا يا رب العالمين
الجانب الديني راني غير مع الادكار والصلاة على النبي صلى الله عليه وسلم راني معذورة هاد الايام
الجانب التجميلي راني نحاول نستدرك مافاتني لاني من النوع اللي منين يطيحلي المورال نسمح في روحي لكن خلاص كيما تفاهمنا هاد الدورة نركزو اكتر على الجانب الديني والجمالي